يوميات زوجية 2 💜

18

ملك : اممممم تمام
وركبت ملك دارها
......
قعدنا شوية احني تغدينا وبعدها كل حد ركب داره بيرقد شوية💜
اني : محمد شن موضوع عريس هادا
محمد : تو تعرفيه حبيبتي
اني : شنجو تشويق يلي تديريلي فيه هادا نبي نعرف
محمد : اااه منك
اني : هي حميدتتتي قولي مني
محمد : دكتور يلي تدرب عنده ملك ، مش مرة فاتت وصلها كلمني قالي راهو عاجبتني مشاء الله عليها ونبيها بالحلال وولد كويس واني وانتي نعرفوه يعني باش يتم عرسها مع سوجي وقصي بالمرة ي فرح متجيش تقعد هكي بعدين حتحس بالوحدة اني متاكدة
اني : تي باهي مليح من هو يلي نعرفه اني ؟
محمد : خممي ترا
اني : متقوليش الدكتور يلي يبي يخطبني 😂🤦🏻‍♀️؟
محمد : مصححح وجهككك وخلاص اني نعطي اختي لهادا
اني : تي باهي مني
محمد : دكتور علي ، خو عمر
اني : تبصررررر قصدك هو يلي تدرب عنده ملك
محمد : تبي حق هو مشاء الله ووقفته معانا ايام قصي بغض نظر ان خوه عمر
اني : ااه ي ربي
......
عند ملك ف دارها خشتلها امها💜
ام محمد : ملك ي بنتي راك صغيرة متضيعيش عمرك ع خاطر ولد ومشي ، يلي جاك توا دكتور ومحمد شكره انتي جربي شوفيه بسس ولو معجبكش والله ماني متكلمه قولي انك مش موافقة وبس ، راك تفكري انك عبء علينا لا لا ي بنتي مش هكي بس اني عارفة ان قلبك واجعك ع خاطر احمد تحسابيني منسمعش فيك وقت تبكي ؟ واني مشكلة مش قادرة ندير شي ، ف احسن حل توا نفكرو ف مستقبل وننسو الماضي خلاص وافتحي صفحة جديدة واسم دكتورة قبلك 💜
ملك كانو دموعها ع خدها بس بعد سمعت كلام امها ابتسمت 💜
......
اني : ااااي
محمد : خيرككك شن فيك
اني : مشعارفة حسيت بنخصة ف بطني ، اااي
محمد جي جنبي وشد يدي
اني : محمد ووه عليا زي سم تعرف
محمد : غير اهدي شوية نمشو عيادة؟
اني : محمد خيرك قبل يومين كنا ف عيادة ودكتورة قتلي الامور تمام ووحنحس بالم لان الجنين يتحرك
محمد : مش جنين لو سمحتي جنينين 😂💔
اني : ي بادر ، ااااي بطني
محمد حط راسه ع بطني : نسمع ف صوت توا تعالي اسمععي
اني : مثلا شن حتسمع؟ اكيد صوت يعني و ثاني شي كيف نجيب راسي ونسمع؟ نقطعه؟
محمد : 😂🤦🏻‍♀️
اني : غدوا بنمشي معاك شركة حبيبي
محمد : لا لا لو ملك وافقت ع العريس نبيك تقعدي باش تستقبليهم
شوية هكك طق باب دار
ملك : عادي نخش
اني : تفضللي
ملك : محمد نبي نكلمك
اني : تمام اني بنطلع
ملك : لا لا خليكك
محمد : شن في ملك 💜✨
ملك : اني موافقة نشوف العريس غدوا
محمد : مليح واني متاكد انه حيعجبك وهلباااا
ملك : تمام
طلعت ملك برا الدار ومحمد قعد يحاول يتصل بعلي بس مشدش الخط اني ع طول اتصلت بعمر
اني : حميدة تعال اهو عمر شد معاي
عمر : ايوا
اني : خير ي طير😂
عمر : تي وين ي نسر غايب يومين
اني : عينك اكثر من يومين
"محمد : سكررري فمك واختصري دوههه"
عمر : شنحالك
اني : باهي ، غر اسمع العريس وينهه
عمر : العريس 😂😂 غر اسالي ع حالي قبل ي سمينه بعدين قوليلي وينه ، اهوا جنبي
اني : اعطيهولي
"محمد : استغفر الله ي ربي"
عمر : شد ي خرا تبيك النفاخه شوفها
اني : سمعتك ي عمر را م نفاخ كان انتتت
عمر : سامحينا مدام نفيخهه 🤦🏻‍♀️😂
اني : حتى هادي سمعتها
علي : الو فرح
اني : نبي نسمع زغروطة اول شي
محمد طول جبد مني نقال
محمد : ايوا دكتورنا
علي : اهلين
محمد : وافقت غدوا موعدنا بادن الله
علي : بجدياتتتت متاكد ي محمد خليني نمشي نوتي روحححي😂😍
وطول سكر علي
محمد : شن هالعيلة من اخ للخو الثاني وانتي كيف تكلميه من نقالك؟
اني : محمد قصدي عاديهه لقطه خيرك
محمد : لا عادي لا نم ي فرح امسحيه رقمه
اني : اوكي امسح رقم لجين
محمد : منيش ماسحه اني مواضيع خدمه
اني : اوكي حتى اني مواضيع خدمه تشبح فيا نهار كله نكلم فيه ونسمع صوته؟
محمد : فرحححح متخليينيش نتعفلق ونكسر امه نقالك
اني : كسره ف نهاية انت بتشري مش اني
محمد خدي نقالي وطلععع
..........
