ماخلف الوهم

البارت 24

#ماخلف_الوهم

#جميلة_جاسم

ضياء..... شروووط تكسر الضهر لاكن علي خاطر عييونك ناكلوو طيين ونسكتووو ....

جهينه....شن قالك بوي قولي...

ضياااء....شرووط ...تو تروحي وتعرفي ...غدوة وتيلي رووحك الصبح نمشي اني وياك رئيس قسمكم ونتفاهمو .

جهينه...تعال ضياء قولي شن قالك بوي...

ضياء ....ناايض من نوومي السااعه وجايك بشبشب الحمام...والخلق تتفرج عييب ومعاوية بهدلني تعااال تبكي وتندب شووفها ...زادنا علي همنا
...تو انهدرزو غدوة...انتي غدوة امشي للكلية ضروري...تو انديرلك حل

جهينه...الخروج غدوة التمانية...وامتي بنلحق نمشي ...

ضياء...ارتاحي وتعالي 11 .تصبحي علي خييير جهنميي... وساعدي رووحك انحلوووه كل شي

جهينة....سعييدة ياقلبي.... يمشي ...واني هاايمه فيييه ...حتي بسروال التوته...طالع حلوو. .لبسه وشكله وكل شي فييه ...
ياارب نكون من نصييبه بس.في حاجه امخوفتني ...مش قادرة انتوقع روحي من غير ضيااء ..

نضت خشيت رقدت...ومعاوية شكله رووح ...

اسيل نااعسة ..من الدواء..اربع ايام...ايجوها نوبات هلووسة...في الليل تقعد اتردد في كلام مش مفهوووم...وتبكي....وتخببط في وجها...
معقوله حبة ولا اتتين هكي ايديرو.... ايجو يعطوها مهدي ترقد

نفسيتي زففت الحق....وزيادة لما رسبت في المادة....
نعست من كثر التفكييير ...

الصبح نضنا معاوية ومحمد امجهزين اجرائات الخروووج ..طلعنا...روحنا ..
اني ومحمد ومعااوية واسييل ...في سيارة معاوية...

محمد ومعاوية الطريق كلها يتكلمو مع بعضهم ...الباين انه علي خاطر شرووط بووي نمووت ونعرف...

شن تهدرزو .سمعوونا اعلااش بروحكم توشوشو

التفتلي معاوية ..ويسووق...قالي..

مش عارف علي خاطر وجهك انتي ام المصاايب يشرطو علي الراجل كسرو ضهره مسكين

محمد....سمعووووناااا ...اخلااص صبح وروسنا

قعدت ساااكته لين وصلنا  حطنا معاوية وروح طوول  غريبه شن صاايبة

واني خشيت لدار خديت حوايجي ..ودوشت... طلعت علي امي دايرة فطور اسيل ومقعمزين هما وياها في الصاله...

محمد وبوي ...واسيل.. وامي...

قعمزت جنبها ماما...حق قبل لا نمشي للمستشفي كنتي تبي اتقوليلي شيي..

ادير في نص لي اسييل ..وتشبحلي...صبت طاسة شااهي ...ومدتها .. ...
وشبحتلي ..قالت...

حكااالي محمد كل شي...خلييه مش وقتها توة