ماخلف الوهم

البارت العاشر

بارت مفاجئ لعيون السهرانيين

#ماخلف_الوهم

#جميله_جاسم

خشيت نجري ...مقدرتش نستوعب الي صاار ...اني متأكدة انه عندهم حااجه اتنيين ...

حووسه والصاله انقلبت وناس تتكلم ..وحتي الفرقه سكتو...

ما تسمعي صووت الا ...حييي شن هالكاارثه

حيي الراجل شدوه الردع..الراجل قالو امن طرابلس شادينا..اني من هذا اكلا شفت اسييل ...واقفه ...
وايديها يرعشو ...ومش قاادر تستوعب ...

شادة اني انتهييت خلااص انتهييت جهينة ..معش بيطلع ...لو ما يطلعش انمووت

جهينة....خيرك انتي من قال تو يطلع.... مرات تشابه اسماء. ..شن الخطف الي هو و فراس مع بعض ...ومن وين يعرفو ...بعض... هدي هديي بالك ..

وترعش...

اسييل..جهينة انييي انتهييت خلااااص خلااص ..معش يطلقووه اصلا

جهينة...يطلع يطلع مرات سوء تفاهم شن علاقه فراس بييه ..من وين يعرفه هو يادووب يومين قبل العرس تلاقو...

ضجت الصااله بالنااس..العريس شدووه هذا ما تسمع بس...جتني تبع الفرقه ..مراء كبيرة...

قتلها رووحو خلاص صحيتو..

ياماما نبيي الدففع وااخدة عربوون بس الراجل عاطيني ميتين جني...

جهينة... يااقلبي من وين بنجيب الباقي اني...لما يطلع ان شالله الليله سرااج يدفعلك البااقي حبيبتي..اني منفهمش فييه لكلام هذا... ولا شوفي امه ...

مشت وخلتني ..التفتت لقيت اسييل ...بتموت وجها ...اني مصدومه من ردة فعلها ...حسيت انها تعرف شي... معقولة قلبها قلها...

اسيييل ردة فعلك اووفر الصراحه خييرك هكي...شن صااير صح عرسك وفسد وصارت فييه كاارثه لاكن مش انك انتهيتي...روحي لحوش بووك ..وبعدين راجلك ايجيك يرفعك امتي يبييك...اني قلت هكي هيا انهارت بكيي وتخبيط والناس اكلها ايديها علي افامها وحيييي حييييي اكلها

اسييل اسسس خييرك هكي.... اشبحي الناس تشبحلك ...مشيت لي امي .... ردينه ونبي خليك معاها ...نزلت نجري جري والقفطان طويل نمشي ونطييح لقيتها واقفه مع ام سراج وخلاته.... وخالتي تفيدة مقعمزة والوجه مخلط الكحل ناازل...وبناويتها ومريم شادينها...
معش قدرت نتحمممل اني الوضع ..

خيرررركم هكي اوووووفر ...مفروض انتو تلمووها قدام النااس ويجي حد يرفعها بسيارة وقولو طلقووهم وخلاص ..ميتين مراء دااخل طرابلس كلها سمعت...نوووضو...

خالتي تفيدة امسحي عيوونك وخشوو..دااخل ...قولو جي لعريس بنزوفوها...وتركب مع انور ولا عبدالسلام ونروحو وتم ...

لموووو القصه قبل لا تكببر والناس كلت وجووهنا ...خييركم هكي..لمووها

يااام خشي شفي حال بنتك بتهببل قدام النااس ...والشامتين اكثر من الي واجعهم حاالنا...