يوميات زوجية 2 💜

23

مشيت مع قيس المربوعه💜
اني : شن في قول قيوس انشاء الله خير 💜
قيس : اممممم
اني : احكي خيرك
قيس : متحشم منك والله
اني حطيت يدي ع كتفه : قيس متتحشمش اني زي سجى
قيس : اني معجب بملاك فوق م تتصوري وعقلي طاير فيها دمها زي العسل وجمال ورقة واسلوب واحترام وشرف تي كان بنشكرها للصصبح مش حنسكت وغير عن هكي يزن ويارا يموتو فيه بيهبلو عليها وهي تحبهم هلبا
اني فرحت هلباا : قولل واللله
قيس : واني حاب نتقدملها يعني لو مفيش مانع اعطيني رقم محمد نتفاهم معاه وانتي روحي كلميه
اني : تمام حنروح نقوله
اني اعطيته رقم محمد وع طول مشيت روحت حوش 💜
وكيف فتحت باب حوش نلقى ظلاممممم
اني : شن هادا ، قصيييي امممممي في حد جي
وكيف سكرت باب وبنمشي عترت ف حاجة وم نلقى الا حد شاديني غامرني كلني ف حضنه وبعدها الاضوية انفتحت مش كلها كان في زي اضوية صغيره لونها ع الاحمر شبه مغطية المكان كله وشفت محمد
اني : محممممءد
محمد : هششششش
خداني محمد من يدي وركبني فوق دارنا الدار كانت كلها بالونات وورد احمر وضي هافتتت هلبا كان احمر💜
محمد قعمز ع ارض وقايم ف يده ورده
محمد : مدام فرح اليوم يوم مميز ف حياتك مش ف حياتك بس ف حياتي وحياة صغارنا وحياة الكل زي اليوم هادا انتي انولدتي ي فرح اني فرحاننن هلباا اقسم بالله فرحتي متنعطاش لحد اليوم
اني : اليوووءمم ااي اي حق اليوم تاريخ ميلادي
اني قعمزت ف ارض وحضنته ودموعي شبه نزلو
محمد : فرحح حبيبتي نحبك واسف ع يلي صار امس اني والله م نرضى نزعلك وم نتحملش نزعلك
اني : باقي عيلة وين؟
محمد : ي حبيبتي راجلك معلممم عرف كيف يلعبها قصي ططلع العيله كلها ومتفق معاي هو وروان😂
اني: باش هكي شدو امير واميرة
محمد : تعالي شوية
رفعني محمد قدام سرير كان في قفطان احمر حلو ويهبل طويل وشكله نازك وكم مفيشي ظهر
محمد : لو تتفضلي وتلبسيه اني نازل نحط العشي
نزل محمد وتى العشي وجاب عصير وجي واني قاعدة مطلعتش
محمد : فرحح متتتي
اني : هي طالعة
وطلعت لمحمد وباسني ع راسي
محمد : كاني مستضيف القمر ف داري اليوم
اني : مبردككك
محمد : حتى وقت نغازل مرتي نبدا بارد 😂؟ قولي انك تحشمتي ومعرفتيش شن تقولي
اني : نحبك
محمد : نموت فيك هي قعمزي للعشي
وكيف قعمزت وبديت ناكل
اني : اصدمني وقولي انت مطيب
محمد : مش لهدرجة عادد😂😂😂 طلبته
اني : ربي ميحرمنيش منك
محمد : امس خليتيني بروحي
اني : ماه منككك واقف مع لجين!
