يوميات زوجية 2 💜

11

مهم رقدنا تاني يوم فاقو قصي وايهم بكررري ومشو روحو الحوش باش العزي وعلى اساس بيجو ف نفس اليوم ف الليل 💜
اني فقت من نوم جو عشرة محمد ملقيتاش جنبي فقت لبست قفطان طويل جو بحر وهكي ومعاه طاقية وطلعت برا نتمشى لقيت محمد مقعمز ف كرسي جنب حوض وشاد السنسل متاعه وشكله كان يعوم كيف طالع من بحر 💜
اني بسته ع خده : صباح خير
محمد : صباح الورد ،
اني : فطرت حبيبي؟
محمد : اي حياتي تو بري ارتاحي يديرولك فطور انتي
اني : منبيش
محمد : هي شني مني تخش الحوض
اني : لا لا منبيش كيف دوشت وبدلت
محمد : هيا بتخشي بارداتك ولا نوض؟
اني : محمد خيرك منبيش
محمد: واححد
اني : منبيشش
محمد : اتنين ، ثلاثه
وجي محمد قامني وخش بيا الحوض
اني : يا دراه الكبد مبردك شوف بليتني
محمد : تي ياسر خبطتك زي سممم ، تو هادا انبليتي ؟
بدي محمد يبخ عليه ف ميه
محمد: تو هكي انبليتي ب رسمي
اني : ياسرررر محمد نبي نطلع
محمد : اطلعي نرجع نقيمك ونردك 😍😂
اني : ي بارد ي دراههه
جت جدة محمد ومعاها بتول
جدة محمد : فرحح اطلعي مش كويس العوم ليك وانتي حامل
محمد: علاش
جدة محمد: هكي مش كويس وخلاص اطلعي هيا وزودي افطري باش التوام ميجوش ضعاف زيك
محمد : وين الضعف انا لا اراه😂
اني : مبردك هي طلعني زي م دخلتني
محمد : حاضر
وجاي بيقيمني بدون حشمة قدام بتول وحناه
اني : تي لا شن تدير
محمد : تي مش قلتي طلعني
فجاءة جي ابراهيم خاطم وطلع برا للبحر يتمشى
محمد : تو نلحقه نكلمه
اني : تمام 💜
مشي محمد ورا ابراهيم بيكلمه واني خشيت مع بنات ونساوين داخل الا سوجي كانت ف درجيحة برا
غسان : صباح الورد
ساجدة : صباح خير
غسان : شنحالك ساجدة
ساجدة : اهو ماشية
غسان : اممممم شن نديري
ساجدة : زي م شايف
غسان : ممكن سؤال ؟
ساجدة : بنمشي توا مع نساوين
وكيف ساجدة بتمشي غسان شدها من يدها
ساجدة : حول يدككك معاش تفكر تمسني ف جديد!
غسان : اسف ، ساجدة ! انتي غاصبينك عليا؟؟؟
ساجدة العبرة خنقتها وقعت تتفكر ف محمد وكلامه وكل شي صار من قبل 💜✨
ساجدة : اني م حد يغصبني ع شي ووافقت عليك بارادتي
غسان : باهي ليش تعاملي فيا هكي؟
ساجدة : كيف؟
غسان : شوفي روحك متبينيش بككل
ساجدة : مش هكي قصة اني منامنش بجو خطوبة وووو يعني عندي مخطوبين زي م يعرفوش بعض نعرف العلاقة وقت زواج وقت نتزوجك بعدها ساهل
ومشت ساجدة وغسان فرح يحسابً كلامها فعلا حق 💜
.....
