يوميات زوجية 2 💜

7

ف نفس وقت عند ملك ف دار
فتحت نقالها فيس لقت رسائل سمر واحمد شارحلها كل شي وكيف هي طلعت فرحانه بتخبرنا تسمع صوت باب كيف تسكر
اني : محمممممد
ملك : شن في خيره محمد
اني : ي ملككك دوري كلمي احمد يطلع من حوش محمد حيقتله ع يلي داره فيك
ملك : تي شنو م دار شي احمد سوء تفاهم
ملكً حكتلنا كل شي 💜
العمة : شن صوت هالعياط الواحد ميرقدش
اني :ملك اني بنلبس عبايتي خنلحقوًه قبل م يدير شي
لبست ملك عبايتها واني سايقة سيارة لقينا قصي ف شارع ركبناه
اما محمد سرعة فوق ميتين مخلاش قصي يمشي معاه قاله انزل
وصل محمد للحوش
محمد طق الباب بكل قوته طبعا ليل محد فايق توا حتى شارع مفيشي شيطان
محمد : احمممممممد
احمد فاق مخلوع فتح باب وجاه بوني ع وجههه ومحمد خداه طلعه برا حوش وطاح فيه خبط خنق
وهالة وامها يعيطو من فم باب الحوووش
محمد كان خانق احمد : اني اعطيتك اختي باش تدير هكككككي
احمد : غير افهم قبل بعدين تكلم
ومحمد يضرب
اني وملك وقت وصلنا شبه احمد ميتت
اني : محمد محمد باسر
ملك : محمد سوء تفاهم اقسم بالله احمد م دار شي
محمد وقف وبدي يكلم فيا اما ملك قعدت تقيم ف احمد وهالة تساعد فيها لن دخلوه الحوش ❤️ وملك قعدت تديرله ف جروحه وهالة جابت عدة الاسعافات وبسرعه ضمدتله جروح
محمد : من جابك وليش طالعة؟؟
اني : سقت سيارة اني وملك وجينا باش نقولولك يلي صار
محمد : سقتتتتتي!! وين ملك
اني : ف حوش مع احمد
محمد : درقي وجهك قدامي ع سيارتي ، هاتي مفتاححح
محمد حذف مفتاح لقصي واشرله يروح بملك قصي قاله به
مشيت اني ركبت سيارة وجي محمد متعفلق وركب وخبط باب سيارة وعدل ومشي وكان يجري هلبا
......
ام احمد : انتتي ي لفعى مش فسختي خطوبتك من ولدي انتلفي برا حوووش اطلعععي
احمد حكي كل شي لهالة وامه
احمد : يمااا
ام احمد : اقسم بالله تزيد حرف مش حنرضى عليك ، اطلللععععي ي حيوانه
ملك دموعها ف خذها وكانت شادة يد احمد قبل م تطلع : احمد اسفة سامحني
وطلعت ملك جري وطول ركبت سيارة مع قصي ووصلو حوش واني ومحمد قاعدين اليوم يستر ربيي شن حيطلعني منها الليلة 🤦🏻‍♀️💔
.......
اني : محمممد خفف سرعة شوووية
اني بطني بدت توجع
كان يجري وشوارع مكسرة خلاص قلت بنديروًً حادث
محمد : ضميههه فمككك ، امبكررري قلنا سواقة مفيش وسقتتتتتي وتوا منعتك وسقتتتتتي
اني : كنت مضطرة
محمد : لا مضطرة لا نممممم
اني : محمد والله مكنتش نبي نسوق
محمد : سكريههه فمككك
اني : حاضر
محمد : مرتيننن تسوقي
اني سكتتت
كنت عارفة ان محمد مش مكنطيه سواقه ولا مكنطيه موضوع احمد يلي مكنطيه بوه وفشه ف احمد وجاي يكمل عليا
محمد : لما نكلم عمككك ردي
........
ف جنان
ابراهيم : ايوا حبيبتي اهي كيف رقدت واني قاعد شنجوك
؟؟: استاحشتك بيبي
ابراهيم : حتى اني
؟؟؟: غدوا حتجي تطلب يدي من بوي ولا 😍❤️؟
ابراهيم : انشاء الله قلبي
؟؟؟: هو انعجب بيك هلبا من اول مرة جيت باش تعطي فيا كلمة ❤️
ابراهيم : اي
؟؟ : مني حتجيب معاك!!
