يوميات زوجية 2 💜

22

كوثر : اكيد مدايرتيله بسبوسة الدكتور مستحيل يفكر يخطبك
.....
خش غسان لدار
غسان : ساجده
ساجده : شنو شنو شن هالعيشة يلي اني عايشتها هاددددددي بتهزبني ولا بتعيط تفضل قووول!!! اني منتحملش حد يهزبني ونسكت هي توريني سم حتني حنوريها السم ونشوفو من يربح ومش عاجبك طلقني ارفعني حوش امي قاعد ارحملي من العيشة معاكم اهني
بدت ساجدة تبكي وقعمزت ع سرير غسان قعمز جنبها وشد ايدها
ساجدة : ونبييي حول مني معاش تمسننني خيرك متفهمممش
غسان : ساجدة اني مجيتش نهزبك ولا شي جيت نرضيك لانك زعلانه نعرفك ف حوش اماليك كنتي عايشة عيشة اميرات محد يكلمك ومحد يهزبك بس اني اهني هادي استطاعتي منقدرش ندير شي اكثر من هكي ونسبة لمرة بوي حنكلمها معاش تكلمك ولا تجي جيهتك ، وتوا عندك حوايج تمشي بيهم غدوا جامعه ولا نطلعو سوق؟
ساجدة : عندي ولو سمحت اطلع من دار نبي نقعمز بروحي
غسان : حاضر
طلع غسان وقلبه مغموم هلبااا مشي قعمز وحط راسه ع رجلين غادة💜
غادة : خيرك
غسان : مشعارف ساجدة نحس فيها مضايقة من عيشة اهني ومرة بوي ، ونحس فيها مش متاقلمه معاي بككل
غادة : غسان ساجدة مليهاش هلبااا عروسه تو تتعود
غسان : تمام
طلع غسان مشي جاب شكاليط لساجدة وحطهولها ع سرير وهي كانت ف حمام 💜
.......
مشينا حوش اممي وكانو معانا ملك واحمد وقصي وروان غادي لقيناهم💜
اني كيف خشيت
اني : سجىىى يا عمررري نورتي طرابلس وليبيا وكل دنياااا
سجى : منوره بناسها والله
قيس : شني مني بنت العمة خيرني اني امي ارنب 😂؟
يارا : فرحححح
قيس : عيبب
يارا : باهي خالتي فرح
اني : شنهالجو ي قيس 😂
قيس : تي وين ويننن صغارك
شد قيس قام مني امير
قيس : لاكن ي فرح نسخههه منكك ،
اني : بس العيون واخدينها منك
خش محمد سلم
وكيف جاين رجاله بيطلعو يمشو مربوعه خشت ملاك ومعاها بتول وتنصدم وقت شبحت قيس قدامها معاش عرفت تتحرك وكيف خشت جو يارا ويزن حضنوها
يارا : خالتتتتي ملاكككك انتي اهننني وخيرك مشيتي معاش جيتينا
يزن : اااي استاحشناك هلبا
جت سجى سلمت ع ملاك كانهم يعرفو بعض ليهم سنين
روان : معاش فهمت شي من وين المعرفة😂💔
ملاك : اتلاقينا ف تركيا مش حكيتلكم وقت خنبو شقتي قعمزت ف حوش عيله ليبية هادم هما
اني : واللله شووفو الصدفة بالله😍💜
قعمزنا نهدرزو ونضحكو جونا مليح
شروق : هي ي بنات وحدة فيكم تقيم حاجات ترفعهم للرجاله
روان : امم سو سو سورري قيوصي يغار
ريان: حتى اني ايهومي يغار
اني : حناككك انتي وهي هاتي ي شروق تو نرفعهم
طبعا بما ان يلي ف المربوعه كل يقربولي صغار خالتي وولد خالي وخوي وقصي ومحمد وبو محمد واحمد يعني عيلتي خشيت وزعتلهم حاجات😂💜
علاء حذف فيا المخذه
عماد : علاء شن درت متنساش راه تزوجت😂
قيس : متزوجتش بس ، وعندها صغار زيادة
اني : خخخخ حسستوني انتم قاعدين شباب وحيويه ماه كل واحد شيباني اكثر من تاني
علاء : مشاء الله من دار هالكابتشينو تقول متاع ساحل زح
اني : شغل ايديا وحياة عنيا
قيس : تي لاااا متقوليهاااااششش واني نقول خيرها بطني بدت توجع فيا 😂
