يوميات زوجية 2 💜

34

مهم طلبنا وقعمزنا نراجو
اميرة : بابا استاحشتك
محمد : اي شن حالكم يا مختوبينننن
اني ف خاطري " خيره هادا ناوي يخدم علينا يوم" امس كان قريب يقتل عمر ويوم ريلاكس وجو مليح
ساجدة : شنجو صغار فروح
اني : اهو كويسين بيكلبو بسسس وخاصة خالامير
امير : شن تشبحيلي
عمر : والله تفنيصة امير نسخة منك ي فرححح
اني شبحت لامير وضحكت وامير شبح لعمر وفنص دار حركات محمد
امير : وانت شن دخلك بعدين لتكون بوي
اني : اميرر
عمر : لا ولسانه طويل زيك😂
امير : تخفف ف دمك وهو سحلب مصقع را مبردك
اني : امير نضربك را
محمد : شن بتضربيه قدام بوههه
اني : ااي
محمد : تمام اضربيني قبل بعدين اهجمي فيه
اني نضت متعفلقة من طاولة ومشيت للراجل طلبت صونية بطاطا مقلية لقيت القرسون قايم طلبية محمد وعمر متاع لحم الخروف ومعاها عصير مانجا واحد اني قلت اكيد لينا
اني : هادي لطاولة هديكا ولا
القرسون : اي
اني : خليها اني ماشية تو نطلبها
القرسون اعطاني صونية واني حطيتها ف طاولة باش نساويها ونساوي روحي ونشبح قدامي نلقى ف طاولة يلي اني فيها حاطين ملح وفلفل اسود وفلفل احمر هداكا جو يلي يحطو فيه ف طاولات شبحت يمين يسار ملقيتش حد مشي شيطان لعب ف عقلي 😂😂😂😭💔
خديت صونية من لحم خروف عبيتها كلها فلفل اسود وفلفل احمر ولخبطتها بحيث ميبانوش قلت خلي ياكل محمد ومعاش يعرف يكمل ماكله ولا شن يدير 😂 وطبعا بعد ياكل هادا كله اكيد حيشرب عصير يمسح ع كبده ف حطيتله كميه ملح مش طبيعيه ف عصير وفلفل احمر لاكن مخليتش لون مانجا يتغير 😂😂 ومشيت بكل ثقة للطاولة وكيف جايه بنمد صونيه متاع محمد ليه خدي صونيه تانيهه بسرعه شكله حس بيا
اني :. لاااا
محمد : شكرا مدام
وعمر خدي صونيه تانيه وني مترددة
وشوية هكي جابو باقي طلبياتنا
عمر : هي نبدو ناكلو
اني : لا لا عمر متاكلش لحم خروف مضر
عمر : نحبه فرح خيرك😂
اني : مرات مطعم مش نظيف
عمر : فرح المطعم نعرفو عالميا
اني : لا لا متاكلش تو تسمن
عمر : تي عادي
وعمر ياكل وخدي فم كبير وملامح وجهه تغيرت وبدي يكح وانخنق اني حسيت روحههه طلعتت
اني : عمر عمر
اميرة وامير وملك قعدو يضحكو ومحمد يضحك
ساجدة : ي ساتر ي ساتر
اني : تي اعطوه شي يشربه
محمد مدة لامير عصير مانجا وقاله اعطيهوله امير خدي عصير مانجا واعطاه لحمر وعمر شربه
اني : لا لااااا
وخلاص عمر انخنننننننق معاش قدر يتنفس
اني : ي ساتر عمر بسم الله
وشديت يد عمر
محمد قعد يضحك : شر الاعمال بنياتت
اني مشيت جري جبتله ميه وجيت حمد لله كنا ف جناح بروحنا وجناح مفيش حد 😂🤦🏻‍♀️
هدي عمرً وقعمز وعيونه عمر 😭💔
محمد بابتسامة نصر : انشاء الله ف عدوينك😂
عمر ناض وبدي يعيط جاي بيقلبها ع ناس مطعم ي حليلي معقولة ني ندير عملة وتجي ع راس جماعة😂💔
اني شديتهً من يده : اني لا لا عمررر ع خاطري ي عيوني لا متعيطش اني مطعم نحبه ونبي ناكل وصغار يحبوه ع خاطري
عمر : تي فرح شن تاكلي بعد هادا
اني : اكيد غالطين ف طلبية غير اهدا
قعمز عمر وبدي يفنص
مهم احني قعمزنا ناكلو
محمد بضحكة : شنو عمور تي كول ي راجل متجيش احني ناكلو وانت تشبح😂😂
امير : اي اي اعطوه بالك مرة هادي يموت
اني : احمممم
محمد بصوت واطي : تحسابيني مشبحتكش 😂😂 بس يلا من حفر حفرههه شن صارله
اني انخنقت
محمد : صحتين فرح اشربي ميه وردي بالك
ساجدة : 😂😂
مهم كملنا ماكله ومحمد قتلني بنظراته بعدين كل حد روح حوش
اني : غير حولي ي شروق لما نقددهم اميرة وامير شن هالكلام يلي يقولو فيه اكبر من عمرهمممم تي من وين جايبينه اكيد روضه الهم هادي
شروق : تي غير اهدي اطفال ف نهاية
اني : تي اما اطفال تي مشفتيش كلامهم امبكري متاع ناس عارفين شن يديرو وشن يقولو
امير : اي ماما نعرفو مسلسلات علمتنا
اني : مسلسلات صارررر ، من جديد معاااش في تلفزيون
جت ملك شدتني من رجلي
ملك : ماما
اني : اسم الله خيرك
مسيتها لقيت راسها سخون
ملك : بطءني
اني قمتها وخشيت دار وسكرت باب مشعارفة بطنها مدة هادي اعطيتها مضاد ودوشتلها ودفيتها قلت خلترقد يوم جنبي
...
