ماخلف الوهم

البارت السادس

ضياء الدين وجهينه ...مستقبلا 🤚🤤😍😌

فوتو الاخطاء الاملائيه كتبت البارت واني نجري ...تو نشرب قهوتي ونصلحه....

قهوة عقاب الليل عذااااب😂😂😂🤤💔

#ماخلف_الوهم

#جميلة_جاسم

جهينة ... قعدت انضف في الحوش واسيل امصكرة علي روحها الدار ...وامي امقابلتني رابطه رااسها ..وجنبها ..عمتي ناجية ..تتكلم بصووت عالي ...ومرة مرة تشبحلي ...والباين انه اتزيد في امي بالكلام ...

روحو خالاتي وبناويتهم ... وبوي ومحمد ولا واحد بين منهم ...

كل مرة نطلع نبي نسال عليهم ايقابلني فراس ..امرابط فم الباب...

انسكر عليه ونخش داخل... سحييقه

كملت الحوش ..ومشيت للكوجينه ..اني ومريم لقيتها ضامتها ..كلها .....

بدت اتخف النااس .. وخالتي تفيدة ...مش راضيه اتروح لا هيا لا عمتي ناجية ...

مشيت لي اسييل طقيت اعليها الباب...فتحت وطلعت دفتني من ايدي وفاتت للحمام طول ..

جت امي وقفت جنبي ...وعمتي وخالتي مقعمزات جنب بعض كل وحدة اتوري في التانية في ذهبها

مش عارفه هوس الذهب الي عندهم من وين جايبينه ..

خشيت لدار ..وخشت امي وراي...
شوي وجت اسيييل ...وقفت مصدومه شاافتلنا ...
وكيف بتطلع ...جبدتها امي من ايدها

ليلي...تعااالي اهني من شن هااربه انتي وعلاش حابسة روحك ساعتين في الداار ...اه ...
هذا بووك وخوك قالو الراجل مطلوب وقالو ايدورو اعلييه ..من الحق ومن  الي يكذب ...قولي ...

اسييل...سراج هو الي حق هذا جاركم الي قاال هكي اعلييه يمشي يشبح ماضييه ..بعدين اني سكرت علي روحي لاني انكلم في راجلي ونبي نفهم منه ..مش لاني جبانه وهااربة من المواجهة... باهي ماما

ليلي... لاااا اني اهو انقوولك ..قتلك امطلق وعطيتك العيووب قتيلي لااا عادي نبيه ونحبه ..واني امك متحشمتييش مني ..توة كييف ... الحل معااك اطلقي قبل لا توصليلا خييرلك ...

اسييل...يااام انتي خييرك هكي ..الراجل استاد جامعي ونضيف ولبسه وتقافته وعلمه بيطلع مهرب حشيش ولا مطلوب من الدوله هيا وينها الدوله ولا خلاص ضياء الدين اعمالكم عيونكم وصدقتووه ...

ليلي.....لا صدقنا لاشي اني حتي كان قتلك لا مش حتسمعي كلامي عاارفاتك من يوومك طبعك عمتك ناجية .... اني معندي بيك علاقه ... حوش بوك وروحيلا مطلقه ...وغير هكي مافيش...