محمد : شن مني ! فرح البنت كويسة
اني : معاك بس كويسة بس معاي تبان ع حقيقتها تبيك را
محمد : فرحح خلاص اليوم عيد ميلادك ومنبيش نتعاركو
اني : قصدك بنتعاركو ع خاطر وحدة زيها باهي باهي
اني ربعت ايديها
اني : حمدلله
محمد : قاعدة م كليتي شي
اني : شبعت
محمد : تمام
كيف محمد بيقيم صواني نضت نلم معاه
محمد : لا لا اليوم منبيكش تمسي شيء فرح
اني ابتسمت 😍❤️
شوية هكي جاب محمد تورته وحط فيها شموع وجي وقف جنبي
محمد : مشكلة  تعرفي
اني : شن ههي
محمد : من شدة جمال صوتي لن خايف ودانك يطربقو باش هكي مش حنغنيلك 😂💔
اني : اي طبعا ي جورج وسوف ي كاظم الساهر
محمد قرب من وداني وبدي يهمسلي : هابي بيرث دي تو يو فرححح هابي بيرث دي هابي بيرث دي هابي بيرث دي تو يو يا اغلى شي عندي ❤️ هي قصي
اني قصيت تورته وكلينا منها بعدها رقدت ف حضن محمد ❤️
محمد : ححي نسيت الهدية
مشي محمد جابلي باكوين وجي
اني : عارف ان انت احلى هدية جتني ف حياتي
" سبحان الله ف بداية زواجنا من كان يتخيل ان اني حنحب محمد لهادي درجة او هو حيحبني لهدرجة؟ من كان يتخيل ان اني ومحمد علاقتنا تطور فعلا يلي يصبر حينال وحمدلله صبرت ع محمد لن ربي اعطاني شخص مستحيل يتعوض ، نصيحة للبنات متستسلميش اصبري وحاولي وربي حيعوضك ع اي شي ❤️"
محمد : افتحيهااا
فتحت اول باكو كان فيه شكاليط كله شكاليط جميع الانوع
اني حضنته : ووووه عليا منككك قداش بناكككل
اني سكتت شوية بعدين ضربتهه
محمد : تي خيرك ي هممم
اني : جايبلي شكاليطط غاير من جسمي الرشيق يلي ممن غير كرشة وتبيني نسمن ونبدا كرشة
محمد : باهي شوفي هدية تانيه حتعجبك
فتحتها لقيت فيها باكو صنة حلوة هلبااا وفيها كعب ناززك ع الاخر وحلو ❤️
اني حضنته بعدها ضربته
محمد : هي شن بتسمني ؟
اني : جايبلي كعععب تحسابني قزمههه راه بديت طولككك
محمد : تراا اوقفي ههي وتعالي
وقف محمد واني وقفت فوق سرير
اني : هااا شن رايك توا؟!
محمد قامنني
محمد : وراس اممي الا متزوج وحدة مهبولة وعيلةةة
اني : حقا قعمز نبيك ف موضوع
محمد : شنو قولي
اني : قيس ولد خالي
محمد : خيره
اني : يبي يطلب يد ملاك منك
محمد : تبصررري
اني : والله
محمد طبس راسه وابتسم
محمد ؛ تعرفي مش مصدق ، ملاك هي الوحيدة يلي كنت واكل همها بسبب خيانة اسامه بس حمدلله جي من يعوضها باهي هي شن رايها
اني : حمدلله ربي م ينسى حد 💜 ملاك تو نسالها بعدين وقيس خدي رقمك باش يكلمك
محمد ؛ تمام حبيبتي
" وهادي نصيحة ليكم المراءة المطلقة مش نهاية الدنيا نسبة ليها بالعكس تعيش حياتها معززة مكرمة زيها زي غيرها وصدقوني يلي نيتها صافية وقلبها ابيض حياخدها ولد الحلال ولو كانت مطلقة خمسة مرات "💜
شوية هكي نقال محمد شرين
محمد : اكيد قصي
،،
محمد : الو
قصي : ي راجل العيلة حيضربوني طالع بيهم من صبح احني قريب نوصلو
محمد طول سكر خط وكيف بيطلع من دار يسمع بابا شارع انفتح 🤦🏻‍♀️😂 ومنحكيلكمش ع الحشمة الضي الاحمر وكل شي قاعد زي م هو
اني لبست عبايتي ونزلتلهم
محمد : قصي ي بهيم ليش قلتلي قريب نوصلو ماه قلتلي احني في فم الباب ؟!
