يوميات زوجية 2 💜

33

ام محمد : غير قعمزي
اني : معاش نقدر
بتول : تمام بنيتي ردي بالك ع روحك وغدوا حنجوك
اني : انشاء الله امي هي سلامات
اميرة : بابا برا معانا
جت ملك شدت يد محمد
ملك : اي
محمد : مرة ثانيه نجي وعد
اميرة : تمام خايفة تمشي ومعاش تجي زي هديكا مرة
محمد : لا لا حنجي
امير : هياااا
اني : هي سلامات
طلعت وروحت حوش لقيت غادة وعلي وعمر مقعمزين سلمت وقعمزت💜
عمر : اصلا احني مش حنجيبو معانا ناس را
ابراهيم : واني مش عادم حد
اني : اني عازمة امالي محمد
ابراهيم : شنوووو
اني : متعيطش بس هما عيلتي واني عازمتهم
عمر : اي عادي ابراهيم مش مشكلة
اني :بنقولككم بعت املاكي لمحمد ، وحندور خدمة تانيه من غدوا
اراهيم : شنوو
شروق : ليش
اني : شن ليش هما املاكه واني لما عرفت انه تعالج رديتله شركة
ابراهيم : يعني تلاقيتي معاه
اني : لا
غادة : فروح اخدمي مع عمر ف شركة باهي
عمر : اي والله فكرة اني اصلا نبي حد يشاركني وانتي عندك خبرة في هالمجال مشاء الله خليتي شركة محمد تبدا من اكبر شركات
اني : لا لا
شروق : والله فكرة ي فرح
ابراهيم : اي اي تخدمي مع عمر خير هكي ولا هكي حيبدا راجلك
اني : مشعارف
عمر : نعتبرك موافقة سكوت علامة رضى ولا خلاص تبدي من بعد غدوا ي فرح 😍😂💜 والله حنفرح هلبا
اني : انشاء الله
علي : هي نوضو نمشو احني
غادة : اي هي
......
محمد : فرح ي امي نظرتها ليا تغيرت وهلبا شن صارلها
ساجدة : محمد وزيادة تسال شن صارلها!! قصدي بعد يلي درته فيها شن متوقع منها
ام محمد : معاك حق سوجي
محمد : بس ي امي كنت مش واعي اقسم بالله طول هالشهور واني نتعالج من الهم يلي اني فيه والله اي شي درته مش بارادتي تعرفوني قداش نحبها فرح بس اااه وخلاص
محمد تنهد : خلاص خسرتها
ركب محمد ف دار وشاد سنسل متاع " انت لي " وقعمز يتفكر ايامات قبل اني وهو شهر العسل ووو
.....
تاني يوم 💜
فقت متاخر لقيت عيلة حايسين يوتو ف حاجات ونسيت ان اليوم خطوبتتتي وووه علياااا
اني : صباحو
امي : صباح خير بنيتي
اني : ياريت نموت اليوم
امي : شن هالكلاممم
اني : منبيش نتزوج ي امممي بس ع خاطر ابراهيم
شروق : فرح اسكتي قاعدة صغيرةً را وصغارك محتاجين اب
اني : اوووف
شروق : هيا باش نمشو مزين
اني : لا لا بنراجي لن يجوني روان وسوجي
امي : باب يطق بري افتحي
مشيت فتحت باب ونقزو فيا وروان وساجدة
ساجدة : استاحشتك هلباا
اني : بشوية قتلتوني وينن بناتكمممم
روان : ف حوش بعدين يجو
اني : خشو خشو خنفطرو بعدها نمشو مزين
روان : مفروض تديري دايت شوفي جسمك كيف بدي
اني : كهكه شوفو من يتكلمم بمبله الغاززز تي جسمي يتمنوه الملايين
ساجدة : غير بشوية انجلينا جولي
قعمزت مع بنات بين ضحك وهياجة ننسى ف همي شوية بعدها مشينا مزين 💜
....
محمد من صبح مشي شركة
ادم : والله المكتب منور بيك ي استاذ
محمد : منور باصحابه
ادم : مدام فرح دارت كل شي بشكل كويس هلباا مقصرتش الحق
محمد : نعرفها
ادم : بتروح توا
محمد : اي اي
طلع محمد وصل حوش قبل م يخش سمع ام محمد وبتول ومعاهم قصي يتكلمو ف غرفة تقعميز
ام محمد : يوم خطوبة فرح مش مصدقة
بتول : ولا اني معقولة
خش محمد
محمد : شنوو!!! خطوبة فرحححح!!!!!!!
