يوميات زوجية 2 💜

5

شروق كانت تغسل ف حوايج لاكن لقت ريحة غريبة ف حوايج ابراهيم ولقت رسالة ف جيب سورية مكتوب فيها لو خلوك الكل اني مستحيل نخليك ❤️
شروق : ابراهيمم
ابراهيم : نعم حبيبتي
شروق : اممممم سوريتك
ابراهيم : خيرها
شروق : ريحتها نسائية!
ابراهيم : تكون منك يعني من عندي غيرك
شروق : بس برفان هادا نستعملش فيه
ابراهيم : وين نندري
شروق : ورسالة هادي
ابراهيم انخلععع وبعدها دار روحه طبيعي
شروق : هادي شنو
ابراهيم : شي
شروق :قول
ابراهيم : كنت مقعمز ف مكتب ونفكر فيك ونخربش طلعت معاي هادي احلى رسالة ونسيتها ف جيب سورية تهنيتي ؟؟ ونسبة للريحة مشيت محل عطور وبدي يبخ ونشم كنت حاب نهديك حاجة بس انتي وشك متاعككك
طلع ابراهيم ع اساس متكنطي وف خاطره يقول حمدلله طلعت منها❤️
شروق فرحت لانها صدقت ابراهم متوقعتش ان حب حياتها ممكن يخونها او يدير شي يزعلها ❤️
ف سيارة..
ابراهيم : ايوا حبيبتي
؟؟ : متكلمنيش
الراهيم : وعلاش
؟؟ : ع اساس امس بتجيني نشوفك مجيتش وقلتلي ليل نكلمك وم اتصلتش
ابراهيم : اسف والله م قدرت شروق
؟؟ : مفروض خلاص تكشفلها موضوعنا ونتزوجو وخلاص
ابراهيم : مشعارف ، اني قتلك ع امي
؟؟ : امك حتزعل صح بس وقت تعرفني بنت ناس حترضى
ابراهيم : باهي توا سكري بعدين نكلمك
؟؟ : ديما هكي تهرب مني
ابراهيم : منتهربش بس وقت يجي الوقت كلهم حيعرفو
؟؟ : تمام
وسكر ابراهيم
...........
اني : حميدة مكتب متاعي حلو هلبااا
محمد : عيونك حلوات
محمد شد يدي
قصي : ي خوي راني موجود 😂😂
خشت بنت متاع رسبشن حطت ملفات ع طاولة محمد وطلعت وقصي ناض يصفر ويقول قمر 😂❤️
اني : الو روانننن
قصي : بسم الله وين وين
محمد ضرب قصي ع راسه : من اول وحدة هكي اشحط روحك😂 القدام في دق قوي راه
اني قعدت نشبح لمحمد ونفنص
اني : مصحح وجهك
فجاءة طق باب نفسها متاع رسبشن : استاذ محمد مدام لجين برا ندخلها؟
محمد : اي قوللها تتفضل ، قصي توا اشبح هادا
اني تكنطيت طارتلي وربعت ايديا ونفنص ف محمد وهو عارفني غايرة غير يبي يغيضني
اني : وليش لجين من تكون! عارفة ان صفقة مع ولد
محمد : ولجين معانا
خشت لجين طبعا من غير حجاب سروال جينز ممزق ومعاه سورية بيج فيها زي لقطة قرواطة لونها احمر وكعب ع احمر وهداكا مكياج والايفون يلي تتجكتر بيه 😂🤕
وناضو قصي ومحمد زوز يصفروووووو
ومحمد وشوشلي : قمرررررر
اني ضربته ع جنبه
شوية وقف محمد وسلم ع اخت لجين
محمد : عاش من شافك انستنا
لجين : ههه تعيش وتشوف قداش ليا معاش شفتك احلويت اكثر
محمد : هادا خوي قصي
لجين : اهلا ، حليوة زيك 😂
محمد : وهادي مدامتي
لجين شبحتلي : اهلا معرفتش ان ذوق محمد هكي حلو
اني درت ضحكة بالسيف : اهلين
قعمزت لجين وبدو يهدرزو ❤️
محمد : وين عمر هادا
لجين : حميدة ساعة مازال عشرة دقايق وعمر نوعه ع وقت بالضبط يجي
محمد : اه
لجين : بس مشاريع واضح عليها حلوة
محمد : والله بوجودك حتبدا احلى
اني رفست محمد ع رجله بالقوية بالكعب قريب كسرتها 😂❤️
محمد : ااااه
قصي : بسم الله شن في
محمد : لا لا ضربت رجلي ف مكتب
لجين : سلامتك
محمد : الله يسلمك لوجي
ورفسته مرة ثانيه تي لما نوريه ع الكلمة بنقعدله
محمد بدي متعود ع خبطات يبلعها ويسكن ملامح وجهه تتغير شوية😂شوية وشوشلي
محمد : فرح حرام عليك ارحمييني ، حامل وضربتك تقول قرانديزر
اني : تتستاهل كل م تغلط حتاكلها
خش ادم : استاذ محمد هي ع غرفة الاجتماعات استاذ عمر وصل
نضنا زي فالحين مشينا غرفة اجتماعات اني ولجين وقصي ومحمد وادم طبعا مفروض معانا ناس تانيه لاكن هادا الاجتماع توقيع عقود وبس بيناتهم بين شركة محمد ولجين وعمر ❤️
شوية هكي خش عمر
اني من صدمه وقفتتتتتتت
وعمر قعد واقف مصدوم يشبحللللللي
عمر : فرححححححح!!!!
