يوميات زوجية 2 💜

35

فجاءة يجي شخص ويقعمز جنبي ونلقاه نفس الولد يلي بزع فيا البلي قبل شوية ف المطار وبديت نهزب فيه كان لابس طاقية وزبطتوها يلي شكلها زي مثلث يلبسو فيها شباب يغطو بيها نص وجهم هديكا؟ اكيد عرفتوها😂 مهم كان لابسها
اني : انتتت الحماررر يلي بزعت فيا الواحد وهربتتت شن تحساب روحككككك
وهو ولا كان في شخص يتكلم معاه
اني : نتكلم معاك ولااا شن هالاسلوب والادب
جت مضيفة
المضيفة : في حاجة لو سمحتي؟
اني : لا لا م في شي
المضيفة : يا استاذذ ضايقاتك الاخت هادي ؟
هز براسه لا
اني : شن تحسابيني طالعة من قرقارش ولا شنو لا حول الله وخلاص
المضيفة : مرضى
اني : شن هالبشر يلي نلقو فيهم مفروض احني هاي كلاس يجيبولنا مضيفة زي ناس مش مضيفة معندهاش اسلوب لا وفوقها سمينه تو ف عالم كله في مضيفة سمينة! مشكلة نعرفوك جاية من على بعد عشرة امتار لان طيارةً يصير فيها زلززال
المضيفة تعفلقت ومشت
قعمزت شوية نراجو قاعدين م اقلعوش
شوية جت مضيفة تانية كانت اسلوب احسن من هديكا بقرة
اني : لو سمحتي منبيش نقعمز اهني نقدر نبدل مع اي شخص ؟
المضيفة : والله اسفة م نقدروش علاش في شي مضايقك ؟
ناض هالشخص نحو طاقية ويلي لابسه واني قعدت حاله فمي
اني : انتتتتتتت لا حول الللههه
محمد : لا لا ي اختي مفيش مشكلة اني زوجها
المضيفة : ربي يهنيكم طالعين حلوين شكلكم عرسان
ومشت مضيفة
اني : تي شن جابكككك مش ع اساس مش حتجججي تي شن هادا ي ربيي
محمد : معقولة منجيش ؟؟ ومرتي بتمشي ؟ شن تحسابيها سايبة نخليك تمشي بروحك؟ ولا ف طيارة ومنعرفش مع مني حتقعمزي ؟ ف قلت خنقعمز اني جنبك احسن ولا ؟
اني : قصدك مش صدفة هادي ؟
محمد ابتسم
محمد : معاش نعتمد ع صدف بديت ندير يلي نبيه بروحححي😂
اني : نهار مبارك زي شلال وين م نمشي
محمد : نسمع فيك را
اني : ونبي بنوض
وكيف نضت محمد شدني من يدي
اني : محمد اطلقننني
محمد : مكانك ، بتمشي لعمر نعرفك تغاري عليه  متخافيش حطيتلك جنبه شيباني حيكرهه حياته😂😂😂😂😂😂
اني : محمد اطلقنني بنمشي
جت مضيفة
المضيفة : لو سمحتي قعمزي الطائرة حتقلع بعد شوية
اني قعمزت نتافف
محمد شبحلي ومسح ع لحيته وقعد يشبح
اني : كولني وخلاص
محمد : عادي غير قدام ناس متجيش
قالولنا نربطو احزمة طائرة بتقلع ومنحكيلكمش ع شعور وقت طائرة بتقلع ووه عليا تحس روحك راكبة لعبة السفينة ولا المقص اني لا اراديا لقيت روحي شاد ف يد محمد لن استقرت طائرة خلاص بعدين حسيت ع دمي وطلقتها لقيت ظوافري دارو علامة ف يد محمد
اني : محمد يدك دمم
محمد : خيرها
شبح محمد ليده ولقاها دم
محمد : سلم ظوافر بعض الناس
اني : معنديش ظوافر
ونضت من مكاني مشيت لقصي
اني : قصي محمد اهني
قصي : عارف خليناه ف طريق جاي وراي واسففف مقتلكش هو حلفني 😂😂😂
اني : وين عمر ، اخر مقعد مسكين محمد نطره تنطيره شينة😂
مشيت شفت عمر لقيته مقعمز وشيباني راقد فيه وشكله متعفلق
اني : عمور
عمر : فرح
اني : خيرك متعفلق
عمر : تي هالشيباني يلي منعرفش شن بلاني بيه ، بزع فيا قهوة طيح الحبوب كلهم تي بهدلني شوفي حالتي كيف بدت