قصي : بدل م تشكرني من صبح نلود بيهم ف اماكن مش معروفة ونقوللهم قريب نوصلو لن سبوني تعرف 😂😂
بتول : مشاء الله مشاء الله شن هادا
قصي : الشي والضي حميدة طلع رومنسي
اني تحشمت وطبست راسي
روان : شن رايك
اني : اسكتتتي وين فروخ
روان : راقدين زوز
اني : متعبوكمش ؟
روان : لا لا
ام محمد : شن هادا ي محمد طلعت رومنسية
محمد : اااه لا لا ضي هرب بس هادا ليش خدمت شموع
جدة محمد : اي ضي هرب وقت فرح امس مرقدتش مع محمد ف دار ف الحب يضوي الحوش ويرجع فرح ف دار هكي ،
جدة محمد ضرباته
جدة محمد : بالكك تحسابني منعرفش انكم متعاركين راه نعرف كل شي رد بالككك😂❤️
محمد : ااء ااء اني بنرقد تصبحو
محمد تحشم وخش بعض
وهو طالع وشوش لقصي
محمد : حاول متقعمزش بروحك اليوم لان حنقتلك
بو محمد : تعال هدرز وليدي ياما درنا الحركات هادي 😂❤️
مشي محمد ركب دار وني جبت امير واميرة ورقدتهم❤️
عند ملاك ف دار 💜
اتصل بيها قيس
قيس : نحبك
ملاك : شنوووو
قيس : والله م عاد قادر نشد روحي ونسكت بس نحبك ي ملاك ونبيك ولو انتي موافقة حنكلم محمد بشكل رسمي ولو مش موافقة الله غالب عليا بنرجع تركيا وخلاص ولعلمك جيتي اهني باش ندور عليك وربي طلعك قدامي بدون م نتعب باش تعرفي ان احني لبعض
ملاك سكرت خط وقعد تضحكك ومش مصدقة يلي صار وقيس يتصل بيها وهي طايرة من فرحة
لن ردت عليه
ملاك : قيس اني موافقة كانك تدور ف رائي
قيس : احلففففي ! اصلا مفيش وحدة تقدر تققاوم جمالي
ملاك : غيرت رائي خلاص 😂😂
قيس : سكري خنكلم محمد
ملاك : تمام
قيس : نحبك
ملاك سكرت دارت روحها مسمعت شيء
بعد شوية طق باب دارها
اني : ملوكة
ملاك ناضت حضنتننني
ملاك : نعرفك ليش جاية واني موافقة
اني : باهي متعبتينيش قعدت نفكر كيف بنخشلك ف موضوع😂💜
قعدت شوية مع ملاك بعدين مشيت لمحمد قالي ان قيس اتصل بيه وحددو موعد وغدوا حيجي حيتقدملها
.....
بعد مرور شهرين❤️شروق جابت بنيه سمتها فردوس ، وغادة تزوجت وحاليا ف امريكا ، وملاك تزوجت مكانتش حابة تدير عرس وشي كبير بس قيس اصر عليها ولبسها الابيض مرة ثانيه بالسيف عليها😂😍💜
ساجدة : صباح خير باش توصلني
غسان : صباح الوررد
ساجدة : فطرت؟
غسان : مخاطريش
ساجدة : لا لا متطلعش بدون فطور غسوني
غسان : شنو شنو عاودي يلي قلتيها
ساجدة : بنمشي ندير فطور
وطلعت ساجدة
متستغربوش ساجدة بدت تتقبل غسان وتقريبا بدت تحبههه لان غسان فعلا شخص مفيش زيه افعاله وتصرفاته معاها جبرت ساجدة تتغير💜
طلعو غسان وسوجي ومشو جامعة
خشت ساجدة وغسان نزل للكافي يجيب ميه
شبحه شخص وجي كلمه
الشخص : من وين تعرف ساجدة
غسان :شن دخل امك انت/ي
الشخص : نسيت هي نظامها يلي يجي يركب😂
غسان : مرتتي
الشخص : ....
المجهول اعطى رقمه لغسان بعدها غسان  مشي خدمته💜
...
ف نفس وقت عندي اني ومحمد كنت بنمشي معاه خدمة باش نوقع اوراق ونروح💜
ملك كانت بايتة معانا بتقضي وقت مع ملاك لانها حتسافر تركيا خلاص وقيس وصغاره وسجى ف حوش امي حيمشو المطار طول
كنا بنمشو لسوجي ف جامعة ملاك محبتش تمشي بدون م تشوفها 💜
محمد : اصبري ملاك وانتي بتجري خننزلو كلنا😂💔
اني : ااي منه مفاجاءةة
نزلنا لساجدة وانصدمنا وقت لقيتاها واقفة مع اسامة💔!!!!
ملاك دموعها نزلو لا اراديا ولبدت ورا محمد اما محمد عيونه شراررر بيمشي يضرب ساجدة اني شديتله يده💜
اني : محمد حبيبي احني ف جامعة اهدا وساجدة متزوجة متضربهاش قدام ناس
محمد : تي نضربها ونضرب امها ونضرب راجلهههها
ملك : محمد كلام فرح صححح خنفهمو يلي صاير قبل
ساجدة كانت جاية علينا هي واسامة
محمد : توااا تفهممي امممي الحيوان هادا شن يديرررر معاك
ساجذة : محمد اسامه نيته صافيه ليا قريب شهرين نكلم فيه! يبي يعتذر من ملاك ويرجعلها
ملاك : اني تزوجت
اسامة : شنوو ساجدة ليش مقلتيليش !!
