#يوميات_موظفين~
الحلقة السابعة عشر 📍
.
.
لايك + كومنت
.
طبست راسها>> خايفه عليك
جهاد>> مش اكثر من خوفي عليكي !
نبيك تسمعيني كويس
شهد>> نسمع احكي
مسكت يدها وقربت منها
جهاد >> شهد انتي تعرفي ادم وتعرفي سمعته الوسخة ! وتعرفي انه مش فارق معاه انه يأذيكي !
وزي ما انتي تعرفي ادم انا نعرف طه ، ونعرف انه طه عيل و يدير اي شي عشان يأذيني ، يكفي انه خذا مني الحقيرة بيسان وكان كل يوم يجي و يدير في روحه صاحبي وهو طاعني في ظهري مش فاهم عليش بس الحقير حقير ! ممكن غيره ممكن حقد
وبعد ما كشفته كان كيف العيل يجدا في قيس و الشباب كلهم عشان بس ترد صحبتنا وهو قاعد يحفرلي من تحت ومش ناويلي خير ! وانتي ماتبيش تحكي المالك عشان مالك مش حايتحمل انه حد يأذي اخته و مايعرفش كيف يتعامل مع ادم وطه بقد ما انا نعرف
شهد >> جهاد ماتوترنيش ! قول شن تبي ولشن تبي توصل
جهاد تنهد>> انا لازم نحميكي ! و عشان نحميكي من كل شي واي شي ونكون معاك في اي وقت بصفة رسميه مش حايسير الشي هضا الا وانتي معايا
شهد >> جهاد !!!! معش قعد عندي اعصاب والله
احكي بدون مقدمات
جهاد >> مانقدرش نحميكي الا لو فيه حاجه رسمية بينا !
يعني حانجي نخطبك من هلك في اليومين هذينا !
قبل ما تكبر القصة وفروخ الحرام يزيدوها زيادة
//
//
شهد
لما جهاد كان يحكي علي قد ما كان هادي وهو يحكي علي قد ما كنت انا خايفه ومتوترة بكل
طبعا زي اي بنت ثانيه ركزت علي اسم بيسان يلي حكاه جهاد !
و عرفت انه كان في علاقة بينهم وخش فيها طه
و طول ما جهاد كان يحكي كنت حاسة ب يلي ح يحكيه ! وكان قلبي يدق ونبيه يكمل بسرعة !
علي قد ما فرحت بكلمته!علي قد ما اضايقت انه فيه مشاكل فالموضوع ! ولو انخطبنا طه و ادم ح يبطلو يضايقوني ؟؟
جهاد >> شهد !
انا قربت منه وضغطت علي يده يلي كان طول ما هو يحكي وهو ماسكها >> حا تخطبني بس عشان تحميني ! مش مجبور والله نقدر نحمي روحي ماتخافش عليا
جهاد ابتسم >> مش عشان نحميك بس وعشان حاجه ثانيه "وغمزلي"
انا >> يعني شنو ؟
جهاد >> نبيك تفكري كويس وانا قراري هضا طلع مني بعد تفكير يعني مش بس عشان نحميكي ، هو كان حايسير في جميع الاحوال بس ممكن كان حايطول ، الحاجه هذي هي يلي قرباته
انا >> حانفكر ،بس قبل ما نفكر بنعرف قصة بيسان !
"سكتت شويه " تذكر لما قتلي لما تحكيلي علي قصة ادم ه نحكيلك علي قصتي! وانا حكيتلك من فتره وتوا دورك
أنت تقرأ
يوميات موظفين
Hài hướcربما تقودك صدفة لا تبالي بها الي واقع لم تكن لتحلم به 🔮 رواية ليبية بقلم الكاتبة #Aya