محمد عيونه بدو حمر وشرار
ام محمد : وليدي غير اهدا
محمد : كيف كيف خطوبة فرحح هادي مرتي ليااا شن خطوبتها شنو
بتول : متنساش انت وفرح متطلقين
محمد : وع خاطر متطلقين تنساني وتنسى حبنا!!
قصي : محمد متقولش هكي فرح لو نست حبك راه معالجاتكش من يلي كنت
محمد شبح لقصي باستغراب
قصي : اي متشبحليش المستشفى وعلاجك كل شي كان بسبب فرحح! ادم كان ينفذ ف كلامها بسسس
محمد : غير قولولي فرح من خطبها شنو خطبها تي فرح متاععععععي
بتول : خطبها واحد
قصي : عمر
محمد : ولددد كلبببببب
وطلع محمد يجري بسيارة ولحقه قصي
بتول : يستر ربي وخلااااص
.......
غادة : هي عمررر تفضل لبسها الدبلة
عمر : اي اي
عمر بصوت واطي : هو اني من جمالها معاش عرفت شن ندير
وكيف عمر بيلبسني دبلة نسمعو حد يطقطق باب بككل قوته
اني : شن حرب العالميه ثالثة
وبعدها سمعنا محمد يعيط : اطلععععععع
طلع عمر وابراهيم وعلي ومعاهم غسان واحني نساوين لبدنا ف روشن وقعدنا نبيتو بدون م حد يشبحنا، كان محمد مواجه عمر
محمد شد عمر من رقبته : تي كيف كيف تسمح لنفسك!!! هي مدة صارتلي ظروف وتجي تدحنس وتتلصق فرح مرتتتتتي ام صغاررررري تبي ولا متبيش فرح لياااااااااااا
جي ابراهيم وطاح ضرب ف محمد
..
اني : حي علياااا بنموتتت
ساجدة : وقفي بكككي ي فرح اهدي مكياجك
اني : اما مكياججج حيقتلو بععض شن جاب محمد بسسس شن جابههه
جت اميرة تجري لحضني
اميرة : ماما ، باااااابببااااا
..
ابراهيم : تعرف ليا شهور نراجي ف يوم يلي نركك فيه طريحة ي حيوان ع يلي درته ف اختي ! بالك تحسابها لعبة هي ! فرح خلااااص انساهاا
كان ابراهيم راكب فوق محمد ويضرب فيه ومحمد طايح ع ارض
محمد : خيرك وقفت ضرب زيدد زيددد اضررب معاك حق اني نستاهل بس تطير تجنح فرح لياا وهالحيوان يلي اسمه عمر تي لما نربيككككك فرح ليا ي كلبببببب
غسان : ابراهيم نحححي منه خلااص
قعدو شباب يحزو  ف ابراهيم
وجي قصي شد محمد وحاول يركبه سيارته
محمد :اني توا بنمشي وكلامي هادا للكككل !!! فرح لياااااا فرح متاعععععي! هي مرتي ومدامتي وتافهه زي عمر مستحيل ياخذها مني ! فرححح ام صغارررري!!! فاهمينن وانت ي ابراهيم مش حنسمحلك توقف بيناتنا !! صح خوها بس فرحح ليااا تطيرو تجنحو تقعدو تموتو هي ليا! اني حنتحداكم كلكم وحنتحدا القدر لو لزم الامر! فرح مش لغيري ، فرححححححح اسمعينننننني كان تسمععععي اننني نحبكككك وانتي مرتي وام اولادييي ومش حنسمح لحد ياخذك مني
عمر : مصح وجهكككك
جي امير يجري شد ف رجل محمد
امير : بابا متخليش راجل هادا ياخذ ماما
محمد نزل لامير : مش حنخليههه
قصي : امير خشش حوووش ، محمد ونبي اركبي سيارتك ياسررررع
ابراهيم : ي غسان غير اطلقني عليه نضرب عمه نكسرهه نقتله هالوقح
محمد دار ضحكة بالجنب ومسح ع لحيته وركب سيارته ومشي
اما اني كلام محمد ليا كان زي ثلججج قعمزت وحطيت يدي ع قلبي
اني : اااه
ساجدة : ااااه وخلاص ي فرح
اني : بس توا خلاص
امي : نوضووو خنطمنو ع شباب
مشينا طلعنا برا لقينا عمر بس مضروب شوية وابراهيم كله دم " دم محمد طبعا"
ابراهيم : هالكلب اقسم بالله حنقتله
اني : ونبي ياسرنا مشاكل
عمر : فرح خنلبسك دبلة
ساجدة بصوت واطي : عاد يبي يستعجل بعد شبح محمد خاف من كلامه بس فعلا فرح لمحممممد طالعين ع بعضهم
اني : ههي
لبسني عمر دبلة وقعمزو يغنو ويصفقو وكلينا تورتة بعدها انتلف روح واني بنطير من فرحة من محمد وكلام محمد وروح محمد وجمال محمد ووه عليا
جتني اميرة
اميرة : ماما خيره بابا حلو هكي؟ نبي حد يحبني زي ما بابا يحبك
اني : حليلي محلاك انتي حيحبك واحد احسن
اميرة : نبي واحد يدير زي بابا اليوم
اني : حليلي ني بوك مفيش منه اثنين
......