اني : ي باررد يلي مش عاجبه يحطه يلااا
محمد كان بيموتت وبينوض يضربهم كلهم واني نشبحله ونكمل ف بصارة يستاهل باش ميدرهليش كبدي زي امبكري ف حوش هو وبنته
علاء : اسمعو اطلبو الاسعاف باش بعد م نشربو كابتشينو ويصيرلنا تسممم الاسعاف يكون البرا
اني : والله حرام فيكم حتى طاسة ميه
عماد : طاسه ميه منك منبوهاش نخافو يكون فيها سم ولا حاطه فيها شي 😂
وجيت طالعة
ابراهيم : رقيتوهالها
علاء حذفني بمخدة مرة ثاني
جيت هاجمه عليه خبط
علاء : اسففف سامحيني وراس امي معاش معاودها
اني: ايوا
علاء : لا حول الله فيها خلقة خبطة اااه ي ظهري ويدي ، تقول مصارع
اني : هادا عقاب اي واحد
قيس : جون سينا شن يقربلك فرح
وكيف فنصت ف قيس 😂
قيس : اسف سامحيني بنوض نولعلي سبسي ونجي
محمد : راجججيني هات طرف
اني : مصحححح وجهكككك هات باكو سبسي قيس مصح وجوهكم زوز سبسي وقدامممي وانت من وين ليك سبسي ي فالح
محمد : من توا رجعتله
خديت باكو سبسي من قيس وطلعت😂💔
قعدنا اغاني مع البنات وهدرزة وضحك لن طارتلي من صغار محمد مقعمز يهدرز ويلعب كارتة وحاذفهملي زوز بعتله رسالة يطلعلي ف جنان
اني : مصح وجهككك حاذفلي صغار ومقعمز يلاكس
محمد : انتي امهم
اني : مصحكك شن جايبتهم بروحي ؟! شد بنتك خليها معااك
محمد : انلااااا وزيدي بصري مع صغار خوالك
اني : محمممءمد والله نبكي شد بنتك احسن
محمد : منبيش
وحط ايديه ف جيوبه ويضحك وطلع بدي هكي يحب يحرقلي دمي 🤦🏻‍♀️💔
....
ملاك كان ماشية ف ممر ولقت قيس قدامها
قيس : اهلا
ملاك : اهلين قيس كيف الحال
قيس : مستاحشك بس ي ملاك
ملاك : اممممممم
خنقوللككم ملاك قيس انعجب بيها هلباااا من تركيا وصغاره حبوها هلبا يعني عوضتهم ع امهم 💜 لما ملاك روحت ليبيا ايميلها فيس تسكر وخدت شفرة جديدة لان الاولى سكروهالها ف معاش دورت قيس ولا هو دورها قعد يبعتلها ف رسائل وهي فيسها مسكر
ملاك : اي هادا يلي صار
قيس : تمام💜
ملاك : اعطيني رقمك تو نكلمك بعدين
خدت ملاك رقم قيس ودارتله رنة
ملاك : شن بتستقر اهني قيس
قيس : لا لا غير صغار جيت نوريهم عيلتهم شهر اتنين او اقل ونروح
ملاك : امممم تمام
جيت اني متعفلقة من محمد هلباا
قيس : ي ساتر ي ساتر فرح خيرك قارنتيهم
اني : محمد
ملاك : خيره😂
اني : يلعب كارته وهبلني مباش يشد بنته
قيس وملاك : هاتيهاااا
قيس : 😂
ملاك : هاتيها فروح متتعفلقيش تو نمشي نبدللها
خذتها ملاك ومشت 💜
اني : شني مني قيس
قيس : خير ي طير شن في😂
اني : وقفتك اهننني مش مريحتني
قيس : اي اي مفي شي هي باي بنمشي للتريس مالي ومال نساوين اني
ومشي قيس بس اني حسيته تهرب من موضوع "ملاك" 😂💜
مر وقت روحنا الحوش 💜 واني متعفلقه من محمد وهو يضحك ويدير ف جو بس تو يشوووف عليها
اني كنت نطبق ف حوايج صغار
محمد : شن وينهم
اني : توا تسال!!! امير راقد واميرة مع ملاك
محمد جي حضني
اني : حووول محمد
محمد : خيرها ام صغاري زعلانه
اني : حول مننني محمد لاني مش حنرضى ومش حنتكلم معاكككك
محمد : معقولة!!!
