يوميات زوجية 2 💜

10

حسيته حيضربني خلاص ويجي محمد طالع ويشوفني وجي يجري
محمد : ابراهيمممم
وبعدني من ابزاهيم وخنقهه
محمد : ردددد بالككك تحاول تديرها اقسم يالله وقتها معاش نعرفك لا خوها لا بوها
اني : محمد حبيبي اطلقهه
اني قعدت نبكي
محمد : فاهممم المرة هادي حنفوتها ع خاطرها هي بسس
محمد كان يتكلم مع ابراهيم بكل جدية وحيونه حمررر شرار ❤️
محمد شدني من يدي ودخلني داخل مع عيلة
بتول : تي نوضو خنطللعو نقعمزو برا ع طبيعة
ام محمد : اي هياااا
بتول : ي بنات جيبو حاجات الفطور خنفطرو
اني : وين محمد وين مشي
بتول : متخافيش عليه ناض يعبي ف الحوض ميه ❤️
مهم مشو نساوين برا ولحقناهم اني والبنات بالفطور هديكا الخبزة السخونهه والتن والدحي والسلاطة ودرنا كيكات قريب اربعة انواع يلي يبي ياكل يتفضل 😂😍
شوية هكي جي قصي وايهم
قصي : اعطوني بناكل
اني : اههي مرتك تو تحشيلك
قصي : لا لا فكيني نخاف تحطلي حاجة غلط 😂💔
غادة قعدت مركزة ف ايهم
اني : راك امه
غادة : من هو
اني : يلي تشبحيله
غادة : حيوانه😂 والله لا بالغلط
جي محمد : عبيته الحوض
قصي : تو في واحد يعوم ف حوض وفي بحر ، اني شبعت، هيا ايهم نمشو ، غسان عماد محمد تي نوضو ديرو غطسة صبح مليحة
محمد : اني نبدل ونجيك
عماد : هي هي اهو جايكم اني
غسان : حتى اني نبدل😂😍
كيف مشي محمد
محمد : فرحح حوايجي وين
اني : لحظه بس تو نطلعهملك
مشيت وقمت شنطة
محمد : خيرككك رزينه
اني : ماه قتلي وين حوايجي بنوريهملك
محمد : مصح وجهك تو معقولة بناديك ع خاطر هكي😂 تي تعالي دار استاحشتك
اني : مصحكك
جبدني محمد من يدي ودخلني غرفة كانت ف دور ارضي حلوةة هلباا فيها سرير ودولاب وكومدينو وشاشة وفيها بابين الباب تاني وقت تفتحه يطل على حوض سباحة طول وكان فيها حمام ❤️
سكر محمد الابواب وجاني
محمد : شن في
اني : ف شن
محمد : ابراهيم ليش دار هكي
اني : اممم م في شي
محمد : فرححححح متكذبيش
اني : تمام تو نقولك
حكيت لمحمد اي شي بخصوص ابراهيمم
محمد : زفتت
اني : شروق مسكينة انت شابح حالتها توا ورنا خبثيه ي محمد
محمد : متضايقيش روحك تو نتكلم معاه وانشاء الله مش حيمرو هاليومين بدون م نديرو حل
اني : نحبك هلبا
محمد : نموت فيك وف التوام يلي حيجونا
محمد بدل حوايجه❤️
محمد : هي نوضي بدلي
اني : لا لا منبيش
محمذ : شن هو يلي متبيشي
اني : نعوم توا بعدين
محمد : شن متبيش تعومي ؟ بتعومي بالسيف
اني : لا لا
محمد : فرحح
اني : محمد توا تعبانه