ثاني يوم فقت بدلت " صغار مرفعتهمش روضة قلت يرتاحو" مهم مشيت شركة خشيت غرفة اجتماعات طول لان مفروض عندنا اجتماع صبح مع شركة تاني
اني : عمر شركة مني؟
عمر : تو تعرفي بس انشاء الله حنربحو من وراها
اني : انشاء الله وين الاعضاء الادارين؟
عمر : لا لا اجتماع يوم اني وانتي واعضاء شركة تانيه
اني : اوك
كنت مسترخية ف كرسي وقايمة نسكافيه ونشرب  ونستمتع لن يطق باب ونشوفلك اخ محمد خاش ومعاه قصي وادم اني نسكافيه لن طلع من خشمي معاش فهمت شي
اني : ششءنو شءءن هادا
عمر : فرح شركة محمد هي يلي حنوقع معاها عقد
اني : لا سامحني امالا اني بنطلع
اني قمت حاجات وطلعت برا غرفة جي عمر جري لاحقني ، اني خشيت مكتبي بناخد شنطتي وبنشيط معاش مقعمزة ف شركة
اني : عمر تعرف ان محمد طليقي شن هو الموضوع بالسهججولة توقع معاه كونتراكت! تحسابني منحسش ! تبي يوميا وجهي ف وجهه لا كيف
عمر : فرح غير اهدي تعرفي وضع شركتي المالي توا! وتعرفي ان محمد شركته من اكبر شركات! ومحمد بحد ذاته راس كبير ف هالمواضيع! يعني مجرد نوقع عقد معاه حنربح ! قصدي موضوع هادا ع خاطر شركتي يلي هي اخر شي من ريحة امي وبوي لو سمحتي ي فرح اني مش حاب نخسرها! ومش حاب نخسرك نبيك جنبي انتي خطيبتي وعن قريب حتولي مرتي
اني قعدت نفكر ف كلام عمر بعدها هزيت براسي تمام وهو شدني من خشمي
عمر : ايوا هادي فروحتي هي خنمشو
مشينا غرفة اجتماعات وقبل م نخشو عمر شد يدي وخشيت حسيت بثقة زايدة وان محمد قريب يموتتتت لما شبح عمر شاد يدي
محمد : مش وقت تمعشيق هو احني ف اجتماع
محمد شبح ف ساعته وفنص فيا وف عمر
محمد : ثمانيه وعشرة دقايق توا!