اني : اااااي
محمد : اوككي
وطلع محمد
اني قعمزت نضم ف دار بعدهاً خشيت حمام نغسل فيه
محمد : فروحتتتي وينك
اني : ماتتتتت
محمد جي وقف قدام حمام وف يده في زي حافظه فتحها وحطها ف حمام وسكر عليا باب
وكان تشوفووو زوز عنكوبات كبارررر تي مش عناكككب تي شكلهمم زي السبايدر واني عندي فوبيا منهم بديت نعيط ونبكي 🤦🏻‍♀️💔💔
اني : محمممد ووووه عليا بالله عليك محمد افتحلي باب
محمد : رضيتي ولا قاعدة زعلانه!
اني : مش زعلانه والله لا محممممد بالله عليك حبيبي افتحلي الباااب والله معاش حنزعل رضيت والله رضيت
محمد : قوليلي محمد نحبك ي حبيبي ي روحي ي عمري
اني : محمد نحبك ي روحي ي عمري
محمد : نسيتي حبيبي مش حنفتححح
اني : محممممد جاياتتتت عليا ي محممد ي دراه والله نطلع لما نقتلك
محمد : امالا مفيش طلعه باتي معاهم حيونسوك صدقييني تعرفي عليهم كيف متزوجين شوشو وسوسو 😂😂😂
اني : محمد بالله عليك والله بنموووووتتتتت
محمد فتحلي باابً وطللعت ورجع سكره واني وع طول شديتتت حضنته بعدها رقدنا ع سرير وقعدت شاده ف حضنه بكل قوتي لن سكتتت ومعاش بكيت
محمد : ايوا كويس هكي معاش تبكي شن حيديرولك
اني نضت قعدت نخبط فيهه
اني : مبردككك
محمد : شكلي مرة جاية بنجيب خنسة مش اتنين
اني : لا لا بالله عليكككك لا
محمد : رضيتي ؟
اني : والانسان معاك حيقعد زعلان!؟
محمد باسني ع خدي
......
ثاني يوم💜
ساجدة : تتي خلاص اوقف اهننني شن هادا
غسان : تمام مع سلامة
ساجدة : بنزل موادي ونهدرز مع بنات وقت نكمل نكلمك
غسان : تمام سوجي
ونزلت ساجدة ومشت مجرد م خشت نحت دبلتها ساوت روحها وخشت لقت بنات نزلت موادها وقعمزت ف كافي كان فاضي
ججي مصعب خاطم ولمحها
مصعب : اووو انسه ساجدههه
ساجدة بتقيم حاجاتها تنوض
مصعب : هههههي خليك مكانك
ساجدة : ابعد مننني
مصعب : مش حنبعد تتفكري علاقتنا قبل ي حلوة؟! وخيرك زدتي احلويتي
صهيب"صاحب مصعب " : اي اي شوف بالله ي حسرة ايام ساجدة قبل 😂😂
مصعب : شوف الشعر كيف بالله
قعد مصعب يمس ف شعر ساجدة
ساجدة بدت تبكي
ساجدة : حوول مننني
جي شخص وشد مصعب
؟؟؟ : متتعرفش تتقاوى الا ع البنات؟!!!!
ساجدة : انتتت؟!
...
ف حوش
غسان : غادة والله م عرفت كيف نتعامل مع ساجدة ساعديني
غادة : خلاص اني بعدين نكلمها ي خوي باهي؟
خشت كوثر
كوثر : نوضي علي هادا برا
غسان : تمام
طلع غسان لعلي وسلم عليه وغادة لبست وطلعتلهم
علي : والله جيتكم ف موضوع
غادة : شنو
علي : ..
غادة : شنوووووو!!!
غسان : اكيد تبصر علي ؟!
علي : هادا الواقع
كوثر كانت برا تسمعلهم وتضحكك
غادة تكنطت وخشت دارها 🤦🏻‍♀️💜
وعلي روح
......
ساجدة : اسامههه!