محمد : باهي باه
اني : بالله عليك وقت تعوم متمشيش غريق هلبا وعوم ف حوض مفيش داعي بحر
محمد : حوض شنو ي فرح ي عمري من عام جدي وجداي نعوم ونقطع ف مسافات وقبل خاش ف دوريات سباحة وتو تقوليلي متمشيش الغريق 😂 خيرك انتي
اني : محمد بالله عليك متمشيش وخلاااص متخلينيش نبكي
محمد : باهي حاضر
طلعنا البرا لقينا رنا وسوجي وملك وغادة ف الحوض يعومو وعايشين اللحظه😂❤️ ونساوين يهدرزو ! اما شباب ورجاله كلهم ف بحر يعومو الا محمد معانا وبوه
ام محمد : وخيرك اهني
محمد : مخاطريش توا
اني كنت جايه بنمشي جيت جنب حوض وروان تجي تدفني بكل قوتها ومعاش حسيت بروحي
نصهم قعدو يضحكو يحسابوها بصارة عاديه ❤️
خالتي : رواااان ي غبيةةةةة حامممل هي
غادة كانت ف حوض وركزت ان اني شبه غميت قربت مني وتحاول تقيم فيا
غادة : فرحححح فرحححححح
محمد : شن في
جي محمد وطلعني ورقدني ف صالون برا
محمد : فرح فرحححح
ام محمد : اسم الله عليها
خالتي : ي روان خيرك نسيتي هداكا الموضوع لا حول الله
روان : تي نسيته
اني بديت نصحصح القصة كلها مرت عليا قدام عيوني وعيوني دمعو
طول نضت ومشيت دار
محمد : فرحح شن في فهموني موضوع شنو
غادة : اممممم
امي : ي محمد فرح قبل بوها متوفي غرق ف البحر هي بدت عندها زي فوبيا منه
ام محمد : الله يرحمه
ساجذة : تو نمشيلها
لجين : حتني
محمد : لا لا خليها شوية ونمشيلها اني
ملك : تمام
بتول : جيبو حاجات غدي خنوتو
بعد مرور ساعتين 🇦🇿❤️
محمد : حبيبي بدلتي
اني كنت نجفف ف شعري
اني : اي
جي محمد باسني ع راسي وشد يدي ❤️
محمد : خيرك
اني : م خيرني شي
محمد : موضوع يلي صار منتهي هادا قدر؟ باهي؟ يعني مفروض خوفك من بحر تنحيه
اني : مش قصة خوف بس
اني بديت نبكي تفكرت بوي تفكرت لحظاته معاي واني صغيرة كل شي
محمد حضني : خلاص خلاص ياسر بكي شن هادا كله؟ باهي علاش مقلتيش راه لغينا المشيه نحسابك بتفرحي
اني : اي فرحت لان عيلة تلمينا اكيد فرحانين
محمد : امممم اصبري
ناض محمد فتح شنطته جاب رسالة يلي كتبهاالي وقالي متقريهاش
محمد : هاكك هادي نسيتي تقريها اني توا بنطلع اقريها براحتك شوية ونخش اني ❤️
شديت رسالة وبديت نقرا فيها
" فرح م نعرفش نعبر صح بس حنحاول نقول هالكلام ! تندري ان قبل م نعرفك حياتي كانت مملة كانت مفيهاش شي مجرد شخص يخذم وخلاص خشيتي حياتي غيرتيها بككل خليتني نحب بجنون خليتني نهتم خليتني نضحك ونفرح وبسببك حنبدا اب قريب ! اني صح مرات نتعفلق بس انتي عارفة هادا طبعي ..