اني : الله غالب عادي 😂
ومنعرفش طيارة شن صارلها جيت بنطيح محمد جي شدني
محمد : المطبات الهوائية وشن تدير
عمر : محممممد
محمد : اي محمد غيرت رائي قلت خنجي
جت مضيفة
المضيفة : ممكن تقعمزو مكانكم
اني : اوكي ،
مشيت اني ومحمد وعمر قعد مصدوم ومش قادر ينوض ع خاطر الشيباني راقد فيه مسكر عليه بكل 😂 مهم قعمزنا اعطونا وجبات كلينا لن وصلنا تركيا نزلنا ومشينا فندق 💜 الراجل اعطانا كل حد رقم داره اني اول وحدههه ركبت خشيت دوشت رقدت ع اساس عشية عندنا مؤتمر وتاني يوم بنديرو جولة ف تركيا وقلت بنمشي لملاك نفاجاءها اني وقصي وقلنا للعيلة ميقولولهاش ان احني اهني😍💜
طق باب غرفتي وكنت ف سابع حلمي
اني : منننننننني
قصي : فرححح اني قصيي فيقي ساعة نطق وتوا تفيقي مهم فرح بسرعة المؤتمر بعد شوية وتي روحك
اني : حي علياااا من امتى راقدة اني
قصي : نومة اهل كهف 😂
ومشي قصي طبعا م فتحتش باب لان لو فتحته وشبح شكل شعري احتمال الولد يموت😂
مهم غسلت وجهي وبدلت لبست بدلة رسمية لونها اسود ومعاها وشاح حرير حني وكعب حني وطلعت شوية شعري قلت هكي موضة قدام الاتراك بالك نلقى طرف نطيحه😂😂 حطيت شوية مكياج وقمت نقالي وكيف تحت باب لقيت عمر
عمر : كيف بنطق عليك باش ننزلو
اني : ههي
عمر شدني من يدي ونزلنا مع بعض الاجتماع كان لوطا ف قاعة ف فندق 💜
عمر : طالعة حلوة هلبا ي فرح
اني درت روحي تحشمت
كيف خشينا قاعة نزلت من دروج اني وعمر ومقابلنا بالضبط كان محمد وقصي وادم وباقي جماعة مقعمزين ف طاولة
...
عند محمد وقت شبحني مع عمر خبط طاولة
قصي : محمد اهدا احني  ف حوش ،
محمد : اي ع خاطر ف حوش بنوض نفشخهم زوز طريحة
قصي : تي اما حوش نقصد مش ف حووووش اهدا اهمي جو علينا
اني : اهلين
قصي : معقولة ي فرح كل هالنوم
عمر : نوم العوافي حتى اني رقدت زيننن
محمد : تعرفو كلنا رقدنا نومة اهل الكهف كانو سبعة ! والسبعة فرح واني وقصي وادم وحسام واشرف وعبد الله وثامنهم تعرفه مني ي عمر؟
قصي باعلي صوت : كلبهمممم
ابتسم محمد وشبح لعمر
عمر : شن تقول
محمد كان يلقح ع عمر بس كويس ان استوعاب عمر ضعيف😂😂🤦🏻‍♀️💔
قعمزنا حضرنا مؤتمر وكان كويس هلبا بعدين مشينا للبوفي بناكلو كنت واقفة وجنبي محمد كان لابس بدلة سوداء زيني وسورية بيضاء وقرواطة ع احمر كان حلو هلبااا وهديكا احية والطول
محمد : اقسم بالله اقسم بالله شعركك متدخليشي نجي نقصلك راسك بكل وامبكري مع عمر درت روحي مريتكمش بس جايتكم قتلة
اني خفت لا ارادايا لقيت روحي ندخل ف شعري بعدين سرحت شوية وقلت هو شن دخله ورجعت طلعته
اني : انت شن دخلككك لا راجلي لا شي طليقي محمد بشني تفهم!!! انت طليقيي اني منحبكش خلاص انساني اني مخطوبة لعمر وهو بس يتحكم فيا
محمد : وهو لو عنده ذرة رجولة را مخلاش مرته تنزل وشعرها طالع
اني : خلاص مرته متتحشمش ع وجهها
ومشيت من جنبه قعدت نهدرز شوية مع ناس ووو مواضيع شركات بعدين جاني قصي
