يوميات زوجية 2 💜

16

ني : شروق اهدي هادا قرارك ، واني متاكدة انك حتديري الصح وقفي بكي 💜
شروق : خلاص ي فرح اني شبه خديت قراري ، محمد اني حطني ف حوش
اني : حوش اماليك؟
شروق : لا لا حوشي
اني : شروق قبل م تديري اي شي فكري ف عليوة💜💜
شروق : تمام ، اني متاكدة توا ابراهيم حيجي الحوش حنتفاهم معاه ، فرح ممكن تعطيني نقالك شوية
اني : تفضلي
شروق كلمت خوها من نقالي وقتله بعد ساعة يجي يروح بيها تبي تبات عندهم طبعا كانت حافظة رقمه💜
اني : شروق بنطلب منك طلب
شروق : تفضلي
اني : الظرف هادا اعطيه لابراهيم لما يروح ومتفتحيشي
شروق : تمام
خدت شروق الظرف 💜
وصلنا شروق حوش ومحبيتش ننزل معاها قلت خليها تاخذ قرارها بروحها
.......
ابراهيم : ااءني اءءني بنروح
رنا : وين حبيبي
ابراهيم طول طلع وولع سيارته قعد شوية مدرس قدام الشط يفكر ف شي يلي داره ويفكر ف دموع شروق بعدها مشي حوش طول لقي شروق موتية شنطتها لما خش لقي الباب مكسر طبعا ،
ابراهيم : شن هادا؟
شروق بضحكة : شن هو يلي شن هادا؟
ابراهيم : شءءروق
شروق تتكلم وتبكي بالعبرة : ابراهيم متحاولش تذكر حتى اسمي ف لسانك ، ابراهيم حرام عليككك احني تزوجنا عن حب! حبينا بعض هلبا! بعدها تزوجنا! جبنا علي ! معقولة على خاطر غلطة وغلطة مش بيدي ربي وقت يقول كن ف يكن وهو حط روح ف يلي كان ف بطني وهو خداها مني ! علاش هكي درت علاش هكي درت فيا! وفينا وف علي؟!
خو شروق بيدي يكلكس لوطا
" اغلب ناس توا هكي مجرد م يطيح الحمل يحطو اللوم ع المرا وانها سبب قصدي شي هادا بقدرة ربي 💜 وتبدا المرا تسب وتذم ف نفسها وتلقي اللوم عليها ، مهما كان نصيبك ارضي بيه سواء حملتي او لا "
شروق مسحت دموعها : عموما اني توا ماشية ، ولدك علي تفضل شوفه ف اي وقت تبيه باب حوشنا يرحب بيك ف اي وقت مستحيل يتسكر ف وجهك 💜 علي ولدك يلي نسيتههه يلي متتفكرش اصلا ان عندك ولد
خدت شروق شناطيها
شرقو : حقا تفضل ظرف هادا اعطتهولك فرح ، وربي يتمملك عرسك على خير ابراهيم 💜💜
وطلعت
ابراهيم : شءءروق
شروق معدلتش عليها ومشت مع خوها
...........
اني روحت حوش طول خشيت داري طحت ع سرير نبكي نبكي نبكي ، بجديات وجعتني شروق
ام محمد : حميدة خيرها فرح
محمد : شي شي محد يركبلها تو نكلمها ونجي نحكيلك ي امي
ركبلي محمد وجي رقدني ع حضنه بكيت لن شبعت 💜
محمد : خلاص كملتي؟
اني : محمد حرام شروق ي محمءءد اني قلءبي متقطع
محمد : بعيد شر عليك اسكتي ، فرح انتي حامل مش كويس بكي هلبا ليك ، وقدامك شروق اقتنعت وقوت روحها وخدت قرارها انتي بعدين زيدي كلميها عن طريق نقال امها لان خوك واخد نقالها
اني : محمد منبيكش تدير فيا حاجة زي هكي نموت را
اني كنت نتكلم ونبكي ونضرب ف محمد
محمد : تي شن ذنبي تضربي فيا توا😂😭
اني : منبيش تدير فيا هكي والله نموت منبيش ي محمد
محمد : من قالك ان اني اصلا نقدر نخليك ونمشي لغيرك ، مفيش بنت قايمها من ارضها ولا هامتني الا انتي
اني قمت راسي من حضنه وشبحتله ف عيونه وابتسمت : حتى لجين؟
محمد ضحك ضحكة بالجنب ورجعني لحضنه : اي حتى لجين💜
اني : اسمع قول معاي لجين شلال ودراه كبد
محمد : علاش
اني : متبيش تقول معناها تحبهااا؟!!