كان كلام طويل هلبا ومعبر رومنسي اني قريته عيوني دمعو قعدت نعاود ونعاود نقرا فيه😍❤️
خش محمد : تي شنو تقري ف جريدة
اني نضت حضنته بكل قوتي وضحكت هلبااا: محمد شنهالكلام علاش متقولش فيه فيس تو فيس ولا تتحشم
محمد : شن نتحشم هادي اكيد نقدر نقوله
اني حطيت عيوني ف عيونه: هي قوله
محمد : اايي
محمد شبح لوطا
اني : خيرك اشبحلي وقول هياا
محمد : نحبءًنحببء ، ماه حضرتك نحب عيونك مني تو نقولها
طق طق
محمد : من هالنفاخ
ساجدة : حميدةةة نادي فروح تجي نهيجو زمزامات واغاني ونساوين يطيبو ف مكرونة ونعرفها تحبها😍😂
محمد : تو تلحقك بري
اني كيف بنطلع محمد يشدني من يدي ويردني
محمد : ع وين ي طير
اني : ع جهنم
محمد : والله ماني مسيبك
ناض محمد يدغدغ فيا يمين يسار وني نكرهها حركة هادي بديت نعيط ونضحك ونبكي وحالتي حاله😂 لن خشت بتول وساجدة
اني : بالله عليكك ياسر ياسر 😭💔💔
بتول : تي شن في
ساجدة : اممي غطي عيونك
محمد وقف استعداد : طالع بنولع سبسي
اني : سبسيي
محمد : تي شن سبسي بنشوف شباب ونجي
طلع محمد جري وخلى الحشمة ف وجهي عاددد
اني : كوجينة كوجينة جيعانه
اني هربت مشيت كوجينة لقيتهم يطيبو طبعا بيديرو مبكبكة ومنحكيلكمش نعشقهاااا😭❤️❤️ خاصة تكون ناشطة وووه عليا
اني : اممي اطلعي تو نكمل
ام محمد :لا لا بنيتي انتي حامل
اني : تي شن بندير بنوتي صفرة وخلاص بري مع نساوين
طلعت ام محمد وقعدت بروحي ف كوجينة طبعا مقابل الغاز في روشن يعني لما انتي واقفة ع غاز تطيبي تشبحي قدامك روشن ❤️ كنت نطيب وفجاءة ينقز محمد من روشن
اني : سلاممم ربي من قول رحيم ، تي خيركك خيرككك بتركبلي البو روعيش
محمد : اسف مدام فرححح
اني : خيرك ، حقا ليش معمتش حبيبي
محمد : اممم ماه جايك لهادا موضوع ، شباب برا يعومو حناي قتلي نعتبر صنف حريم ولا شنو😂😂😂💔 ماه انتي
اني : لا لا برا عوم ومتمشيش غريق حبيبي
محمد : لا لا اصلا السنسل ف جيبي منقدرش نخليه وني وعدتك مش حنخليه بكل
اني : تي هاته نحطه عندي وبعدين خوده
محمد : زعمااا
اني : اي قلبي
محمد طلعل سنسل من جيبه ومدهولي شوية رجع خداه
اني : خيرك
محمد : لا لا فوتي
ومشي ورجع للروشن
محمد : هاك هاك بنمشي نعوم
اني : هاته
محمد : لا لا فوتي اني وعدتك
ورجع مشي ورجع للروشن
محمد : هاك بالتريس منقدرش نقاوم بحر
اني : هات
محمد : لا لا خلاص
اني : اقسم بالله متمشيش من اهنننننني الا نلبسك الطنجررررة
ملاك : شن في 😂
محمد : زودي الغولا بتاكلني
محمد عطاني سنسل : شديه نعوم ونجي متريحشي
اني : باهي رد بالك ع روحك
محمد : باهي نحبك
ومشي محمد
ملاك حضنتني : من محمد صغير معمري وحياتي شفته فرحان زي توا❤️❤️ ربي يحفظكم لبعض
اني : امين ي رب
ملاك : نوضي بنات يدربكو هيجي معاهم
اني : هاللجين معاهم؟
ملاك : اي
اني : بنمشي نشوف بوك ونساوين
ملاك : تي يهدرزو ف دار تانيه معاهم بوي م يبو شيي هيا نغنوو
اني : هي
خشيت دار متاع بنات وجماعة يهبجو واخدين سطل يدربكو عليه ويغنو😂❤️
روان : محمد محمد ي خطيرررر وفرح قريب تطيررر
اني : يا روان شن درتي وقصي هبلتي
روان : اشطح ي عيل وزيد شطيح يلي م يشطح راقد ريح
.....