عمر : عارفني مزبوط ف وقتي غير توا شوية
محمد تنهد
قعمزت ف كرسي بعدها عمر قعد يشرح لمحمد وقصي ادم ع موضوع شركته وكيف تخدم ووو وطبعا ادم وقصي بس يلي لاهين مع عمر اما محمد يلي كان مقعمز قدامي كان مركز معاي ويبتسم ويرفس فيا ف رجلي اني فوتتها اول مرة ثاني مرة بس خلاص قعدت نرفس فيه حتى اني ، وهو زاد لن رفسني بقوية اني قلت خنفوته بالك يهفت ، شوية بدي يرفس معاش وقف واني طارتلي
اني : ي عيلللل اهفتتت حول مني
قصي : سلام ربي من قول رحيم
ادم : خلعتيني ي فرح
عمر : شن في شن في
اني : لا شي في ذبانه كانت اهني بس شكلها مشت
محمد : بالك حد يشبحك هكي وميهربش
عمر : محمد شنو قلت
محمد : ع شن
قصي نخص محمد : الاجتماع شبه تم موافق ولا لا
محمد : الله تم محسيتش بوقت تعرفو ارتحت لشركتك ي عمر خلاص تم اعطوني نوقع ومن غدوا تعال انت والقسم الاداري عندك وحتبدوً عندي ف شركة
اني : وعلاش عندك ف شركة احني نبو اهني
محمد : لو اهني لا! لان اول شي اني عندي تتوفر كل معدات! والاجتماعات مستحيل نديروها اهني
عمر : تمام محمد اني وقعت
محمد : تم هي
وقع محمد
بعدها ناض هو وقصي وادم وسلمو ع عمر وقصي وادم سلمو عليا ومحمد مد يده اني مشيت فته
اني مشيت جري مكتبي وقعدت نلم ف دنيا باش ننتقل لشركة الخليقة هادا مشعارفة شن جو يلي يدير فيه هادا
.....
بعد مرور اسبوعين 💜💜
كنا مقعمزين اني وعيلة محمد كلها وغادة نشربو ف قهوة مع كيكة كريم كراميل وبسبوسة بقشطة وطايحين قرمة ف خلق ربي😍😂
غادة : فروح امتى طيارة
اني : بعد غدوا صبح
روان : سعدودك ي تافهه ، كم بتقعدو
اني : يومين ثلاثة ونروحو
طبعا ف خدمة عندنا سفرة لتركيا ماشين الاعضاء الادارين كلنا عندنا مؤتمر 💜 الا محمد حمد لله 😍😂😂 لانه حيقعد ف شركة
ساجدة : خسارة محمد مش حيمشي
اني : 😂😂🤦🏻‍♀️
امير : ماما ملك تبكي
اني نضت نجري وجت وراي ساجدة وروان
اني : اسم الله خيرك بنيتي
ملك : بطني
ساجدة : مش مدة فاتت بدت احسن
اني : اي بس امس رجعت وجعتها ، نوضي ملك البسي خنمشي نلبس ونرفعك نعاينك في العيادة اهيا يلي ف راس شارع
روان : بري فرح بدلي تو نلبسها ونمشي معاك
ساجدة : حتى اني بنمشي
امير : ارفعوني اني واميرة مش حنديرو دوشة
اميرة هزت براسها اي ودارت الضحكة الصفرة
اني : اي عارفتكم تهنو عاقلين بس لا
ورديتلهم نفس الابتسامة صفرة مهم مشيت داري نبدل وخليت روان وسوجي يبدلو لملك وامير واميرة مشو دارهم
امير : اتصلي بي بابا
اميرة : هي
طبعا رقم محمد بدي عندهم من هداكا يوم
اميرة : الو بابا
محمد : امورتي الحلوة
اميرة : بابا بسرعة بنقولك خايفة ماما تجي ، ماما توا بتمشي مستشفى ترفع ملك بطنها
محمد : عسولتي بنتي يلي توصلي ف معلومات
طبعا اميرة وامير كانو يقولو لمحمد اي شي عليا واني راقدة منندريش وهو يلاقيني ويقول صدفة اني لن استغربت كنت نحسابها روان او ساجدة يلي توصل ف اخبار
محمد : اما مستشفى
اميرة : اسال عمتو ساجدة
محمد : تمام بنتي سكري
سكرت اميرة ومحمد اتصل بسوجي قتله ع عيادة يلي ف راس شارعنا💜
مهم مشيت ولعت سيارة وطلبت رقم قعدنا نراجو لن جي محمد حاط ايديه ف جيوبه واني كنت شادة ملك ف حضني
ساجدة : حميدة
اني : شن هادا تي شن هادااااااا الواحد بيمزق شلاتيته
ملك بصوت واطي : بابا
محمد جي قعمز وحط يده ع ملك وكان قريب هلبااااا مننني
محمد : شني حبيبتي كويسة انتي
ملك : خليك معانا متمشيش