قصي : فرحح ربي يسترككك دخلي شعرك محمد من امبكري يغلي وكيف بينوض اني نخليه يقعمز والله يجي يقصهالك وهالعمر قوليله معاش يلصق فيك لان حيقتله
اني : قصيي قول لخوكك مدخلاش فيا ونبي اني اصلا شن جابني اهني اني مش متاع مؤتمرات وجيت طالعة جي لاحقني عمر كنت نتمشو ف ممر فاضي بعدها عمر وقفني
عمر : فرح بنقولك شي
اني : تفضل قول
عمر : نحبك هلبا واليوم جمالك مش طبيعي
عمر قرب مني واني وخرت لن لصقت ف حيط قعد يمس ف شعري
اني : عمرررر شن هالحركات يلي تدير فيهمم حول اني مش وحدة من الروسيات يلي تعرفهم! احترم نفسك قاعدة مش مرتك
ونشبح محمد جاي يجريييي وشد عمررر
اني : محمد بالله عليك بالله عليك لو في ذرة احترم بيناتنا متضربششش ارجوكك احني ف فندق
محمد حول ايديه من عمر : ع خاطرها بسسسسسسس ! اقسم بالله لو تجرب تدير هككي نوريكك تزوج بعدين دير يلي تبيهههه متديرش شي بالسيف عليهاااا
عمر : تي شن خصك فينا خطيبتي
اني : عمر حتى لو خطيبتك متجيش هكي تدير
محمد بصوت عالي : مرتتتتتي قبل م تكون خطيبتك
جي قصي : عمر رئيس الشركة الامريكية يبيك
عمر : الله
ومشي عمر ومحمد اشر لقصي متاع برا اقلب وجهك وقصي طول مشي وجي لاد عليا وايديه ف جيوبة
اني :اااء ااء بنمشي
ركبت اصانصير طول محمد شده برجله وجي ركب معاي
لصقني محمد ع حيط متاع اصانصير
محمد : ريتتتتي
اني : محمممد نححي
حط يده ع فمي
محمد : ولا حرررف وقت نقولك شعرك دخليه تدخليهههه
خدي محمد يده تانيه وقدملي وشاحي لن غطى ع نص عيوني
ويده يلي مسكر بيها فمي مسحلي روج ودنيا كلهاا
اني : يعنشكلكك وشاح حرير ساعة باش يتساوى شوف كيف لخبطتهولي تي شن درت فيا حي عليا
شبحت منظري ف كاميرا متاع نقال لقيت وجهي زي مهرج
اني : محمد شكلي بدي زي عيله يلي مدايرة روج ومشعارفة تديره
محمد : معليشي تو تخشي دارك تمسحيه بكل ومعاش نشوفه ع وجهك
فجاءة وقف اصانصير وركبو معانا زوز بنات شقر لابسات قصير وعريان حالهه ووقفو مقابل محمد بالضبط وبدو يكحلو وابصر شن يخرطو مع بعضهم ويضحكو ويشبحو لمحمد ومحمد يشبحلهم ويمسح ع لحيته
اني جيت قدامه وبعديت نحاول نغطيه عليهم بس مقدرتش راسه فوق واني دريه😂
اني : محمد اشبحلي بنسالك
محمد : اي اي اسالي نسمع
اني : محمد بنسالكككك شوفلي
محمد : تي شن تبي بعيونني اهو وداني معاك
اني خديت محمد لودته وجيت اني جهة حيط وخليته هو يعطيهم بظهرة وشديته من سوريته باش معاش يتحرك بكل
محمد : لعلمك بس في كاميرات اهني
محمد حط يديه ع حيط وسكر عليا قعدنا نراجو لن وصلت للدور يلي فيه داري وطول طلعت برا اصانصير وجي محمد وراي
اني : تي خيركك تلحق فيااااا
محمد : منلحقش داري اهني
اني : اي برا دورها شن ماشي وراي
اني نحيت كعب متاعي ونضت نجري لداري ولقيت محمد يجري يللحق فيا خشيت داري وخليت زي فتحه صغيرة نشوف بيها وشفت محمد قدام داره يلي مقابلتني بالضبط
محمد : نشوف فيك ي فرح ي عيلةةةة اني اهيااا دارررري قدامككك اهو بنززل توا نلقاك لوطا بشكلك متاع امبكري رجليك نقصهم
ونزل مرة تانيه مفهمتش راكب باش يوصلني ولا كيف
طول سكرت باب خشيت اتصل قصي
