ماخلف الوهم

البارت 25

كبل لتروح باوع واصفن بعيني
تلگه الخوف ماليها

تلگه الليل والحسرات شربن كل معانيها

وشوفك ع هجر مرتاح
لا همك حزنها ولا بواچيها 💔

برودك ياكل بروحي ويأذيني
المصيبه شما الك احتاج اشوفك تصغر بعيني 👌

تذكر من تصادفنه شكبرها بعينك اللهفه ؟
بس تالي اعرفت بعدين .. مرات الوجع صدفه 💔

#ماخلف_الوهم

#جميلة_جاسم

جهينة.... اعلاش يااربي...هكي...معقولة ايطلع فراس الي بهدل بنته ..وشمت بييها ..

خييره بووي ..هكي.... قعمزت حسيت بفشل مش طبيعي...حسيت ...اطراافي...يرعشو...يااربي ...مايوقف حد في الزواجه يااارب...

غيرت وبالي وذهني شااارد ...مش عاارفه وين نقسم روحي ....

طلعت لقيت الحوش مسككت ...والحناية وبنتها رووحو قعدت خالتي ...امقعمزة في الفم...
مش عارفه وجعني منضرها ..وجعني حالها...ولادها وبناتها في مرة...وراجلها الله يعلم ويين...

مشيت قعمزت ..جنبها وهيا تبكي ...وتمسح في شاربتها... اصغر خالاتي ..وكبرها الهمم...

شبحتلها... خاالتي ...الي ويين وصلنا
ركزت علي عيووني...وايديا.... وغمضت عيوونها ...حمررر من الدموع...

برايك من السبب..في كل شي...من ...قصة اسييل ..الي توة... اني عارفه انك سامعه باسييل..والي صاار معاها..لانه فرااس ..صاحب سرااج...
ومزال انقولك الي مدسوس مطلعش....وزي ما ايقووول المثل...
المضمومه والمغطية تخممر وتطلع صنتها....

تفيدة...اني اولادي طول عمري رافعين رااسي...مش عارفه الدعوة الي صابتهم...من الحساد والمعياانه

جهينه...خالتي خلينا واقعيين...احني مصيبتنا واحدة...لو انتي فراس محبوس...احني اسييل مستقبلها ضااع ومرضت نفسي وطلللقت ... ومن الخلعه ماما جاها السككر ... وباليبرة ..

لو كانو بناويتك وانور...احني مريم وعبسي ..
اعلاش انتي تطلعي منها العيله..
مش انتي قلتي خالتنا ومرت عمنا...
اخلااص يعني ...نوضي خشي دااخل...ومحمد ومعاوية ايحلووها..... والمصيبة وااحدة..

قعدت تبكي..وتمسح في دموعها في شاربتها وقفطانها .نضت من جنبها تلجت في الزليز ...

خشيت للكوجينه...قعدت انرتب فيها لين شبحتها ...خشت لصاله....

كملت ..وطلعت وبالي في الشرووط ...وفي بالي كلام ضياء...
ساعديني نتخطو الازمة الي احني فيها...

طلعت من الكوجينة مشيت لداار...لقيت اسييل .تضحك نوبات هستيريا..مش طبيعية...مشيت سكرت الباب...

وخديت حبة من دواها ...عطيتها ...وهيا ...اتحك في ايديها وجلدها ....مافهمتش خييرها ..توة كانت كويسة.... بدت تتكلم في جمل مش مركبة كلمات مش مفهوومه..