محمد : اهو قاعد مش مخليك لا انتي لا امك
وحط عيونه فيا محمد كانو معبيات مشاعر وحب 💜 بس اني شفتله ورجعت طبست راسي وكل م نقيم عيوني نلقاه يشبحلي
نادو ع اسم ملك
محمد قامها مني وخشينا دكتور
دكتور : انتم امها وبوها
محمد : اي دكتور
مشي دكتور كشف ع ملك 💜 وقال انها نزلة معوية اعطاها مضادات وقال تستمر عليهم حتبدا كويسة جيت طالعة ومحمد شاد ملك واني كيف ماشية ف جنبه كعب متاعي يتعوج وجاية بنطيح بجنب شديت ف محمد " اكيد مجربينه هالشعور محرههه، وقت تكوني لابسه كعب ورجلك تنلوي تو حتى اني شن قالي نلبس كعب كان مش تفلسيف مني 😂😭
محمد : كويسة حبيبتي
اني :اي كويسه اااه رجلي
محمد : اصبري خليك شدي فيا
ني قمت راسي ونشبح قدامي ابراهيم وعمر وعلي وتجيني صدمة ماهي صدمة مشكلة ثلاثهه تي شن جابهم اهننني
ومحمد ركز شبحهم ويجي ابراهيم علينا وعيونه شرار
ابراهيم : فرحح شن هاداااا وشن يدير معاككك
اني : ابراهيم بالله عليك ارجوكك بدون ضرب بدون مشاكل احني ف مستشفى
جو علي وعمر
علي : فرح انتي مخطوبة وقاعدة مع محمد! اني قلت لعمر ان فرح قاعدة تحب محمد ف متخطبهاش بس عمر سكر راسه ! وقت وافقتي ع عمر ي فرح متجيش تخونيه وتطلعي مع محمد
عمر : عللي
محمد : سيرة فرح منبيهاش ع لسانككك! فرح مش من نوعيه هادي! ووقت انخطبت من عمر! معاش كلمتني ولا شي ! وتاني حاجة ..
ابراهيم بنبرة غليضة : فرح اقلبي وجهك من اهني
اني : ابءر..
ابراهيم : اقلبيي وجهك
محمد : فرح امشي
واعطاني ملك اني قعدت نرعش معاش عرفت شن ندير ومشيت لمحل ساجدة وروان مقعمزين اعطيت ملك لروان وكانت شبه راقدة
اني نرعش شدتني سوجي
ساجدة : فرح شن في ملك شن قالولها
اني : تي اما ملككك بالللهههي ، اني ومحمد وقت طالعين من دكتور شبحنا ابراهيم وعمر وعلي قدام وجهنا اهو قاعدين يتكلمو مع محمد اني خايفة ييضربو بعض
ساجدة : حي ع جو تي وينهم بنمشليهم
اني : شن تمشي اني لزوني
روان : خليهم ي سوجي تريس ف بعضهم بس عمر هادا مضنيتاش تريس 😂 هاللصقة الشكل
اني : وقتك ي روان
روان : ونبي شنو هادا يلي ف قلبي
ساجدة : ي كبدي محمد مريض مش حيتحمل طريحة ثانيه
اني : خيره مريض
ساجدة : مشعارفة ليه كم يوم هكي
......
ابراهيم : قاعد تلصق ف اختي انت خير امك!
محمد : متنساش بيناتنا صغار! اني جيت اهني ع خاطر بنتي
عمر : محمد فرح حتكون مرتي ! افهم شي هادا فرح معاش مرتك اني وابراهيم اتفقنا باش نجو ناخدو علي من مستشفى! وكنا حنمشو نتلاقو نحددو فاتحتي اني وفرح!!و بعدها بنمشو الحوش يلي يكون حوش مرتي فرح! ف ياسر تلصق ومتنساش صغار ف حضانة فرح قصدي حضانتنا
محمد قرب خطوتين من عمر : هادو صغاررر صغاري ومش حنسمحلك تمس واحد فيهم! وربي يهنيك ف عرسك
مشي محمد من جنب ابراهيم وعمر وعلي وجاني اني وساجدة ومشبحليش ابداااااااا
محمد : ساجدة بتروحي
ساجدة : لا لا بنمشي مع فرح اماليا غادي
محمد : باهي
وكيف محمد بيمشي
اني : محمد شنصار
محمد شبحلي : مبروك فاتحتك قريبة
وطلع محمد وخلاني ف ناررر فاتحة شنو هادي ايامات سود نود عليا اني ووووه ونلقى ابراهيم يدور عليا لن لمحني وجي
ابراهيم : وجهك للحوش تواااا ، اني طالع مع عمر وعلي بعدين نروح
اني : ابراهيم فاتحة شنو
ابراهيم : تو بعدين نقولك
مشيت حوش وطول حطيت راسي ع مخدة وسكرت باب عليا وني نبكي وعيلة كل مرة يجيني حد ومنفتحش باب مهم رقدت شوية بعدين فتحت عيوني نحساب روحي ف ثاني يوم لقيت روحي راقدة ساعة بسسس 🤦🏻‍♀️💔