ف جامعة 💜
روان جت جارية جهة قصي وقايمه كابتشينو وبزعاتهه عليه بالقصد
روان : تستاهل
قصي : تي شن هادااا هاابقرة يلي متشبحش ي اختتتي مرة اولى وفوتتناها بس تقعدي ديما ميصيرش را دوريلك حل بري لدكتور عيون
روان : سوررري بس الحشرات منشوفش فيهم
ومشت روان رد فعلها هداا كله لانها مضايقة من قصي وغايرة عليه 🤷🏻‍♀️😂💔
..........
ابراهيم : شن نطلبو؟
رنا : استنى عزيزي نرتاح شوية
ابراهيم : باهي
رنا : اي حقا شن موضوع يلي تبيني فيه
ابراهيم شد ايدين رنا 💜
ابراهيم : رنا اني ممكن جتني فترة حبيتك مش عارف حبيتك او لا بس مهم خطبتك وكنت ناوي نتزوجك. ، بس اني نحب شروق ي  رنا ومستحيل نبدلها بغيرها باش هكي سامحيني
طلع ابراهيم ع طول وخلى رنا بروحها وهي معاش عرفتتت شن تديررر حطت ايديها ع راسها وخلاص
اما ابراهيم طلع وعلى طول مشي لحوش شروق 💜
طق طق طق
شروق : منننني
ابراهيم : اني
فتحت شروق باب وجت بتمشي وقعدت تنادي ع علي
ابراهيم : اصبري متمشيش خلينا نتواجهو كلمتين بنقولهملك وبعدها ي بنت ناس كل واحد يمشي ف حاله
شروق : تفضل خش
ابراهيم : منيش ع واقف بنقولهم
شروق : غير خش مش حلوة وقفتك ف شارع بعدين مطر تصب
خش ابراهيم 💜
مشت شروق جابت عصير وميه
شروق : تفضل
ابراهيم : مفيش داعي ، اننني نححبك واني حمار ع خيانتي ليك اني عارف هالشيء ، شروق اني فسخت خطوبتي من رنا ، اني توا كيف رجعلي عقلي منبيش نضايقك اكثر من هكي نبيك توا تلبسي عبايتك ونمشو محكمة نرفعو قضية طلاق وتمت ي شروق ، مش حتاخذ هلبا وقت يعني بالكثير غدوا تكون جلستنا
شروق : شنو ؟
ابراهيم : هادا يلي عندي ي شروق
شروق قامت الميه وبزعتها عليه وخدت عصير كله ف ابراهيم 😂🤷🏻‍♀️💔
شروق : انت حيوان تعرف هالشي ؟! وتستاهل
بدت شروق تضرب ف ابراهيم ودموعها ف خدها
شروق : يعني بتسيبني بهالسهولك هادي ! ياريت لو في قهوة او شاهي سخونه راه سخلتككك توا
ابراهيم : شروق اني منستاهلكش
شروق حضنت ابراهيم : اني نحبك هلبااا ومسامحاتك ع يلي درته
ابراهيم : شنوو جبديات؟
شروق : ااي ونبي نرجعو اني وعليوة ونرجعو زي قبل حبيبي م في شي يفرقنا
ابراهيم حضن شروق بكل قوتهههه💜
ابراهيم : نوعدك معاش نخليك ي احلى شي صار ف حياتي
فجاءة خش علي : بااابا
ابراهيم : تعاللل ي بطل نمشو سيارة امك تبدل وتجينا
علي : الله واخيرا وين بنمشو
ابراهيم : نمشو ملاهي شوية
شروق : حبيبي اني امي راقدة نمشي نكلمها ونبدل ونطلعلك
ابراهيم : تمام
باس ابراهيم شروق ع خدها : متتاخريش
علي : عيب باباا ، حتى مرة فاتت عمي محمد باس عمتي فرحح هكي ، عيب ولا؟ علاش مرة فاتت وقت بست اماني ماما ضربتني؟
ابراهيم : من اماني هادي 😂
شروق : وحدة تقرا معاه وحولو اهني بحدا حوش اماليا
ابراهيم : تعجبني ي وليدي 😂💔
