يوميات موظفين

الحلقة الخامسة والعشرون

#يوميات_موظفين~
الحلقة الخامسة و العشرون 📍
.
.

لايك + كومنت "
//
//

لقيت هديل خاشه لمكتب استاذ حامد

شويه هكي و طلعت منه

انا >> هديل شن فيه

هديل >> ولا حاجه ، بنخلي استاذ حامد ينقلني المكان ثاني ! واحد من فروعهم الثانيات 
انا "انصدمت ">> كيف ؟؟؟؟؟
هديل>> كان لازم يندار الشي هضا من زمان بكل
انا اللي غبيه اصلا خليت روحي مهزله بجد نستاهل
انا >> هديل شن فيه اهدي
هديل>> بعد الكلام اللي قاله ليا حازم هضك اليوم مازال فيها اهدي !
انا >> شن قلنا نحن
هديل>> الكلام بروحه ما ينفعش يا شهد

نزلت هديل مع طلعت جهاد من مكتبه بينزل يجيب قهوة

انا >> خش شوف خوك شن ملبز
جهاد >> شن فيه؟
انا >> هديل قدمت ورقة نقل لباتك توا
جهاد>> حيططططط حيططط عمره ما يكون بني ادم " خش جهاد لحازم ونزلت انا الهديل "

//
نزلت هديل المكتبها ولمت حاجتها
انا >> تو يا اوڤر وقعلك علي النقل؟ عشان تلمي حاجتك ؟
هديل >> لالا حايوقع
انا >> وشن قلتيله السبب ؟ ولدك حيط مش حاس بيا
هديل عطتني نظره>> بلا حناطه ما سألش اصلا
مع خشت خيريه >> كنكن شن فيه
انا >> الغبيه تبي تسيب المعمل وتنتقل
خيريه >> تستاهليها مشيتي وراه لعند لوعلك قلبك
هديل >> اطلعن انتن الاثنين مش ناقصه انا
خيريه>> حطي البلا من يدك مافيش تسييب للشغل علي كيفك هوا

قعمزت هديل عالكرسي و قعدت تبكي

//
//
خش جهاد علي حازم ولقاه مقعمز علي المكتب و يفكر

جهاد >> الله عالرواق
حازم >> تعرف تطلع ؟
جهاد>>ندمت اني حكيتلك والله ! نقولك البنت تحبك ادير العار
حازم>> ماعرفتش شن نقول كل ما بنحكلها نعمي امها
جهاد >> قدمت ورقة نقلها  راه وباتك حايوقع عليها
حازم بحت في جهاد مصدوم>> تحكي من جدك؟
جهاد >> طالع انا معزوم عالغدا

//
//

وصلو الشباب عند انس
قيس>> احيييه عصبان 🤤
انس>> ياعليك حاله ازح تقول ضانيكم وناسيكم
رجب >> مش جايينك راه جايين عشان العصبان بس
انس >> باه مافيش عصبان
جهاد >> امك اللي مافيش عصبان جيعان بنموت
قيس>> عطيهم دقيقه وياكلوك😂😂
انس >> عليك لمد

خش انس يجيب فالغدا و جهاد مكسد عدي تلفونه جاته رسالة " طه مقدم علي جواز سفر و بطاقة ب اسم مزور يطلعن بعد شهر تقريبا او اكثر لانه اللي يزور ناقصه عنده الطبعه بعدها بيسافر المصر ومن مصر بيمشي تهريب لمكان ثاني ، ادم ما حصلتش عليه اخبار الواضح هكي انه ما طلعش برا بنغازي "