#يوميات_موظفين~
الحلقة ثلاثين والاخيرة 📍
//
//
٣ ايام "يوم الحنة"
ليا تقريبا ثلاث ايام ما حكيتش مع جهاد !!! نرن عليه مره مقفل ومره ما يردش ! ونرن علي قيس يقولي ما نشوفش فيه واجد و دايرلي سبلة حايس فالعرس !
نور >> شهد خلاص عاد
انا>> قلبي مش متريح والله
نور >> لو في حاجه كان انس حسسني ! بس ما فيش شي
انا >> اساسا جهاد مش حا يحسس انس
قعدة اليوم كله وانا عقلي يشيل ويجيب ،جت هديل و التمت العيله والجيران و كنا دايرين عشا يومها
كنت مقعمزه عالكرسي وجنبي ندي و هديل و نور
هديل >> عليك سرحان
انا >> رجب ما قالك شي ما سمعتيش شي
هديل>> شن ح يقولي
انا >>اي حاجه او حسيتي بحاجه
هديل >> ما نحقش فيه هو في مكتبه وانا في مكتبي
انا >> اوففففف ياربي خلاص صبري ح ينفذ منه ، يعني معقوله هكي ؟؟
هديل>> اهدي و بلا حرق اعصاب عشان مش كويس
انا خذيت نفس و معش تريحت
جت الحنايه و قعدن البنات حذايا و رسمتلي علي يديا
ماما >> تو هذي حنه تقول البنت فالروضه
انا >> ما نحبهش :)) وبعدين معش حد يحني توا فكيني من الدقه القديمه
ماما>> علي كيفك
خالتي >> يا بتي باهي عالاقل طوليها كنها طشه هكي 😂
انا >> والله ما خاطري ندير اصلا بس اهو 😂
شوي هكي و مسحتها وغيرت دبشي لبست بجامتي و كانن بايتات معانا بنات العيله ونور طبعا
كنت قاعده في سريري ونجرب نرن علي جهاد وبرضو مقفل ! بحتت يميني لقيت دبلته ، مسكتها وانا قلبي مقبوض ومخنوقه وحاسه ان فيه شي بس ما نبيش نفكر فيه
//
//
"بلسان جهاد"
كنت مانبيش نحكي مع شهد عشان عارف ح يبان عليا اني متلخبط ، واني نفكر في حاجه
وهي حفظتني و تعرف اسلوبي و تعرف لو دسيت عليها شي
انس>> نور كل يوم ترن عليا و تسال عليك عشان شهد
جهاد >> ما نقدرش ما نقدرشش نحكي معاها ! حا نضعف ومش ح نقدم خطوه
انس >> يستر الله ، عرفت وين بزبط
جهاد >> زياد حا يقولي
انس >> تم
قيس >> بايت هنا اليوم ؟
جهاد >>اه الحوش مليان
قيس >>تم انا مروح
جهاد >> اوكي
طلع قيس و كنت بايت انا ورجب عند انس ، حطيت راسي عالفراش و قعدت نفكر في كل شي
كلام الشرطه ، وزياد و اللي داره
ادم وطه و حقدهم ، قعدت نفكر كيف انه الانسان حتي وهو مش داير الحد شي ما يسلمش من شرهم ! طول عمري ماشي بدون ما نآذي حد بس الاذية تجيني لعندي !
كلهم يبوني نسيب الموضوع للشرطه بس الشرطه وين لما انا نضربت وينها لما شهد هددوها في نص شارعها ! وينهم لما كل يوم كل يوم كنا نحسو بالتهديد !
كل يوم كنت نخاف علي شهد قعدت نخاف حتي قربي منها يآذيها
أنت تقرأ
يوميات موظفين
Umorismoربما تقودك صدفة لا تبالي بها الي واقع لم تكن لتحلم به 🔮 رواية ليبية بقلم الكاتبة #Aya
