يوميات زوجية 2 💜

1

طق طق طق
ام محمد : ساجدة الباب
ساجدة : مننننننني
اني : الغولههه
وساجدة تتفتح باب وتحضني اني ومحمد
ساجدة : فرححححح محمممممد 😍😍😍 تي علاش مقلتولناااش انكم جاين راه جيناكم ف مطار
محمد : مفاجاءة اسمها هادي
وجو العيلة كلها عارفين جو احضان وبوس وبكي حتى هما شهرين كاملات😂❤️ وبعدين قعمزنا نهدرزو
بتول : شنو حالكم توا
اني : كويسين هلبااا
ساجدة : شني محمد مغير اللوك
محمد : لوك شنو ، مجرد خففت من شعري ولحيتي بس 😂💔
قصي : بس طالع طرف ي مان
ام محمد : بس فرح احلى
ساجدة : حسستوني ليكم سنين معاش شفتوهم
بتول : فروح خيره شكلك تاعبة
محمد : بسلامتها مخلتش جري وضحك وتوا تبيها بكل صحتها😂 ، شني غداكم واتي ؟ راه جيعان بنموت
جدة محمد : اركبو انتم ارتاحوً وارقد بعدين فيقو
محمد : اني منبيش نرقد ف الليل نرقد فكني تو ينقلب جدول
اني : بنركب نرقد شوية من امس مش راقدة 😭💔 مش زي بعض ناس حتى ف طيارة راقدين
وقعدت نشبح لمحمد ونضحك
محمد : اي واضح من يلي رقد ع كتف التاني
اني : هما خمسة دقايق مش الرحلة كلها نشخر
ركبت دار اني ومحمد ☹️❤️
محمد :، قداش م استاحشت الدار هادي
اني : احرف منك هي بنبدل وبنرقد طوول
محمد : لا لا مفيش نوم ف الليل ارقدي
اني : بس محم...
محمد : مفيش نوم بتقعدي فايقة معااي ، توا بطنك احسن ؟
اني : اي خف الالم
محمد : وترجيع شنو؟
اني : اي خف ، تكون نزلة معويه
اني كنت مقعمزة ف سرير ونطلع ف حوايج من شنطة جي محمد قعمز ف طرف تاني من سرير ويتكلم معاي ❤️
محمد : نحبك هلبا
اني : واني نموت فيك
محمد ديما يشبحلي شبحات يخليني متحشمة ونطبس راسي !عيونه حادات وحلوات ووقت يشبحلك الشبحات هادي تحسيه يغازل فيك ويهتم بيك بدون م يتكلم 😂☹️❤️
محمد : حي ع متحشمة برعاية الفلفل الاحمر بس لما تغاري يبدا احمر اكثر
اني : مش بتنوض تدوش نوووض
محمد : اي بنوض غير نشوف لمرتي شوية
اني : خلاص كملت استاذ محمد؟؟ هي نووض
محمد : حاضر متتعفلقيش اهو نايض
ناض محمد خش حمام
_______________
ف مكان تاني ❤️❤️
؟؟؟ : اي مازال اسبوعين خلاص وخنولو
؟؟ : بدون م نكلمو محمد ؟؟ تو يضايق ويعاركنا
؟؟؟ : لا لا هداكا هو بيبي وبعدين ليش بنكلموه؟ تو يزيد يخلينا نقعمزو انت قص تذاكر
فجاءة سمعو صوت دوشة ومشو يشوفو شن في
؟؟؟ : ححي قيمه معاي طاحح
_______
ام فرح : برهوووم شكله جي نوضي شروق افتحيله
شروق : حاضر
مشت شروق تفتح وخش ابراهيم ❤️
ام فرح: هيماا زود اختك روحت
ابراهيم: شنو فرحح روحت امتىى
ام فرح : يوم جت
ابراهيم : قداش م مستاحشها خنمشو هيا ليا قريب شهرين مشفتهاش
ام فرح : مليهمش هلبا واصلين اقل شي يرتاحو بعدين بيجونا حوش خالتك ونمشوً مع بعض ❤️
ابراهيم : تمام
شروق : ابراهيم حبيبي نحطلك غداء ❤️
ابراهيم : اني راكب الدار امي م تبي شي
ام فرح : ابراهيم ياسر الموضوع خلاص را مر عليه قريب شهر
شروق دموعها نزلو ع خدها وخدت نفس عميق : امي اني راكبة ندوش لعليوة ونقوله ان فرح جت اكيد حيفرح
ام فرح : متزعليش روحك
____
محمد
طلعت من حمام لقيت فرح راقدة زي الملاك زي م توقعت 😂💔 لابسة توتها وطبعا رجلها طايحة برا سرير راقدة زي تمساح وشعرها مغطي نص وجها صلحتها وعطيتها وطفيت ضي وساويتلهاٌ شعرها شوية وشرين نقالي وطلعت بلكونة
محمد : الو
ادم : استاذ محمد حمدلله ع سلامتك ❤️
محمد : الله يسامك ادم ، شن الاوضاع عندك
ادم : اهم ماشية حمدلله صفقات كلهم اجلناهمً لن تجي انت
محمد : غدوا باذن الله نكون معاكم ، وتيلي الاوراق متاع ملكية الشركة وزي م قتلك وتيلي مكتبين اداريات نبيهم غدوا يكونو واتيات
ادم : حاضر هي سلام ❤️
.....
قعمز محمد ف دار يتفرج ويوتي حاجات الشركة ❤️
وجت غادة صاحبتي وخوها وخالتي وامي وهالة واحمد واني كله راقدة نومة اهل كهف
كانو نساوين ف غرفة تقعميز ورجالة ف مربوعه
روان : اسمعوو ياسر خنمشو نفيقو فرح لينا ساعتين وهي راقدة😂
غادة : مدخليش فيكم تفيق متكنطية
ساجدة : اي اي خنمشو هي
ام محمد : خلوها راقدة تاعبة
امي : ياسر نوم برو فيقوها جاين نسلمو عليها😂
بتول : ركبلها محمد قعدت تهلوس
جوبنات يفيقوني