ماخلف الوهم

البارت 33

واعدتني وقتلي اعود
وكلشي رد
خوفي
حسرتي
الحيرة
الظنون
العذاب
كلها ردت .. الا انت !
شما اصد لدربك
القه الصورة تتحول ضباب ..

#ماخلف_الوهم

#جميلة_جاسم

جهينه...منعرفش الاحساس الي حسيته لما قالي اسم خاطي بسمه..

قعدت مركز في عيوونه يضحك مبتسم ومركز علي ملامحي ..انخلعت ..

محمد....خييرك اتقولي حسستيني تعرفي السنسماه..دكتورة منتهي...

جهينه...لاله منعرفهاش مرة بس لما ...راجعت ..عندها امي بس...
بعدين مش قنينه محمد خييرك هكي

محمد....عجبتني...وقعدت نتراسل اني وياها....وحسيتها تمشي مع تفكيري...

جهينه.لاااا محمد ونبي زيد راجع رووحك....

اففف اني جااية من جيها خايفه غدوة نتيجتي ومن جيها تاانية ...زدتنيي .. بمنتهي

التفتت لقيته يضحك...قعمزت ...محمد خيييرك تضحك..

اسييل...انتو فهموني شن تهدرزو ..

محمد...اميي ويين..

جهينه..عند.حوش عمي....نمشيلهم زعما...ولا كلميها قلها تروح...

اسييل.... اني بنرقد الحق الحبة خدت مفعولها...

جهينه...محمد مشيي ترى اشبحي...مشت وجت ...قتلي طلع لحوش عمي....
تعالي باااهي ...اهني قعمزي شن بترقدي لمن جااية اني ..

اسييل...اففف قعمزت جنبها ...وراسي ...دايخ...جهينه شن صااار فيك شهرين مافيش حمل..

جهينه...مافيش حممل ...للاسف ....وعادي ضياء مش ضااغط عليا نهائي قاال...رزق كله من ربي

اسيل...علاش ماعلجتيش مشيتي لاي مكاان....

جهينه... مزاال قداش ليا متزوجه ...وبعدين مش فااضي ..هيا دوبها ساعه لغدي والعشي...والليل...والباقي ..في المديرية...راسه دااايخ ...ايقولي كل يوم جريمة ننصدم ..من الوضع مرة خطف مرة كليات مرة عركه....

المهم اني علي نااار غدوة نتيجتي مش عارفه شن بيصير...شن وضعك انتي ومعاوية ..

اسييل...شي منعرف اعلييه حت شييي...ومنبيش نعرف...

جهينه...اي خليييك هكي قوية...مع انه هو وجها تعباان.. وكل ما ايجي لشقه ...نطلع انسلم اعلييه ...نقعد نتلااعن اني ويااه .

انخش لدار انسكر علي روحي لين ايروح...... ممللني...ايقولي كلله منك....حشيييتي في راسها لين سيبت...

اسييل....اني منكذبش اعلييك ..صح حسيت معاوية منقد ليا لاكن ...تعبت من رااجل يكذب...نبي وااحد.صرييح ....نبي واحد ورقه بيضاء...

جهينه...ارتاااحي توةة بس تبي راااحه ..تبي راااااحه..... اهم شي تطلعي من قوقعه الزواج الفاشل الي مريتي بييه..