اني : عمرررررر
عمر : مستحيل نصدقققق
اني نضت من كرسي ومشيت للباب وقفت قعدت نشوف لعمر
اني : بجديات عمر مش مصدقة اني
عمر : ولا اني ي فرح تي شن هالصدفة يلي جمعتناا ❤️تي غير شن جابك اهنني
اني : اني شن جابني او انت جابككك
طبعا هادا كله واني شادة يد عمر من صدمة والفرحة مشاعر مخلطة😂❤️
محمد : هئحممم شن مش ناوين تعرفونا
جيت اني قعمزت مكاني وعمر قعمز ف كرسي طبعا اني جنبي ع يسار قصي ومقابلي لجين وجنبها عمر ومحمد جاي ف كرسي الزعيم هداكا اكيد فهمتو قصدي 😂💔
عمر : اني وفرح..
اني : اني وعمر اصدقاء من قبل بعدين منعرفش شن صار معاش تقابلنا
عمر شبح لفرح مدة بعدين : اها اي ، غير شن جابك اهني فرح
محمد شد يدي : هادي مدامتي
عمر : امم اها ربي يهنيكم ، شنو مش حنبدو!
محمد : اول شي خنقولو ع شروط بعدين نوقعو ❤️
عمر : الكلام نفسه وخلاص اني قررت مدة المشروع حنخدم عندك ف مكتب اهني
محمد : لينا شهر نقنعنوً فيك بس انت مسكر راسكً وتبي شركتك شن غيرلكً رايك؟
محمد كان يتكلم بجدية فعلا هو ف خدمة شكل وف حوش شكل ❤️❤️
عمر : بما ان فرح اهني اكيد حنحب نقعد ونرجعو ايامتنا متاع قبل 😂
محمد : نعمم!!
عمر :...
هدرزو شوية ف مواضيع
محمد : خلاص تم اجتماع وقعو يوم وغدوا نتلاقو
وقعو وطلع عمر ولجين قعدت تلم ف حاجاتها
لجين بصوت واطي : غريب هالانسان وقت مدة فاتت وقعت معاه كونتراكت ميضحكش بكل وتوا جاي يقرقر
قصي : وين ماشية
محمد : ماشية مكتبها قولي لادم يوريهولك لوجي ❤️ وقصي حتى انت ع مكتبك هي
قصي : اي وشن بندير
محمد : شوية ونجيك نقولك شن تدير
طبعا عمر شخصيته جدية ف خدمة الا وقت شبحني نزل عليه الضحك ايام قبل ، شاب حلو طويل وملامحه حلوةة هلبا وقلبه طيب هلباااا ❤️
شبحلي محمد وكان باين ع وجهه جدية
اني : شن تشبحلي هككككي منخدمش عندك را مرتكك اني
محمد : مرتك ف خدمة منعرفكش
اني : عادي اصلا احسن تو نعرف عمر 😂💔
محمد : تشبحي حناكككك وخيرك امبكري ترفسي تقول توررر
اني : مش مني من لوججججي
محمد : وقعي ع اوراق هادي
اني :اوراق شنو
محمد : اقري
اني قريت الاوراق مكتوب ان محمد بيحول نص املاكه واسهمه ليا اني
اني : محمد لا من قبل قتلك منبيش
محمد : شن هو متبيش غصب عنك حتدير امهم اني منسالش فيك توا نامر فيك ، بعدين من قالك ليك! هادم لصغاري وقت يكبرو + وخمسين ف ميه تانيه بنوزعهم ع خوتي بس مدة هادي باسمي قاعدات وهي وقعي
اني كنت مترددة بس خايفة محمد كان يفنص ومتكنطي خديت بيروً وقعت وجي باسني ع خدي اني قعدت مصدومة معاش قدرت نتحرك لا يمين لا يسار
محمد طول هرب بيطلع وقبل م يفتح باب قالي : نوضي على مكتبتك منحبش كسولين ف خدمه😂💔
