يوميات زوجية 2 💜

14

مشيت لملاك ندور فيها وننصدم شفتها مع @:£ وشادين ايدين بعض
ف نفس وقت عند محمد وهو خاش ب
لقي سيارة لجين مدرسة
اني لما شفت ملاك واقفة معاه بجديات جتني صدمة يعني معقولة! بعد يلي داره كله وترجعله بعد خلاها تبكي دم؟! على طول مشيتلها لان لو شبحها محمد حيقتلها
اني : ملاك شن تديري ؟!!
ملاك : فرح ممرضة قتلي في شخص تبرع لقصي بالدم ووقت جيت لقيته هو
اني : اها
اسامة : فرح سامحيني ع يلي صار اني والله م نراقب فيكم جيت زيارة لصديق ولقيت ملاك قدامي
ملاك : خلاص شكرا بارك الله فيك وتفضل روحك
وم نلقى الا محمد جاي يجري وطاح ف اسامة ضرب كان يضرب فيه ويتكلم مع ملاك
محمد : فهميني انتي درويشة ولا شنو ! غير شن نقول عليك؟ خيرك خيرك فهميني تي خانك تعرفي شن معنى خانك؟؟ وحاط عينه على مرة خوك وتزيدي ترجعيله؟! وانت ي فرح تساعدي فيها باش تتلاقى معاه
اني : غير افه...
محمد : سكريه فمككك ! خلوني نتكلم مع هالدرويشة
ملاك زعلت هلبا من كلامه وطلعت برا مستشفى ومشت للسواق يوصلها الحوش
اما محمد ف كمل ضرب لن حزوها الناس
اني : ونبي شن هالكائن يلي ربي باليني بيه هي خيرك ي محمد !!
محمد :  فرح سكريهه فمك
اني : مش حنسكره شن هالكلام يلي قلته لملاك؟؟
محمد : مدخلكش
اني : شن هو يلي مدخليش ! ملاك مرجعتش لاسامة ولا تلاقت معاه! اسامة كان جاي بيزور صاحبه وشبح ملاك وسال ممرضة وقتله ان خوهم محتاج دم! وبصدفة طلع نفس زمرة دم اسامه وتبرعله! ووقت ملاك مشت بتشكر الشخص يلي تبرع بالدم طلع اسامه !
محمد : اي اي مشيييها ع التانين
اني : اجعنك ولا صدقت
وكيف جاية بنمشي حسيت بدوخه شوية وفقدت توازني
عمر : فرحح
محمد : شن جابه هادا ، تعالي قعمزي انتي ومعاش تنوضي كم مرة نقولك متعبيش روحك
عمر : فروح انتي كويسة؟ نجيبلك شي ؟ نوضي نوضي ديري كشف باهي
اني : لا لا اني كويسة
عمر : باهي شوية ونجي
مشي عمر كافي متاع مستشفى وجابلي كابتشينو ومعاه بريوشة 💜
اني : علاش متعب روحك عمر اني كويسة
محمد : نوضي نوضي خنروح بيك
شوية هكي جت لجين تسلم
اني : استغفر الله
محمد : لقيت سيارتك برا
لجين : اي كنت ندور فيكم لن لقيتكم
وكانت جايبة شكلاطة وورد
اني : شنجو الاتراك هادا
محمد : شكرا لجين
اني : هو قاعد مفاقش ، اني ماشية بنروح
محمد : اصبري تو نوصلك
شوية هكي جو علي وروان
وصلنا محمد حوش وقعد معانا اني درت روحي تعبانه باش ميمشيش لهديكا الساحرة😂🤦🏻‍♀️💔
محمد : هي كولي
اني : مخاطريش
محمد : تي شن عناد هو !
اني : حرام عليك خيرك هكي؟!
محمد : خيرني
اني : يلي ققلته لملاك عيب وغلط ؟!
محمد : م قلت شي اني ! بعدين شن متوقعتيني نقول وقت نشوفها معاه؟
اني : انت حر
اني نضت من سرير وجاية بنطلع
محمد : قعمزي مكانك
اني : محمد اقسم بالله حرام عليك خيرك متحسش
طلع محمد من دار مشي رضى ملاك
بعد مرور اسبوع .....