ابراهيم : اني مرة فاتت قتله اني اماليا ميتين وحيد اني
؟؟ : مش حتكلم امك يعنني؟! لن نتزوجو
ابراهيم : اي
خشت شروق
شروق : ابراهيم
ابراهيم طول سكر خط
ابراهيم : نعم
شروق : خيرك حبيبي برا
ابراهيم : لا شي تضايقت شوية طلعت
شروق حضنت ابراهيم : نحبك هلبا ربي يخليك ليا ولعليوة
ابراهيم : اي شروق حبيبتي بنخش نرقد اني توا
خش ابراهيم رقد وشروق لحقاته
.......
نزلنا من سيارة محمد يشح فيا وراه ويمشي بسرعة يبي يكمل عليا ف دار لقينا الكل راقد الا امه تراجي فينا
اني : محممد اي يددي بشويةةة
ام محمد : محممد وينننن ، اطلقق يدها
محمد معدلش سكر باب دار وامه قعدت برا مخشتش ولا طقت باب متبيش تزعجه وهو ف حاله هادي
مجرد م خشينا دار اني كنت واقفة ومحمد مقابلني شوية اعطاني بظهره ومجرد م رجع شبحلي نجي طايحة معاش نحس ع شي اغمى عليا مشعارفة خوف منه ولا تعب
محمد : فرحححح فرحححح
قعد محمد يضرب فيا ف وجهي
محمد : يمااا تعاللللي
خشت ام محمد جري ولقتني ع ارض قعدت شادة يدي
ام محمد : قيمها حطها ع سرير وجيب صنة بسرعة
محمد قامني ع سرير وجاب صنة بخلي وقعد يضرب فيا
ام محمد : معاش تضربهااا ياسرررر ، فرححححح فرححححح بنيتي فيقي
محمد جاب ميه وبخني شويه ف وجهي بديت نفتح عيوني شوية شوية ❤️
ام محمد : فرححححح من اننني فرححح
اني : وين انني
بجديات كنت نشوف دنيا مدغدشة ومش حاسة ع شي
ام محمد : محمد شدها عليك بناديً ملك تقيسلها ضغط
محمد كان شاد يدي بقوية ونسي تعفليقه وكل شي وقعد يمسح ع شعري
اني : محمءءد تعبانه مش حءءاسة بروحي
كنت نتكلم بالسيف
محمد : اسسسس حبيبتي اهي ملك جت
جت ملك قاستلي ضغط
ملك : هابط هلبااااا فرح ميصيرش هكي حامل انتي را ؟! اني بنمشي نجيبلك زيتون وميه وملح
مشت ملك جابتهم وكليتهم وبديت نتحسن شويك شوية ❤️
ام محمد : فروحتي ارقدي بنيتي ارتاحي غدوا جمعة
حطيت راسي ع مخدة وامً محمد تلعب بشعري لن معاش حسيت ع شي ورقدت وهي جبدت محمد تتكلم معاه ف بلكونة
ام محمد : شن هاداا يلي درتهه
محمد بكل برود وحاط يديه ف جيبه : شن درت
ام محمد : شوف حالةً فرح توا كله منك
محمد : م درتلها شي اني
ام محمد : شفتك كيف جبدتها لدار! راك تنسى مرتك حامل وقاعدة ف شهور اولى يعني مفيش زعل مفيش مجهود شي اخسن م تخسرها وتخسر يلي ف بطنها ، واني توا طالعة تصبح على خير
محمد قعد شوية يفكر ف كلام امه وجاي بيرضيني وكيف قرب مني وحط يده ع شعري لقاني راقدة باسني ع راسي وجي رقد ❤️❤️
ثاني يوم اني فقت بكري جو تسعة طبعا جمعة اغلبهم راقدين استاذ محمد مهناش
خشيت حمام توضيت صليت دوشت وبدلت ونزلت دورت عليه ف حوش لقيته مهناش وسمعت صوت ف حجرة بو محمد مشيت درتله فطور وركبتهوله كان فايق قعمزت وقعدت نوكل فيه ونهدرز معاه
بو محمد : وينن محمد
طبعا كلامه مش واضح هلبا بس تقدري تفهميه
اني : محمد طلع يجيب حاجات وجاي ي عمي ❤️
بو محمد : يعني حنشوف ولده قبل م نموت
اني : متقولش هكي يا عمي حتشوف ولده وولد ولده
بو محمد : والله يا بنتي شن بنقولك وشن بنحكيلك اني خسرت كل شي حتى ولدي الكبير ميبيش حتى يشوفلي ولا يقولي بوي
اني : انشاء الله يا عمي تو يقولهالك محمد حنين
قعدت نهدرز مع بو محمد وشكله طيب ونادم ع يلي داره ويحب محمد هلبا
جي محمد خش دار ملقانيش سمع صوتي ف دار بوه
خش بدون لا احم لا دستور جبدني من يدي
بو محمد : محءءممد
محمد : لو ف جديد سمعت اسمي ف فمك حيصير شي مش حيعجبك
جبدني ودخلني دار
اني : خيرك زفتت شن هالتصرف يلي درته !! هادا بوك را بوكككك!!