اني قاعدة ف حالة صدمة بعدها مشيت مكتبي وطبعا محمد مخلانيش كل خمسة دقايق جاي 😂
محمد : فروح هيا
اني : وين
محمد : نتغدو ف مطعم ونروحو
اني : تمام حبيبي
طلعت اني ومحمد ومشينا لقصي لقيناه يهدرز مع البنت متاع الرسبشن اسمها منى😂
البنت وقت شبحت محمد مفنص : ااسفه استاذ حنرجع توا للخدمة
وطلعت مشت شغلها
محمد : قصييي
اني : محمد شنرايك نجيبوً روان تخدم معانا
محمد : اي فكرة كلميها خلاص
قصي : بعدين بنكون ميت من اول يوم😂
محمد : اني وفرح ماشين حوش ، شوف سواق يوصلكً ولا تمشي معانا
قصي : لا لا ايهم حيجيني توا بعدها طالعين
طلعت اني ومحمد مشينا مطعم ❤️
محمد : فرح كولي
اني : اهو ناكل
محمد : لا متاكليش
اني : محمد مفهمتش تبيني نبدا زي الحافظة نخزن ف ماكله وخلاص ولا شنو😂
محمد : انتم توا زوز مش واحد ، شوفي وليدي شن يبي ياكل
اني : امممم
محمد : خيرك
اني : لا لا شي
محمد : هي كولي باش نمشو حوش اماليك شوية
اني : الللللله 😍😍😍❤️
وبديت ناكل بسرعههه نبي نكمل ونمشو فرحت هلبا
محمد ضحك ضحكة بالجنب : اصلا مفيش حد يعرف دواك غيري اننني
كملنا ماكلة وطلعنا محمد طول وقت شاد يدي مشينا لاماليا وسلمنا وبوس واحضان وهدرزة
كنا مقعمزينً اني وجنبي محمد وامي وشروق وعليوة طلع يلعب ف شارع جي ابراهيم سلم شوية وكان متغير وجهه وكل شي حط نقاله ف طاولة يلي جنبي وقعمز شوية بعدها ركب يبدل ويجي ❤️
شوية شروق خشت كوجينة لحقتها ❤️
اني : شروق ، ابراهيم شنو توا معاك
شروق : لا لا حمد لله رجع زي قبل واحسن غير اني غبية امبكري درتله لقطة
اني : شن درتي
شروق : كنت نغسل ف حوايج لقيت سوريته فيها ريحة نسائية واني منستخدمش فيها ولقيت ف جيب متاعها رسالة حب ودوة هادي مشي كلمته وجاية بنعارك عليها وهو يناري كان يكتبلي ف رسالة ليا ونساها ف جيب ومشي محل عطور بيجيبلي هدية صنة باش هكي ريحته كلها نسائية زعل مني وطلع
اني : تي عادي عشي حلو منك ودلع ورومننسيه ينحل كل شي 😂❤️
شروق : انشاء الله ، شنجو البيبي حقاا
اني : كويس 😂
شروق : ربي ينوضك بالسلامههه فروحتي
اني : امين
وكيف جاية بنطلع شدتني شروق من يدي
شروق : فرح باهي اني شن يصير فيا ع موضوع الحمل
اني : اصبري شوية مدة هادي وتو نسالك ع دكاترة
شروق : تمام ، تو تفضلي اطلععي منحبش ضيوف يخشو كوجينتنا😂
اني : خزي
طلعت قعمزت ف طاولة وحطيت نقالي
اني وخوي نقالاتنا زي بعض ونفس اللون والحجم وكل شي اختلاف ف الكفر بسسس
فجاءة وصلت رسالة اني قمت نقال نحسابه متاعي مكتوب فيه " حبيبي روحت حوش ؟ نحبك هلبا ترقد البقرة هديكا اتصل بيا مستاحشه صوتك "
