ماخلف الوهم

البارت 36

#ماخلف_الوهم

#جميلة_جاسم

جهينه...راقدة في الداار.. ونرن علي ضياء مقفل مقفل ..
اسبووع كاامل مش موجودين...معاوية كلمته اكثر من مرة..مقفل نفس الشي....
اسييل ...تمشي لشركه تشتغل  توضيف...وتقعد بعد ساعات الخدمه ساعه ..اتعطل فيها..كم مرة نسال فيها وين تمشي ..متردش عليا...

خفت انه ادير شي تااني....رجعت نفسها تهتم بروحها....وبلبسها....اني ..... خايفه انه ضياء اتصييرلا حاجه....والي في بطني....
درت اكثر من تحليل منزلي  يطلعلي فيي حمل ..وخايفه خووف مش طبيعي.....

حسيت علي الباب انفتح بقوة  .

نضت قعمزت

محمد....وين امي وبوي جهينه

جهينه...مش عارفه الحق بلكي علي السطوح ولا في دارهم ....شن فييه محمد شن صااير

محمد.... فراس ولد عمي عثمان طلقووه توو جيي للحوش

جهينه...طلللللع معقووله .... ماسك القضية ضيااء...لما اختفى طلعوووه.....

محمد...مش عارف الحق مردش اعليك

جهينه...مقفل ..من امس ..

محمد...تو ايروحو..متخافيش ..فترة..ويروحو بينهم بين غدوة بعد غدوة ..
المهم..السنسماه هذا فراس....قداش..ولا انقولك بييينه بيينه..فوتييي

جهينه ..طلع وسكر الباب...وراه...

شفت الساعه..مشيت للكوجينه لقيت امي وبوي الفوق ومريم....ايجهزو لرمضاان...

واسيل ..تشتغل...طلعت دجاجه وبديت انطيب لهيت روحي فيها
شوية ونسمع زغروته ...من خالتي تفيدة....

امي وبوي ومحمد نازلين... من فوق....
واني ..افكاري متضااربه...

طلعت وقفت لقيت امي نازلة وتكللم...لااا ياودي ولد خوك ولد اختي...لاكن الي شبحاته اسييل
مش سااهل..ايجيني اني يستسمح مني...
نعدره...
اما هكي لا ياودي...بتغضب اختي خلي تغضب..ولا خوووك ..جاية جييل اخر...معاد ايدور فيها لا هيا لاضناها

حسيت كلام امي مش عاجبه بوي.. لاكن اني وكان يموت مش حنمشيلهم...

خشيت كملت...لغدي..تغدينا...واسيل....روحت ...خليت علي جيها...وحطيتلها...
دخلت الغدي وقعمزت....

اسييل قوليلي وين تمشي الساعه هذي..حاسة انك اديري في شي

اسييل...زي شن الحاجه...

جهينه...مش قصة شن درتي وشن..قصدي ..ردي باالك بس ...يعني احسبي خطواتك ...وين تعفسي...

اسييل...مش مهم ..مش مهم ... حطيتيلي الغداء...عطيني نتغدي...

خديت السفرة...وقعمزت نتغدي...نكذب لو انقول بالي وفكري مش مع معاوية...
حسيت فراااغ ..صوته مهناش طوله...حتي المكان الي يكون فييه انأمن علي روحي معااه