ماخلف الوهم

البارت الثامن

#ماخلف_الوهم

#جميلة_جاسم

جهينة... وااقفه مصدومه مرعووبه اني هكي ايسيرلي ...ونفسر في كلام ضياء معقوله سراج..ايييع الحيوان التافه ...
مشيت خشيت داخل ... لقيت امل واقفه وبسمه ..مشيت كملت للمحاضرة....
مش عارفه كيف قريت ةشن قريت وشن اخدينا كله مش في بالي خوف متملكني رعب ..

حاطه ايدي علي الكرسي في المدرج والايد التاانية فيها البيرو ..ونخربش في المدكرة ... مندريش علي الاستاد شن ايقوول

ونفكر في خاطري لو مشيت قلت لي اسيل مش حتصدقني ..اتقولي انتي بلعاني هكي تبي اتفرقينا ..

لو مشيت قلت لي امي ..اتقولي من وين عرفتي انه هو سراج ..وضياء الدين وقصته ..ياربي رااسي بينفجر .

حسيت علي الاستاد فوق رااسي ...
قالي ...كويس هذو هما المصطلحات الي نبيكم تكتبوهم وتقرووهم ...قمت راسي ..

لقيت القاعه كلها تشبحلي واستاد منصور فوق راسيى..
وامل وبسمة ..يضحكو ...

قالي ..خودي مدكراتك ..واطلعي جهينة بسرعه

جهينه...استاد اقسم بالله معاك اني غير راسي شوي مريضه ..

منصور..لالالا من غييير اعداار من غير اعدااار ..كملي رسمك ونومتك البراء ...
بسرعه متعطلينااش ...

جهينة..لميت مدكراتي وامية وجهي وطلعت ..حسيت روحي بننفجر ..نبكي ..مش قاادرة انتحمل ..حد ...من جيها اختي ومستقبلها ..ومن جيها اني وضياء الدين ...

طلعت قعمزت ومعش قدرت انشد روحي بكييت بجد بكييت لانه اول مرة انحس انه قرايتي ودرجاتي تراجعت مستقبلي من اول ما شفت سراج وضياء الدين ..لعنة وصابتني...

مسحت دموعي حسيت علي روحي لفتت انتباه هللبة بين الناس يشبحوولي ...

عدلت روحي .وقررت خلاص معش امولية فيه القراار  نهائي لازم يوقف عند حده ...

كلمت محمد ..قالي شوي ونجييك ..قعدت نستني فييه اسيل ماقدرت نمشيلها خفت نلقاه صلعته غاادي ..

جي محمد وطلعت ...طول الطريق خاايفه من ردة الفعل وخايفه انه نطلع اني كذابة ...

وصلت للحوش رااسي وعيوني واضح عليهم الدموع حمر هللبه ..
محمد طول الطريق يسأل فيا واني انقولا مريضه وخلاص ..مقدرتش نتكلم اكثر ...

خشيت لدار طول بدلت وطلعت درت قعوة وقعمزت امي ادير في براك (ضولمه) ...للغدي .
واني مقعمز ونهز في رجلي ونشرب في القهوة ...

قتلها ..ماما بنقولك حااجه وخايفة من بعد ما انقولها ينقلب الحووش علي بعضه...
حطت اني من ايدها وناضت غسلت وجتني

ليلي...قولي شن فييه شن صااير خلاص مرارتي بتفييض منكم ...

جهينة...اووف اني معنديش علم.بشي..امس وصلوني رساايل علي تلفووني من رقم غريب يكتبلي في كلام مش كويس ..ومعرفتاش عطيته حضر من امس واني منعرفش عليه شي ولا هو منو اصلا ...اوووف