ام محمد كانت ضمدله ف جروحه
قصي : منور روميو
محمد : اسكت
ام محمد : ايوا هكي تعجبني ي محمد فرح ليككك م تستسلمش حرام انتم بيناتكم صغار
محمد : اني وراهم وراهم لن يفسخو خطوبة
روان : ااي محمد راه فرح تحبك غير ع خاطر خوها وافقت تتزوج!
محمد : ابعتولي رقمها بنهبلها اليوم
قصي : حرام عليك ي راجل
روان : حقا هي حتبدا خدمة مع دراه عمر
محمد : والله مليححح
روان : وين مليح ف موضوع
محمد : تو تعرفي خيرك مستعجلة
ركب محمد داره
بتول : نوضو خنرقدو
ام محمد : اي اني تاعبة يوم
روان : تصبحو
....
اني كنت قدام مراية متاع غرفتي ونتامل ف روحي ونتفكر ف كلام محمد ااه ي قلبي وخلاص شوية هكي رقم اتصل بيا سكرت عليه قعد يعاود اني قلت اكيد يعرفني مشي رديت عليه
اني : الو
طبعا يلي يتكلم كان محمد غير مغير صوته لبنت : ايواا
اني : مني انتي
محمد : معقولة تزبطينيش فروحه
اني : منني معرفتكش وخيره صوتك تقول راجل
محمد : مريضة حبيبتي ، معقولة تزبطيش روحك وحياتك
اني : تعرفي متقوليش انتي مني نسكر ف ام وجهك
محمد رجع صوته طبيعي : في حد ينسى صوت حبيبه!
اني : انت!!!
وسكرت ف وجهه قعد يعاود يعاود يعاود لن رديت
اني : خيرك خير عمك زفت شن تبي بامي
محمد : محلاه الكلام الرومنسي واني نموت فيك ي عسلي
اني : محمممد
محمد : عيون وقلب وروح ونبض محمد
اني : ي بارررد
وسكرت ف وجههه فرحت باتصاله بس لما نتفكر يلي داره فيا نتكنطا وقلبي يوجعني
.....
ثاني يوم فقت بكررري دوشت بدلت لبست بدلة قنينة لانه اول يوم ليا ف شركة عمر مكنتش متحمسة بس الله غالب شن ندير طحت فيه
اني : امير افطر خيرك
امير : منبيكش تاخدي عمر! بابا يحبك، اني كنت منبيش بابا لانه زعلك وخلاك بس توا يحبك
اني : امير اسكت وكول مدخلكش فيه موضوع هادا يسمع ف كلام كبار ويجي يقولي فيه هادا ناقص
امير تعفلق : منبيش ناكل
ناض امير وقعد يستنى ف فم باب باش نوصله روضة
فاقت ملك
ملك : ماما
اني : عيونها
ملك : بطني توجع فيا
اني : تعالي نعطيك دواء ونرقدكك
اني خديت ملك عطيتها دواء وحضنتها لن رقدت غطيتها وطلعت
...