نزلت لوطا
ام محمد : فروحتي تعالي جنبي
اني جيت قعمزت جنبها
غادة : غدوا باش تمشو مزين
اني : مش ماشية اني
روان : مصح وجهك وعلااش كلنا بنمشو
طبعا عرس وحدة نعرفها وتعرف عيلة محمد يعني باختصار كلنا بنمشو
اني : معنديش خلوق وخدمة ووو وجاينني سفرة
ام محمد : غير بري فروح
غادة : تي متدوروهاش بتمشي بالسيف
شروق : اخطمو عليا وقت بتمشو مزين
اني : خنوض نديرو شي ناكلوه انسة روان وسووجي تفضلو معاي
مشينا كوجينة وشديتلهم موس
اني : توا تقولولي من هي يلي توصل لمحمد ف الاخبار مش معقولة خمسين مرة تصير حاجة ومحمد يجي
روان : غير نزل موس اقسم بالله امبكري اتصل بساجدة هو اني مدخليش
ساجدة : خزززي ، والله م نكلم فيه امبكري اتصل بيا قالي فرح وين بترفع ملك؟ ويوم مطعم قالي اما مطعم! ومنعرفش من قاله
اني : من قاله اكيد وحدة منكم لان امبكري وقت قلت بنرفع ملك مستشفى! محد ف دار معانا الا اميرة وامير بس
اني سكتت شوية وقعدت نفكر بعدين شياط لغرفة اميرة وامير كانو يلعبو مع فردوس وعلي وبنت جيران
اني : اميرررر واميرة نقالاتكم هاتوها
مدوهالي شفت نقال امير الارقام م لقيت شي شفت نقال اميرة نلقى رقم اتصلت بيه رد محمد الو ي روح بابا سكرت ف وجهه ودرتله بلوك
اني : هادا شنو!! من ويننن
طبعا اميرة كانت لابدة ورا امير
اني : نتكلم معاكم ولا!! اي شي توصلو فيه لبوك!!
اميرة : ماما اسفه بس اني نحبك انتي ونحب باباا ومنبيش نخلي بابا
اني : متبيش تخلي بابا وعادي تخليني اني !
اميرة : ماما اني نحبك بس نحب بابا نبيه معانا
اني : باههههي اليوم بري اقلبي وجهكككك لبوك
اني انفعلت هلبا مكانش مفروض نعيط ونهزبها هكي اميرة بدت تبكي جت ساجدة وروان وشروق
اني : من اليوم ي اميرة لاك بنتي ولا شيي بري لبوك! اليوم روحي مع عماتككك باهي!
شروق : فرحح اهدي طفلة هادي
اني : شروق اعطيها شنطتها وحطيلها حوايج ويوم خليها تقلب وجها
اني مشيت داري واميرة قعدت تبكي
شروق : اليوم خوديها معاك ي روان فكينا من فرح تو تنوض عليها الهبلة والبنت صغيرة وفرح عارفتيها يلي ف قلبها ع لسانها
ساجدة : اي اي يوم خلي تبات عندنا
فجاءة بتول تنادي ع روان سووجي " قصي يراجي برا"
نزلت اني سلمت عليهم ومشبحتش لاميرة بكككل
مهم روحو ومنعرفش كيف ركبو ف سيارة💜😂😂
امير : ماما متزعليش نحبك
اني : اهفت امير برا افتح باب يطق
مشي امير فتح باب سمعت صوت علي وعمر غطيت شعري كان مطلوق وشروق كانت لابسة بدلة صلاة مهم خشو وقعمزو وابراهيم عيونه معبية حقد عليا
ابراهيم : حددنا فاتحة اسبوع جاي
غادة زغرتت : الف مبروك فروحتي
اني درت ابتسامة صفرة : يبارك فيك غدوشتي
عمر : ي فرح اسف ع يلي صار امبكري وكلام علي
اني : لا لا عادي
علي : هي غدوش نروحو
غادة : اي هي
امي : غير زيدو شوية
عمر : والله غدوا خدمة انشاء الله يوم تاني نجو
اني بصوت واطي : طريق سلامة غير اطلعو بسس نخنقت منك
امي : شنو
اني : لا لا شي غير بنبوس غدوشتي
سلمت عليهم وروحو
ابراهيم : فرح
اني : كان بتتكلم ع محمد اني راه تعبت! منندريش عليه جاي
ابراهيم : اااه وخلاص باهي
جي امير ف حضن ابراهيم
امير : خالو ماما زعلانه منا واميرة مشت معاش بتجي
ابراهيم : وين مشت اميرة
اني : حوش جدها
ابراهيم : شنوو مستحيل نخليها تبات غادي بنمشي نجيبها
اني : قعمز! اول شي هديكا عيلتها زي م احني عيلتها ! ومحمد بوها!
