يوميات موظفين

الحلقة التاسعة عشر

#يوميات_موظفين~
الحلقة التاسعة عشر 📍
.
.

لايك + كومنت

\\

ضحكت علي هبالها و علقتلها يدوبك حطيت التلفون نبي نرقد ويجيني مسج من نفس الرقم يلي دزلي المره لي فاتت

" اللي جاي مش حا يكون ساهل ، التهديد ما نفعش "

قعدت نرعششش ! حطيت التلفون ورديت مسكته و معش عرفت شن اللي قاعد يصير
ماقدرتش ندير شي الا اني ندعي الربي انه يستر و انه ما يخربش فرحتي

//
//
عند جهاد

خش لقا امه و باته مقعمزين فالصالة
جهاد >> شنجو مشيت ليوم؟
امي >> لا عرب كويسين والبنت كويسه شكلها هادية
حامد >> لا البنت مشاء الله عليها ، هادية ومحترمه ، يكفي انها متحمله هبال ولدك واستهتاره بالشغل
جهاد >> بدينا عاد 🙄
امي >> غير الله الله في بنت الناس يجهوده
جهاد >> يمي مانلعبش انا عاد
امي >> غير دير برمه علي تلفونك و شوف كم رقم بنت عندك و تو تعرف

علي نزلت حازم يضحك

جهاد >> كم مره نقولك معش تضحك
حازم >> صدقت امك😂
جهاد >> راكب انا 🙄
حامد >> غير شوف امتي بنعدو لهل البنت
امي>> راجي لعند هلها يردو
حامد>> الخبر هضا مانعرفه اانا

ركبت وسيبتهم لوطا

امي >> يستر الله
حازم>> ماتخافيش يا امي راه جهاد جدي معاها نعرفه كويس
حامد >> و انت امتي بتقعد جدي
حازم>> ييييي علي القصة هذي
حامد >> كان جهاد طلع فرحه حتي انت حط فبالك بطلع معاه
حازم>> بالغصب لحكاية؟
حامد>> انا ادرى بمصلحتك
حازم>> انا عمري فوق ال ٣٠ سنه ومش صغير ومصلحتي نعرفها كويس ، ضغطت عليا في رانيا و شوف اللي صار ! خليني المرا هذي نختار بروحي
//
//

شهد
رن عليا جهاد كنت متوتره و خايفه يبان عليا حاجه خذيت نفس ورديت عليه

جهاد >> قوليلي شن صار اليوم
انا>> كيف
جهاد >> اول مره امي تعجبها بنت بدون ما اطلع مليون عله
انا ضحكت >> هههههههه صح شن قالت
جهاد>> مش شورك اسرار بس شكلك مادرتيش حركات الصدمه متاعك😂
انا >> جهاد يا سامط 😭😂
جهاد >> عيون السامط
انا >> مانعرفش نرد راه
جهاد>> خلاص عاد خطبه وخطبنا مش عرس هوا
انا >> باه بطل
جهاد >> تو نشوفو يوم السبت
انا >> شن حادير
جهاد >> مش شورك
انا >> مش حانجي راه
جهاد >> بنت!
انا>> خلاص حانجي 😂

حكينا شويه انا وياه وسكرت منه ورقدت

نضت ثاني يوم كان جمعة ، صبيت صليت وخشيت للمطبخ مع امي وندي

امي >> خوك اليوم ماشي يسأل عالعرب هو وعمك
انا >> وباهي ويعدي
ندي >> كان ج وسألك عليش ايتعب في روحه😂
انا >> اس يا سوسه
امي >> باهي عاد ومن امتي هال سي جهاد
انا تخزرطت >> ماما عاد ما فيش بيني وبينه شي مجرد نشتغلو بس