اني رجعت نبكي
محمد : تي لا لا مش هكي غير منعرفش نقول كلام هادا
اني : شن متعرفش تقولك
محمد : ماه راجل اني وانتي مرا
اني : اهو عمر راجل ويقولي فيها عادي يعني 🌝😂
محمد : ايوا جينا للشلال والدراه عمر بعدين ناقص العقل هادا تعتبري فيه راجل اساسا
اني : اهو قلتهمم انت🥺😂
.
.
ف العشي 💜
بتول : فرح متزعليش روحك شروق طيوبة مش حتدير شي غلط
اني : انشاء الله
قصي : محمد جامعة بدت قداش ليها شباب امبكري قالولي
محمد : مفيش مشي مدة هادي لن تتحسن صحتك
قصي : جت منك ي جامع😍😂 بس ف حوش شن بندير كساد وخلاص
محمد : دير كركديه
طبعا ملك روح بيها السواق
ملك : حميدة اني غدوا معنديش مستشفى بعد غدوا عندي ديوتي ٢٤ ساعة
محمد : والله!؟ بالك عابيه بتباتي برا
ملك : اكيد قصدي محمد هادا شغلي واني دكتورة بشري يعني بنقعد راقدة نهار كله ف حوش ؟
محمد : متحلميش ، مفيش داعي من بشري
ملك ناضت من صفرة
محمد : مكانككك
بو محمد : خليها تمشي ي وليدي شن فيها هي دكتورة
محمد : انت سكر امههه فمك خير م نقلب عليك
العمة : قليل ادب بوك هادا
محمد : اطلعي برا حوش
اني : محمد
محمد : اطلعععي برا الحوووووش
ام محمد : تمام هي تطلع هي اقسم بالله ماني قاعدتلك ثانيه ي محمد
قصي : محمد صلي ع نبي
بو محمد : ي حميدة وليدي اهدى
محمد قرب من بوه وشده من فمه بقوية وبدي يتكلم معاه
محمد : نسمع صوتك مرة ثانيه صدقني حنخليك تخسر جسمك كله مش معاق بس نخليك ميتتتت
اني نحيت محمد دفيته من بوه
اني : شن هادا يلي تدير فيه انتت خيركككك هبلتتت! طرت ولا جنحت ربي وصى بيه! رضاه من دخولك الجنه ! طايح تهزب وتسب وتعيط وتضرب تحساب م حد يقدرك ولا كيف
محمد حاول يعلي صوته عليا بس هداكا وقت كنت فاصلة
اني : متتكلمش انت سكر فمك واسمعنننني انت حالة اقسم بالله تي بوك نهارات بوك متعرفش شن قيمة الاب ! لو بوك كان متوفي را تمنيته يكون عايش ! ونبي اطلع براا حوش اقلب وجهك من حوش
ملاك : فرح اهدي فرحح حامل انتي اهدي
اني : لو هو كان يعرف ان اني حامل او مهتم للشي هادا را مدارش هادا كله ، اناني يهتم بنفسه ويحب نفسهه بسس
محمد حاول يقرب مني باش يشدني ويهدييني
اني : حوللل منني واطلع برا ، اممشي انتلفف
محمد : انتي اهدي وحاضر حنطلع اني
محمد خدي مفاتيحه وطلع برا الحوش
اني قعمزت ع كرسي واتكيت ع طاولة وبكيت لن شبعت
ملك : كله بسببي مستشفىً شنو بالاه
اني : بالله شن بسببك اني محمد معرفتش كيف نتفاهم معاه
ام محمد : نوضو خنمشو دار تقعميز نهدرزو ، ملك وسوجي لمو الصفرة
قعدنا نهدرزو ونتكلمو
قصي : والله فرح بدي ينخاف منك😂
ملاك : طلع عندنا زوز محمد
العمة : طلعت اسد
اني كنت متوترة وخايفة وشي هادا واضح عليا
ام محمد : لا اسد لا شي شوفوها كيف ترعش توا كله خوف ع محمد 😂 متخافيش حيروح حيروح ،
اني : لا لا مش متوترة ، خنشمي نرقد تصبحو ع خير
قصي : حتى اني نعسان
كل حد توزع خش داره
اني قعدت ف بلكونه نراجي محمد يجي كنت نبي نتصل بيه اكثر من مرة ونفوت لن شرين نقالي كانت روان اتصلت تطمنت ع قصي وتبكي كانت 💔🤦🏻‍♀️ ي ربي شن ندير باهي موضوع مش بيدي
اني خديت نقال ملك واعطيتهولها
اني : اي دكتورة لازمها نقال وتوا انتي بديتي قويه 💜
ملك : دكتورة شن بالله
اني : متخافيش محمد حيوافق
.........
