يوميات موظفين

الحلقة الثامنة

#يوميات_موظفين~
الحلقة الثامنة 📍
.
.

دزيتله " اسفة بس فتحت عالمسج و تلفوني رن مالحقتش نرد وانا بخير الحمدلله شكرا علي سؤالك"

دزيت المسج المصطنع وحتي ما دزيتش وسألته عن حاله و طلع عندي انه شافه دغري

رد علي طول وكآنه مجهز الكلام " اوكي ولا يهمك ، عموما حتي انا بخير ☺️"

شفت المسج و صكرت النت وعزقت التلفون وطلعت برا حذاهم

//
//

ثاني يوم فالشغل كنت في مكتبي وجهاد في مكتبة
خش عليا حازم قعد يحكيلي علي اوراق وهكي

مع طلعت جهاد من مكتبة

حازم >> خلاص نكملهن وندزهن لكي مع صفاء
جهاد >> خطرها بكرا عيدميلاد رانيا ؟
حازم >> اه
جهاد >> خذيت حاجه ؟
حازم >> لا لا فضيت ولا عرفت شن ناخذ
انا بحتت فيهم >> هدية عيدميلاد يعني خوذ حاجة بسيطة
جهاد >> اسألها ابو العريف 😂
حازم>> صح تو انتن البنات شن تحبن ؟
انا >> كل حاجه 😂😂 مكياج عطور دبش شوكلاطات ورد 😌
جهاد >> لا هكي ساعدتيه انتي
"وكان متكي عند الباب"
حازم>> تعرفي محل نجيب منه ؟
انا >> اه تو ندزلك اسم محل في رسالة
وجيب باقة ورد و معاها عطر تو ندزلك اسم عطر سمح تجيبه ، و مش ح نقولك جيب ميك اب عشان حا تلبز الدنيا 😂
حازم >> خلاص تمام
انا >> نقولك علي حاجه ، المحل هضا تشتغل فيه بنت صاحبتي حنقولها تغلفلك الهدية وانت امشي ادفع وخوذها بس

مع خشة قيس سمعنا نحكو >> انقنه شهودة ما فيش منها ، حتي سمية عيدميلادها قريب فكريلنا في هدية

جهاد >> شن رايك تشتغلي مع روائع العبدلي وخلاص 🙂

انا > بلكي تبي هدية حتي انت الشي سكرتيرة 🙆🏻‍♀️
قيس يضحك>> دور علي جبهتك 😂😂

كنا نهدرزو خش علينا استاذ حامد المدير

حامد >> في اجتماع توا ضروري حازم تجي معايا مع السواق ؟
حازم >> لا في سيارتي
وجا بيطلع ورد بحت في جهاد >> هيا معانا
جهاد >> معاكم وين ؟ اجتماع هو انت وحازم ساد
حامد بحت في حازم>> جيبه معاك 😊

طلع بدون ما يعبر جهاد 😂
جهاد >> تقول ما شين نخطبو 🙄
انا >> عدي عدي 😂😂

طلعو كلهم ومشو للاجتماع وقيس نزل لوطا

وقعدت في المكتب نكمل في باقي الشغل خشت عليا هديل

هديل >> شنجوك
انا >> تمام

قعمزت عالكرسي وقعدت تبحت فيا وانا نشتغل عاللابتوب ، سكرت اللابتوب وبحتت فيها

هديل >> اوكي بنسألك علي حاجه ، مبدري حازم كان يحكي علي هدية وحاجة كيف هكي ! كنت مخطمة بالصدفة وسمعت ، يحكيلك علي رانيا