محمد : ابراهيمم
ابراهيم : شن تبي
محمد: قعمز بندوي معاك دوة تريس لتريس
ابراهيم : تفضل
محمد : شوف اني نعرف بيلي صار بينك وبين مرتك اني مش من حقي ان نتدخل بس حنتدخل ع خاطر فرح ومصلحتك انت! البنت يلي تكلم فيها مش كويسة
محمد حكي لابراهيم كل شي بخصوص يلي صار بين رنا وقصي وهو ساكت يسمعله 🖇💜
محمد : والله شروق تحبك وانت عندك مرا ووليد ومرات ربي يرزقك تاني علاش تضيع ف روحك وتخلي امك تغضب عليك
ابراهيم : كملت كذب!! هالقصص يلي تكذبوً فيها انت وفرح تحسابوني بنصدقكم ونعرف عندي وليد وني نتحمل مسؤليته مش مجبور حد ينصحني
محمد تعفلق وناض : نقولك شي انت حمار وحمار اني يلي جاي نكلم فيكككك
مشي محمد متعفلق ولقي ملاك مع بوها واني معاهم 💜
محمد : فرححح
اني : نعممم
محمد: اني راجل هادا منبيش نشوفهه دخلوه داخل دوروله حل
اني فنصت فيه
محمد : كلمة هي
اني : خليه الشمس قوية كويسة لصحته
محمد: فرحححح تناقشينيش
اني : تي شن هالمزاج يلي عندك خيرك اوووف
وخشيت حوش متعفلقة ومحمد خش وقربع باب دار 💜
..........
ايهم : امي توا ساعة ستة خلاص بنمشو اني وقصي
ام ايهم : لا لا وليدي يوم باتو وصبح بكري برو
قصي : هما صبح بيروحو
ام ايهم : اي اطلعو بكري من اهني وبرو
ايهم : تي علاش
ام ايهم : عيب شوف حالة عمتك وبتمشي وتخليها؟
قصي : اي ايهم امك معاها حق خنباتو يوم وصبح نمشو بكري نمشو نديرو غطستين 💜
اتصل قصي بينا وقال ان صبح حيجي 💜
.........
ابراهيم :والله اني اكثر وبنموت ونشوفك
رنا : امتى تولي مشقادرة نتحمل بعدك
ابراهيم : غدوا خلاص ومجرد م نرجع عندي هدية ليك😍💜
رنا : امتى حددتو الفاتحة؟
ابراهيم : مازال محددتش قاعد اني وبوك نتفاهمو
رنا : اووف به امتى
ابراهيم : اهو غدوا نمشيله وباذن الله مش حنطول ونقرو فاتحتنا حتكون قبل عرس بشوية ووقتها نطلعو شهر عسل لدبي ولا اي مكان ونرجع نعرفك ع امي 💜
اني كنت خاطمة وراء ابراهيم وبصدفة نسمع الكلام انصدمت بجديات معقولة خوي وصلت بيه لهدرجة ومنحسش بروحي الا جيت جبدت منه نقال وكسرته
اني : انت انسان بدون مشاعر انت حمار وحيوان وكل شي غلط فيك انت خااييننن !! توصل بيك تخون شروق مع وحدة متجيش ف ظرفها ! حسبيالله ونعم الوكيل فيك ! ربي ياخد الحق
ابراهيم ضربني كففف
ابراهيم : راك تجربي تحكي ع رنا ف جديد
محمد كان يدور عليا وشبحني واقفة مع ابراهيم وشبحه وقت ضربني كف ويجيه يجري يطيح فيه ضرب وعلقت بيناتهم بالضرب
اني حاولت ندافع ونحزهم من بعضهم بس كليت ضربة ع بطني ومعاش حسيت على شي
محمد : فرحححح فرحححح
ساجدة وملك وغادة وغسان سمعو صوت ضرب جو يجرو وباقين ف حوش مسمعو شي
غادة : محمد محمد قيمها دار بسرعه حي عليااااا
ساجدة : تي شن في محمد شنصاير
خششني محمد حوش وكلهم مصدومين رقدني محمد ف سرير ، طبعا ساجدة حكتلهم يلي صار لانهم شبحوً اخر شي من الضرب 🤦🏻‍♀️💔
غادة : فرح فرحح
محمد كان متوتر يرعش كله مع بعضه مشعارف شن يدير او كيف يتصرف ومرة مرة يشبح لابراهيم كان يلقى يقتله هديكا اللحظه
ملك : شن كلكم اهني اطلعو من دار
غادة : اي اي اطلعو من دار فرح انشاء الله كويس
ام محمد : اطلعووو
طلعو كلهم وخشو غرفة تقعميز
قعدت معاي ملك وغادة❤️
بعد خمسة ستة دقايق بديت نفتح ف عيوني
ملك ؛ اهيا فتحت ي غادة واخيرا
غادة : حمدلله ي ربي
اني ؛ غءءاده محمد وابءءراهيم
ملك : قاعدين برا
........