امي روحت حوش لقت ابراهيم مهناش اتصلت بيه مقفل اتصلت بيا اني حكيتلها اي شي صار وعن خيانه ابراهيم اول م جي
ابراهيم : امي من روح بيك
امي : توا تفكرت ان عندك ام اساسا!!!! بنت ناس ف حوش اماليها محذوفة
ابراهيم : امي امي اسمعيني
امي : حول مني بعد يلي درته
مشت امي خشت دارها وسكرت باب اما ابراهيم ركبً حوشه صلح باب وكان جيعان دنيا دايرة بيه قعمز ف سرير وبدي يتكلم مع روحه " اااه ي شروق قداش م غيابك صعب عليا يوم هو بس وشوفي اني توا مش قاقدر ندير شي بدونك لا ننوض ولا نمشي شن ندير زعما"
بعدها تفكر الظرف وفتحه لقي فيه..
.....
عن شروق 💜
امها : احكيلي شن فيك
خوها : مبتش تقولي ، جايبة شنطتها وجايه
شروق : تي م في شي خيركم تعاركنا وخلاص
خوها : شن هي العركة
شروق : استغفر الله اني بنمشي نرقد قلتلكم عركة وخلاص تبوني نولي حوش عادي
خوها : تي مش هكي قصدنا
شروق : تصبحو ع خير
مشت شروق رقدت وتبكي
......
جي محمد ف الليل متاخر
اني طول نحيت من بلكونه وقعمزت ف كرسي حطيت رجل ع رجل وقعدت شاده نقالي
هو خش لملك قبل
ملك : محمد روحت
محمد : مستشفى بري اني كلمت سواق هو يوصلك يوميا
ملك : محمد اسفه كله بسببي يلي صار
محمد : لا لا اني اصلا اعصابي كانت تعبانه وبوك لما تكلم.مقدرتش نتحكم ف روحي
ملك : اممم تمام محمد
محمد : تصبحي ع خير
جي محمد كيف بيخش دار تفكريني امبكري كيف متعفلقة وتراجع قعد واقف جنب حيط وبدي حاير هل يخش او لا
ملاك : خش خش متفكرش قريب تموت عليك وهي تراجي فيك😂
محمد : اااه اي اي خاش اصلا
خشلي محمد بدون م يتكلم بدل حوايجه وجي قعمز جنبي شد يدي اني طول سحبت يدي منه
محمد كان مطبس راسه لوطا ويمسح ع لحيته ويتكلم معاي 💜
محمد : مدايرةً فيها توا قوية ، شابحك تراجي ف بلكونة
اني : شن نراجي مراجيت حد بنشم هواء ربي حرام؟!
محمد : لا لا مش حرام حبيبتي
اني جاية بنوض محمد شدني من يدي
اني : استغفر الله ي ربي شن تبي
محمد : اسف
اني : ع شن تتاسف! انت غلطت ف ملك وبوك
محمد : ملك تفاهمت معاها! وهداكا مش بووووي
اني : باهي حول يدك مني
محمد : مش حنحولها
اني : بالله عليك حول بنمشي نتمرقد
........
ابراهيم فتح فلاش وشبح صور رنا مع قصي ومحادثاتها ومشكلة انه قاعد مصدق رنا يحساب ان قصي قبل يبيها ويجري وراها وهي متبيشي 🤦🏻‍♀️💔
اتصلت رنا بابراهيم
رنا : الو حبيبي
ابراهيم : اهلين حبيبتي
رنا : كيف حالك وخيرك مشيت بسرعه نتصل بيك خارج تغطية توا كيف شد معاي معقولة متسالش ع حبيبتك ؟!
ابراهيم : لا لا مش هكي غير امي زعلانه مني ومفضيتش قعدت نرضي فيها
رنا : اها باهي حياتي، غير امتى نتزوجو وقتها اني نرضيها امك😍❤️
ابراهيم : توا بنسكر حبيبتي مش فاضي وراي خدمه
رنا : يعني خدمه اهم مني !!
