يوميات موظفين

الحلقة الاولى

#يوميات_موظفين ~
الحلقة الاولى📍
.
ورُبما تقودك صدفة لا تبالي بها ، إلى واقع لم تكن لتفكر به💜~
.
.
قاعدة في سريري ك العادة مش جايني نوم
كنت ماسكة تلفوني ونبحت في الساعة كانت سبعة الصبح

صبيت للحمام غسلت وطلعت للمطبخ درت قهوة وقعدت مقعمزه نبحت فالحوش ، من بعد توفاية بابا والحوش كئيب ، له سنتين متوفي بس كآنهن يومين

سمعت صوت الحمام عرفت مالك خويا ناض
صبيت وسخنتله القهوة شويه وجا

مالك>> صباح الخير
انا >> صباح النور
مالك>> وين ع النشاط
انا >> اليوم بنعدي نشوف الشغل يلي قالت لي عليه نور
مالك>> تو ضامنتيه ؟ ولا تعدي زي كل مره وتطلعي مية علة
انا>> عمي سعد قالي الشغل كويس والراجل يعرفه

خشت علينا ماما
ماما>> صباح الخير كنك نايضة بدري
انا >> عليك موضوع 🙄ماقتلكم اليوم شغل قريب نعلقها علي جبهتي
ماما>> عارفه بس بدري بكل الساعة كم بتمشو

مالك >> قوليلها واعية قبل الشحاته وبنتها

مديتله فنجنان القهوة

انا >> نلبس دبشي ونلقاك قدامي 😒
طلعت من المطبخ خشيت للدار لبست وطلعت ايشرب و حطيت حاجتي ف شنطة

صبيت ع المرايا نشوف في روحي

و فكيت تلفوني من الشحن لقيته يرن وكانت نور صاحبتي وبنت جيرانه في نفس الوقت

انا >> صباح الخير
نور تثاوب >> بنرد نرقد غير رنيت نشوف فيك نضتي ولا لا عشان الشغل
انا >> نضت من مبدرييييي نراجي في مالك روحه طويله
نور>> قوليلي شن يصير معاكي
انا >> الله يربحة عمي سعد والله ما ننساله هالمعروف
نور>> عليك اوڤر عالصبح :)
انا>> كلبه ماه انا لي نشكر فيك خليني نطلع نشوف مالك نروح نكلمك 🙄
نور>> تمام 😂

طلعت لقيت مالك يسخن فالسيارة بحتت فالساعة لقيتها ثمانية

انا >> هيا
مالك >> سكنان لا عليك موضوع 🙄

وصلني مالك قدام مكان الشغل

مالك>> كم نجيك
انا >> تو نرن عليك بس مش قبل ال ١
مالك>> رني قبل ما تكملي عشان نشوف روحي
انا >> باهي

خذيت نفس وخشيت للمكان وكنت متوتره كل ما نمشي الشغل يا اما الراتب مش علي قد التعب والشغل يا اما يرفضوني عشان ما عنديش خبرة

خشيت مع الباب الرئيسي كان المكان علي دورين اول شي ريسبشن وفيه كراسي الدور يلي فوق فيه مكاتب ، لقيت موظف الامن قدامي

خالد >> تفضلي
انا>> عندي موعد اليوم مع استاذ حامد
خالد>> نص ساعة ويوصل قعمزي هنا

قعمزت و قعدت نشوف فالمصنع كان المكان هادي مافيش موظفين واجد

انا >> وين الموظفين ؟
خالد >> هنا تقدري تقولي ريسبشن بس و مكتب المدير و كم حد
الدق كله لوطا