يوميات موظفين

الحلقة السادسة

#يوميات_موظفين
الحلقة السادسة📍
.
.
حازم>> بنحكي معاك ف موضوع رانيا
جهاد >> شنصاير ؟
حازم>> الفترة هذي مكثرة تبيني نطلع العرس
جهاد >> وطلع العرس بالعكس باتك له زمان يقولك وامك نفس الشي
حازم>> انا لا علي هلي ولا عليها هيه انا في روحي
جهاد>> يارا شن فيه را يطلع الموضوع لي في بالي بس 🤔😂
حازم>> ياراجل امتي تبطل تفكير وسخ ازح ؟
جهاد >> تي ما انت احكي كويس
حازم>> كل ما رانيا تفتحلي الموضوع نحس روحي مازلت مش مستعد اني نجوز ! نحس في روحي مازلت مش قد اني نفتح حوش ! اوكي كبير و راجل وبشغلي ! بس الموضوع نحس فيه اكبر من انك تجوز وعرس وحفلة وخلاص
جهاد >> واحكي الرانيا الكلام هضا!
حازم>> جهاد رانيا كيف اي بنت تبي تدير عرس وتفرح وتقعد ام و تعيش معايا في حوش واحد مانبيش نكسر بخاطرها !
جهاد >> حيرة امي ياراجل معش عرفتك شن تبي
حازم>>انا بروحي محتار معش عرفت ما ندير
جهاد >> حازم انت تحب رانيا ولا لا ؟
حازم >> شيل انه انا خطبتهاا خطبة صالونات ، بس بعد الخطبة حبيتها ! وعارف اني مش ح نلقى خير منها ولا فيه وحده ح تتحملني وتتحمل شغلي و الجو اللي ندير فيه غيرها !
جهاد >> يبقي تحبها انت ماتقعدش تفكر فالموضوع الفترة هذي بس وحاول تقرب منها اكثر واكثر ، لعند انت بروحك ح تجي الامي وتقوللها طلعي العرس خلاص مش قادر 🤤😂
حازم>> تصدق اني انا تافه الي جاي نحكيلك ؟
جهاد >> نصدق اه 😌😂

صبيت للمطبخ نشوف في الغدا اللي معش وتا تقول ادير فيه توا

//
//

جتني نور في العشية والواضح انه في كلام بتحكيه ومش عارفه من وين تبدا

انا >> احكي را اقسم بالله ماعنديش صبر
نور>> نحكيلك بس ماتهزبيش ! اوكي ؟
انا >> مدام قلتي هكي معناها اكيد دايره حاجه تحرق الدم
نور>> مش لدرجة هذي بس انتي اوڤر في جميع الاحوال 🙆🏻‍♀️
انا >> نور 🙂
نور >> خلاص اوكِ ، رن عليا ادم امس
انا >> ادم ؟ وشن يبي "وقرنت حواجبي"
نور >> يبيك يعني شن يبي! قصدي يبي يوصل فيك 🙄
انا >> ماتقوليش عطيتيه رقمي ؟
نور >> مستحيل ، بس !
انا >> عطيتيه عنوان الشغل ؟ صح ! احكي ؟
نور>> يا شهد تعرفي ادم وسكنانه انتي تعرفيه مش ح يخليني في حالي ! ماقتلش شي غير انك بديتي شغل في معمل بس
انا >> اه وانتي تتوقعي انه ادم ح يوحل يعني ؟ في ثواني ح يجيب مكانه
نور >> مش ح يقدر يدير شي
انا >> عارفه ، بس ماكنتش نبي نفتح القصة مره ثانيه بكل
نور >> خلاص فوتي درتله بلوك اصلا للمرة المليون يغير في رقمه ويرن عليا
انا >> الحمدلله يلي غيرت رقمي ، لو رن عليك مره ثانيه ماترديش عليه ولا تحكي معاه
نور >> تمام

قعدت نهدرز مع نور وانا مش متريحة الادم ! من لما سيبنا و هو مش مستوعب اني معش نبيه!

//
//