ابراهيم : تي مش هككي غير سكري سكري بعدين نكلمك تشاو
وسكر ابراهيم خط وسكر نقاله وفتح البوم ذكريات قعد يتفرج ع صوره هو وشروق قبل ❤️
..........
نسرعو احداث شوية ثاني يوم ❤️ طبعا اخ محمد مرقدش لن خلاني نرضى واني زي التوتو رضيت بس مش طول شحورته شوية 😂🤷🏻‍♀️❤️
اني : حميدة فيق هياااا ، ياسر نوممم خدمة
محمد : فرحح شوية ونفيق
اني : هيا حبيبي متنساش عندك اجتماعات مع الشؤؤن المالية ف شركة نوضض
محمد : اي نسيتتت ، انتي مفيش مشي يومم را
اني : باههي عارفة
محمد : نحبك
باسني محمد ع خدي
اني : ياسركك نوضض باش تفطر اني لوطا حبيبي
نزل محمد وقعمز يفطر طبعا كلهم فطرو وكل حد توزع داره الا محمد فايق تاخير عاد 🤦🏻‍♀️💔
محمد : وينهم
اني : كللهم فطروو
محمد : شن تبي
اني : خيرني شن نبي 😂🤦🏻‍♀️؟
محمد : مقعمزة تشبحيلي هكي شن تبي ماه اكيد في شي
اني : بعدين بنرفع حناي مستشفى عندها احتكاك ف مفاصل ي محمد اقل شي يشوفها دكتور
محمد : وهادا سؤال ! اكيد بري
اني : ونبي اني نسوق
محمد : والللللهههي
اني : محمد بالله عليك شن سواق
محمد : لا
اني : قصدي كل حوامل يسوقو عادي شن فيها
محمد : كل الحوامل الا فرح زوجة محمد
اني : محمد ونبي
محمد : لااااا
اني بصوت حزين : تمام
محمد : استغفر الله المفتاح تلقيه ف دولابي خوديه وبري ساعة كم بتمشي
اني : نحبككك
ونضت بست محمد ع نزلة قصي 🤦🏻‍♀️💔
قصي : وولمرة الثانيه على التوالي قصي يخش ف لحظات غير مناسبههه
محمد : لا حول الله ضروري يخرب امها قصي
قصي : ايوا مخشيتش دارك اني بنتجول ف اراضي الحوش محد دخله😂 ولا تبوني نقعد ف داري زي سجن
محمد : دقيقة بس نوضلك نوريلك اراضي الحوش كيف شكلها
قصي : لا لا مش هكك قصدي 😂💔 خيرك خوي متقبلش النقاش ، من قال ان داري فيها عيب اني بنمشي داري توا ومعاش بنطلع
اني : 😂
قصي : ايوا مرة خوي رومنسية ليه ليه من صبح
محمد : معاش فيها كيف بنوضله
قصي : توبهه توبهه
محمد : اني طالع م تبي شي ؟
اني : سلامتكك اني حجزت موعد من نت تو خمسة نمشو
محمد : بالك من طريق
اني : تمام
........
امي : ابراهيم نوض
ابراهيم : وين امي
امي : بنمشو لشروق
ابراهيم : تمام هي نلبس
امي : غير نوض اغسل وجهك ، شن شاد ف يدك؟
ابراهيم كان شاد صورة شروق لن رقد بيها
امي : نوض نوض شوف مرتك حاول ترضيها قلبها طيب حتسامحك !