محمد : اقسم بالله ي فرح ف جديد تقربي منه او توكليه
اني : اي اي شن حيصير!!! عيب عليك هادا بوك
محمد : فرحححححح متخلينيش نخيرك بيني وبينه اقسم بالله نطلع برا حوش معاش تشوفي وجهههي الله لو ف جديد قربتي منه
اني : شنوو!! اول شي انت انسان عديم مسؤلية ومتحسش بيا لو كنت تحس بيا را تو مش طالع ومخليني نخمم فيك
اني قعدت نبكي
اني : اصلا ديما هكي ي محمد تتكنطا من شي تنسى حبيبتك وتنسى كل شي تقعد متعفلق وخلاص
محمد : فرح اسف معاش تبكي اني مشيت بحر درت غطستين من صبح وجيت
اني : البحرررر!!!
اني طارتلي
اني : كيف تمشي بحر!! تخيل يصيرلك شي هي او تغرق وتخليني اني وولدك
محمد : فرح اهدي بحر هو مش شي
اني : حتى ولو متجيش تدير هكي
محمد باسني ع راسي
محمد : خلاص اهدي ياسر بكي ومعاش حنعاودها تمام
اني سكتت شوية وقعدت نشبحله
اني : باهي بوك
محمد : ههييي ههيي علينا عاد قتلك موضوع هادا متفتحيشي اقسم بالله كان مش لعيون امي ماهو قاعدها فالحوش معانا
خش محمد يدوش واني نزلت لوطا نوتي ف غدي شوية هكي نزلت ملك وساجدة وملاك قعدنا نطيبو ونهدرزو ❤️
اني : ملوكة شن صار معاك
ملك : اممممم اتصلت باحمد مردش عليا شفت فيس وانستا مدايرلي حظر معرفتش شن ندير
اني : متخافيش اني تو نكلمه باهي وانشاء الله خير
ملك : اكيد امه ي فرح
اني : معاش تبكي تو نكلم محمد يمشيله ❤️❤️ًً
طبعا نساوين كانو ف دار يهدرزو وبو محمد مقعمز معاه قصي ! ومحمد زي الحالة نفسيه بروحه
وتينا الغدي وضبحنا ع كل يجو
قعمزنا ❤️
محمد : ملك نسبة لاحمد تو نكلمه وانشاء الله خير
ملك هزت براسها تمام
شوية جت العمة ومعاها بو محمد وقعمزت
محمد : اهممممي شن جابهمم اهننني!!
ام محمد : محمد
محمد باعلى صوته : نوووووووووضي ، اقسم بالله ف جديد نلمح وجهك انتي او خوك مش حيصير خيررر نوووضي ونوضي خوك
اني : محمد عيب
ناضت العمة ومعاها خوها رفعاته داره وهي مشت دارها اني قربعت ع صفرة ونضت
محمد : فرححححححح وليييي
اني : مش حنولي واعتبرني عمتك
وناضت ساجدة
محمد : ساجججججدة
طول ساجدة قعمزت
محمد : فرححح كلمة ومش حنعاودها
اني : مش حنقعمز ومنبيش ناكل
محمد خبط ع طاولة
ام محمد اشرتلي نقعمز لان عارفة ولدها شن ممكن يدير
قعمزنا ناكلو بالسيف ومجرد م كملنا غداء محمد طلع من حوش ومعاش شفناه وم اتصلتش بيه خليمشي وين م يبي
..........
ام احمد : كول وليدي
احمد : امي ملك
ام احمد : اقسم بالله تزيد تدوي عليها او تكلمها ماني راضية عليككك ! كلمتها امس ولا؟
احمد : اقسم بالله لا م كلمتهاش
ام احمد : اي تمام اصلا كل شي عندك واتي تو نمشي نخطبلك بنت خالتك قنينة وتقرا طب ي سلام عليها
احمد : شنوووو
ام احمد : يلي سمعتههه بنت خالتك
ناص احمد متكنطي ولقي رسائل من سمر وطول اتصل بيها حب يطمن عليها بعد عرف انها مريضة ❤️ اتصل اتصل بس سمر مردتش
شوية هك وصله مسج من محمد كاتبله مع خمسة نتلاقو ف كافي )/£/£
...........