شروق : اطلعو اطلعوو ما احرف من الولد كان بوه
روحو شروق وابراهيم قعدو يدهورو بعدها مشو لامي 💜
امي : واخيرا ي بنتي روحتتي خنكلم فرح حتفرح
شروق : فرحح تفرح😂
ابراهيم : اني وشروق خدينا قرار
امي : شن هو
شروق : ع خاطر موضوع حمل بنمشو توسن ندير فحوصات غادي ي امي بالك يكون في نتيجة
امي : اي اي برو
ابراهيم : وانتي معانا
امي : لا لا اني وعليوة بنمشو للجبل لاقاربنا غادي ليا فترة ممشيتلهمش
ابراهيم : باهي تمام شهر عسل ثاني وين مشكلة امي اني غدوا حجزت تذاكر😍😂
امي : باهي امالا اني واختي وعليوة بيرفعنا عماد غدوا تو نقوللهم💜
اتصلت امي بيا رد محمد
محمد : الو
امي : ايوا حميدة ، شكلي غلطت بنكلم فرح كلمتك
محمد : لا لا هادا نقااال فرح غير هو توا عندي
امي : اها غير قبل بنقوللها ان شروق رجعت الحوش ،
محمد : والله الف مبروك😍💜
امي : اي وشروق وابراهيم حيسافرو غدوا تونس ع خاطر علاج ، واني بنمشي للجبل
محمد : توصلو بالسلامه انشاء الله حاضر غير ننوصل حوش نقوللها 💜
امي : تمام وليدي
..........
كنا احني ف حوش كلنا نتفقو لغدوا شن بنلبسو وشن بنديرو بس مكنتش قادرة نوقف بطني بدت توجع فيا هلبا 🤦🏻‍♀️💔
ام محمد : فرح مرة مرة ملامح وجهك يتغيرو خيرك بنيتي
اني : ي امي بطني
ام محمد : شن فيك بنيتي
اني : ننخص مرة مرة
ام محمد : عادي عادي متخافيش يتحركو بس ع خاطر توام واول حمل تو تتعودي
بتول : تي وين هالمحمممد
العمة : زعما من بيجيب معاه العريس
ساجدة : بالك امه
اني : امه متوفيه
بتول : من وين عرفتي
شوية هكي جي محمد خاش حوش وجايب حاجات ف يده اني طول خشيت كوجينة لان جو مطر وهكي يمشي معاه سحلب سخون بالمكسرات😍❤️ زابطينه الجو القنين هادا
مشيت درت سحلب وهما قاعدين
ملك : فروح انتي بطنك بري ارقدي
اني : اني بطني وقت توقف قدام ماكله ننسى كل شي 😂😍 تعالي تعالي جيبي كيكة خنمشو نشربو
مشيت ووزعتلهم سحلب 💜
ام محمد : والله ف وقته ي بنيتي
محمد : فرح ، شروق رجعت الحوش ، وبيسافرو غدوا هي وابراهيم وامك بتمشي جبل
اني : شنووو وعلاش متصلوش بيا
محمد : اتصلو
اني بعدها تفكرت ان نقالي عند محمد
اني : امممم باهي تو بعدين نكلمهم
مر وقت عادي جدا وكلمت اماليا وودعتهم عبر نقال طبعا ممشيتش 🤦🏻‍♀️😂
ثاني يوم الكل فايق من سته ضمينا كنسنا وتينا الحاجات كل شي كان واتي لن اتصل بيا محمد يلي فايق قالب خلقته ومشي خدمه بدون م يفطر اتصل بيا قالي تعالي شركة سواق يوصلك في شوية اوراق بتوقعيهم 🤦🏻‍♀️💔
اني : وين نوقع
محمد : اهني
ادم : استاذ محمد لو سمحت تعال شوية للمخزن
محمد : اهو جاي
مشي محمد شوية هكي خشت لجين : حماددي
اني : ناس تطق باب من الاحترام
لجين : نحساب حمادي بروحه بعدين هادا مكتبه مش مكتبكك
اني : مكتب حناك ، هادا مكتب راجلييي  فاهمه!!