ابراهيم : اممممم امي
امي : نوض
الراهيم : سامحيني ي امي
ابراهيم باس يد امي❤️
امي : ولعلمك نعرفها البنت يلي تكلم فيها وكل يلي قالتهولك فرح عليها صححح ! يعني مدان يدك ع اختك مكانش في داعي ليه بكل
ابراهيم : حاضر تو نوض نلبس
ناض ابراهيم وبدل ومشو لحوش شروق ومجرد م فتح الباب حضنه ولده علي وقته زي من ضربه كف ووعاه ❤️
خو شروق : اهلين براهيم تفضلو تفضلو
خشت امي مع نساوين وابراهيم قعمز ف مربوعة
خو شروق : اصبر ناديلك شروق
طبعا شروق طول جت سلمت ع امي ورحبت بيها❤️
خو شروق : شروق ابراهيم يبيك بري شوفيه
شروق : لا لا ارفعله علي
ام شروق : بررري ولا مش حنرضى عليكك راجلك هادا
خو شروق : تي نووضي قتلك
ناضت شروق وخشت مربوعه وقعمزت بعيدة ع ابراهيم جي ابراهيم وقعمز جنبها شد يدها ❤️
ابراهيم : شني مش ناوية تتكلمي
شروق : شن بنقولك ي ابراهيم؟ شكرا على خيانتك ليا؟؟؟
ابراهيم : شروق
شروق : لو سمحتت اني كلام معاك معاش عندي ولدك تقدر تشوفه امتى م تبييي مش حنحرمك منه ! اما اني مستحيلل
ابراهيم : شروق اسمعيني
شروق : بالله عليك نوض روححح
ابراهيم : يعني حترضي لو روحت؟
شروق : اي هلبا
ابراهيم : تمام اهوا نقالك تفضلي
مد ابراهيم لشروق نقالها : سامحيني
وطلع ابراهيم ونادى ع امي
.........
مع العصر ❤️
اني : هيا حناي نمشو العيادة
ساجدة : ترفعونيً معاكمم
اني : موعدنا توااا بسرعه بدلي وتعالي
ساجدة : نلبس عبايتي نقعمز ف سيارة نراجيكم
ملاك : حتني ارفعوني
اني : تمام اني ف سيارة❤️
لبست سروال واسع اسود وبلوزة واسعة ع اسود والبلوزة لاصقة فيها جاكة نظام قولف يعني مهم للبست اسود وواسع باش نغطي بطني لان قاعدة مكبرتش يعني لا نبان حامل لا نبان عندي كرشة ف نسترها خير😂🤷🏻‍♀️💔 ولبست كندرة ووشاح وشنطة ع الاحمر ❤️
وصلنا عيادة نراجو لن نادو اسمنا ❤️
الدكتور : اهلا اهلا تفضلو
اني : اهلين
حكيت لدكتور ع مشكلة حناي وان عندها احتكاك
الدكتور : والله مشكلتها بسيطة حنعطيها شوية ادوية
طبعا حناي كانت ف حجرة يلي جنبنا معاها ممرضة تديرلها شوية علاج طبيعي لرجليها
اني : ي دكتور اني قبل كنت ندرب ف جيم وهكي يعني عندي شوية خلفية ع تمارين نقدر نديرلها تمارين؟
الدكتور : اي اي اكيد ، شن تقري انتي ؟
اني : صيدلة
الدكتور : مشاء الله، صغيرة ف عمر
اني : باهي كل تمارين نديرهولها؟
الدكتور : نعطيك رقمي وكلميني تو نبعتلك التمارين يلي تناسبها وطبقيهملها
اني : خلاص اوكي
الدكتور عطاني رقمه ولما روحت حوشت بعتله ع فايبر قتله اهلين اني فرح يلي قتلي حتبعتلي التمارين 💜
.......
جي محمد من شغل متاخر ودارلي رنه باش نوتو العشي حطينا العشي واني ركبت نبدل ف حوايجي ف حمام جي محمد خش دار وجاي بيبدل ونقالي يشرين وينبعتو رسائل
محمد : فرححح نقالككك زودي اطلعي شوفيه
اني : فوته حبيبي نبدل
محمد : تي نفخهم
وكيف محمد قام نقال يلقي رسائل من الدكتور :
والله ي انسة مش موضوع تمارين حق ! والله انتي عجبتيني وني نبي نتزوج وحق مشاء الله عليك جمال ع ادب ع اخلاق ع كل شي واني مستعد اليوم قبل غدوا نجي نطلب يدك
محمد : فرححححححح
اني كيف طالعة من حمام نتمختر ع راحتي وقت شفت محمد والعتله جيت
اني : شن في شن في
محمد : مننني هاداااا
محمد وراني رسائل
اني : نهار ابيض
محمد : تي من هاداا نمم تي لما نكسر امهه تي اما عيادة مشيتتتي!
