يوميات زوجية 2 💜

24

اني : محمد هداكا ابراهيم ولا اني نتخيل!
محمد : اي اي والله هو انشاء الله خير خنشوفوه
مشينا لابراهيم
اني : ابراهيم
ابراهيم : فرحح شن تديري اهني
كان وجهه اصفر
اني : ابراهيم شن فيك ! احكككي
محمد : خيرك برهوم شن صاير
ابراهيم وقف
ابراهيم : لا لا م في شي
اني : اني اختك! متخبيش عليا
ابراهيم دموعه نزلو
اني : بالله عليك شن في متخوفنيش عليكككك!!
ابراهيم : فرحح الدكتور قالي ان شروق احتمال يكون عندها كانسر ف دم
اني : شنووووووو
ابراهيم : هادا يلي صار وهي متعرفش ، تاعبه هلبا مدة فاتت جت امبكري درتلها تحاليل دكتور صاحبي قالي تعال بنفهمك حاجة وجيت توا قالي هالكلام ي فرح معاش عرفت شن بندير منقدرش نتحمل وقت نشوفها تاعبه
اني : معقوللةة
ابراهيم : نراجي ف. تحاليل  تطلع وي رب يكون كلام دكتور غلللط
محمد : ي راجل متقلقش روحك كله بقدرة ربي وانشاء الله ميطلعش زي م تقول
اني دموعي نزلو : ابراهيم المرض هادا من عند ربي سواء طلع عندها اوً لا مفروض تشكر ربك ع كل حال وانت مازال تحاليل م طلعتش وهكي وجهك ميتفسرش ! اهدى خوي وادعي وانشاء الله خير حبيبي
ابراهيم : انشاء الله ي فرح ، حقا انتم شن تديرو اهني
محمد : اختكك لا تبي تاكل لا تشرب صايرلها هبوط ف ضغط لن قريب تموت
مهم طلعنا روحنا 💜وابراهيم روح واني طول طريق نبكي
محمد شبحلي بمراية اني كنت تالي وخالتي بتول قدام متجيش اني نقعمز قدام وهي موجودة💜
محمد : مش ناوية تبطلي بكي ؟
اني مستمرة نبكي
محمد : فرححح نكلم فيك
اني : تخيل فعلا يطلع كانسر ي محمد صغارها صغيرين حرام
محمد : اهدي انشاء الله مش كانسر ي فرح
.....
ساجدة : غسان يشرينلي اكيد جي
ام محمد : قوله ينزل نسلمو عليه
ساجدة : لا لا وقت تاخر اكيد جاي تاعب من خدمة خنروح
ام محمد : تمام سلميلي عليهم
ساجدة : تمم ، اميررر حبيب عمتو نحبك باااي
جدة محمد : خيرها اميرة
ساجدة : متضحكش امير تجي جنبه يرشق سنونه😂😂 بييييي اميررر
امير انفلق ضحك
ساجدة : غر شوفيهه😂😍
ام محمد : تي اطلعي ي دعوة راجلك برا
ساجدة : تمام هي سلامات
روان كانت ف دار جاها قصي
روان : حول مني معاش تمسني!
قصي : روان شن ذنبي كل م نديرلها حظر تطلعلي من رقم تاني !!
روان : رنا تحبك واكيد حتاخدك مني وني نقعد حاله فمي !
طبعا رنا رجعت تتصل بقصي كل مرة من رقم ورسائل وهو كان مخبي موضوع هادا من روان باش تزعلش 💜
قصي باسها : نحبك روان ياسر والله م ذنبيش والله نديرلها ف بلوك تطلعلي من رقم تاني وايميل تاني
روان : باهي
قصي : فروح ومحمد شكلهم جو خننزلولهم نطمنو💜
.....
خشو ساجدة وغسان دارهم وغسان ولا حرف
ساجدة : خيرك شن في !!
غسان مردش
ساجدة : غسان نكلم فيك خيركككك!!!! علاش متردش علياا خيرها تصرفاتك غريبة من لما طلعت معاك سيارة حتى سلام مرديتاش
غسان : تبي تعرفي علاش !!!!
غسان فتح نقاله وفتح صور لساجدة واعطاها نقال ساجدة شبحت صورها قبل مع مصعب وفيديوات وووو ، طبعا مصعب هو شخص يلي لقي غسان
غسان : عرفتي علاش
ساجدة دموعها نزلو : قصدك ع خاطر هكي ي غسان ! تمام منكذبش عليك اي هادي اني قبل واحرف من هكي كنت! وبسبب الموضوع هادا محمد زوجني ليك وكنت مش طايقاتك! بس توا حبيتك صح! وطول فترة خطوبتي منك مكلمتش حد م درتش غلط حتى روج ف شارع محطيتاش ! اي وقبل كنت ندير ونطلع واي شي درتهههه ، تبي ترضى بيا عادي متبيش ترضى بيا شنطتي ونمشي حوش امي ومش حنزعل ابداا ي غسان
غسان طلع من دار وساجدة وتت شنطتها وحوايجها كل شي باش تروح
......