وركبت داري
ابراهيم : خير شن في شن يلي صار
شروق حكي لابراهيم ع عملة اميرة واميرة وعليا اني واميرة
ابراهيم : معقولة ي اميرر هكي عيب
امير فنص ف ابراهيم
....
كانو عيلة محمد مقعمزين وسط حوش واميرة ف حجر محمد تبكي مسكتتش طبعا ساجدة روحت حوشها
بتول : حميدة نزل اميرة انت مريض شوف عيونك مش قادر تفتحهم
محمد : لا لا عادي ، غير اااه وخلاص يلي صار كله بسببي
روان : مش بسببكك ي محمد فرح كانت متعفلقة ولقت صغار سبب ف فشت غلها وخلاص
محمد : خلاص خلاص بنمشي نطلع محل ونجي اليوم بنتي بترقد جنبي بس غدوا بتمشي معاي شركة وتصالح امها وتروح معاها
اميرة : يعني بابا متبينيش
محمد : في واحد ميبيش اميرته؟ اني كان نلقى تقعدي معاي عمر كله بس عيب ماما بروحها💜
محمد خدي اميرة وطلعو محلات
بتول : قصي غدوا باش تجي توصلنا عرس
قصي : ااه باش سيارة تطربق زي يوم؟
بتول : م في شي يطربقها جداك مش ماشية قالت لان المرا مجتهاش ف عزي خوها
قصي : باهي كويس يلي ينقص من شياطين يخفف ع ملايكه😂
روان ضربت قصي
توزع كل حد داره واني كل دقيقة نتصل نطمن ع اميرة وروان تقولي قاعدة مروحتش مع محمد واني ع اصعابي
روحو اميرة ومحمد حوش شرالها العاب وشكاليط وشرالها العاب لاميرة وملك، خدالها هدية باش تجيبهالي اما اني كلمت روان قتلي جو وفرحانه هلبا تطمنت ورقدت
ثاني يوم فقت بكري دوشت وبدلت طبعا معندهمش مدرسة يوم عطلة، مهم مشيت خذمة لقيت عمر وادم قاعدين خشيت مكتبي وبديت شغل ع ملفات💜
عند محمد مفاقش بكل حرارة راكباته اميرة فاقت ونزلت لقتهم يفطرو
قصي : وين بابا امورة
روان : صباح عسل
ام محمد : في احلى من انكم تصبحو ف وجهه اميرة
بتول : انشاء الله ديما😍💜
اميرة : ثباح ورد ، بابا راقد
ام محمد : غريبة خنمشي نشوفه مريض لانه كان هادا قصي برا انت واميرة خدمة محمد خلوه راقد
روان : تعالي اميرة نبدلك حوايجك معاي
مشت ام محمد شبحاته لقت حرارته مشيطه ويهلووس حطتله كمادات وغطاته ومشت 💜 اما اميرة بدلتلها ملك ومشت خدت العابها وحاجاتها وباست محمد ع راسه وطلعت
..
كنت مقعمزة ف غرفة اجتماعات عندنا جو هدرزة ع صبح بنتفقو ف سفرة ووو شوية خش قصي ومعاه اميرة اني لا ارادايا نضت حضنتها
اني شبحت لقصي متاع وين محمد
قصي : سامحوني محمد مريض مقدرش يجي
اني وبخلعهً: مريضض
عمر شبحلي
اني : لاباس عليه
ورجعت درت روحي طبيعيه بس نار تاكل فيا ونبي نعرف محمد خيره مريض طول اجتماع نفكر فيه تم واتفقنا ع سفرة وكل حد مشي داره
اميرة : ماما تفضلي هادي واسفه ع امس انا نحبك
اني : محلاها بنتي جايبتلي هدية نحبك نمشو ناخدلك جيلاطي ؟
نسرعو احداث شوية مع خمسة عشية ف حوش 💜 طق باب كانت غادة ومعاها روان وسوجي
اني : اسم الله شن جابكم
شروق : جايني اني بنمشو مزين
غادة : هي فرح بدلي بتمشي
اني : مش ماشية عندي حاجات نديرها برو انتم
شروق : تي هيا فروح نرفعو اميرة معانا وامير وعلي يقعدو مع ابراهيم راقد فوق
اني : مش ماشية موتيتش حتى قفطان
قعدو يخبطو فيا ويدغدغو
اني : خلاص خلاص اطلقونني والله حنمشي غير غادة بتسوق !! بجديات تبوني نستغني ع روحي ونركب معاها
غادة : مصحكك نوضي بدلي وسوقي انتي
بدتت ومشينا مزين منحكيلكمش راكبين ف سيارة زي حكة سردين محشين ف بعض 😂😂 ومشاء الله غادة وشروق وساجدة بعد زواج تعبو تعباية صح ساجدة اهو محافظة بس غادة وشروق انفلقو بككل 😂🤦🏻‍♀️
مشيت مزين مع ان بالي عند محمد درت تسريحة بسيطة بعدين خطمت ع محل خديتلي قفطان احمر طويل ستاندر كم مفيشي اي نقش ، وخديت لاميرة قفطان احمر حلو لعمرها هكي بعدها كل وحدة فينا انتلفت حوشها بتلبس 💜
...