اني : مشعارفة مشعارفة منعرف شي
محمد : تي كيف جاب رقمك
محمد طارتله وعيونه بدو حمر
وشدني من ايديا : توااا تحكيلي كل شي
اني حكيتله ع كل شي وكيف حصل رقمي
محمد : تي زححح مشبحش دبلة
اني : محمد نسيت دبلتي وقت ندوش ف حمام
محمد : وبطنكككك الحامل
اني : محمد مش واضحة كانت ها شوفها قاعدة صغيرة
محمد : اما عيادة
اني : ااا محمد اني بننزل
محمد : تنزللي امك اما عيادةةة
محمد خدي نقالي وسجل رقم دكتور ف نقاله
محمد : مفيش داعي تقولي تو نعرفههه
ومحمد جي نازل وني وراه
اني : محمد محمممد
قصي : شن في
جدة محمد : تي خيره ولد هادا ديما بمصايبه
محمد : قولو مبروك ي عيله
ملاك : علاش
بتول : شنفي
محمد : الاخت فرح جايها عريس حيخطبها عريس زي الورد دكتور من زيكممم
ان طبست راسي وتحشمت وغطيت وجهي بيدي
قصي : عريس شنوو😂
اني : محءمد
محمد : اهي فويريحة تو تحكيلكم
بتول : فرح شن قصة احكيلنا
ام محمد : حتى اني نبي نعرف
اني : القصة هي ان
محمد : شن قتلك تعريف اني احككي
اني حكيتلهم قصة
اني : اني كلمته بحسن نيه يعني وين نعرفه
ام محمد : وااك😂😂😂😂
بتول : 😂
محمد : لا ويضحكو ، توا قوليلي اما عيادة! جداي شن اسم العيادة
جدة محمد : والله ي وليدي اني نركب وننز ل ما نعرف شي
ملك : حميدة خلاص حصل خير مش موضوع يعني
محمد : مصح وجهك جاي بيخطب مرتي وتقولي مش موضوع
محمد : اعطوني وراقي حناي بنشوفها
اني : والله الوراق اكيد مكتوب فيهم اسم عيادة يعني نقولولك اسم عيادة خير
محمد : تو نتصل بيه هالدكتور
ركب محمد فوق دار  وسكر باب عليه ❤️
واتصل بدكتور
محمد : الو
الدكتور : اهلا
محمد : اول شي اشحط روحك ، ومرا يلي امبكري بتطلب يدها هادي خطيبتي ، شن خطيبتي هادددي مرتتي وحاليا حامل وبتوام
الدكتور : ااه سامحني ي استاذ سامحني والله م واضح عليها
محمد : تي غير دور مكان نتلاقو فيه وتو نعرفو واضح عليها ولا مش واضح ي )£/&:
الدكتور سكر ف وجه محمد
محمد قعد يعاودله لن دارله حظر 😂❤️
ام محمد : محمممممد محمممممد
محمد فتح باب دار : تي خيركم تعيطو
بتول : انزل العشي وليدي
محمد : تي باهي نازل
نزل محمد وهو يفنص
قصي : 😂😂😂😂
ومحمد يشبحله
قصي : اسف اسف
تمر دقيقة
قصي : 😂😂😂
ومحمد يفنص فيه
قصي : سامحوني بدون قصدي ي عيله
تمر دقيقة
قصي : 😂😂😂
محمًد وقفله وقصي طول هرب ركب دروج
اني : شبعت شبعت حمدلله صحتين 😭❤️
محمد : ساجدة نشبح فيك تضحكي را
اني : 😂 قصدي محمد موضوع يضحكك
ناضو كلهم يضحكو
محمد : استغفر الله
ركب محمد دار واحني قعدنا نهدرزو ونصحكو من الموقف 😂🤷🏻‍♀️💔
اني : ملوكتي غدوا عندك ديوتي ولا
ملك : اي اي ادعيلي ي فرحح
اني : متخافيش دكتورتنا راك😍❤️
ساجدة : خلاص كملنا بنركب نرقد تصبحو
اني : حتني خلاااص
ركبت فوق لمحمد لقيته راقد ع سرير جيت رقدت جنبه
اني : حمادددي
محمد : حولي
اني : حموددتتتي
محمد : متحاوليش تغريني
اني : حموشتتتي متزعلش
محمد : متقربيششش
اني : نحبكك
بسته ع خده
اني : تزعلش نحبكككك هلبااا
محمد : مش زعلان
اني : باهي خيرك تعشيتش زين
محمد ناض من سرير وقال بصوت واطي : ناقصنا هالدكتور احنني ! مش ساد عمر
جت ساعة اتنين ف ليل طق باب شارع
محمد : ي ياتر شنو من بيجي توا
اني كيف بنطلع ورا محمد
محمد : خشي تو نفتح
نزل محمد وفتح باب وكان....