والاسم كان &:(&@£ اني جتني صدمة قعدت نفكر من هي يلي اسمها هكي !! من هي يلي نعرفها واسمها هكي فجااءة تنرسم ع وجهي ملامح الصدمة بالرسمممي !!! معقولة؟؟ معقولة تكون هي؟؟ لا لا مستحيل ؟! ابراهيم معقولة يخون شروق مع هادي ؟!!! وقعد يدور ف بالي مليون سؤال وندعي انشاء الله متطلعش هي
سمعت صوت ابراهيم جاي حطيت نقاله
اني : محممد هيا
محمد : خيرك
امي : شن فيك
اني : لا لا شي امي غير تاخرنا ع حوش مرة تانيه نجوك
ابراهيم : راجي
طلعت اني جري وقلبي كان واجعني من ابراهيم ومن يلي داره ف شروق !! وان هو متزوج بولدههه ويجي هكي يدير؟! ومع مني مع وحدة زي هادي ؟! وبالك تطلع مش هي ؟! قعدت نفكر ف رسالة وف كلام شروق يلي قالاته ع الورقة والريحة وفكرت ب طريقة نعرف بيها البنت من تكون !! كنت مش حاسة بشي محمد جنبي يتكلم معاي ليه ساعة
لن شد فرامل
اني : اااي تي خيرككك
محمد : شن خيرني اسالي روحك من طلعنا من حوش مسلمتيش حتى سلام وجهك تغير وطلعتي شن فيككك
اني : م في شي
محمد : فرح شن منعرفكش اننني!!!
اني : استغفر الله ! اووووف
محمد : متتافيشششش احسنننن خلي عندك خلوق باش تتكلمي
اني : غير هالكلام قوله لروحك ونبي
محمد : لا حول الله
قربع محمد ع دومان ومشي كمل طريقه متكنطي واني متكنطية احرف منه وصلنا حوش وطول ركبت فوق دار دوشت وطلعت وعيوني متنفخات كنت نبكي وحالتي حالة مهمم
محمد : فرحح غير شن فيك
اني : محمد خيرك قتلك م فيا شي
محمد : لا في حاجة طلعتك من حوش اماليك ومتعفلقة ودموع حابستيهم تي شن اني منعرفكش
شرين نقال محمد كانت لجين
محمد : هادي لجين شن تبي
اني زادت طارتلي : اي اااااي رد ع ست هانم ماه ناقصهه الحكاية نزلت لوطا كانو مقعمزين يتفرجو ع تلفزيون ويهدرزو شوية لحقني محمد ❤️
ساجدة : حقا فروح غدوا بنطلعو ندهورو بنمشو سوق
ملاك : اي اي متمشيش خدمة
اني : اممم مشعارفة
ملك : غير هيااا فروح خيركك
محمد : اصلا هي خدمتها مش يوميا يومين ف اسبوع بسسس باش تعب الحمل
ساجدة : اي خلااااص معناها بتمشي 😍😍❤️
محمد مشي دار جاب فلوس واعطى خواته فلوس
محمد : السواق تو يوصلكم
ساجدة : اوكك
محمد : اني ماشي نرقد تصبحو ع خير ، شني فرح؟
اني : شوية ونجي
بتول : برو وردو بالكم ع روحكم
ام محمد : مشعارفة قلبي غاممني اني
اني : والله احرف منك ي امي
ام محمد : اني بنركب امي وبنمشي نرقد ، تصبحو على خير
بتول : اي اي حتى اني بنركب غير هالكلب قصي بعته محل سنة باش يجي
ساجدة : فروووح اركبي معاي نطلع بدلة
اني : هي تعالللي
ملك وملاك : تصبحو
مشيت مع سوجي وقعدنا نوازو ف لبسه فجاءة سالتها ع غسان ❤️
ساجدة : اممممم
اني : تي قوللي
ساجدة : زعلان مني هو اصلا كويس يلي تكلمتي عليه فكرتيني 😂
اني : غبر فيك ليش زعلان
ساجدة :....