ام محمد : والله م نبي نمشي
روان : اهي جداي مقعمزة عند محمد
ام محمد : مريض هلبا شوفيه كيف ملوح
ساجدة : هي ي عيلة قصي برا
جدة محمد : برو اني نبدله كمادات
مشو طللعو مع قصي
اما اني كنت ف حوش شروق مشت مع غادة ومعاهم اميرة وصلهم علي اما اني قلتلهم بنجي بسيارتي بنعطل شوية مهم عطلت وابراهيم كان ف دور فوقي مع علي واميرة
كيف طلعت من حوش سايقة سيارتي اخر رواق يشرين نقالي كانت جدة محمد
اني : ايوا امي اهى قريب نوصل صاله
جدة محمد : تي اما صالة اني ممشيتش صالة قاعدة ف حوش ي فرح محمد مريض هلبا حاساته بيموت مش قادرة ندير شي اني ، ويهلوس باسمك بسسس
اني : اسم الله خيره اهو جايه هي
سكرت منها وجري لللحوش طقيت باب قصي فتحلي طبعا وصلهم وجي 💜 وركبت طول لمحمد لقيته سخونن هلبا وعرقان من حرارة
شديت يده ووشاحي طايح وعبايتي شبه مفتوحه وحالتي حالة اما محمد كان عاصر يدي بقوية ويلفظ اسمي وخلاص
اني : محمد اهو اني جنبك خلاص حبيبي اهدا
محمد : متسيبينيش
اني : قصي تعال شد يده اني بنمشي نديرله زعتر
كيف بنطلع شرين نقالي كانت روان
روان : وينك
اني : سكررري مش حنجي
وسكرت نقالي بكل
مشيت جري درت لمحمد زعتر ودرتله شوية ادوية قعدت جنبه ونغير ف كمادات ودخلته حمام اني وقصي صبينا عليه ميه مصقعه لان حرارته ٣٩.٥ قعدنا معاه لن وصلت حرارته ٣٧.٥ وبدي معاش يهلوس قصي طلع واني قعدت شادة يده
محمد : فءءرح اني نحبك تعرفي متخلينيش عمر لا
اني : محمد غير اسكت توا انت تهلوس
محمد : لا انتي متاعي
اني : تمام اني متاعك غير اهدا خلاص
قعدت نمسح ع شعر محمد لن رقد شبحت ساعة لقيتها ١٢ نزلت لوطا لقيت جدة محمد
اني : امي وقت تاخر بنروح اني
جدة محمد : باتي اليوم شفتي حالته محمد
اني : والله م نقدر وين قصي
جدة محمد : مشي يروح بيهم
اني : م تبي شي انتي ، اني حطيتله ادويته جنبه تو نتصل بروان ونفهمها امتى تعطيهولها وتو يتحسن💜 هي تصبحي ع خير امي
مشيت طلعت وجري حوش وكيف فتحت باب نلقى ابراهيم جاي بيفتح بابا كان بيطلع ولقيت اماليا مروحين من عرس قاعدين بحوايجهم
ابراهيم : وين كنتتتي وينننن متخلينيش نخنقك
اني : حول كنت ف حوش محمد
امي : علاش فرح
اني : جداي مريضة مشيت قعدت جنبها هي اهم من عرس
ابراهيم :فرحححححح
ابراهيم تعفلق وجاي حيضربني الا شداته شروق
اني : تعال اضربني بس مستحيل نقصر ف حقها عالعيلة!