اميرة : اميرر متزعلش بابا مش حيخلي ماما تتزوج
امير : كيف هي
اميرة : منعرفش
علي : اني تو نقوللكم شن نديرو ، اتصلو بعمي محمد قولوله اي شي يصيرررر
امير : منعرفش رقم بابا
علي : اني تو نجيبه ، توا نكلمو عمتي روان تعطيهولنا
طبعا اني امير واميرة جايبتلهم نقالات وشفرة ومسجلتلهم رقمي اني بس باش كان صار شي يتصلو بيا
علي جاب نقالي وخدي رقم روان
اني : شن تديرو
علي : كنا نلعبو
اني : هي برو قدامي نوصلكم مدرسة
علي وشوش لامير واميرة : لما نروحووو
وصلتهم مدرسة ومشيت شركة
عمر : تعرفي فرح صح اني شركتي يلي اهني خسرت هلبا بس والله وجودك توا معاي اعطاني دافع
اني : وولو عمر شركة تو ترجع تكبر عادي
عمر شد يدي واني طول سحبتها توترت
اني : حقااا وين مكتبي
عمر : مكتبك اهوا يلي جنبي
شبحت هكي نلقى ان فاصل بيني وبين عمر مجرد زي حيط مشيك يعني يقدر يشوفني ونقدر نشوفه وغرفتي داخل غرفة عمر وكانت كبيرة وحلوة هلباا بس يلي معجبنيش انها ف غرفة عمر تو ليش جو هذا
مهم خشيت مكتبي وكل شوية عمر يجي ع اساس يسال فيا ع خدمة وهكي واني نفكر ف محمد وشن يدير
...
صغار جابهم باص من مدرسة وروضة💜 وشروق بدلتلهم وحطتلهم غداء وبعدها مشو يديرو عملة سوداء
علي : استنو نتصل بروان
..
روان : الو
علي : اهلين عمتو روان
روان : عليوة؟
علي : تي اي
روان : شفرة من هادي
علي : شفرتي
روان : مشاء الله هو انت عندك شفرة عليك جيل ي حسرة اني لن بنخش تاسع قاعدة نلعب ف شارع وقاعدة نحساب ان القمر يلحق فيا🤦🏻‍♀️😂
علي : نبي رقم عمو محمد
روان : شن تبي بيه
علي : نبيه اميرة تبكي تبي تكلمه
روان : باهي سجل معاي تعرف الارقام ولا
علي : اني واخد حتى قسمة
روان : مشاء الله كبرت مهم سجل ، صفر تسعة ...
اميرة كانت فاتحة تليفونها وتسجل ف رقم
اميرة : وين خمسة
امير : تي اهيا ساعة تدوري فيها تقول معلموكش
اميرة : شكرا
علي : تمام شكرا باي
وسكر علي ع روان وهي قعدت مصدومة وتتفكر ف طفولتها😂😂 بس هادم جيل الايباد ي كبدي
علي : اتصلي ببوك هيا
....
عند محمد
محمد : ادم شن واتيات اوراق شركة£:(:&
ادم : اي ، تتصل بيه توا؟
محمد : اي اي
خدي محمد نقاله ودار اتصاله بشخص واقنعه بطريقته
ادم : نبي نعرف علاش بس شركة متنفعش
محمد : تو تعرف علاش غدوا عندي اجتماع معاهم😂💜
محمد دار ابتسامه ع جنب وشرين نقاله رد
محمد : الو
اميرة : بابا
محمد : اميرتي الحلوة
اميرة : استاحشتك بابا
محمد : واني استاحشتك هلباااا
اميرة : امس خالو ضربك
محمد : لا لا م ضربنيش كويس اني
اميرة : بابا منبيش هداكا راجل ياخذ ماما منا نبو نقعدو مع بعض
محمد : متخافيش مش حياخدها اني حناخد امك ونهرب بيها😂
اميرة : تهربو وتخلوني اني وامير وملك
فجاءة خش حد عليهم
علي : حي علينا ي ملك خلعتينا
محمد : هادي ملك هاتيها
ملك : الو
محمد : وين يا حلوة يا عيون وروح بوك انتي
ملك : ثباح خير
محمد : صباح ورد كويسة انتي؟
ملك : بطني كانت واجعتني بس توا احسن
محمد : تمام توا سكرو وحنبعتلكم حاجات حلوة
اميرة : نحبك بابا ، حقا بابا بنطلعو اني وماما وعمتى ساجدة وعمتو وروان ماما واعدتنا ناكلو برا
محمد : واني نحبك ، وين طالعين
اميرة : منعرفش
.....
