ماخلف الوهم

مشهد

عوااصف .. رهااان ... حرووب... مكعباات .. واقداام ..تخطو نحو الحجيم ..عالم وهمي ومايدور خلفه .. خروج عن الطريق ورجوووع لنفس الطرييق. حب عاااتر يرمي بنا للهاوية  .....وماخلف الوهم ..يسيطر علي قلوبنا

رواية بوليسة عاطفية مبنية علي رهااااان

بقلمي جميلة جاااسم ...

#ما_خلف_الوهم

#جميلة_جاسم

وااقفين اني واختي امروحيين للحوش من الكليه والتعب حطنا البااص ومشي ..بصدفه ..شفنا الزنقه الي مقاابله حوشنا ..فيها زححمة وناااس ..

وقفت اني واختي نشبحولهم حركاتهم غرييبة ..كيف هكي ...ومنو هذا معاااهم . ممكن ربع سااعه وااقفات وري مجمع ضي كبيير ..
صووت الضي ايخووف ...والحي الي احني فيييه ضييق هلبه ...بحيت الي تشوفه تعرفه طوول قريب هللبة...

اختي تندس فيا واني لاهيه في الرااجل لابس تب اسود ولابس معاه طربووش مغطي وجها اكلا ..لحيته طوييله وهيبته ادوووخ ... شن هذا ياااربي صااروخ

سمعت صوت اختي

حااايرة اني حايرة ..الخلق هذو شن ايديرو .. فم زنقتنا

اني في عاالم تااني  اسيييل شووفي الراااجل اهواه ايهبببل

ايي وااااااحد

هذاهذا الطوييل الي جنب السيارة الكحلا شوووفي شااافلنا

اسسسسسس يسمعو فييك خييرك ..رااجل اهوااه مش شايفه ولا خيرك

شووفي السياارة يااهمي شووفي ..واااااك هذا منو الطوييل  والعريييض ايهببل

لاحول ولاقوة الا بالله ارزنيي ارزنييي ...تحشمي شن الراجل طويل هو يقهر ..شوفي
شن لابس سروال توته وتب توته عاااادي جدا ...نفس لبست عبسي خويا ..

ادفلي من فمك ..هذا زي عبسي الخاامر .  صنته دخان سبسي تقرف ..اعععع عبسيي قاال ...هذا مراد علم دار ولا من زعمه

جهييييينة خييييرك

بااهي  باااااهي عررفت نفس الاسطوانه لازم نعقل ولازم الي يبيني ايجيني منمشي لي حد فهمتتتت. وحق ربي فهمتت  ابله اسييل فهمت

هزت ايدها ومشت وكرتني ورااها ..

مشينا من جنبهم واني نشبح واسييل دايرة جو التطنيش واني نبي نشبح شكله خييره هكي طربوشه امغطييه ابو طربووش ...

وصلنا جنبهم..واني مركزة علي الكنتر ...(سيارة نقل كبيرة ) اتنزل في بضايع وفراشاات ...نفس الوقت الي شفت فيه
لي ابو طربوش ..لقيته عيووونه يشبحووولي طووولي ...

حسيت قلبي اختظ يااربي شن هالارهابي هذا

خشينا للحوش .
وسكرت الباب...

للحكاية بقيه

جميله جاسم