ماخلف الوهم

البارت 13

#ماخلف_الوهم

#جميلة_جاسم

رجليا معش قدرت نوقف علييهم ..منضر محمد.جاي بتجااي..واني .نرعش ...وضياءالدين ...
يلتفت
ايقوولي هديي هديي متبينيش حاجه منبوهاش تكبر كلية ونااس ... تو نعرف كيف نتفاهم معاه

يااربي امحيني من علي الارض ..ولا المووقف ..بنموووت بنموووت.  شافلي محمد وقف ..

محمد...امششششششي بسرعه لسيااارة ..امشييي

جهينه..محمد قسم بالله ....اشرلي بايده ويتكلم بصوت عالي

محمد...اسسسسس اسس وامشي سيااااارة بسرعه

مشيت نجري للباب ونلتفت . ونووقف ...ونرجع نص الطريق خايفتهم يتعااركو .  ونرد نسرع في مشيتي طالعه ...  ونشبح  لي محمد ..وضياء .واقف ويتكلم وايأشر بايده ...شن قااله زعممه ..يااربي ...
فرحه ماتمت
شن الحياة هذي ..اسيل لين حملت مايدري عليها حد وخلتني نجري وراها ورى فضايحها وعااارها واخر شي اني انفضحت ..

وقفت فم الباب الكلية اكلها تشبحلي و الي ماسمعش يسمع والعيون عليا ...

شفت محمد جاي بتجااهي بخطوات سريعه  يجري ...ركبت...وانشهد...ونفرك في اصاابعي في بعض...ونطق فيهم ...

ومغمضه عيووني لين سمعت تقربيعة الباب...

محمد اقسسسم بالله ...الا صدفه محمد مش ديما نتلاقي معاه اني........  شاافلي عيونه حممممر ناار ..وجها مطعوون احمر ...

محمد....صكرررري فممك متحشمتيش علي وجهك واااقفه مع وااحد سرسري. صايع ضاايع...عيوونه معبية عاار و بناات  الكليات .. وتضحكي معاااه ...اه

جهينه....اقسم برب العزة يامحمد...

محمد ....مافيش محمد ... الدلع والسنسمااه الي قبل انسييه ..انسييه ...بووك خووتك مش في عيينك ..توقفي معاه وتضحكي ...

جهينة...سكتت ومعش عارفه شن انقوول والطريق كلها ...وانتي مش مربية واني واتق فيك وخنتي التقة وكلية معش فييه ..وااقفة مع واحد حابس ولد عمك ...وانتي ومنك ولييك وفيك..
واني نستقبل في الهزايب وسااكته ونبي نعرف من الي قااله...

وصلنا للحوش ..شفت سيارة.  سراج قدام الحووش ..عرفته هو الي جاي بيها سااخنه ..الله لاتساامحه...

نزلت ..خشيت طوول للحوش ..لقيتهم اصواتهم  عالية في المربوعه ...مشيت .لداري ...واني حابسة دمووعي نبي ننفجر...

فتحت الباب..وانصدمت باسييل قايمة شناطيها ومعدله وجها وبتمشي...

أني اهني حسيت روحي الخاسرة الوحيدة .....

انفجرت نبكي ...قتلها

ويييين ماشيه ويين ...

اسييل... خيييرك ...جهينه بشوية بنروح.مع سراج جي ..واعتدر وكب علي راس بووي وامي وقلهم ساعه غضب والطلاق بااطل ...