اني : معقوللة تي اتصلي بيه غسان كويس وقلبه ابيض كلميه ، حتى اني بنمشي نرقد تصبحي
خشيت داري وكان محمد راقد وعاطيني بظهره سكرت ضي مكانش خاطري ندير شي كل م نتفكر موضوع ابراهيم قلبي ينغم بعدين فكرت علاش انيً ومحمد متعاركين صح اني زعلانه ع خاطر خوي بس متجيش نفشها فيه
جيت حضنته وبسته ع راسه ❤️💋
اني : محممد
محمد : همم
اني : افتححح عيونك رد زي ناس عليا
محمد : هاا
اني : شن هم ها ف حصة عربي احني
محمد : شن تبي
اني : نووض ولا حنزعل
محمد : ازعلي زي م كنتي قبل شوية
كان راقد ويرد عليا بكل برود
اني طارتلي منه سكتت شوية بعدين 😂☹️💔
اني : اااااااه ي بطننني اااااااه وووه عليا محمد بطني بتتتقطع
محمد ناض مخلوع ويتكلم معاي ويديه يرعشو : فرححح فرحح شن في نلبس نمشو مستشفى
ناض محمد من سرير فتح دولابه وني زدت عيطت وهو رجع ع سرير من جديد
محمد : فرححح غر اصبري هي خمسة دقايق
اني : 😂😂😂😂😂
محمذ : جرية ولا ؟
خدي مخدة ضربني بيها
اني : اااي مخدتك زي رشادة بشوية
محمد : باش معاش تعاوديها
محمد حضني وباسني ع راسي : فرخة ومهبولة تتفرج ع طيور جنة 😂
اني : منتفرجش من قال
محمد : اي ويلي كان يرقص اغنية شني ! لحظة نتفكرها ! ايوا شور شور يلا يا قمر😂
اني : يا عيني ع الاستحمام ، قصدي اهو انت حافظها مش اني
محمد : ارقدي ارقدي صبح بنفيق وراي خذمة 😂💔
______
اتصلت ساجدة بغسان ❤️
ساجدة : اهلا غسان
غسان : اهلين
ساجدة : اسفة ع يلي صار مرة فاتت مفهمتش قصدك
غسان : لا لا بالعكس فرحت لانك بنت ناس رمتبيش تخسري خوك ، مهم شنجوك
ساجدة : حمدلله كويسة وانت
غسان : كويس ، شن مدايرة
ساجدة : شي حال كساد، مهم غسان توا بنرقد صبح بنفيق بكري
غسان : .......
ساجذة سكرت الخط ورقذت 🤦🏻‍♀️❤️
______
ثاني يوم يلي هو الخميس 😂❤️
فقت صبح بكري قبل محمد دوشت وبدلت ونزلت نوتيله ف الفطور
شوية هكي نزلي محمد
اني : صباح الورد
محمد : لا صبح لا نم
اني : خيرك صبح ي فتاح
محمد : شن قلنا فرح!!!
اني : شنو
محمد : مش قتلك م تديري شي !! علاش فايقة وخاشة كوجينة مدة هادي لازمك راحة
اني : شن درت اني! مجرد اني وقفت ووتيت الفطور ليك بسس يعني لا مجهود لا شي !
محمد : انتي حرة اصلا راسك هادااا يابببس
اني :وطي صوتك راقدين
محمد : مش موطي ولا شي
محمد جا بيطلع
اني : الفطور
محمد وهو عاطيني بظهره ويمشي : نقعيه واشربي ميته
وطلع متكنطي وعفلقني اني
______
؟؟؟ : هي يا رب نوصلو بالسلامة 😍❤️
؟؟ : امين
؟؟ : خلاص افرح حتشوفه
______
مر وقت لن جت ساعة اثنين ونص ثلاثة هكي ركبنا اني وبنات بدلنا باش بنمشو سوق وورانا لفة طويلة ❤️
اني لبست بشت لونه زيتي وسوريه بيضاء وقونه ليكرا ووشاح ع بيج وسبيدرو ابيض
ملك لبست بشت ازرق وسروال ابيض ف اسود وفلينيه بيضاء ووشاح اسود
وساجدة لابسة سروال واسع بيج وجاكة جينز قصيرة ووشاح بيج ❤️
وملاك لابسة عباية موف ووشاح اسود
طلعنا سيارة
ساجدة : تي وين سواق
ملك : مشعارفة
ساجدة : اكيد يتغدا فرح سوقي انتي خنمشو خير من ما نتاخرو والمفتاح عندنا
ملاك : اي فروح
ركبت اني وسقت وجنبي ساجدة وتالي ملك وملاك
نزلنا سوق طبعا وشباب ومعاكسات وخاصة وقت يلقو بنات بروحهم وسايقين سيارة اكيد زابطين جو 😂❤️ مهم مخلينا شي ف سوق مشريناش
——
احمد : اسف سمر لو تاخرت عليك
سمر وقت وسلمت ع احمد : لا لا عادي ملياش هلبا نراجي
احمد : ساعة كم جيتي