يوميات زوجية 2 💜

20

اني : حاضر مش حاسة ب شي توا
محمد قعد يمشي ويجي يمشي ويجي
اني : محمد ياسر دوختنا را تقول عليك ام العروسهه
محمد : غير خلوني ف همي اني معاش فاهم شن ندير بكككل ثلاثة اعراس فوق راسي يعني احني حنكونو عيله العروس ونفس وقت عيله العريس يعني يوم القفة بنرفعو ولا نستقبلو؟؟ ويوم سهرية بنمشو ولا بنستقبلو؟؟ وكله كوم ويوم فاتحة كوم تانننني
اني قعدت نضحك
ملاك : محمد ريلاكس خوي خيرك😂😂
محمد : شنهالبرود يلي عندكم شكله قصي قبل م يتزوج وزع كمية البرادة عليكم بالتساوي
بتول : حمادي اهدا وليدي احني نقسمو روحنا نصنا نرفعو ونصنا نستقبلو فكرة ولا؟
اني : غير علاش هكي احني يوم نجمة روان الاربعاء احني النجمة بنديروها الثلاثاء يعني امورنا تمام نمشو كلنا
محمد :قولي الله
اني : والله
محمد : باهي تمام
ثاني يوم يلي هو الفاتحة طبعا فايقين من ثمانيه خاشين ف الحيط حوشنا معبي زحمة ومنظومة تضرب 😂😍 والخيمة متاع رجاله برا كنا مدايرين غدي كسكسي وبعدها العصر يمشو الجامعة
محمد بعتلي رسالة قالي فرح دوريلي حل نحي نساوين من طريق نبي نركب داري بناخذ شوية حاجات
اني بعتله " خش كلهم يقربولك ع اساس حياكلوك ي زين مالك😂❤️"
محمد بعتلي " فرح مش وقتك فضيهم شوفيلي كان فف حد تي نصهم عرايا تبيني نخش نكحل امالا "
اني مشيت لقيت م في حد جنب دروج بعتله باش يجي ونتلفت يمين نلقى الاخت لجين جايه عليا
لجين : فروح مبارك عليهم
اني شبحتلها من فوق للوطا وجي محمد
محمد : لجينن
لجين : شخبارك
محمد كان مستعجل ركب دار وني لحقته
اني : من عزمها هالدراه؟!!
محمد : مش وقتك فرح مستعجل
اني : ناس كلهم تغدو؟
محمد : اي اي حمدلله شوية هكي بنمشو جامع غير نساوين الهم هادم يشبحولي واني خاش طالع عليهم شن هادا تي من عزمهم
اني : حميدة اهمي يقربولكم ي فالح
محمد : تي وراس امي م نعرف وحدة فيهم😂هي توكلي شوفيلي لو في مرا
وكيف فتح محمد باب دار شبح يمين يسارة ورجع خش باب ولصقني ع حيط وجي وقف قدامي
محمد : تي عزوز الهم هادي شن تلود تدير
اني : وووه عليا متقوليش عمتك😂😂🤷🏻‍♀️💔
طبعا هادي عمة محمد الكبيرة كل م محمد يخش حوش هي تشوفه وتعلق وراه تضربه تهزبه لانه خش
طق طق
اني : منني
العمة : قولي لمحمد اطلععع شفتك
محمد : تقولولي متشبحش تي هي احرف من زرقاء اليمامه
فتح محمد الباب
محمد : نعم
العمة : شن تدير اهني!! مشبعتش من مرتك ؟ نهار كله محشي معاها ف دار تي اطلععع
محمد : تي جيت بناخذ حاجات
طللع محمد هرب من عمته مع عشية جو محمد وقصي يبدلو وجي محمد نازل اني لن انصدمتتت من جمال الزبون عليه
ناضو بنات عم محمد خروات هادم يغنو 😂🤦🏻‍♀️💜
ملاك : تي هيا غنو ع حميدة
بنت : واحد اتنين تمانيه حميدة حاجة تانيه
بنت ٢ : وواحد اتنين ١١ حميدة ولا بلاش
ملاك : محمد محمد ي خطير وفرححح قريب تطير 😂😍
محمد : ياسر ياسر
جي قصي نازل وشد ف ظههر محمد 😂
قصي : شن ي خوي تقول انت العريس يغنو عليك خيرني اني
البنت : لا لا علاش كذب ي قصي محمد احلى منك يهبلل وليد عمي
