يوميات موظفين

الحلقة الثانية عشر

#يوميات_موظفين~
الحلقة الثانية عشر 📍
.
.
.
جهاد >> مش عارف كيف نبي ندير انا !
انا >> في شنو ؟ قصدك علي الشغل
جهاد>> اه انا من غادي نجي نجامل يابال حازم الفتره هذي غامه عنده ومايبيش يجي
انا>> ربي يكون معاه

جهاد >> مدمر بكل ! كنت نعرف انه يحب رانيا بس مانحسابش للدرجة هذي

انا >> مهما كان الموت واعر ماتحس بقيمه الحاجه الا لما تريح منك فعلا !

بحت فيا جهاد واستغرب كلامي

انا>> بابا متوفي من سنتين ! لما توفى كنت نحساب روحي نحلم لدرجة نغمض في عيوني زييييين بس عشان نرقد ويواعوني يقولولي حلم
مريت بفتره صعبه بكل و لعند اليوم يمرن عليا مواقف نقول ياريت بابا قاعد راه ماصارش معايا هكي

جهاد>> الله يرحمه ويغفرلة "وغير الموضوع"
بكرا عندنا حاجه؟
انا >> امين ، بكرا عندنا اجتماع ولازم تحضر اجلته من الاسبوع الي فات
جهاد>> الساعه كم !
انا >> ١٠
جهاد>> تمام بس شن ندير يعني 😂😂
انا >> هههههههههههه بكرا حانوريك هو استاذ حامد حا يحكي وهكي بس انت اقعد مركز معاه عالاسعار وهكي بكرا قبل ما نخشو تو نحفظك شن ادير
جهاد>> ما قعد الا تسميع هوا 🙄😂
انا >> الله غالب لعند اتعلم تحكي بروحك
جهاد >> مش متعلم 🙆🏻‍♀️😂
انا >> الصبر يا ربي

طلعت من حذاه ومشيت المكتبي نشتغل

//
//

قيس كان لوطا في المعمل ورنت عليه سمية

قيس>> ايوا
سمية>> وينك مش قتلي بنجيك عشان موعد الدكتوره ؟
قيس>> مازلتي مسكره راسك انتي ؟
سميه>> كيف صار مش اتفقنا نحن !
قيس>> نحسابك اقتنعتي انه مافيش داعي
سمية>> بنشوف بس ! يعني مش غلط
قيس>> مركبه علي روحك! ما لنش ست شهور بس متجوزين ماشيه تشوفي في دكتورة نساء ؟
سمية>> لو قلت لي من الاول مش شايلك را شفت حد من خوتي !
قيس>> انا مش عالشيله عالفكره نفسها !
سمية>> المعني؟
قيس>> تبطلي اوڤر و تعقلي تو نروح نتفاهمو
سمية>> تمام تمام

سكر قيس من سميه وركبلي فوق

جهاد >> شن فيه ؟
قيس>> بنطلع انا
جهاد>> صايره حاجه
قيس>> سمية دايره موضوع بنعدي نتفاهم معاها
جهاد >> تم 😂

//
//

جهاد
كنت مكسد عالتلفون وعقلي عند حازم جيت نبي نرن عليه مع رنة تلفوني وكانت اللي ترن بشرى !

ضحكت لاني نسيت قصتها بكل ورديت عليها

جهاد >> اوووه بشرى بذات نفسها ترن ؟؟

بس الاجابة جتني مش من بشرى من حد ثاني ومن صوت شبه مش ناسيه !

هي >> جهاد ؟