ابراهيم : هالعيلة يلي خلت اسمك مطلقة! اممي وشروق علاش م اتصلتوش بيا ف عرس وقلتولي انها ممشتش
شروق : مخديناش نقالاتنا احني نحسابوها ف حوش مفيش مكان تمشيله غيره م توقعناش ف حوش محمد
اني :وخيرهم مطلقات مش بشر. !؟؟ وين اميرة وامير
امي : راقدين ي فرح بري خشي دارررك
اني : مهم طيارتي غدوا ثمانيه صبح!
اني مشيت داري ووتيت شنطتي وووو الدنيا كلها
...
ام محمد : مشاء الله عليها فرح ربي يحفظظها 💜
بتول : والله الا قاعدة تحبه محممد
روان : تي اااي تحبهه ، ووه عليا اني بنمشي نرقد تاعبة
بتول : كيف متبيش تكوني تاعبة بعد رقص ونقيز عاد
قصي : ترقص ف عرس ولراجلها لا شفتوها
روان : تحشممم
.....
ثاني يوم فقت صبح بكري لقيت اميرة واميرة وملك راقدين بستهم ع راسهم  ومحبيتش نفيقهم نزعجهم💔 هما صح يومين بس حنستاحشهم
نزلت لوطا لقيت ابراهيم فايق يراجي فيها
اني : صباح خير
ابراهيم : ورد ، قعمزي نبيك ف موضوع
اني : شن في انشاء الله خير
ابراهيم : فرح سامحيني ع ردود افعالي مدة هادي ! بس انتي مشفتيش حرقة الدم يلي عندي قلبي والعة فيه نار ع يلي داره محمد فيك! انتي اختي وبنتي وكل شي فرح! تعرفيني خوك كبير وقداش نحبك ونبيك فرحان! ومنرضاش حد يزعلك ومحمد يلي داره كسرك
اني : ابراهيم  اني مش زعلانه ومش مكسورة محمد خلاص مشي واني بديت حياة جديدة💜 حياتي هادي مع عمر وصغاري محمد مش فيها نسيته
ابراهيم باسني من راسي : وهادي اختي يلي نعرفها هي يومم اني وتيتلك فطور باش نوصلك مطار 😍💜
اني : الله شن درتلي هي
ابراهيم : بان كيك شوفي ابداعي
شفت هكي ملقيتش بان كيك لقيت محروقة كيك😂😂😂😂 انفلقت ضحك
ابراهيم : هادي اخرة يلي يقرر يكون رومنسي
اني : لا لا مشاء الله عليك هي بناكل
قعمزت وبديت ناكل ونشرب عصير لن حمد لله كملته😂 نزلت شروق بعدها امي
اني : تعالو كولو محروقة كيك قصدي بان كيك يلي داره ابراهيم
شروق : يعطيهالك😂😂 اسفه منبيش يصيرلي تسمممم
امي : لا صحيتو شبعانه اني
ابراهيم : هي اني بنمشي نوصل فرح مطار وقت
امي : حتني بنمشي
ابراهيم : خليك مع صغار
اني : ردو بالكم منهم وخاصة هالشيطان امير
شروق : توصي فينا ي حمارة صغارك صغاري
ودعت اماليا وطلعت
مشيت اني وابراهيم مطار ودعني 💜 قعدت نراجي لن جو طاكم خدمة كلهم ومعانا عمر وقصي
قصي : خليت روان تبكي وجيت تحسابني ماشي حج الاخت😂😂😂
اني شبحت لعمر لقيته يهدرز مش لاهي مشي تكلمت مع قصي
اني : محمد شن جوه توا
قصي : خليته راقد بس حرارته كويسة
اني : حمد لله
عمر : فروحتي هي ينادو ع رحلتنا هيا
مشي عمر وقايم شنطته وشنطتي وني وراه شوية ننخبط ف شخص لابس طاقية وشاد عصير ف يده ويبزع عصيره كله فيا وبعدها مشي يجري بدون م يعتذر لا شي هالشكالات من وين تنزل علينا بس
اني : استغفر الله ي غبييي
قصي : فرح اهدي الولد هرب 😂
عمر : هي فروح تمسحيه ف طيارة
قصي يقلد ف عمر : تمسحيه ف طيارة
اني : يعنشكلك😂
مشينا بين يختمو ع جوازنا وقعدنا نراجو لن جت الحافلات بياخدونا للطيارة ركبنا كنا ف الهاي كلس " الدرجة الاولى " رجال الاعمال وووو كنت ف كرسي ويلي جنبي فاضي عمر بعيد عليا وقصي بعدي مفي حد جنبي
فجاءة يجي شخص ويقعمز جنبي ونلقاه