يوميات موظفين

الحلقة العاشرة

#يوميات_موظفين~
الحلقة العاشرة 📍

.
انا >> لالا ما دزش

مشا اليوم وروحت نور فالليل و شيماء اختي روحت
//
//

عند جهاد

قعدت نشوف في الايميلات اللي ورتهن ليا شهد وانا مش فاهم شي 😂 حاجه نفهمها وعشره لا

سكرت الاابتوب و طلعت لقيت باتي يبي يروح وحازم روح

خشيت الحوش لقيت حازم وامي يحكو عرفتهم يحكو عالعرس

جهاد >> حكيتلها ؟
حازم >> اه و ما تزيدش حرف
جهاد >> مش قايل شي 😂
حازم>> يكون احسن 🌚
امي>> قتلك شن رايك في اخت رانيا رندة
جهاد >> من اي ناحيه ؟
حازم >> انا كملت موضوعي خلوني نركب 😂
جهاد >> انت هضا نظامك تحطني في وجه المدفع وتهرب
امي >> غير اسمعني شن رايك نخطبها لك و نطلعو عرسكم انت وحازم مع بعضكم
جهاد >> كيف حالك انتي كويسه ؟ 😂
خش علينا باتي >> كنك مع امك
امي >> شفته كيف كل ما نحكيله حاجه ياخذها ببصارة تو قتله نخطبله رندة ونطلعو عرسك مع حازم شن فيها
جهاد >> لالا جوزو حازم واناساهل
امي >> غير فكر
جهاد >> عنجد فكر ! لا يعني لا خلاص !

سيبتهم وركبت

امي >> خاطري مره نقوله حاجه و مايعارضنيش
باتي>> ولدك وعارفتيه ! عليش تزري فيه
خليه لما يبي تو نعدو نخطبوله رنده عاد ولا غيرها

خشيت الداري و غيرت دبشي وماكانش عندي نيه نتغدا ، خشيت عالارقام ودزيت البشرى رسالة

" لما تفضي خلينا نحكو "

ماكنتش عارف عليش حركات الاطفال اللي ندير فيهن 😂 بس شكلي لما مشيت للجامعة نحساب روحي مازلت مراهق ! 🙂

جيت بنرقد ما جانيش نوم خذيت الدخان ومفاتيح السيارة ومشيت شور انس

//
//

عند انس قبل ما نوصل فيه كان رجب عنده

رجب >> حكالي راه جهاد
انس >> باهي !
رجب >> بس بنفهم منك القصة
انس >> تي والله مافي قصة ، تعرفنا ايام تقوية المحاسبة وما كانتش تعرفكم ولا كنتو تعرفوها عشان انت ما كنتش معايا فالتقويه هذي حاجه ثاني شي ما كناش نتلاقو في الجامعة عشان عندها قريبها غادي ومانبوش مشاكل ، بعد فترة باتي توفى وانت عارف اللي صار ! خلاص مكانش عندي نيه في شي وحسيت اني مانبيش نظلمها معايا وكل حد مشا في حاله ! بس
رجب >> انا مش عارف يعني ليش من بين كل البنات جت هذي صدافي !

وهما يحكو دقيت انا الباب صبا انس وفتحلي

خشيت لقيت رجب مقعمز وشكله جوهم مش تمام

جهاد>> خير ان شاء الله كنه اشكالكم كيف الصحبات المتعاركات؟

رجب >> بلا حناطتك
جهاد >> تي غير شن فيه
انس >> علي موضوع ست دعاء !
جهاد >> مش حليناه ! خطرها شن صار فالجامعة لما سيبناك شفتها؟
رجب >> اه ومابتش تحكي معايا
جهاد >> تمام خلي الموضوع شوري !
رجب >> شن حا دير !
جهاد >> مانعرفش بس انت تبيها ؟
رجب >> تهيالي الجواب واضح !
جهاد >> يبقى تمام