اتصل بينا علي وقال ان قصي فاق 😍😂💜
منحكيلكمش ع الفرحة يلي جتناااااا
بتول بدت تزغرط : تي هيا وزعولي شكاليط ع شارع كلهههه وخودو فلوس وزعوهم
محمد : هي يلي بيمشي معاي يجي
اني : كلمت روان قتلي اهو حنجو مستشفى😂💜
طلعنا مشينا مستشفى اني ومحمد وبتول وسوجي ف سيارة 💜
وام محمد والعمة وملاك جايبهم سواق جدة محمد وبوه قاعدة معاهم ملك💜
محمد : وين وين قصي
علي : حمدلله ع سلامته فروحتي 😍💜
اني : الله يسلمك
علي : درناله تحاليل وكل شي تلقوه ف حجرة ٢١٠
ركبنا كلنا دار
محمد حضن قصي ودمعوه بينزلو خلاص
قصي : محمد ي بو عضلات خنقتني وكسرتني وقتلتني ، شنصار
محمد : شنصار😂 مصار شي سلامتك
بتول جت حضنت قصي وباساته
قصي : شن هالحنيه يلي نازله عليكم ربي يدومها انشاء الله ، بالله محمد نبي سيارة جديدة بالمرة بما انك حنين توا اكيد اي شي نبيه اوامر
محمد : شكلك م صدقت امالا😂💔
اني ططلعت علي شوية برا
اني : علي
علي : شنفي
اني : اني وانت عارفين ان الحالة يلي طلع منها قصي مستحيل يطلع منها سالم! اكيد حيكون في اعراض !
علي : اي ي فرح هو اكيد
اني : بس مفي شي ف جسمه مشلول! حتى فقد للذاكرة لا
علي : والله درنا تحاليل وصور تو يطلعو ونتفاهمو ونشوفو شنصاير
ملاك : فروحتي قصي يسال عليك تعالي 😍😂
اني : لحظه هي
خشيت لقصي
اني : خوفتنا عليككك
قصي : اي مفروض نحصل ماكله من تحت ايديك توا
اني : خنروحو حوش ونديرلك اي شي تبيههه
قصي : تعرفو ي عيله ظهري مش حاس بيه
محمد  شبحلي وبتوتر
اني : هادي من الرقدة الطويلة ي قصي ليك اسبوعين عاد
قصي : اسبوعين شن ي فرح
شوية هكي خشو روان وريان وخالتي ومعاهم امي
وروان طول نقزت شدت يد قصي
روان : قصيي حبيبي استاحشتككك معاش تبعد عليااا بكل واللله نموتتتت
قصي : غير شن هالدولاب ابعدي ونبي شن تقولي انتي
روان : بدون بصارة قصي نعرفك تتسهوك لان هديكا مزة مقتلكش نحبكك وتوا تعاقب فياا
قصي : فرححح قولي لبنت خالتك هادي تبعد مني منتحملهاش اني والله تركبلي السكر والضغط والبرص والبلي كله
روان : قصيي اشبحلي بطل تسهويك! اني بنموت عليك وتجي توا هكي تدير ؟ اني خطيبتك؟!
روان نزلو دموعها💔💔
قصي : خطيبتي ؟!! انني ! مهبول! باش نخطب وحدة زيك امالا تي نوضي من جنبي
فجاءة قصي بدي يفقد وعي شوية شوية
علي : اطللعو من دار كلكم لو سمحتو
طلعنا برا
محمد : شنصار معاش فهمت شي
اني : روان بطلي بكي قصي كويس ! لاكن الحادث يلي داره اكيد حيطلع منه بشوية حاجات وحمدلله جسمه سليم لا مشلول لا شي
شوية هكي طلع علي
اني : عللي
علي : اي فقدان جزيء للذاكرة
محمد : كيف؟! بس هو متفكر كل شي
علي : مش كل شي خطيبته مش متفكرها! اخر شي من حياته مش متفكره
اني : بس هو متفكرني
علي : اي هو فاقد شوية من الحاجات يلي صارت ف حياته حتى حادث يلي صار!
روان قعدت تبكي : يعني بعد نراجي يطلع ناسيني اني!!!!! علاش
علي : شوفو هو مش حياخد هلبا وقت باش يتفكر 💜 مجرد علاجات وانتم حاولو تفكروه بالمواقف يلي صارت معاه قبل وحيتفكر ! بس ردو بالكم تضغطو عليههه ردو بالكم! مرات ف اي لحظه تانيه يكون معرض للغيبوبة
اني : تمام علي انشاء الله
علي : تقدرو تروحو بيه اني بنديرله خروج بس دواءه ف وقته ياخده وزي م قتلك ي فرح متضغطوش عليه ورقمي عندك اي شي اتصلو بيا
بتول : شكرا ي دكتور بارك الله فيك
علي : روان مدابيك تروحي متخليشي يشوفك