ام محمد : معقولة ي محمد تضارب مع ابراهيم؟! علاش ع خاطر شنو
محمد: امي متتكلميش هو غالط مش اني
ام محمد : بسببك مرتك حتخسر  يلي ف بطنها
محمد : تي شن تقولي نم
امي : ابراهيممم شن هادا يلي درته؟ احكولي توا ي انت ي محمد شن صار ليش ضاربتو
محمد : هو مد يده ع فرح ضربها كف ومستحيل نسكتلهه
ام محمد:شنووو ضربها كففففف
امي : معقولة ابراهيم!!!! تضرب اختك؟! باي حق تضربها
ناضت امي وضربت ابراهيم كف
عماد : ي عيلة مش وقت تلومو بعض توا يلي صار صار خنطمنو ع فرح قبل
روان : اي اي ي رب يكون م صاير شي
جت ملك
محمد شدها : ملك ملك ادويلي بالله عليك فرح كويسة؟
ملك : فرح كويسة وولد يلي ف بطنها كويس صايرلها هبوط ف ضغط وتوا تبدا احسن معاها غادة❤️
محمد جاي يبمشيلي
ام محمد : وين ماشي
محمد : لفرح
ام محمد : مفيش مشي لن تتصالح انت وابراهيم
محمد : اني نتصالح مع خاين زيه غير يحلم تي حرام فيه حتى اللسلام
ام محمد : محمممد
ابراهيم : شروق وتي عليوة وهيا باش نروحو ميشرفنيش نقعد عند ناس زي هادم وامي كان بتمشي اهلا وسهلا كان مش ماشية خلي بنتك تنفعك
شروق : اصبر بس نطمن ع فرح
ابراهيم : قتلكككك وتي حاجاتكككك
مشو ابراهيم وشروق خدو حاجاتهم وخشتلي امي باستني ع راسي
امي : فرح توا بنروح
اني : اممي غير علاش
غادة : فرح خليك راقدة التغذية ف يدك !! احمدي ربك كان في تغذية بالصدفة ف شنطتي كان هادا را شن صار فيك
امي : تو نروح نفهم يلي صار بين ابراهيم ومحمد تعاركو بعدها نقولك شنو في
محمد كان واقف فمممر امه مخلتاش يخشلي ومشي يكلم ف امي ❤️
محمد : اني اسف ي امي مكانش قصدي، والله م في داعي انك تروحي
امي : لا لا وليدي عادي عارفاتك وهادا سوء تفاهم تو ينحل ❤️ غير رد بالك من فرح
محمد : تمام
جو عماد ولد خالتي وغسان
عماد : تي عادي ي حميدة مشيها اهو حمدلله فرح ناضت ومفيها شي
محمد : اخخخخ وخلاااص
غسان : تعالو خ نطلعو برا م عندنا م نديرو اهني
محمد : نبي نشوفها قبل
عماد : امك مش حتخليك متحاولش
طلعو شباب
وباقي عيلة كانو جنبي ف دار 💜
جدة محمد : اني بنمشي داري
ام محمد : استني تو نوصلك ونجي
ملاك : خليها ماما تو نرفعها
بتول : اني بنرفع الحاج داره تعب هلبا اليوم
بو محمد : لا لا خليني جنب فرح
اني : لا لا عمي اني كويسة برا ارتاح انت
بو محمد : تمام ، ردو بالكم عليها
روان قصي اتصل بيها طلعت برا دار تكلم فيه❤️
اني قعدت نشبح لملك شبحات براءة متاع نبي محمد وينه وهي فهمت عليا 😂💔
ملك : امي حرام خلي محمد يخش قريب يموت ويشوفها
