ماخلف الوهم

البارت 23

#ماخلف_الوهم

#جميلة_جاسم

ذهب شني اللطف ...ياام خييرك

شبحتلي .وقتلي....اليوم ...بشرى وفدوي ومريم واخدات ذهب من امهم...وقالو حطيناه عند.جهينة...
بدسه...
بصدفه سمعتهم ايقووولو جهينه اندري وين دساته ...وانتي هكي تلقييهم ...ومتخبريش اعلييهم...
اليووم انروح من المستشفي ..ونعرف انقول لي بوووكم عليكم.... تو شن ايخلصني من تفيدة ....

جهينة...طلعت الحقيرة هيا ويااها ...قايلين لي امي عليا...

خليتهم لين طلعو ... ولبست من جديد ...  وقفت فم المربوعه   .شبحت محمد راقد حاط يده علي عيينه  ونااعس طلعت... والهدف وااحد...

نمشي في الشاارع قاايلة.الساعه 11:30.....كيف مروحه وتعباانة...مريم قعدة مروحتش ...

طلعت من زنقتنا.... وخشيت الزنقة الي بعدنا ...حوش الحناية ......
هيا مراء كبيرة ... راجلها متوفي في حرب 2011 وقعدت اتربي في بناتها بس عندها ... وتخدم علي راسها....اطيب مرات ومرات اتحني وتنحي بالحلوى ..اشغال حي شعبي....ورخيص...

وصلت فم الباب ..لقيت بابهم مفتووح ...وقفت نشبح ايمين ايسار منبيش ..من يشبحني ... ..

صوت دووشة الداخل...وعيااط صغار ..حسب علمي معندهاش بنات متزوجات ... وله عندها يااربي ..نسيت ...

خديت رشادة ..من فم بابهم ..وطقيييت علي الباب...

ياااعييله ... السلام عليكم... خالتي ..فتحية....خالتي فتحيية

ردت عليا...واخيرا

جاية جااية ... طلعت وقفت ...سلمت اعليها وشكلها معرفتنييش

خالتي فتحية ..اني جهينة بنت ليلي ...عرفتيني ..متاعين ..عاامر ال.  ...  الزنقة الي وراكم

فتحية...اي ايي عرفتك بنيتي...كيف حالك وكيف حال امك ..وخلاتك ..كلهم.. وكيف حال اختك المتزوجه...مسيكينة..سمعنا عليها كلاام يانويرتي اعليها ..وجعتني كويسة...وماتساهل...

جهينة.... سلللمك ياخالتي الحمد اللهعلي كل حاال .نبي اماني كانها موجودة ...بالله اعليك خمس دقايق..ولا قعدة في المدرسة...

فتحية...وييين بالله المدرسة ... بطلت ومعش عرفت مصيبتها ..خيرها...قالت معش نبي نقرى وقعمزت ليها سبوعين ...مامشستش...

جهينة...علااش اللطف بطلت ...شن متعرفش اتجيني انقريها

فتحية...الا تبكي ليل نهااار وتقوول معش بنطللع...تو انضبحلك اعلييها غاليتي اتجييك ان شالله

جهيينة.... ان شالله بسرعه بسسس...خالتي.... يااربي ان شالله متكونش القصة وراها مريم ...والبنات .....

قعدت وااقفه نستني علي ناار ...مش قاادرة ...انراجي اكثر...خشيت ..داخل من الباب...لانه...
الي ماشي يشبحلي والي جاي يشبحلي ...