يوميات موظفين

الحلقة الرابعة عشر

#يوميات_موظفين~
الحلقة الرابعة عشر📍
.
.
.
انا سكتت معش عرفت شن نقول
نور فطنتلي كرت مني الباقة>> تو تشوفيها فالحوش انا طالعة اه بنت خالتي هي الي جابتني تراجي فيا برا طولت عليها

انا >> تمام تمام
جهاد بحت فيا ورفعلي حاجبه

انس>> هيا ياراجل خلينا نشوفو باتك قبل ما يطلع

ركب جهاد وانا معش عرفت شن ندير ، باقة الورد كانت من ادم
والحركة هذي قصدة بيها نوصلك نوصلك لو وين ماكنتي

مر اليوم وانا متوتره وجهاد كان حايس مع انس ما شفتش واجد

وهديل وحازم يشتغلو مع بعضهم

هديل>> تعبت
حازم>> خلاص تريحي حانكمل بروحي
هديل>> لا مش قصدي هكي عادي نكمل
حازم>> لا والله خلاص حتي انا تعبت حانكملوهن بكرا
هديل >> اوكي تمام
حازم>> حاتروحي ؟
هديل>> لو تبي حاجه نقعد
حازم >> لالا سلامتك

ركب حازم فوق

هديل>> غبيييية مانعرفش نثثثثثقل
انا كنت نازله وشفتها عدروج>> كنك تحكي بروحك😂
هديل >> مش عارفه والله
انا>> معش قعدنا نشوفو فيكي 🤭
هديل >> كله شغل شغل وكاني سكرتيرته هديل حطي هديل ديري هديل دزيلي ايميلات 😞
انا >> شويه شويه وتو يفطنلك
هديل>> كان فطنلك جهاد 🤦🏻‍♀️
استغربت من كلمتها >> كيف يعني ؟
هديل >> ولا حاجه😂 خليني نلم حاجتي بنروح
انا >> مغير قولي
هديل>> لاء 😌😂

وركبت وسيبتني ونزلت انا وروحت

//
//

وصلت للحوش القيت نور عندنا تهدرز هي وندي واول ما خشيت استلمني

نور>> ادمممممم شن رده ؟؟؟؟؟ باقة الورد شن مناسبتها
انا >> الله يربحكم ما تزيدوهش عليا بحتي يديا كيف يرعشن
ندي>> ادم هضا مش ناوي يجيبها البر
انا >> وطي صوتك مالك فالمربوعة تعالن للدار

خشيت وخشن ورايا قعمزت فالسرير حولت جاكتي وفكيت شعري

انا >> والله ما عارفه شن ندير
نور قعمزت فالسرير لي مقابلني وجنبها ندي >> نقولك حاجه بس بدون ما تهزبي
انا >> شنو ؟؟
نور>> تحكي الجهاد
ندي >> وانا معاها
انا >> بصفته من نحكيله ؟ وعليش نحكيله اصلا
نور>> لا عادي احكيله ! بصفته صديق هو بروحه عنده فضول يعرف ! عالاقل يكون فيه راجل وراكي لو صارت حاجه تحكيله
انا >> تي شن تحكي انتي شن دخل جهاد حايقولي ماعندك خو ليش جايه تحكيلي بطلن كلام فاضي مستحيل نبان قدامه بالصورة هذي
ندي >> خليكي هكي ونشوفو ادم شن يدير

انا >> هضا غلطي وحانتحمل نتيجته ، "عزقت الجاكه وصبيت فتحت الدولاب طلعت بجامه "
بنخش للحمام نغير ونتوضي بنصلي حطنلي من التورته غصيت فيها مبدري بعد جاني الورد