ساجذة : محبيتش نكسرك ي اسامه وانت تحب ملاك هلباا
محمد : ساجدههه قداممي منبيش نمد يدي عليك!!
اسامة : محمد اني واللله م نكذب ونبي نعتذر من ملاك ونكلمها لاخر مرة وبعدها والله مش حتشوف وجهي
ملك خدت ساجدة للسيارة لان محمد كان حيضربها
اني : محمد حبيبي خنمشو شوية
محمد : فرححح
ملاك : محمد متخلينيش
اسامة : ملاءءك
محمد : اقلب وجهكك
اني : حميدتي خليه يكلمها اخر مرة وبعدها خلاص نمشو ومعاش حيجي بكل
محمد : قول يلي عندكككك
اسامة : ملاك اني اسف ع كل يلي درته كنت نبي نردك ليا بس الله غالب جاك نصيبك ومع سلامة معرفة خير انشاء الله
مشي اسامة وكان مكسور هلبا ومحمد جري ع سيارة
اني : محمد لا لا
ساجدة : محمد اني مغلطتش
محمد : مغلطتتتيش مغلطتيششً اااه وخلاص خلوني نضرب نكسر امهااا
اني : محمد احني قدام نااس اركب سيارة نمشو
ملاك حضنت ساجدة
ملاك : اني بنسافر تركيا
ساجدة : بس بوووي مشبحتاش
اني : امالا بري معانا مطار واقعدي ف حوش معانا سوجي ليك فترة علينا💜
ساجدة : امممم
ملك : عندك محاضرة؟
ساجدة : عندي وحدة مش مهمة تو نمشي معاكم ونكلم غسان الليل يجيني ف حوشنا 😍❤️
اني : مليح بككل
ركبت معانا ساجدة ومشينا ودعنا ملاك و بوي بيمشي معاها حيبدا كورسات علاج ثانيه ع المشي ❤️
بعدين حطينا ملك وسوجي ف الحوش ومشيت اني وحميدة الشركة❤️
اني : حميدة ملل بنروح
محمد : خليك شوية حبيبتي ، لاني بنمشي نفجر ساجدة
اني : الموضوع تم وملاك مشت خلاص
محمد : هاتي بوسة باهي
اني : مصححححح وجهكك
محمد : فرححح نوض را
اني : محمد احمي ف شركة را
محمد وقف واني طول وقفت وبديت نوخر وهو يجي عليا
اني : محممءءد احني ف شركة متنساش
محمد : اي شركتي هادي واني حر بنبوس المدامم
محمد قرب مني لن خشيت ف حيط 🤦🏻‍♀️💜
طق طق
اني : حمدلله، تفضللللل
محمد : م تخافيش راجعلككك
خشت لجين
لجين : حميدة
محمد : خششي
لجين خشت
لجين : اهلين فرحح
اني شبحتلها من فوق للوطا
اني : محمد اني ف مكتبي
مشيت اني مكتبي ومحمد ولجين قعدو يناقشو مواضيع خدمة
لجين : وووه عليا بنمشي مكتبي خلاص
محمد : تمام
لجين بتمشي مكتبها ولقت مكتبي مفتوح خشتلي وسكرت باب
اني : اقلبي وجهك برا
لجين : شركة حمادي هادي انتي مدخلكش موتي ي مقهورة مننني
اني : محمد راجلي
لجين : راجلك لياا ي حلوة
قعدت لجين تحذف كلام كبير اني ضغطي نزل ومعاش قدرت نرد عليها كنت ساكتة ونسمعلها نفس وقت عند محمد 💜
طبعا لقو ملفات مختفيه ف قررو يراجعو كميرات المراقبة كل ديار فيها كميرات مراقبة الا دار محمد وهما يشوفو محمد شبحني واقفة مع لجين يحسابني نهزب فيها
محمد : ترا ترا حط ع غرفة فرح
ادم حط ع غرفتي ودار صوت ومحمد جاته صدمه وقت سمع كلام لجين جاني جري دار وضربها كفف يعجبكممم اني هديكا لحظه كنت شبه مش واعية
محمد : اقلبي وجهكككك برا شركتتي مرة هادي مفيهاش كيف تكذبي ادم اطلب الامن
واني نجي دايخه ع محمد
محمد : فرحححح فرحححح
ادم : عندنا عدة اساعافات تو نجيبها جابوها وقاسولي ضغطي كان هابط هلبا محمد قامني ورفعني سيارة ولاد بيا شوية وشرالي زيتون ووو حاجات ترفع ضغط ❤️
محمد : شنو احسن ؟
اني : اي حبيبي
محمد شد يدي وباسها
محمد : سامحيني ع كل يلي درته ي فرح اني مش عارف خيرني غبي هكي
اني : متقولش هكي اني نحبك
محمد : شن تحسي توا؟
اني : لا لا شي كويسة حبيبي توا
محمد : خنمشو مستشفى
اني : لا لا ضغطي هبط بسس مش مشكلة حميدتي خلاص
محمد : نحبك ي فرح وربي م يحرمنيش منك ولا من شوفتك
طلع محمد سنسل من جيبه يلي مكتوب عليها" انت لي "
محمد : لما نموت اهيا ادفنوها معاي
اني : ممحممد ياسر شن دوة فاضيه هادي !