ملك ركبتلي تغذية وعيلة كلها كانو جنبي 💜
امير : مااا
اني : عيون ماما محمد هاته شوية
ملك  : يجبد تغذية ي فرح
اني : استاحشته وليد
قعدنا نهدرزو وجي احمد روح بملك 💜
.....
عند ساجدة غسان مخشش حوش الا ثمانيه صبححح وساجدة كانت مقعمزة تراجي فيه ولابسة علبيتها وشنطتها وهي تراجي لن رقدت ف كنبة خش غسان قعد يمس ف وجهها بشوية💜
ساجدة فتحت عيونها وناضت
ساجدة: جيت هي نوض وصلني
غسان : ع وين
ساجدة : حوش اماليا مش خلاص انت نهيت علاقتنا؟
غسان قرب منها : مستحيل نسيبك ع خاطر ماضيك يلي يهمني انتي معاي شنو ودامك مخنتينيش ف علاقتنا تبدي بنت حلال ولو اني سيبتك نبدا ولد حرام
ساجدة حضناته : نحبك هلباااا ي غسان
غسان :اااه ي ربي قداش م كنت متمني نسمعها حتى ف صلاة جمعه ندعي ونقول ي رب ساجدة تكون ليا وتتاقلم معاي
ساجدة : ربي ميحرمنيش منك غسان
.....
اني فقت من نوم اتصلت بخوي ع طول
اني : شنصار
ابراهيم : بنطيررر فرحة ي فرح مش كانسر طلعععهع
اني : حمدلله ي ربي 💜💜 شنجو فردوس معاكم
ابراهيم : كويسة معذبتنا وخلاص
.....
بعد مرور عدة اشهر💜💜
ريان تزوجت هي وايهم ، فروخي قاعدين بيكلبو خاصه هالامير😂😂😂💜 قصي وروان ربي مزال م طعمهمش الذرية ، ساجدة حامل من شهرين هكي💜 ملك خلاص ف شهرها وم صار شي جديد
بتول : قصي اني برايء تتزوج وليدي اني نبي نشوف صغارك!
قصي : امممي قتلك الموضوع هادا معاش تفتحيه
بتول : بنفتحههه وحنقعد وراك لن تتزوج روان حتقعد الكبيدة عارفه بس اني نبي ولد نبي حفيددد باسمك فرح جابت خواتك زوز حملو خيره انت شن ناقصك
ع خشت روان
روان : قصي كلام امك حق لازم تتزوج
بتول : اي ي بنيتي اقنعيه لمصلحته
قصي : رواان حبيبتي
روان طول خشت دارها ودارت روحها طبيعيه
قصي : روان
روان : اني نعرف ان امك قداش ليها تبيك تتزوج وهادا من حقها ❤️
...
ام محمد : بتوول اتسرعتي هلبا بقرار يتزوج را! ولدك قاعدة ممرتش خمسة او ثلاثة سنين ع زواجه
قصي : شن بنراجي لن شيب ينوض ع شعره!
ام محمد : ديري يلي يريحك
جدة محمد : ي بتول يلي درتيه غلط
خشيت اني ومحمد
جدة محمد : شن حميدة مش ناوي تزيدلنا عيل
اني : هما هادم ونوضولي شيب ياسر😂
خش قصي كان متعفلق
قصي : عجبك هكككي!!! اهي سمعت كل شي وتقولي تزوج عجبككك
محمد : قصييي هادي امكك
قصي : ي محمد تبيني نتزوج باش نجيب
محمد : شرع حلل اربعة! ومن حقك تتزوج وتجيب عيل وامك تبي تفرح بيك
بتول : قوله قوله ونبي هو ومرته عندها مشكلة متقدرش تجيب درنالها عمليات قريب ثلاثة ولا شي فلق !! نبي نشوف ولده
محمد : قصي
خشت روان
روان : اي قصي مفروض تتزوج مش غلط حتى اني نبي نشوف ولادكك
بتول : نقولك ع شي والله ي قصي لو متتزوجش ف مدة اسبوع جاي بس ! اني مش حنسامحككك لا دنيا لا اخرة
وطلعت بتول خلت قصي زي المهبول خش ف بعضهه
اني : قصي
قصي : بتقتلني امي معاش عرفت شن لازم نديرر ي فرح
روان : قصي امك مش حتسامحك فكر ف موضوع 💜
طلعت روان وقعدنا حايرين قصي طلع بسيارته ومعاش شفناه
اني : روان متزعليش
روان : مش زعلانه وهادا قضضاء ربي ي فرح
اني : اهدي برايي خلي قصي يتزوج بالك ربي يرزقه
روان : اني موافقة ع زواجه
اني بستها ع راسها : امير واميرة زي اولادك ي روني