قصي : غير شوف من يتكلم بغض نظر ع اني منعرفكش ولا نعرف اسمك ، نحب نقولك ساقمي سنونك تو نعطيك اسمك دكتور بالرسمي تعرفي يعدل السنون بريله ، وبالمرة اخطمي ع دكتور تجميل ديري تسعة عمليات تجميل باش وجهك يتعدل
ملاك ضحكت
قصي : اي ملاك مش تسعة ولا؟ اكثر اكثر قوله ع قد م تقدر ترقع رقع
البنت حرجت ومشت😂🤦🏻‍♀️
محمد : غير هيا خنطلعو
جو نساوين تلمدو ع قصي ومحمد وبدو يغنوً عليهم
محمد وشوشلي : فرححح انقذيني طلعيني
اني جبدت محمد من يدههه وطلعنا برا
اني : طالعععع قمرررر
محمد : هي سيلفي مدامتي
اني : هي
وخدينا لقطة اني ومحمد جت تهبللللل
وجي قصي ناقز
قصي : سيلفي سيلفي سيلفي سيلفي سيلفي ، سيلفي تشك حبيبي صورة حلوة ي قليبي وسيلفففي سيلفي سيلفي
اني : مبردك 😂
قصي : تي هيا خودو سيلفي مع العريس ، تعرفو هربت منهم بالسيف من هالشكلات
اني : هادو بنات عمك😂
قصي : اسم الله الكريم خيرهم كل وحدة احرف من ثانيه احني لمني طلعنا زينين وجميلين هكي باهي مقالوليش خود وحدة منهم 😂جتنا ف روان عادي
اني : لما نقوللها
محمد : قصي وقت ع جامع هيا
قصي : قول انك تبي تقضي لحظة مع فرح
مشي قصي 😂💔
ومحمد باسني ع خدي وكلمني بهدوء : لو اني مش القمر اني ضيء القمر ، القمر شخصيا واقف جنبي
وجت عمة محمد تضربهه بهداكا العكوز
محمد : تي خيركك حسستيني خطيبتي تي مرتي زفت
العمة : عطك بلي ي محمممد انتلفف شن مقعمز اهني ، وانتي يا بلوى انتلفي داخل
خشينا داخل اغاني وهياجة نراجو رجالة امتى يقرو فاتحة
......
طبعا وقت كانو ف فاتحة قصي اتصل ب روان باش يسمعها كل شي 💜
روان : خسارة استاحشت فرح تعرفو
ريان : تو بعدين نقول لمحمد يجيبها
خالتي : شن روني مكملوش ؟
روان : مازال
....
اني اتصلت بغادة اتطمن ع الوضع عندها قتلي كل شي تمام
وطبعا احمد كانو بروحهم حتى هما هياجة واغاني💜
قرو الفاتحة ووزعو عبمبر وبكلاوة وهدايا واتصل بيا محمد قالي كل شي تمام 💜
وبعد اتصال محمد نضنا عاد هياجة واغاني
اني : يالقديممم نسيتك بككل ورد معاك الباب توكل 😂💔
ملاك : يالقديم نسيتك رسممي وغنيله ي حسين الجسمي
البنت : قديمي ي ريته شهيد ولا بدلني بحب جديد😂💜
اني : وواحد اثنين تمانيه قصي حاجة تانيه
مهم هيجنا وجي الليل يلي هو سهرية للعيلة قضينا اغاني زمزامات لن جي محمد فرحني قالي البسي عبايتك واطلعي ورفعني لحوش روان قداش م فرحتتت😍💜
وخشيت نغني عاد وروان كانت لابسة البودري😂💔
اني : قولو للحساد خداته تاج ع راسها حطاته 😂🖐🏻
وروان فرحت هلبا وناضت حضنتني وترقص وتغني
روان : وفوق رموش العيلة نشيله براني ماهو من العيلة
خالتي : اهي جتكم الحمصة 😂
اني : عطوني الدربكةةة
وخديت دربوكة وطحنا فيها اغاني 😂
ريان : ونحو القيطون حرقتوناا وخلو الشباب يشوفونا
اني : اجعنك ي خوان ضلوعي حي حي حي حادث وتعيط حي ضلوععي
روان : اجعنك ي بادي بالعله حي حي حي حادث في مفروق ورفله
ريان : اجعنكك ي نزال دموعي حادث وضلوعك شرتوعي
شوية خش ابراهيم ويرقص ويصفق 😂🤦🏻‍♀️
ابراهيم : وراجلك البرا حي حي حي قالك اطلعي ي مرا حي حي حي
ريان : ولد خالتي ماشي ع اللحن😂😂😂
اني : ي حبي انني طالعههه وخلي السيارة والعهه 😂