اسامه : تبي تتمرجل تمرجل ع رجاله زيك
ع خشت عميد الكلية
العميد : شن في خيرك  اسامه
مصعب : لا لا شي تعرضنا لمشكلة بسيطة ونحل كل شي ي عميد
وطلع مصعب وصاحبه
اسامة : ساجدة انتي كويسة؟
ساجدة : شن جابك اهني؟
العميد : خير ي اسامه
اسامه : لا لا م في شي
طلع العميد واسامه قعمز مع ساجدة وهي تبكي
سساجدة : انت شن جابك اهنني تراقب فيا ي حيوان!!!!
اسامه : لا لا غير اهدي قعمزي اني جاي نقابل عميد الكلية صاحبي وبالصدفه خشيت كافي لقيتهم يضايقو فيك
ساجدة : باهي شكرا
ساجدة نقالها شرين 💜 كان غسان معناها يراجي فيها برا
قامت شنطتها وحاجاتها وجايه بتطلع
اسامه : سوجي استني
ساجدة : شن تبي
اسامه : نبي ملاك
ساجذة : مصح وجهكك
اسامه : نبي نعتذر ونصلح كل غلطة درتها ي ساجدة بالك تقبل تسامحني
ساجدة : باي
اسامه : غدوا حنجيك ونتكلمو
طلعت ساجدة ومشت لغسان
ساجدة : خيرك واقف اهننني!!! شن تبي تحشمني قدام ناس !!! معاش توقف اهني
غسان : حاضر ي ساجدة ، شنجو قرايتك اليوم
ساجدة : مدخلكش فيها
غسان سكت شوية
غسان : جيعانه حابة ناخدلك شي ؟
ساجدة : اووووف ، صحيت م نبي شي
روحو حوش وسووجي بدلت بعدها طلعت للعيله
ساجدة : وين غادة؟
كوثر : غادة العانس قصدك ف دارها تبكي 😂
ساجدة : تبكي وعلاش!
كوثر : خطيبها بيهرب منها😂😂💔
ساجدة : تعرفي انتي كان تسكتي احسن
كوثر : اي باش تجي ي ماما تحطي الغدي وتوتي العشي
ساجدة : يلي جيعان يخشش كوجينههه واسعه وعريضة يدير سم ياكله مش ملزومه ندير لعزوز زيك شي تاكله
كوثر جايه بتضرب ساجدة
غسان : هههههي خيرك هبلتي!!! بتمدي يدك عليها!! مرتي را ! ردي بالككك تعاوديها اقسم بالله تعاوديها مش حيصير خير
كوثر : مش هكي ي ولدي خنقولك
غسان : لا تقولي لا شي ف جديد هي ف طريق وانتي ف طريق لا تكلميها لا تكلمك
ساجدة ركبت لغادة وخشتلها وغادة حكتلها كل شي
ساجدة : اسمعي متبكيش تو نديرو حل خنكلمو فرح وهي اكثر وحدة قريبة من عمر وعلي وتو تدير حل
غادة : اي عندك حق
...
طبعا هداكا وقت كنا ف خدمة مشيت مع محمد يوم💜
جت لجين
لجين : حميدة اطلع شوية نبيك برا
محمد : انشاء الله خير ي لجين
اني : لجين لو تبيه ف موضوع قدام مرته ي ماما مش من وراها! ولا شي شي تبي تلصقي روحك بالسيف!!!
محمد : فرحححح
اني : لا فرحح لا دراههه ! اني لجين هادي محبيتهاش تدحنس ي محمد
لجين نزلت دموعها
محمد : فرح ع مكتبك هي ويوم اخرلك يوم ف شركة معاش نبي نشوف وجهكككك اهني
اني : اني ي محمد؟!
محمد : اااااي
طلعت ومتكنطية هلبا من محمممد وفجاءة تتصل بيا ساجدة💜
ساجدة : فروح اهلين
اني : شنحالك سجو ليك وحشة
ساجدة : حتى انتي والله شنجو امير واميرة
اني : حمد لله كويسين
ساجدة : والله بنقولك موضوع
اني : قولي
ساجدة حكتلي القصة
اني : معقولة!
ساجدة : اي والله
اني : باهي سكري تو نكلمه علي اني
سكرت مني ساجدة💜
واني طول كلمت علي رد عليا
علي : الو فروح
اني : معقولة هكي ي علي !!!
