يوميات موظفين

الحلقة السابعة والعشرون

#يوميات_موظفين~
الحلقة السابعة و العشرون 📍
//
//
صبيت طلعت الاكل و نزلت من المرمر وولعت اغاني و قعدت نهدرز انا ونور في مواضيع ثانيه ، شويه هكي وخشت علينا ندي ووجها مصدوم

انا >> دا باينو يوم مش فايت شن فيه ؟؟
ندي>> ما صفيتش ماااادة 😭😭😭 طلعت النتيجة توا وعندي مادة
انا >> يا حيوانه فجعتيني!!
ندي >> شنو يعني عادي نسقط
انا >> يييييييه بدير مناحة!
نور >> تاخذ سوك عادي ، يييه ياما سقطنا وياما تبهدلنا
ندي >> بس والله كنت حاله  😞
نور >> ما تخافيش فيه دور ثاني وحا تصفيها
انا >> اكيده فيه مراجعة عدي راجعي
نور >> عالفاضي والله مش حاتستفيد شي
ندي >> لالا مش مراجعة دكاترتنا كلاب

قعدنا انا نور نهدو في ندي و نغيرولها في جوها علي رنة تلفوني و كان رقم غريب

انا >> الو
هي >> الو انا ام جهاد
انا صارتلي صدمه>> اه اهلين
ام جهاد >> مرحبتين بنتي ، والله بنرن علي امك لكن ما عندي وجه الحق جهاد هضا ما عاطيني غير الحشمه

انا قعد نرعش و لساني انعقد ! معش فهمت شي بكل ! معقوله جهاد بيفسخ الخطبه ! معقوله معش يبيني وحكى الامه

ام جهاد >> الو ؟ تسمعي فيا
انا >> اه معاك معاك
ام جهاد >> جهاد يبي يحدد موعد العرس و مصر انه يكون نهاية السنه هذي
انا كأنه سطل اميه ساخنه انكب عليا ! وقعدت نبحت في نور وفي ندي وهنا يبحن فيا وبيفهمن كني

ام جهاد >> بنكلم امك تحشمت والله كان انتي  موافقه عالموعد تو نكلمها ونقوللها

انا >> بس جهاد ما حكاليش شي

ام جهاد >> ماهو قتلك يبي يشيبني هضا لي قاله ليا

انا >> تمام تو نعطيكي ماما 

خشيت مديت الماما التلفون و طلعت بدون ما نقوللها حتي من اللي عالخط

خشيت  و بحتت في نور واطربقت انا وياها ضحك احسن شي انها فاهمتني من نظرتي
انا >> بيحدد موعد العرس
ندي>> كذابه ؟؟؟؟
انا >> مش قادرة بطني 😭😂😂😂😂😂😂
نور >> تي شن الهري هضا ؟ 😂😂😂
انا >> مش معقوله 😂😂😂

خشت علينا ماما وانا نضحك

ماما >> الستر يا ربي كنكن
انا >> شن قالت لك ام جهاد ؟
ماما >> العرس بعد اقل من شهرين  ! يوم ٣٠/١٢
انا >> ٣٠/١٢ ؟؟؟؟؟ من جده جهاد ولا يبصر 😂
ماما >> الوليه كلمتني و تحكي من جدها ما تبصرش !
نور >> كيف هكي
ماما >> ما حكالكش شي جهاد
انا >> ما نندريش علي شي بكل !!

خشت ماما جوا وانا قعدت نبحت في نور

انا >> عيدميلاده ٣٠/١٢ !
نور >> وليش القرار المفاجيء هضا ؟
انا >> مش عارفه
ندى>> شن حا ديري
انا >> بكرا حا نحكي معاه !  حانفهم منه لو جا للشغل طبعا !
نور >> يعني اللي يتعارك مع الثاني يعدي يطلع العرس ، باهي والله نراجي انس بلكي يقولي نجيب هلي 😂
ندي>> مافتحش معاك الموضوع
نور>> لا انس شغل عرايك وخلاص