ابراهيم : لا فرح بالرسمي علقت تي نوضي
اني : حقا شروق شن جو الحمل
شروق : اول مرة نتعب هكي ي فرح
اني : باهي ع خير انشاء الله
طبعا شروق حامل ف شهر تاني 💜 لما مشت تونس دارت تحاليل مفي شي طلع كل شي كويس
خالتي : ابراهيم قول لمحمد يزيد فرح شوية
ابراهيم : تي عيب ليه اربعة ساعات يراجي ومتنسوش عندهم عرس غادي
اني : تم هي
وطلعت لمحمد مشينا نفس جو اغاني وهياجة😂😍💜
ثاني يوم كان طبعا يوم الكسوة قعدنا احني نراجو ف غسان واحمد لن جابو الحاجات 💜💜 بعذها مشينا احني ورفعنا الحاجات لروان اما ف الليل كانت سهرية وحنينا فيها ساجدة وملك ، ملك بتطير من فرحة اما سوجي كانت مغمومة هلبا 🤦🏻‍♀️
اليوم يلي بعدها درنا غدي كبير للرجالة منحكيلكمش كان فوق خمسمية نفر شوية تي زي الفوشار هلباااااا كانو درنا جزء بازين وجزء كسكسي 💜 ف الليل كانت النجمة لبسو ملك وسوجي بدلة كبيرة كانو طالعات يهبلووو  ومغطيات وجوهم لن جو عيلات العرسان معاهم هدايا وبخور وحنة ولبس وذهب والخ 😂😂 وتلاقيت مع غادة عاد وتعرفوً جو لن روحو امالي العرسان وجي الليل وقت نطلعو بالقنديل طلعنا وهيجنا وروحنا ويوم يلي بعده كانت نجمة روان مشينالهم ونفس شي هدايا والخ وبعدها روحو بس اني قعدت حضرت معاهم القنديل 💜💜
ف دارنا💜
اني رقدت ع سرير وتنهدت
محمد : توا ااه تواا!! مخليتيش رقيص ومخليتيش غناء وناسية روحك حامل
اني : مرقصتش هلبا
محمد : اول شي شفتككك كيف ترقصي تقول مش حامل ع مرتين بنخش نقتلك
اني : وين شبحتننني
محمد : كنت نازل من دروج وحضرتك تشطحي
اني : خيرك حميدتي يوم مش طبيعي
محمد : خلاص خوتي صغار بيتزوج مش مصدق ي فرح تعبت هلبا الاسبوع هادا
اني : خلاص كل شي كان تمام وحلو هلباااا حميدتي وحمد لله م كان في شي ناقص كله تمام💜💜حمدلله ي ربي
محمد : اني بدونك مشعارفة شن كنت بندير تعرفي يوم عرسنا محسيتش بفرح زي يوم
اني : ماه كنت بتطلقني 😂تخيل تطلقنا ؟
محمد حط يده ع فمي : معاش تعاوديها
شوية هكي طق باب دار
ام محمد : فروحة بنتي شن تحسي تمام انتي؟
اني : اي كويسة ي امي مش حاسة بشي
ام محمد : وتيتي شنطتك؟
اني : اي امي
طبعا شنطة فيها حاجات بيبي ووو لان ف اي لحظه ممكن نولد
شوية خشت ملاك
ملاك : فروح تعالي اغاني وجو
اني : هي هي جايههه
وطلعت
محمد : تشبح اغاني وزمزامات تقول يلبسها جن الحمصة😂 تنسى امها وبوها وتنساني وتنسى انها حامل
ام محمد : ارقد انت وليدي تعبان هلبا قداش ليك
محمد : اي اي
مشينا نهيجو
اني : الخاين نا نبيله اثنين عياط امه وزوز قواطين 😂💔 الخاين نا نبيله ثلاثه عياط امه واخته وخالاته ، جعنك ي خاين العلاقة معمز ف كرسي الاعاقة ، جعنك ي خاين الاولاف تعيط بيك سيارة الاسعاف
ملك : فروح شني مني خاينك
اني : 😂😂😂 وين سوجي
ملك : ف دارها
اني مشيتلها لقيتها راقدة ودموعها ينزلو وخلاص
اني مسحت ع راسها : سوجي نوضي حبيبتي 💜 اول شي بطلي بكي غسان ولد م فيش زيه
ساجدة : عارفة لن مفيش زيه بس اني نبي واحد نحبه
اني : ساجدة ارضي بنصيبك وقدر الله م شاء فعل، ربي كتبلك غسان خلاص ارضي بيه لان اكيد فيه خير ليك ، اني ومحمد تزوجنا بعض مش عن حب وشوفي توا اهو حامل وف شهر تاسع 💜
