يوميات موظفين

الحلقة الثالثة

#يوميات_موظفين ~
الحلقة الثالثة 📍
.
.
جهاد >> لا مش طالع غيرت رآيي

رديت قعمزت في مكتبي

قيس >> بجد ربي يعينك

انا عطيته نظره متاع امين 🙂

خش جهاد للمكتب و سيب الباب مفتوح كنت نشوف فيه متكي ع الكرسي و يبحت فالتلفون

خش عليه قيس

جهاد>> ولاكلمه
قيس>> شن الجو اللي درته هضا ؟
جهاد >> يارا مانطيقش الفرخ هضا وانت عارف
قيس >> باه شن دخل البنت؟
جهاد >> ومن قالك دخلها ؟ كلامي كان مع زياد
قيس >> لا انت بكيت فينا كلنا
جهاد>> ازح مش شورها انت عارفني مانطيقش زياد هضا عليش قعدت عشان مايحسابهش سايبه ويخش ويطلع علي كيفه تقول شركة بوه !
قيس >> بينا وبينهم شغل بلا مشاكل
جهاد >> سكتنا خلاص اطلع 🙄
قيس >> ما اديرش روحك مدير عليا
جهاد>> تطلع ولا نطلع؟
قيس>> لا طالع😂
//
//

حازم >> رانيا مش فاضي والله شغل شغل

رانيا>> امتي ح تفضالي باهي ؟ كل ما نقولك بنشوفك تقولي شغل ! نقولك امتي نحكي معاك حتي مش مهم نشوفك تقولي برضو فالشغل
حتي عرسنا مش عارفين نطلعوه من الشغل !

حازم >> ونكذب عليك تشوفي فيا مثلا ؟؟

رانيا >> ماقلتش هكي بس يعني افضالي ولو خمس دقايق بتقنعني انه يومك كله شغل ؟
ماتفضش الا ١٢ فالليل ؟
مش تكملو عالساعة ٤ ؟

حازم>> رانيا انتي تبي اديري موضوع وخلاص وانا مش رايق ولا فاضي اصلا

مع خشت هديل عليه

حازم >> نحكو بعدين مش فاضي توا
رانيا>> ايوه اهرب اهرب زي كل مره

سكر حازم الخط وبحت في هديل

هديل >> يبوك لوطا عشان الالات الجديده
حازم مسح علي وجه >> اوكي نازل
هديل >> فيه حاجه ؟
حازم >> ماتحطيش في بالك

نزلت هديل و طلع حازم وراها

.
.
.

كملنا دوام وطلع جهاد طبعا قبل الموعد بساعة 🙂 مستحيل يلتزم

روحت للحوش لقيت ندي واعية استغربت

ندي>> كنك روحتي متأخر
انا >> لا هو هكي الدوام لل ٤ غير امس عشان اول يوم
ندي>> باهي شن جو الشغل
وجت قعمزت حذايا
انا >> شغل يعني شن ح يكون الجو 🙄
ندي >> قصدي ع المزز يعني 🤤
انا >> تعرفي تعدي السريرك عشان بنرقد ؟؟
ندي >> باردة 🙂

.
.
.
جهاد

طلعت من الشغل ومشيت درت كم مشوار هكي وروحت ع المغرب للحوش

امي>> قالو مشيت للشغل اليوم
جهاد>> قتلك ماصدقتينيش
امي >> وين عمرك قلت حاجه وصدقناك