شروق كانت تضم ف دار ولقت باكو فتحااته كان فيه سنسل ❤️ عجبها وسكراته ورداته قالت اكيد ابراهيم جابه ليا
طلع ابراهيم من حمام وكان لابس وطارح
شروق : حبيبي وين ماشي
ابراهيم : لا شي طالع مع صحابي
شروق : طالع قنين هلبا ❤️
ابراهيم : اي توا بنطلع م تبي شي
شروق : سلامتك ، نحبك
كيف جاية شروق بتحضن ابراهيم هو طلع وخلاها
وبعت مسج لحبيبته " اهو اني قريب نوصل ❤️"
بعد نص ساعة
وصل حوش البنت يلي حيخطبها وخش قعمز مع بوها
الاب : والله زي م قتلك ي وليدي انت مشاء الله عليك ىاني متاكد بنتي حتتهنى معاك ❤️
ابراهيم : تسلم ي عمي
نساوين كانو داخل يدربكوً ويغنو مكانوش هلبا ناس لان ابراهيم طلب ان تكون بسيطة الخطوبة مجرد خالاتها وهي وخلاص
خش ابراهيم لبسها دبلة وكان فرحان هلبا وهي فرحانة احرف منه وبعدين تصورو كم صورة هكي واعطاها هدية الباكو يلي شبحاته شروق
.........
احمد : اهلين محمد شن جو
محمد : حمد لله شن حالك انت!
احمد : شن بنقولك يعني بنكذب كان بنقول كويس
محمد : موضوع امس اعتبره مصارش محرد سوء تفاهم واني فهمت شن صار ! وباذن الله نحددو وقت تاني للخطوبة
احمد : ياريت ي محمد بس معاش في نصيب
محمد : شنووو
احمد : الموضوع مش بيدي ي محمد امي حالفتلي ان اني لو نكلم ملك مش حترضى عليا بكل واني منقدرش امي هادي يعني وحتمشي تخطبلي بنت خالتي اني والله نحب ملك وكنت متنيها بس الله غالب
كان احمد يتكلم وعيونه حمر ودمعو
اما محمد فناض بدون م يتكلم وحس بالذنب هلبا اتجاه اخته وقعد يفكر شن حيكون رد فعلها
..........
ف حوش كنا مقعمزين نهدرزو مع بو محمد ونضحكو فرحانين شوية هكي قلنا خلوه يرقد وكل حد خش داره ساعة كان ستة محمد مجاش ولا اتصل ولا عبرني ❤️
خشيت دار وفجاءة انخلعت تفكرت خوي ابراهيم وقعدت نفكر كيف حنكشف البنت لو كانت هي او لا!!!
خديت نقالي وقعدت ندور ع رقمها لن لقيته ف قائمة الحظر طبعا كلمتها من شفرتي مدار لان قبل مكلمتها من ليبيانا منبيهاش تزبطني انها اني فرح
بعتلها رسالة
"" حبيبتي اني ابراهيم خديت شفرة جديدة نحبك هلبا تو فاليل ترقد شروق ونهدرزو ❤️""
وحطيت نقال جنبي وبعدين قعدت نفكر بغبائي الخارق وان هادي خطة فاشلة المهم قعدت نراجي ف ردها لو ردها كان ايجابي معناها هي فعلا تكلم ف خوي !
مرت قريب ساعة وموصلتش رسالة اني شبه ارتحت قلت حمدلله مش هي !
شوية يوصلني مسج مكتوب فيه "تمام قلبي نموت فيك 😍❤️"
واهني قلبي انغم معرفتش شن ندير نصارح ابراهيم ولا شنو
فجاءة يخش محمد وبدي يلم ف حوايجه ف شنطته
اني : محمد وين
محمد : لمي حوايجك حتى انتي
اني : تي وينننن
محمد : معاش بنقعد فالحوش هادا
اني : اني مش حنطلع برا بروحك
محمد بدي يكسر ويخبط
محمد : فرحححح متخليش جنوني ينوضو عليكككككك قتلك هيا يعني هياااا
جو كلهم دار من صوت تكسير
ام محمد : وين ي محمد
محمد : معاش قاعد اهني ، فرححح قتلك هيا
اني : محمد منبيش
محمد : اقسم بالله متطلعيش تواااا نرمي عليك يمين طلاق
بتول : محمممممد لا سكر فمككككك
العيلة كلها كانت مصدومة من محمد واني اكثر وحدة يعني معقولة وصلت بيه لهدرجة قعدت نبكي وخلاص واني بديت زي تشيز كيك كل خمسة دقايق نبكي 🤦🏻‍♀️💔
ام محمد : ياسر يلي تدير فيههه
محمد : م درت شي بس مكان فيه راجل هادا اني مش حنقعد فيه
ام محمد : والله ي محمد تطلع من حوش او تفوت باب ماني مسامحاتككك ومنيش راضية عليك
وطلعت ام محمد من دار