جو قصي وايهم خاشين غرفة نساوين
طبعا ايهم قريب هلبا من عيله يعني تقدرو تقولو هما مربينه يعتبرو فيه زي قصي ومحمد ❤️
بتول : خيركم شنفي
قصي : راجل عمة ايهم توفى توا بنولو
بتول : لاحول الله
امي : سلامة راسك وليدي
ايهم : الله يسلمك
ام محمد : شن تولو توا
ايهم : حتى اني قتله قصي اليوم نباتو وغدوا نروحو اني وهو
بتول : اي قصي وليدي هكي خير
قصي : امالا تعال ي برو نرجعو نعومو
طلعو قصي وايهم ويسمعو دربيك
قصي : مداير فيها متاثر ع راجل عمتك قدام اماليا 😂 وانت فرحت وقت قالو مات
ايهم : تي يستاهل ويلي مات خداه ربي وفتك😂
قصي : تعال تعال صوت دربيك
خش قصي طول ف نص دار وبدي يغني ويرقص ويصفق
قصي : قلبي يانا يانا قلبي يانا يانا
وخش وراه ايهم
ايهم : اااااه ي قلبي اااه ي قلبي
قصي :. قلبي ليك عطيته وقلبي ليك عطيته
ايهم : ومش خسارة فيككك ومش خسارة فيك
روان : يغنو لبعضهم😂💔
قصي : تقري م تقريش قالي تقري م تقريش
ايهم : بعد عرسك خدمة م فيش
قصي : يانا ي روحييي
ايهم : هايمهه
قصي : مع السموحي
ايهم : هايمه، نبيه بروحي
قصي : هايمه
قصي : حي حي حي
جت بتول بالعصاة
بتول : اطلع انتت وهو ولا نديرلكم مشروع زمزامات توا يصير منكم😂💔
قصي : باهي ي نبع الحنان شكرا
قصي غمز لروان وطلعع هو وايهم ❤️
اني : حي غمزلي حي قتلني
اني نضت طلعت ورا قصي
اني : قصي وين محمد وباقي شباب
قصي : كلهم طلعو برا مقعمزين الا محمد يعوم
اني : بههه
طلعت برا ووقفت قدام البحر وربعت ايديا ونتفرج والاخ محمد مش باين ابداا لن هو شبحني وطلع من الميه تبو حق نسيت روحي متكنطية منظره وهو طالع من الميهه منحكيلكش ويمسح ف لحيته يلي هبلني بيها ويمسح ع شعره وووه عليا😭💜
محمد : خيرك
اني كنت سرحانهه
محمد : فرححح ، ههههي وين ي طير
اني : شنو حضرتك تقول مش حتمشي الغريق وتوا مش باين
محمد : حاضر معاش نعاودها هكي تمام؟
اني : اوكي ، هاك فوطة جفف روحك باش تمرضش وهيا الغدي
محمد : محلاها يلي تخاف عليا
اني : مش قصة نخاف عليك! القصة ان لما حضرتك تمرض حتعديني ونمرض واني الحق انسانه نخاف على نفسي 😂
محمد : تخافي ع نفسك صار
بدي محمد يمشي خطوة ويقرب مني ويشبحلي شبحات متاع ناويلك على نيه بس انت اصبر شوية😂😭💔
اني : خيركك شنفيك
محمد كان يقدم خطوة اتجاهي واني نوخر خطوة
اني : محمد حبيبي خيرك
محمد : تخافي ع من
اني : عليك عليك
اني نضت نجري ع كوجينة 😂😍
حطينا الغدي رجالة بروحم ونساوين وبنات بروحهم جانا قصي
قصي : اممي اعطيني طنجرة المحروق نبيه
اني : مصح وجهك مفي حد يشاركني فيه
قصي : واللهي م حد حياكله غيري
اني : اني حامل وبتوام يعني اني مفروض ناكله
قصي : واككك غلبتيني باهي اعطيني فمين بس
مر وقت عادي جدا وممل كلهم يعومو الا اني مقعمزة مع نساوين معمتش نديرو شاهي قهوة نسكافيه يعني مطلعتش من كوجينة😂 جي الليل نساوين خشو دار وحدة طبعا بيقرمو خلاص الليل ، وبنات خدو سطل ومشو برا باش يدربكو😍😂
