ماخلف الوهم

البارت 14

#ماخلف_الوهم

#جميلة_جاسم

نسيت الصدمه ونسيت ..كل شي ...نسيت حتي اني بنتزوج فرااس .. وضيااء شن يبي من بووي عيووني في اسييل بس ....
منضر اسييل...وعيوونها  ..كيف مقلوبااات...
معش قدرت ...انسيطر علي رعشة ايديا ...

بوي ومحمد التفتو  مع طيحة اسييل...ويشبحو واقفين

مشيت اني وامي نجرو قمناها من ايديها .. وهيا ميته ميته...ولا حركه ...

دخلناها لداار ..وامي طلعت ...خلوني اني معاها ...
مشيت جبت العطر ...شممتها..فتحت عيونها جسمها تللج ...تلج..والدم....الي نازل والنزف اكدلي انه اسييل نزلت الي في بطنها...

نبكي ونوض فيها... ولا ردة فعل...اسييييل...نووضي اسيييل...اسيييل..

حطيت ايدها وطلعت ...لقيتهم في الفم واقفين ويتأمرو علي مستقبلها...

امي اتقوول نبعتها لحوش خالتها..احلام هذي اختي من الدنيا مستحييل ادير شي

بوي ايقوول لاا نطلعو بيها برى طرابلس .

ياربي وين وصلنا احني وييين. ..شفتلهم ..وعيووني نااار علي الجهل الي صايبهم

البنت بتموت مافيش دااعي اتفكرو اكثر ...ولو ماتت متنسوش انها جزء من الي صار مش كله في رقبتها..اشبحو الي استغفلكم وهكي صار في بنتكم ..مش الغلط من بنتكم بس... الغلط منه هووووووااا ...

محمد ..اسكتي انتي وصكري فممك وامشي خشي لبسيها حااجه بسرعه..

دورت وجهي ولبستها عبايتها... ومشيت فتحت الدولاب خديت منشفي وحوايجي وطلعت لي اميي
واقفه...

لبستها عبايتها خشي شوفي بنتك ...

وفتت للحمام طول...نسمع فيهم وراى .. تعالي اهني .. انتي شن العين القوية الي عندك ...
وامشي مع اختك ..ومنك وفيك خشيت وقربعت الباب وراي

سكرت الحمام ..واستسلمت لدمووع حسيت روحي فاااضية حسيت في مصيبة جاااية مش معروفه شن...خوف ورهبة ...وفرااغ رهييب...

ولعت المية ...الساخنه وخشيت تحتها نبي انريح اعصاابي الي انشدو...من ورااهم .

تخيلت ضياء شن جاي يبي شن ..يبيني ..معقوله قال كل شي ..معقووله ...جاي بيخطبني.... اني موقعي من القصه شن هوا ..

اسيل وسراج علاش اني في النص ديما...

قعدت في الحمام قرابة النص سااعه...ايطقو عليا ..واني ..مش فاضيه ...سمعت صوت

مريم ..اتقولي تليفوونك جهينة ايرن اطلعي مرات امي ولا اسيل صارتلها حاجه ..وين حاطيه اندور اعليه ملقيتاش نسمع في الصوت بس ....

خفت حق صايرتلهم حاجه ... نشفت بسرعه بسرعه ..وطلعت لفيت شعري .. ومشيت للدار ..طول ...قمت الشنطه من تحت السرير..شكلها طايحه من بكري لما تعاركت اني واسيل ...