محمد : اسف
اني : بارد
محمد : خنمشو مطعم نتغدو
اني : لا لا حبيبي عيب نفوتو العيله
محمد : تي بعدين نطلبلهم العشاء ديلفري
اني : اممم تمام
مشينا اني وحميدتي تغدينا واخيرا تفكيت من هاللجين😂🤦🏻‍♀️💜
بعدها روحنا حوش عيلة كلها ملتمين 💜
اني : والله ملاك خلت مكانها
ملك : اهي تمشي تركيا تضرب الجو😂😍
وكيف جاية بنوض جتني دوخهه مرة ثانيه ورجعت قعمزت جي محمد شدني
محمد : والله ماني قاعدها نمشو المستشفى تواااا
ام محمد : اسم الله فروحتي خيرك
اني : اقسم بالله كويسة ي محمد
محمد : مدخليش نوضي توا مستشفى
بتىل : استنى حميدة بنجي معاك
محمد : تمام
اني : امير واميرة وينن
ام محمد : اميرة مع سوجي وروان وامير يلعب مع قصي ف دار
محمد : تي لا امير لا بطاطا متغيريش الموضوع بتمشي مستشفى يعني حتمشييي
اني : محمد والله م في داعي
ام محمد : فرح متكابريش ونوضي ع خاطري نطمنو بس
شوية هكي نزلو قصي وروان وسوجي
قصي : وين ي طيرر
محمد : جهنم تمشي ؟
قصي : لو في طروف منقولش لا
....
غسان كان مقعمز ف سرير حاط ايديه فوق راسه ويخممم لدرجة مشي اتصل بالرقم متاع الشخص المجهول 💜
الشخص :...
غسان:...
الشخص:تو نبعتلك ايميلي ع فيس وكلمني
غسان:تمام
بعت الشخص ايميله فيس لغسان وكلمه وبعتله حاجات غسان طول انصدممم واتصل بعلي راجل اخته🤦🏻‍♀️💔
شوية هكي اتصلت بيه ساجدة
غسان : الو بتروحي
ساجدة : اي تعالالي
غسان : تم
........
قصي : روني امتى حنجيبو وليد عسل زي امير حبيب عمه
روان : والله اني بنموت ف عيل ي قصي
قصي : حبيبتي متزعليش اهو اميرر حبيب عمههه اهني
روان : امير حبيب عمه امير حبيب عمه خيرك هبلت حبيبي 😂؟
وفجاءة شرين نقال قصي كان رقم قصي زبطه لمن ومباش يرد توتر
روان : مني رد!
قصي : م فيش داعي
......
ف نفس وقت عندي ف مستشفى
دكتور : هادا شنو هادا ضغطك هابط هلبااا جسمك لا فيه حديد لا كالسيوم لا شيييي شن هادا ي مدام
بتول : بالك ع خاطر ترضع ؟
دكتور : كانها ترضع مفروض تحافظ ع نفسها وتاكل لانها تاكل وتوكل ف صغارها
محمد : اشرحلها ونبي وهي ديما شبعانهه شبعانههه
دكتور : بري مع الممرضة تركبلك تغذية وفي هلبا علاجات حنكتبهم لزوجك
اني : تغذيه لا لا
محمد : فرححح
الدكتور : ضرورري
اني : نروح حوش نركبها ملك تركبهالي ي محمد
الدكتور : اي عادي
وكيف طللعنا ننصدم  ونشوف خوي ابراهيم كان مقعمز وحاط ايديه ع راسه 🤦🏻‍♀️💔 اني قعدت نركز
اني : محمد هداكا ابراهيم ولا اني نتخيل!