يوميات زوجية 2 💜

30

روان حضنتني : فروحتي تضايقيش روحك وكتب الله م شاء فعل
اني كنت متوترة هلبا بس خبيت هالشي داخلي ❤️
اني : هي نمشو
ام محمد شدت ف يدي حسيتها اعطتني طاقة فعلا ربي ميخليش الانسان بروحه💜 عيلة محمد كلها واقفة جنبي واسامة وقف جنبي 💜
قصي ركب اماليه وني مشيت بروحي وصلنا نزلنا 💜
اني : سمية شنو واتية
سمية : اي جبتيلي شهايد الميلاد متاع صغارك؟
اني : اي اي اهما تفضلي
سمية : ايوا هكي تمام هي نخشو وقت
اني : العيلة بيخشو معانا
سمية : تمام عادي
جي ادم يجري
ادم : انشاء الله متاخرتش
اني : لا لا كيف بنخشو💜
خشيت وقلبي ف يدي قعدنا نراجو ف استاذ محمد مجااااش
بتول : حمدلله ي ربي ان مجاش
ام محمد : اي والله الفرحة مش واسعتني ابدا
القاضي : استنينا بما فيه الكفاية حناجلو الجلسة ليوم تاني
المحامي متاع محمد : غير استنى حضرة القاضي شوية ويجو
وكيف بينوض قاضي خش محمد شاد ف يد لجين
محمد : اسفين ع تاخير زحمة شوارع
لجين : تفضل حميدة قعمزة
اني شبحت لمحمد شبحة وعيوني حمر على دموع وهو مقامش عينه اصلا باش يشبحلي معقولة هنت عليه لهدرجة!
ام محمد تعفلقت وجاية بتنوضله الا شدها قصي
قصي : هدي روحك احني ف محكمة موضوع م يحتاجش
القاضي : تفضلي حضرة المحاميه سمية اعرضي يلي عندي
سمية : موكلتي طلبت الطلاق بسبب التقصير من الاستاذ محمد ، مخليهم قريب سنتين وميجيش يشوفهم او يطمن وميصرفش عليهم الا مدام فرح هي يلي تخدم وتصرف على صغارها ، وهي يلي ربتهم وكبرتهم وحتى لو جبت صغار اسالهم وعندي شاهد ع هادا الموضوع غير عن هكي ان استاذ محمد ناوي يتزوج
محامي محمد تدخل : اني عندي اعتراض
القاضية : مكانكك ، وريني الشاهد
جي ادم وقف وقاصي بدي يسال فيه وادم يجاوب وقف معاي وحكاله كل يلي صار ❤️
بعد مرور نص ساعة
محمد : كان تنهو الدوشة هادي وتخلونا نطلقوً وخلاص اني موافققققققق
القاضي : مدام فرح انتي موافقة ع طلاق؟
اني وقت سمعت هالكلمة قلبي طاح بس شجعت روحي ع خاطر امير واميرة  وملك : اي موافقهه
القاضي : حضانة الصغار حيكونو للمدام فرح ولا يسمح للاستاذ محمد ان يشوفهم الا برضى فرح ع هالموضوع
اني : حمد لله ي ربي ❤️❤️
محمد : هي لوجي
شد يد لجين وطلعو
اني وقفت وحضنتني ام محمد كانو دموعها ف خذها اني مسحتهملها
اني : اممي متبكي محمد حيجيه وقت ويرجع للطريق اني فرحانه لان صغار حيكونو معاي 💜
قصي : فرح بتمشي حوشنا؟
اني ضحكت : معاش اسمه حوشنا ي قصي ، بنمشي حوش اماليا نقعد فيه عندي نسخة مفتاح م بين دورت حوش هما مازال ف تونس
بتول : انشاء الله خير بنيتي
وكيف طلعنا لقيت اسامة
اسامة : فرحح
اني : صغار حيكونو ليا هادا اهم شي
كنت نتكلم وشادة دموعي بالسيف
جي ادم
ادم : مدام فرح يوم متجيش خدمة خليك مع صغار ارتاحي
اني : شكرا كلكم ع وقفتكم جنبي والله قويتوني 💜
" فعلا الانسان لما يمر بظروف تسكره وتهده حيتالم هلبا وحيبكي ف بداية بس الكسرة هادي حتدير منه انسان قووي انسان حد ميخافش وميهابش شي حيكون مستعد لاي حاجة 💜 حيكون صنديد 💜"