اني : الو سوجي متنسيش موعدنا
ساجدة : اي اهو نبدل وبنخطم ع روان بيوصلنا غسان
اني : تمام اني بنروح نجيب صغار ونجي
سكرت من ساجدة وخش عمر
عمر : اسف خشيت بدون م نطق
اني : عادي
عمر : شن بتروحي
اني : اي خلاص كملت ولا
عمر : اي كملتي بس كنت طالبك نتغدو برا
اني : والله عازمة صغار وساجدة وبنات برا
عمر : باهي عادي مش مشكلة عادي تستضيفوني ولا
اني سرحت شوية
عمر : ولا شنو
اني : اي اي اكيد ف مطعم (:&:( اني بنمشي نجيب صغار وبنمشي طول نتلاقو
عمر : تمام
كيف جاية بنمشي
عمر : فرح
اني تلفتت عليه
اني : نعم
عمر : نحبك
اني قعدت مصدومة بس درت روحي عادي وابتسمت ومشيت سيارتي جررري
.....
عند سوجي اتصل بيها محمد وقتله ع مطعم💜💜 وساجدة فرحت هلبا لان محمد جاي
....
اني : هي واتين ، والله شروق لو تمشي احسن
شروق : مريضة ي فرح وصداع
اني : غير هيا
شروق : والله م نقدر مرة تانيه
اني : تمام هيا عليوة
شروق : علي بالذات معاقب اليوم جايب دوجة زي وجهه مفيش مشي
اني : غير خليه يمشي يوم
شروق : لا لااااااا عنده قراية
اني : زعميتك الام الواعرة😂 هي سلامات اطلعو
مشيت مطعم لقيت روني وسجو يراجو فيا💜
اني : ووه عليا شن هالتعب
شوية هكي نشبح اخ محمد جاي ولابس نظارات وخاش
اني :هادا محمد ولا شنو
شوية هكي جي علينا ناضت اميرة وملك وامير حضنوه باسهم وسلم عليهم وجانا
محمد : هو انتم اهني شن هالجلسة الجميلة عادي نشارككم؟ ااه صحيتو عارف وجودي حلو
اني تاففت وجاية بنوض
اميرة شدت ف يدي
اميرة : ماما
اني : بنمشي حمام
مشيت حمام غسلت وجهي وقعدت نبي نستوعب يلي صاير بعدها تفكرت ان عمر حيجي خلاص ختمت حيتقاتلو قعدت نحاول نتصل بعمرررر وهو يسكر عليا قلت مدامه سكر عليا اكيد قدام المطعمم ، مشيت جري لطاولة لقيت اخ محمد جايب شكاليط للصغار
اني : مشاء اللله شكلك عارف بالطلعة
وشبحت لروان لانها معاه ف حوش اكيد هي مع اني حذرتها متخليشي يعرف
روان : متشبحيليش ميعرفش مني
محمد : صدفة هادي
شوية هكي جي عمر وانصدم وقت شبح محمد
اني : عمر
ناض محمد وقف وابتسم وسلم ع عمر
محمد : شن جوك ي خطيب زوجتي وحبيبتي السابقة
عمر : الحمد لله ييا زوج خطيبتي السابقق وانت؟
محمد : الحمد لله يا خطيب زوجتي وحبيبتي
اني قعدت نركز ف عمر ومحمد وهما يتبادلو الاشارات والكلام مدايرين روحهم طبيعين وهما كان يلقو يريشو بعض شوية روان وساجدة قعدو ياشرولي متاع شن جابه عمر اني درت روحي منفهمش 😂😂😂
امير : شن جابك انت
عمر : تعال ي بطل سلم عليا
امير شبحله من فوق للوطا وشد ف يد محمد
محمد : حبيب بوه
اني وجهي بدي الوان الوان لان هدوء محمد وراه حاجة
عمر : فروح توا لما اتصلتي بيا كنت قدام مطعم باش هكي مرديتش
محمد خبط يده ع طاولة وابتسم
محمد : ااااي ااااي خشت حمام ع اساس ومشت تتصل بيككك
عمر : ع موضوع خدمة...
محمد : خدمة ف شركة ! اني اهني جاي مع صغار وام صغار وخواتتتتي
ساجدة : اي اي خنطلبو
روان بصوت واطي : الطلعة فسدتتت
جي القرسون
محمد وعمر زوز طلبو لحم خروف
اني : اعطيني كباب وعصير مانجا طبيعي
محمد : واني عصيري زي مرتي السابقههه
عمر : اني سبعة
مهم طلبنا وقعمزنا نراجو
اميرة : بابا استاحشتك