" حتى انتم حتى لو خديتي واحد بالسيف ومتحبيشي مضايقيش روحك وتزعلي لان تكيد فيه خير ليك واقرب مثال اني ومحمد قدامككم💜
جت بتول خاشة
بتول : سوجي نوضي غني مع بنات
اني : تي هياا اني ناويه اليوم نولعها باش يلي ف بطني يطلع يغني للحمصة طول😂😂😂
ساجدة : لا بالك بعد غني ورقيصك يطلع شاد قران؟
اني : 😂😂 نوضي ي باردة
ضحكت ساجدة ونضنا نغنو ثاني يوم العرس طبعا من صبح ربي ، كلناااا ف مزين وجو غادة واماليها كلهمم وروان وعيلتنا كلهااا واحني مشاء الله المزين تقريبا بدي غني منا ، يلي هو يدير ف مكياج تسريحة يلي هو😂🤦🏻‍♀️💔
شروق : تتفكر قبل ي فرح كنتي مقعمزة ف نفس كرسي روان ومتوترة نفس التوتر
اني : 😂😂 ي حسرة
شوية نسمعو صوت تبييب
غادة : حي ع جووو نسيت كعب واكسسواراتي انتم برو اني بنمشي نجيب حاجات من حوش ونلحق ف صالة
اني : ي درويشة سوقي كويس راك تخشي ف حيط
مشت غادة شوية هكي جو الشباب طبعا كانو متفقين يجو مع بعض 💜
اني ومحمد كانو معانا ساجدة وملك 💜
قصي روح ببتول وملاك اما جدة محمد وعمته كانو يستقبلو ناس ف صالة
ابراهيم وشروق وامي مع بعض
وعماد جي خدي روان وريان
وباقين توزعنا ع سيارات😂🤦🏻‍♀️
اول م خشينا هديكا زغاريط نحينا عباياتنا باش محمد يدخل ساجدة وملك الله ي ربي ع البدلة كيف طالع شخصية هالراجل هبلني وهديكا لحية دخل ملك وساجدة وباسهم ع راسهم وجيت اني خديت معاهم صورة شوية محمد جاي بيطلع وعيونه قدام لا شبح يمين لا يسار عاد كله من توصياتي ليه😂
محمد : اسمعي ي سمينه شوية هكي بيدخل عماد وعلاء بيدخلو روان لهذا تلبسي نقااااااب نقااب وليس عباءة تغطي حتى عيونك
اني : حاضر
شوية هكي عماد وعلاء دخلو روان وبجديان كانو يهبلو روان وملك وسوجي بس جمال ملك قل هو الله احد غطى ع جمالهم كلهم
شوية هكي خشو عرسان كل وحدة دارها طبعا صالة كان فيها ثللاثة حجرات
اول شي ملك دخلها احمد ❤️ قعمزو شوية تصورو بعدها رجعو خشو دار خدو كم لقطة نادتني ملك
اني : نعم
ملك : تعالي خشي دار ساوي روحك اني كلمت احمد ينادي محمد
اني : غير هيا بنشوف سوجي وغسان بيخشو توا
ملك تي تعالي تصورو
شوية جي محمد
محمد : والله م في داعي ي ملك انتم عرسان احمد بالسيف دخلني
ملك : لا في داعي
محمد عيونه دمعو
ملك : محمد خوي خيرككك
ملك عاد بدت تبكي واني دموعي نزلو وجت ام محمد هديكا دموع
اني : ياسر ياسر ملك راك عروسة بطلي بكككي
محمد : ردي بالك ع روحك ي ملك اني اعطيتك لراجل وانشاء الله نكون مزعلتكش ولا شي
ملك : محمد اني كنت عايشة معاك عيشة ملكات
محمد : ربي ميحرمنيش منك
ملك : غر ع خاطري خشو تصورو
خشينا اني ومحمد وصور يهبلو💜
اني : محمممد محمممد
اني تعصبتتت وشديت ف محمد بكل قوتتي
اني : ااااااه بطننننني
ام محمد : ي لطيفف شن ففففي فرحح
اني شديتها عياااااط
ام محممد : قيمها قيممها المستشفىى الشنطة جبتوها ولااه
محمد : حي شن ندير امي العرس فرح امي شن في توام
ام محمد : تي اسكتتتتتتت ونوض مرتك بتجيببب
انيي : اااااااااي بنموت ي امي بنموتتت المم
شوية جت امي وشروق
امي : فرحح بنتي