اني : هي بنروح اني
قصي : هي امهاتتي ع سيارة
مشي قصي واماليه وادم روح 💜
اني : شكرا سمية بارك الله فيك جميلك هادا مش حننساه
سمية : فرح ولو هادي خدمتي وانتي وخيتي غير كان خليتيني نقول ان محمد يسكر راه حبسوه
اني : لا لا هو حر ي سميه اني اهم شي عندي صغاري
مشت سمية
اسامة : موضوع احمد قاعد؟
اني : اي اي غدوا مع ستة فجر نتلاقو غادي
اسامة : انشاء الله خير خايف عليك ي فرح
اني : تي متخافش كل شي حيكون تمام
شوية هكي اسامة روح واني ركبت سيارتي طول وقتي واني نقاوم ف دموعي زبطتوها لقطة وقت ترفعي ف عيونك فوق باش دموع م تنزلش هادا يلي صارلي اني حاولت نقوي روحححي لان من يوم معاش في شي يستاهل دموعي وهادا الشي نقوله ليكم انتم خلو دموعكم غالية عليكم مش كان حد سيبك او خانك تبكي ! بالعكس قوي روحك وتحسبي فيه وربي حياخد الحق 💜
قصي : انزلي فرح
اني : لا لا اتصلت بروان توتي صغار وحوايجيً وشناطي واتيات بنمشي حوش طول م بين ضميت ورتبت اموري هداكا هو
شوية هكي جو صغار يجرو وركبو سيارة وحضنوني
اني : محلاكمممم اعطوني بوسة ثلاثهه
باسوني 💜
بتول : بنيتي ونبي انزلي
اني نزلت من سيارة حضنتها وحضنت ام محمد وقصي وروان كانو دموع ف عيونهم
اني : متخافش حنجي نزوركم
جت جدة محمد برا
اني : امي خيرك طالعة اهني صقع عليك، ردي بالك ع روحك وخودي ادويتك
جدة محمد : معاش حناخدهم بعد انتي مشيتي منبيش حد يعطيهملي غيرك
اني : حاضر اني نجي يوميا نعطيهملك
بستها ع راسها وقصي ركبلي شناطي سيارة وخلاص قلبي وجعني وقت وخرت سيارة ومشيت بس عادي دنيا مش ديما فرح💜
وصلت حوشنا لقيت غبرة وصالونات وطاولات قايمينهم وووه شن بيضم هادا كلههه، نزلت شناطي وحاجات دخلتهم داري سابقا
اني : امير واميرة وملوكة متتحركوش من اهني اني بنضم
امير : ماما نساعدوك
اميرة : اي ماما متضميش بروحك
ملك : حتى انا بنضم
اني : محلاكممم تعالو باهي بدلو الحاجات الحلوة يلي لابسينهم وهي نولعو منظومة ونرقصو ونضمو بدلو صغار ونزلنا لوطا ولعنا منظومة
اميرة : ماما ولعي اغنية ننانسي عجرم هديكا يلي نحبها
اني : نحسك مكبدة ي فرخة😂 وانتي عالقة ع هالاغنية
فتحتلها اغنية " تعال هنا وانا حبك عشان اعيش ع حسك" ديما تغني فيها تحبها موت😂💜
اميرة : حبيبي دا انت دنيااا
امير : وانا موت لو غيري يمسك ، ماما حتى اني نموت لو حد زعلك
اني : محلاهه اميري الحلو هي ضمو
ملك : ماما كنست هادا كله بووحي " بروحي"
اني : محلاها ملوكتي
كملنا ضمان وخشيت داري ورقدت صغار رقدو  قلت بعدين نفيقهم نغديهم برا وندهورهم💜
شوية هكي طق باب اني فتحته ونقزت فيا ساجدة تبكي ووراها غسان شاد بنته
.
.
عند امالي محمد
قصي : اووووف
روان : امممم
بتول : اه وخلاص
ام محمد : الحوش بدون فرح وصغار اخخخي
روان حاولت تغير جو وتطلعهم من هالكابة: نجيبو كارتة نلعبو ؟
قصي بصوت غليض : وقتها توا ولااا
ومشي قصي ركب دار
بتول: تزعليش روني قصي متعفلق ع خاطر فرح
....