لجين : سكريه فمكك نعرفه محمد قبل م تعرفيههه ولو اني عندي نيه نغريه او نطيحه راك توا عانس 😂😂 هههه
اني : اقلبي وجهك برا
لجين : بري ي £(:&
اني : فعلا انسانه بيئة تحساب الكل ميت عليها
اني حسيت بالم ف معدتي
لجين : واضح من البيئة ي متربية ف شارعع ، وتعرفي قبل منبيشي محمد بس عناد فيككك نوعدك حناخده منك ، مش لاني نبيهه بسس باش نثبتلك ان اني اي ولد يموت فيا
اني : انتي انسانه تافهه لابعد الحددود عنده حق راجلك الاول يطلقك😂🤷🏻‍♀️ تي شن يبي بوحدة زيكك اصلا اكيد عيونه كانو معميات لدرجة واخدك بالغش بعدين انصدم عرف اصلك وفصلك ي قليلة الادب شكلك اي راجل تلصقي فيهه شن نتوقع من وحدة زيككك
خش محمد ف نص كلامي وسمعني شن نديرله ديما يخش ف وقت غير مناسب 🤦🏻‍♀️💔
محمد : فرححح
لجين نزلت دموعها وحضنت محمد : مكنتش متوقعه ان في يوم هكي حننجرح
بعدين دفت محمد وطلعت تبكي
محمد جي شدني من يدي : شن يلي قلتي امم امههه توا؟؟
اني : محمءءءد اسمعنننني
محمد طول جبدني من يدي وركبنا سيارة ومشينا ع اساس للحوش
اني : محمد بطني خفض سرعه شوية
اني : هي غالطة ي محمد مش اني مشفتش كلامها انتت
محمد : شن غالطهه تي نشبح فيك كيف تعاملي فيها وشن مدايرتيلها وتوا تجي تعيري فيها ع خاطر متطلقة
اني : محمد اني مش من نوعيه ناس هادم! بس هي تبي تاخدك مني
محمد : تي خلتاخذني بالك نتفكي من هالنقان والنكد يلي معاك
اني شبحت لمحمد شبحه وعيوني كلهم تعبووو دموع كلمته توجع وهلبا مش مصدقني ومصدقها هي 💔💔🤦🏻‍♀️
وصلنا حوش ع طول نزلت لقيت عيلة مشغولين يلي يوتي ويلي يضم حايسين ومحمد طلع ابصر وين انتلف لقيت ابراهيم وشروق وامي مكلميني ابراهيم وشروق وصلو
.........
ف جامعة عند قصي 🤦🏻‍♀️🖤
لقي قي رنا واقفة
قصي : رنا لو ممكن نبيك شوية ف كافي
رنا : اوكي حبيبي
مشو رنا وقصي قعمزو ف كافي 🖤
قصي : عارفتيني نحبك هلبا
رنا : حتى اني نحبك ي قصي ونادمه ع يلي صار نحبكككك
قصي : والله اني نموت فيك اكثرررر 🖤
قعمزو قصي ورنا يهدرزو وكانو منسجمين وشادين ايدين بعض
خشو ايهم وريان وروان
روان : قصيي !!
ايهم : وين
لاد ايهم وراه ولمح قصي وحاول يشد روان يهديها
ايهم : روان لا مديري شي اهدي راه يفقد وعيه معاش يفيق ي روان دكتور قال لا اهددي
روان دفت ايهم : حول نممم خليخش غيبوبة مرة ثانيهه احسن من نشوفه معاها
مشت روان لطاولة رنا وقصي وبزعت طاسة ميه ع رنا
روان : تستاهليها لانك حيوانهه
قصي : ي بنتتت احترمممي نفسك
رنا : اني مش عارفة بنت هادي خيرها وراي حبيبي ديرلي حل معاها
روان : كانكك راجللل اطلعلي برا نتواجهوو!
طلعت روان وجي قصي وراها شدهاا 🤦🏻‍♀️🖤