علي : اممم موضوع غادة ولا؟
اني : ااي ي علي ! قصدي حرام يلي درته معقولة عرسها اسبوع هادا تي كيف يجي هي مش موتيه شي! وتقوللها خلي بعد خمسة سنين! بضيع عمرها
علي : هي مفروض تتفهمني ي فرح! اني خوي مداير حادث وبروحه ف امريكا مفيش من يهتم بيه نص شركاته حيخسرهم لانه مش متولي كل شي ! ومستشفى متاعي تبهدلت ف نبي نمشي اسبوع جاي ونصلح كل شي وكنت نبي نتزوج غادة وتمشي معاي هي
اني : امممم معاك حق ي علي
هدرزت شوية مع علي بعدها سكرت منه وطلعت من شركة مشيت مع سواق روح بيا 💜
محمد : ادمممم ادمممم وين فرح؟
ادم : مدام فرح طلعت قداش ليها من شركة
محمد طارتلهه : باهي باهههه
قعد محمد يتصل بيا واني نسكر ف وجهه لن سكرت نقال بكل
......
روحت حوش متعفلقة هلبا من محمد وكلامه ليا ونبكي ونسكت لن جتني روان وحكيتلها يلي صار 💜 جي محمد متعفلق لا احم لا دستور طول خش دار
محمد : فرححححح
روان : عن اذنكم اني بنطلع
طلعت روان واني مقعمزة ف سرير وجنبي اميرة مقعمزة تلعب وامير بدي يحبي كيف اليوم حبي واني ومحمد ف خدمه💜
محمد : شن اللقطة يلي درتي امهااا وتطلعي بدون م تقولي
اني : اوول شي حول يدك مننني
محمد : فرححححح متعفلقيش امي وتخليني نمد يدي عليك اقسم بالله وجهك الغلط هادا نصلحهولك بكف
اني : اضربني تفضل اضرب
جي امير يحبي وشد رجل محمد وقعد يضحكله
محمد : فرححح امير امير بدي يحبي امتىىى امتتتى
اني طلعت من دار وخليته هو فرحان شاد امير ويبوس فيه 💜
مر وقت ومحمد مطلعش من دار قعدنا نوتو ف عشاء اني وروان
روان : فرح متضايقيش روحك خلاص
خشت بتول
بتول : شن تبو مساعدة
اني : لا لا خالتي بتول ارتاحي 💜
اني وروان حطينا عشاء وامير كان عند حناي توكل فيه واميرة راقدة💜
ام محمد : فرحح كولي ي بنيتي
اني : لا لا شبعانه
وطلعت فوق دار
بتول : شن في محمد خيرها فرح
محمد : لا لا م في شي
ركب محمد لحقني ف دار
ام محمد : تعالل كول
محمد : منبيش
،،
محمد : فرححح
اني : نعم
محمد : خيرك
اني : حول يدك معاش تشدني ي محمد
محمد : فرحح اسف
اني : متعتذرش وحاضر معاش حتشوف وجهي ف شركة متاعك
محمد : فرح كنت متعفلق
اني : غدوا بنمشي لغادة بعدها بنمشي لاماليا
محمد : باهي تمام ،
جيت بنطلع محمد قعد يسكر ف طريق عليا
اني : وراس امك حوول ي محمد مخاطريش نتكلم معاك ولا شي
محمد : الواضح اني بنجيب عنكبوت تاني😂💔؟
اني دفيته وطلعت مشيت دار امير واميرة مر وقت وكل حد خش داره رقد اني مشيت دار امير واميرة سكرتها عليا ورقدت جنبهم❤️
طق طق
محمد : تفضل
قصي : وينها
محمد : راقدة ف دار صغار
روان : شكلها متعفلقة بجد امالا
محمد : مبتش تفتحلي
روان : محممد دير حل رضيها
محمد : مبتش ترضى معرفتش شن ندير ومنحبهاش ترقد وهي زعلانه مني
قصي : امممممم
روان : يوم كم ف تاريخ؟
قصي : ١١/٣
روان : تبصررررر
محمد : شن في
روان : تي غدوا عيد ميلادهااااا اني نسيته بككل
محمد : تي اااي حق نسيت
قصي : خلاص حميدههه معناها بتدلع الجو غدوا😂😂
محمد : فكرو معاي شن بندير
روان : اسمع غدوا ...