ساجدة : والله مش مصدقة ي فرح يلي صار كنت بنجي محكمة سيارة وقفت
غسان : لو تعرف غادة
اني : لا لا غسان رد بالككك تقوللها مهم قعمزو معاي غسان وسوجي قريب ثلاثة ساعات بعدها روحو واتصلت بيا ملاك وكانت زعلانه هلبا 🤦🏻‍♀️❤️
اني : صباح خير حبيبي فقت
امير : شن تديري
اني : ندير ف كيكة متاع شكلاطة باش تاكلها وتشرب معاها كاكاو ونطلعكم ملاهي ❤️
مر وقت بعدها رفعت صغار ملاهي وشريتلهم شكاليط وحاجات للحوش وووو ❤️
.......
بتول : قصي باب يطق برا افتحه
قصي : اوكي
وكيف فتح قصي باب شبح محمد ولجين قدامه
محمد دف قصي وخش هو ولجين
محمد : تي حووول هادا حووشي واني ولجين غدوا حنقرو فاتحتنا
قصي : تافهه وحقيررر
محمد : احترممممم نفسككككك
جو باقي عيلة برا
ام محمد : يا ريتني عقمت ومجبتككككش اطلع برا انت وهاللفعى
محمد : انتي اطلعي برا لجين حتبدا مرتي ويلي مش عاجبه وجودها اهني يدرق وجهه البرا
ام محمد فقدت توازنها ودموعها نزلو : معقولة تهين امك ع خاطر هادي !
محمد ركب مع لجين دار يلي هي ف الاساس داري اني وهو
ام محمد : اني بنلم حوايجي مستحيل نقعد اهنني مستحيلل
قصي : مش انتي بروحك حتى اني معاك
بتول : اي اي كلنا
كل واحد ركب وتم حوايجه وكيف جو بيطلعو محمد جي نازل من دروج وقايم سبسي ف يده
محمد : سكرو باب زين
قصي : اطلقوني عليههه لما نخليه فتات
بتول : اطلع اطلع
جدة محمد : ي خسارة هالمحمد
طلعو وركبو سيارة
قصي قعد يتصل بالفنادق بس ملقاش غرف
....
اني كنت مقعمزة ف اتصلت بروان نطمن
اني : خيره صوتك روني
روان : شي شي
اني : تي ادووي شككلك ف شارع ولا صوت سيارات؟
روان : اي ف شارع ندورو ع فندق
اني : فندق وعلاش ؟
روان : تو نحكيلك بعدين
اني : اعطيني قصي
..
اني : ايوا قصي اما فندق شن في تعالللل توا الحوش فهمنننني
قصي : اااه ي فرح والله نسوق ف سيارة ودنيا دايرة بيا تو نجوك ونفهموك
اني قعدت نراجي امتى يجو لن وصلو خشو قعمزو وحكولي يلي صار💜
اني : قصدي معقولة هكي! اني قاعدة وحوش كبير وفاضي اقعدو معاي اهني لن نلقى حوش نقعمزو فيه كلنا والله نفرح هلبا
قصي : لا لا اماليك ي فرح متجيش
بتول : اي فروح ازعاج وخلاص
اني : عيب عليكم اماليا مازال مش مروحين وبالعكس تونسوني وصغار قاعدين بروحهم😍
ام محمد : وين امير استاحشته
اني : يلعبو فوق غير خلوكم اني بنمشي ننزل شناطيييي وهادا امرر مش طلب
قصي : غير تعالي شن بتنزلي ظهرك ، تو اني نزلهم😂❤️
روان : تعرفي حتني استاحشت اماليا
طبعا خالتي واولادها ف جبل ❤️
اني : هي هي خنوض نوتي العشي نديرو بيتزا وشربة وبطاطا مقلية م تفهم شييي 😍😂
.....
عند محمد ف حوش يبي يطلع توتة يلبسها لقي السنسل متاع انت لي اني سنسل محمد لما حذفه حطيته ف دولابه بس اني متاعي قاعدة لابساته ممكن نسيت ننحيه او حاولت نتناسى ،
جت لجين حضنت محمد
محمد دفها
محمد : وين العصير " المشروب"
لجين : مازال ثلاثة شيش بسس وباقي تمو غدوا صبح وعد نفيق نجيبلك
محمد : تمام