ام محمد : لا اني حالفة لو هو فعلا تهمه فرح را مدارش يلي داره وعرضها للخطر
خالتي : رنا تعالي خنمشو نوتو العشي اني وانتي فرح ضروري م تاكل
ام محمد : سوجي بري معاهم
طبعا متستغربوش الاخت لجين طلعت البرا مع محمد كل همها محمد
لجين : حميدة ياسر متوتر والله فرح كويسة
محمد : تي بالله شن كويسة مشفتيش وجهها كيف اصفر كله منني
عماد : اهي امي ورنا جو اكيد عندهم خبر
خالتي : والله ي حميدة وتي روحك يوم لانك الباين مش حتشوفها فرح ، امك معنده ومتبيش تطلع من دار😂💔
محمد : تي مشعارف خيرها سكرت راسها، من قاعد معاها فرح؟
رنا : امك وملك وغادة
محمد : اسمعي ناديلي ملك
رنا : تممم
محمد : متقوليش يبيك محمد
.......
قصي : باهي فرح توا كويسة؟
روان : اي كويسة هلبا
قصي : كله صار ف غيابي زفت لو كنت موجود بسسس
روان : نحبك رد بالك ع روحك
قصي : علاش
روان : ماه غدوا بتجينا😂😍
قصي : اي تو نموت ونخليك بروحكك ، اصبري بسس حنوصل بحر لما نغرقك ي خوافه
روان: اسكت اسكت انت محمد غرقك😂
قصي : اعطيني فرح بالله
روان : تم
... روان : فروح هاك قصي ع خط
قصي : الو
اني : اهلين قصي
قصي : ووواك ي فرح صوتك لن تاعب
اني : لا لا م في شي مجرد ارق
قصي : ردي بالك ع روحك فرح💜 بالله عليك نبو نشوفو صغار محمد عاد ونبي نولي عم منبيش نخسرك ونخسروهم💜
اني : انشاء الله ي رب
قصي : ردي بالك من روحك ومن حميدة غدوا تو نجيكم نوريكم
اني : انشاء الله😂😍
قصي : سلميلي ع كل
اني : يوصل ، هاك روان
روان : ايوا
قصي : توا بنسكر بنعول مع شباب
روان : ي سلمك عوال فالح😂😍
.......
مر وقت وتعشينا وام محمد وغادة وملك كانو معاي ف دار مخلونيش ولا دقيقة 💜
محمد جي من روشن وبدي ياشر لملك ، ملك طلعتله
محمد : شنجوها توا
ملك : كويسة هلبا اهي كيف رقدت ترقد وتفيق ترقد وتفيق
محمد : ملك بنشوفها يا ملك كلمي امي
ملك : كلمتها م في شي
محمد : باقين رقدو
ملك : اااي حتى امي شوفها راقدة ع كرسي
محمد : باهي باه
شوية طلعت غادة
غادة : برا محمد ارقد خير امك حالفة مش حتنوض من جنب فرح
محمد : باهي باه برو ارقدو
ملك : التغذية متاع فرح تمت
غادة : اي نحيتهالها
ملك : تصبحوو
مشو غادة وملك رقدو💜 مع الليل ساعة ثلاثة
محمد شبح من روشن لقاني راقدة وامه مقابلتني ف كرسي راقدة
جي محمد قعمز ف ارض وشد يدي وباسها وباسني من راسي اني حسيت بيه رغم اني وقت نرقد معاش نحس بشي 😂💔
محمد حط يده ع فمي وقالي اسكتي واشرلي نطلعو برا
اني هزيت براسي تمام
وطلع محمد واني لحقته وعلى طول حضني وباسني ع راسي : اني اسف سامحيني ي فرح منعرفش شن يلي صار