اني : ايوا
قصي : خمسة دقايق وانزلي بنمشو لملاك
اني : تم
سكر قصي واني مسحت وجهي من العار ساويت وشاحي وطلعت نزلت لوطا لقيت عمر شبحتله من فوق للوطا
عمر : فرح راجي
اني : خيرك بنمشي لملاك تو بعدين نتكلمو
عمر : اسف ع امبكري
اني : اوك
عمر : نمشي نوصلك
اني : مفيش داعي
مشيت لقصي ووصلنا حوش ملاك كان زي فيلا يهبلل طقيت باب خدتني ملاك بالاحضان ودموعع وسلمت ع قصي ولقيت مفرخ صغار اولاد قيس
ملاك : قيس داخل خشو خشو
اني : متغيرة هلبا ي فرخه
ملاك : والله
خشيت ونلقى محمد قدامي تي شن هادا زي جن وين م نمشي مهم شبحت قيس سلمت عليه💜
ملاك : فرح امممم ع يلي صار ، انتي ومحمد بيناتكم صغار
اني : لو هو يعرف ان بيناتنا صغار را مدارش يلي داره
محمد : ملاك اقسم بالله مكنتش واعي ع يلي ندير فيه ، هي علاش توا تضيع ف حبنا! وبتمشي مع شخص متحباش
اني : ملاك تي من قالههه ان اني نحبه اصلا اني نسيته! قصدي يلي داره فيا مش ساهل ! اني قويت روحي بالسيف ع خاطر صغار بس اني كنت متكسرة وهلبا راه مش معقولة سنينن!!!
اني نضت
اني : قصي ونبي هيا نروحو
قصي : فرح غير قعمزي
اني : اوكي خليك نمشي بتاكسي
قيس : فرح استني غير قعمزي مرات ينحل كل شي
اني : م في شي حينحل خيركم متبوش تفهمووو اني فاتحتي قريبة تي منقدرش نسامحه محمد ع يلي داره منقدرررررش
بديت نبكي
محمد : متبكيش خلاص اني بنطلع برا حوش
مشي محمد طلع وملاك شدتني بكيت لن عيت بعدين قصي وقيس طلعو قعدنا احني بنات ف بعض
اني : ي ملاككك اني م درتله شي ، هو كرهني كرهني خلاني بروحي نربي ف صغار نخدم ! تعبت ي ملاك درت اي شي باش منقصش شي ع صغار! ي ملاك اني تعبت قلبي تكسر حرام عليه يلي داره فياا وبعد هادا جاي يحسابني بنرضى بهالسهولة هادي ملاك اني ومحمد خلااص انتهينا محمد معاش نحبه معاش نبيه نكرههههه صح صعب ننساه منكذبش عليكم نحبه في مشاعر ف قلبي اتجاهه بس كل م نتفكر يلي داره فيا نكرهه مش كل مرة الانسان ينعطى فرصة
كنت نبكي بالعبرة
ملاك : فروحتي خلاص ياسر بكي اهدي خلاص محمد مشي معاش حيجي يكسرك وعد اني حنكلمه ونتفاهم معاه لو هادا شي يريحك
سجى : فروحة ياسر بكي انتي قوية
قعدنا نهدرزو لن جاني قصي روحنا فندق مشيت داري مشفتش محمد ابداااااااا
فجاءة طق باب دار
اني : مني
عمر : فرح نبيك ف موضوع
اني لبست بدلة صلاة وفتحتله
عمر : بنقولك نخش ؟
اني : خلينا اهني احسن
عمر : فرح مقصديش ع يلي صار ومنعرفش كيف صار اسف
اني : عادي
عمر : عيونك عمر شكلك تبكي
اني : لالا خشت فيا حاجة
عمر : ترا نشوفها
اني : لا لا صحيت توا بنرقد عمر
عمر : اوكي
مشي عمر
....
ف حوش ملاك اتصلت بمحمد باش يجيها💜
محمد : نحبها
ملاك : خلاص انساها فرح معاش ليك كلامها امبكري قطعني يلي درته غلط ي محمد ياسر خليها عرسها قريب
محمد : تي اما عرس ي ملاك نممم نموت اني
ملاك : حتى لو متتت فرح ماتت قبلك خلاص انساها
محمد : لو اني متت هي حترتاح؟
ملاك : اي ابعد عليها وخلاص
محمد : باهي ي ملاك
ومشي محمد برا حوش ملاك متعفلق
....
