ماخلف الوهم

البارت 18

سلااام حبايب... اسفه جدا وضعي الصحي ميسمحش ننشر ونكتب 🤕🤒

جميلتكم مريضه 🤒🤕😷زكمة وكحة وسطير راسي ورقبتي منبحه ....
بارت مش عارفه كيف جي وكيف كتبته....صبركم عليا بسس وان شالله نطلعلكم باحدات تقربع ..

#ماخلف_الوهم

#جميلة_جاسم

خيييره شن صاار رضت الناس علي ضياء الدين توة...مصالحكم فوق الجميع ..شن علاقة ضيااء ماما جااوبي نشبح لي خالتي احلام ...جت ..قدامي

احلام...انتي من وين تعرفي ضيااء

جهينة... قعدو عيوني مفنصاات ..انتي من وين تعرفي ...

احلام...صااحب معاوية الروح بالرووح هذا مربيتهم مع بعض ...وقاريين مع بعض ..لما كنا في حوشنا القديم يااااما وياااما كلي وشرب عندنا

جهينه.... معقووووله ضياء صاحب معااوية مش مصدقهه ...لالالا وخيرة عمره ما هدرز اعليه

احلام ..انتي شن تعرفيي...

سكتت اني ..ومعش عرفت انجاوب ...حق شن اني نعرفه..شبحت لي امي ..ردت ..علي خاالتي ...قتلها

هذي دااابحه رووحها وقااتله رووحها ..متبيش فراس وتبي ضياء...خطبها الراجل ورفضو عامر ..ومحمد ..وهو يبيها

احلاام...لااااا كييف يرفضوو غير سألوا علييه بس .. وجو عندي اني..ضياء..ولدي الي مش من حزاامي ولا ولد بطني..ولد رباية السنين والوقت . ..

جهينه...اني اهني فرحت نضت..مع خالتي...زي المراء الطيبة المسكيينه ...اييي خالتي قووليلهم قوولي...راجل ..يسوى زناقي طرابلس كلهم برجالاتهم ونساوينهم .... وهما يبو الجايف لمصنن فراس ...حشا نعمة

لوحتها الكلمه وخشيت لدااار . نسمع فيهم يتكلمو وراى نصه ما فهمت شي

..نحيت لبستي.  تلات اياام مش متواصله مع اسيل انحس في روحي نااقصة نشبح لي سريرها  ...شن دايرة معااه بس وشن صاااير فييهم ..

بدلت ..وطلعت.... وصوت الشارع الزحمه نقصت ...

ماما زعما مشوو ولا خيره سكت الشارع ..

طلعت امي فتحت الباب..وخشت

دعي قالت مشووو ..تمشي بين الصالة والداار...

وتردد ياااربي ستررك يااربي سترررك ان شالله ايجيبوها لاسوء لا سوية...يااربي

وخالتي تستغفر وتعاود ورااها ..اميين يارب العالمين اشبح في وخيتي وبنيااتها ...

وأني التليفوون في ايدي ونرن اعليها مقفل ... مققفل ....

قعدنا قرابة الساعتين ..طالعين خاشين وامي اتكلم في محمد وبوي وعمي عثمان... ومايرد حد ...

خشيت ..لدار .كلمت ضياء..مرتين مردش عليا

تالت مرة ..فتح الخط وصوت دوشة جنبه