جي قصي نص الليل وخش لامه 💜
قصي : اني موافق ! هي من حتزوجيني
بتول : اي كويس في وحدة عاجبتني شفتها ف عرس وتعرفت عليها وع امها تهبل بنت جمال واخلاق وكل شي فيها زين حنمشو غدوا نكلمو امها وبعد غدوا نخطبوهالك
قصي : لا ماشي لا نم! قوليلهم اني مسافرررر وحيجي يوم عرس بسسس انتي حرة ديري يلي تبيه وبري غدوا
بتول : بسس
قصي : لا بس لا شي هادا يلي عندي ولا فوتي موضوع
بتول : تمام وليدي
مشي قصي خشلي اني ومحمد قاللنا شن قرر💜
اني : متزعلش
قصي : بنموت ي فرح ع خاطر روان
فجاءة خشت روان وف حضنها امير
روان : هاك رقديه رقد
اني : تمام
مشت روان دارها
محمد : اااه وخلاص
قصي : تصبحو ع خير سامحوني ضايقتكم معاي
اني : عيب عليك
مشي قصي لروان
روان  وعبرة خانقتها ودموعها خلاص بينزلو: الف مبروك
قصي شبحلها شبحة متاع حزن
روان : سمعت ان امك حتشوفلك العروسة غدوا ربي يهنيك💜
قصي حضنها
قصي : والله مش بارادتي سمعتي امي شن قالت بس والله ي روان حتقعدي انتي الاولى قسمتلك اني 💜💜💜
روان نحت من حضنه
روان : تصبح ع خير بنرقد 💜
رقدت روان وقصي عيونه دموع ومغموم لا قادر يتحرك ولا شي حس روحه عاجززز ومعرفش شن يختار بين البنت يلي حبها وتزوجها وبين امه وموضوع زواجه من بنت تانيه 🤦🏻‍♀️💜
" ف مجتمعنا المشكلة هادي صايرة هلبا ان بنت مترزقش بطفل ويبدو العيلة يضغطو ع الولد باش يتزوج ويهزبوً فيها! قصدي هي مش دنبها! وحتى هي مفروض متزعلش من هالشي ، هادي حكمة من عند ربي لازم ترضى بيها البنت💜💜وقدر الله م شاء فعل💜"
.....
ملك كانت توتي ف حوايجها لانها خلاص ع وشك انها تجيب
احمد : ربي ميحرمنيش منك لا انتتي ولا بنوتي يلي جايه ف طريق حتطلع حلوهه زي امها😍
ملك : بعدين حبها اكثر مننني
احمد : زي محمد هبل باميرة بنته😍😂
ملك : محمد هبل باميرة وعقلههه طاير ع فرح
.....
ملاك كانت واقفة ف كوجينة تطيب جي قيس غمرها 💜
ملاك : يعنشكلك خلعتنني
قيس باسها : قداش عندي ملاك اني
ملاك : قيسس اهفتتت صغار تو يجو عيب
قيس : تي مش حيجوو شن حيجيبهم توا
وفجاءة خشت يارا
يارا : مامااااااً
ملاك : بسم الله فايقههه
يارا : حلمت بكابوس
ملاك : تعالي باهي ارقدي جنبي اني وبوك
قيس : وين ترقدددد
ملاك : تعالي هي
جت سجى
سجى : قاعدة تطيبي انتي !
ملاك : اي ع خاطر عزومة قيس غدوا خنطيب توا ونففتك 💜
سجى : نساعدك
ملاك : اني كملت خلاص سجو😍💜
مشت ملاك ويارا ع دار وقعدت ملاك تحكيلها ف قصص وتلعب ف شعرها
ملاك : وين ماشي
قيس : بنتمرقد ف دار تانيه ارقدي اهني انتي وبنتككك
يارا : بابا زعل لان بابا يبي يقول لماما كلام حلو وعيب لاكن يارا خربت عليهم مسكين بابا/😂
قيس : شوف الفرخههه ، اليوم حنقعمزرر اهننني مش حنمشي هي
يارا : عاديي مهم ماما جنبي
قيس : بديت نغار را
ملاك : ربي يحفظكم ليا 💜
...
ثاني يوم جو عشية بتول وام محمد مشو للبنت يشوفوها لقصي وصلهم محمد ونزل هو يتكلم مع بوها وخوتها 💜 كملو وخلاص طلعو حددو الخطوبة بان تكون بعد غدوا وامالي العروسة تقول يبو يفتكو منها بوها قال ديرو حتى عرس غدوا مدابيكم تستعجلو😂🤦🏻‍♀️ عنده الحق لانه قالو البنت مخطوبة قريب عشرة مرات وتفسخ ف يبو يفتكو منها بسرعههه ي وخيتي اااه