محمد : وكيف يصير؟
روان : تي اي دير هكي وعيلة تو ندورولهم حححل
قصي : اي اي ي محمد
محمد : تي قداش عندي روان وقصي اني😂💜
روان : روان وحدة وقصي في منه هلبا😂💔
...
نسرعو احداث شوية
ثاني يوم فقت بكري بدلت للصغار باش نرفعهم معاي 💜 خشيت داري لقيت محمد قاعد مكلمتاش بككل بعدها نزلت وتيت فطور💜وراجيت باقي عيله لن نزلو
ام محمد : فروح بنتي ع خاطري قعمزي افطري
اني : اني فطرت مع صغار امبكري
قصي : شن فطرتي سيريلاك امالا😂
روان : ي باردد
اني : اي حلو سيريلاك خيره 😂💔
قصي : امي وامي وامي وبوي وملاك بدلو بنرفعكم مكان مفاجاءة اليوم
بتول : وخيرها فرح
قصي : فرح وروان بيطلعو مع بعض
ام محمد : باهي امالا خنوضو نبدلو
مشو عيلة كلهم بدلو وطلعو واني وروان بدلنا وجاين بنطلعو ولقيت محمد يراجي ف دروج ويشبحلي
اني : روني ارفعي صغار سيارة شوية ونجي
مشت
جيت وقفت قدام محمد وربعت ايديا 💜
اني : خيرك قاعد!
محمد : شي
اني مشيت شدني من يدي
محمد : ردي بالك من روحك
اني نحيت يدي منه ومشيت
مشيت اني وروان للسوق اول شي تبضعنا وخدينا شكلاطة وحاجات لسوجي وغادة بعدها مشينالهم
ساجدة : تفضلي
اني : اووو بديت نجي لسوجي وتضيف فيا😂🤦🏻‍♀️
غادة : غير احككيلنا شنصار
ساجدة : فروحح فيققي اميرررر
اني : وخيرها اميرة
ساجدة : اميرة زي محمد ي وخيتي 😂 متتكلمش ومتضحكش
اني : قعمزو قعمزو خنهدرزو
غادة : شنو ي روني جو زواج
روان : اهو كويس بكككل
غادة : غير احكي ي فرح
اني : اول شي ي غادة علي يحبك وكان يقدر يسيبك ويسافر ياخد اجنبيه بس هو مضطر يسافر يبيك تقعدي حلاله وتسافرو مع بعضكم عمر مداير حادث وحرام مستشفى وشركات عمر
قعدنا نقنعو ف غادة لن وافقت واتصلت بعلي قتله موافقة💜
جي غسان سلم
غسان : شنصار
غادة : اني موافقة بعدين حيجي علي وحنحددو موعد عرس اسبوع هاددا
غسان : متاكدة
غادة : اااي
ساجدة : حقا فروح رجعت للقراية وكان نحكيلك شن صار
غادة : حقا يوم خيرك ممشيتيش
ساجدة : عندي محاضرة وحدة مش مهمه
اني : احككي شنصار
......
محمد
كنت مضايق من شبحات فرح بس خلاص حتشوف شن حنديرلها😂❤️ حنجلطها اليوممم مشيت اول شي خديت تورته حجزتها امس ف الليل وجبت شموع وورد وخديتلها هدية❤️ بعدها روحت حوش ضميت شوية متضحكوش بديت زي فرح😂😂😂🤦🏻‍♀️💔 بس والله مرة هادي هي متعفلقة لا حيفلق عنكبوت ولا ثعبان ، مهم بعد ضميت ورتبت ركبت زينه والحاجات
.....
كملنا من غادة بعدها جيت خاطمة لحوش امي طبعا قيس وسجى مقعمزين عندها💜 قعمزنا هدرزنا وضحكنا
اني : ههي خنوضو نروحو
روان : فرحح اني بنقعد وخلي امير واميرة معانا روحي انتي قصي قال حيجينا اهني يبي يسلم ع امك
اني : لا لا امير واميرة يتعبوكم
امي : بنتي فرح بري ارتاحي خليهم صغار اهني يروحو مع عمهم
سجى : ونبي فرححح خليهممم نحبهم مشبعتش منهم
اني : تمام تو نروح بروحي
قيس : فرح ونبي نبيك ف موضوع
اني : حاضر انشاء الله خير
مشيت مع قيس المربوعه💜
اني : شن في قول قيوس انشاء الله خير 💜