فقت تاني يوم طول وقتي ف داري طق عليا قصي وعمر ع اساس بنديرو جولة ممشيتش طيارتنا كانت عشية قعدت نوتي ف روحي لن جي قصي 💜 رفعني مطار
عمر : فرح خيرك مش ع بعضك
اني : م في شي استاحشت صغار بس
قصي : خلاص اهو تو ماشينلهم
عمر : ينادو ع رحلتنا هي
ادم : وين..
قصي : تو يجي هيا
شفت يمين يسار ملقيتش محمد حسيت براحة ومشيت ركبت طيارة
فجاءة جي قعمز جنبي شخص جاية بنهزبه نحسابه محمد بس طلع شابً وصلت ليبيا حمد لله ع سلامتنا لقيت ابراهيم يراجي فيا حضنته ودموعي ينزلو معرفتش ليش بكيت ممكن اني كنت نبي نبكي ونفرغ يلي داخلي ولما حضنت خوي حسيت بحنيه هلباااا لدرجة معاش قدرت نشد روحي وبكيت💜
ابراهيم : فرح ياسر بكي هيا وين عمر
اني : ونبي هيا منبيش نراجي حد اكيد داخل
ابراهيم : باهي اهدي
مشيت ركبت مع ابراهيم سيارة ولا سلمت ع قصي ولا عمك نوم م كنتش نبي نشوف حد نبي نمشي نشوف صغاري وبس 💜
خشيت حوش لقيت غادة عندنا كانو يوتو ف حاجات ودنيا
اني : اهلين
خشو حضنوني وبوس وجو صغار ي كبدي كنت مستاحشتهم هلباا بعدها قعمزت ركزت ف حاجات
اني : شن هادا
غادة : ي عروستنا الحلوة
اني : غير بجديات عرس مني
غادة : عرسك
اني : ععرسي متحددش مازال وانتم توتو
غادك : شن مازال خلاص فاتحتك بعد غدوا
اني : بععد غدوا!!! بسرعه هادي
غادة : تي خيرك مش حددناها
اني : قلتو اسبوع جاي ! بس منحسابهاش بعد غدوا!
امي : اي بنيتي خلاص بتتزوجي
اني : امير حول حبيبي اني بنمشي داري
امي : غير تعالي كولي
اني : بنمشي ندوش تاعبه
امي : تمام بنتي
......
عند عيلة محمد💜
ام محمد : تي وين خوك
قصي : امي مرة خمسين تسالي سؤال ومرة خمسين نجاوبك ونقولك حيجي في رحلة الليل 😂💜
بتول : خيره مجاش معاك
قصي : للمرة مليون نقولكم قال يبي يقعد مع ملاك شوية
ام محمد : شنجوها ملوكة
قصي : متغيرة هلبا بدت احلى تو مدة جاية نمشولها💜
بتول : انشاء الله
....
نسرعو احداث شوية فقت تاني يومم بدلت قلت نمشي خدمة لقيت عيلة لوطا
ابراهيم : وينن
اني : خدمة شن وين
ابراهيم : غدوا فاتحتك! وبتمشي خدمه!
اني : لو سمحت خلي غدوا لغدوا
شروق : عمر جي ف الليل
امي : تعالي نحطلك فطور
اني : منبيش
وطلعت طول مسيت ووجهي ميتفسرش شن هادا فاتحتي غدوا ي ربي يعني خلاص حنبدا مرتهه
اني : صباح خير
ادم : صباح ورد ، عمر يراجي فيك ف مكتبك
اني : اوك
مشيت مكتبي لقيت ورد احمر وعمر
عمر مدلي باقية
عمر : تفضلي ي وردتي
تفكرت محمد لما جابلي ورد 🤦🏻‍♀️💔
اني : شكرا ليش متعب روحك
عمر : خلاص حتبدي مرتي يا مدام عمر نحبك بجنونننننن
اني : اي انشاء الله ي عمر
قعدت نهدرز مع عمر بعدها مشينا نلودو شوية ف شركة نطمنو 💜
اني : حقا ادم وين قصي
ادم : مشعارف مجاش لا هو لا محمد
اني : اوكي ، تعال عمر نوريك شوية تصاميم ف مكتبي
عمر : اوك
مشينا مكتبي ، شوية هكي
طق طق
خش قصي مطبس راسه ووجه ميتفسرش
اني : قصي خيرك اليوم مهناش
قصي : امممم فرح محمد
اني : خيره شن في !!
اني وقفت وخلاص بديت نرعش الخوف ركبني
قصي : ..
اني بديت نعيط ونبكي