قعمزنا برا جو كان حلو هلبااا نسمة باردة ونجوم وجو م تفهم شي كلنا كلنا مقعمزين ❤️
شروق : واخيرا عليوة رقد
اني : تي وين روان مشبحتهاش
ريان : راقدههه ف سابع حلمه
لجين: بكري رقدت😂
اني : تعبانه ماه
شوية هك جي قصي وايهم وابراهيم وغسان وعماد الا محمد ❤️
قصي : فرح بدون م تشبحيلي محمد جاي بيلحقنا غير خش حوش 😂
اني : مصحك من سالك توا
قصي : انتي
ملاك : فوتو دربيك ياسرنا خنلعبو لعبه ههي
ايهم : شن نلعبو
ريان : تي انت راجل عمتك توفى نوض احزن حتى بالكذب 😂
ايهم بصوت واطي لقصي : قوللها يلي مات خداه ربي وفتتك 😂
قصي قعد يضحك
ريان : شن تقولو
ايهم دارو روحه زعلان : ااه ي قلبي وخلاص الله يرحمه اني جيت بالسيف قصي اصر عليا
قصي : ااي منحكيلكمش كان قاعد يبكي تخيلو
ريان : اي تخيلنا😂 يلي مات خداه ربي وفتك
ايهم : مشاء الله ودان ولا رادار
ريان : الزوز
قصي بدي يشبح يدور ف روان
اني : قصي بدون م تشبحلي روان راقدة
قصي : من سالك توا
اني : انت
قصي : بنمشي نشرب ميه بعدين نجو نلعبو
ايهم : تي شن بنلعبو
ملاك : صراحة ام تحديي
غادة : اي اي 😍😂
ملك : اني بنمشي مش لاعبة بنرقد
ساجذة : غر تعاللي ي نكد وين ترقدي
ملك : تي بري نعسانه بنموت
مشت ملك خشت ترقد
بعدها لجين ناضت
ابراهيم ناض خش
شروق : حتى اني نستاذنكم
اني : تي من قعد امالا
غسان : مش ماليين عينك احني 😂🌝
شوية نشبح سيد محمد جاي ومعاه لجين ويضحكو
لجين : يعطيهالك ي حميدة😂😂😂
اني : هههههه ضحكونا ي حلوين نبو نضحكو
محمد : لا لا شي غير نحكو ع عمر
اني : لو سمحتو محد يحكي عليه قرموه ف وجهه مش وراه
محمد : اني بنحكي
اني : احكي بس مش قدامي
محمد : بنحكي وقدامك
اني : مصح حتى وجهك
اني نضت
اني : تصبحو ع خير
ساجدة : بالله عليك لا، محمد ياسر بلا حرق دممم
غادة : فروح ع خاطري خليك
اني : ع خاطركم بس مش ع خاطر بعض الناس يلي غير مرغوب بوجودهم
لجين : اممم اني بنمشي نرقد م تبو شي ؟
محمد : لجين ترقديش تعالي قعمزي جنبي نقرمو هالعمر شوي😂
لجين جت طول قعمزت جنب محمد
اني : شكلها م صدقت
غادة بصوت واطي : فرح اسكتي محمد تكنطا را
اني : خلي يتكنطا طز فيه وفيها
ملاك : خليجي قصي ونلعبو صراحة ام تحدي
......
قصي كان خاطم ف ممر ويمشي بشوية شوية
لن شبحاته امه
بتول : وينن
قصي : اا امي انتي اهني اي كنت
بتول : اي خيرك
جت ملك
بتول : خيرك خشيتي
ملك : منبيش نلعب خشيت
قصي : تي اي ملك زعلت متبيش تطلع جيت نقولها اطلعي بس هي قتلي لا وتوا كنت بنمشي
قصي طول دار روحه طلع بس قعد يراجي امه وملك لن رقدو وقعد يفتح بالدار
ملك : بسسس
قصي : يعنشكلك خلعتيني
ملك : روان ف هديكا الدار
قصي : روان من جبد سيرة روان
ملك : تحسابني مش فاهماتك😂😍
قصي باسها ع خدها
قصي : وربي م عندي غيرك
خش قصي لروان لقاها راقدة
قصي : روان روان روان
روان : اي شوية ونوض خمسة دقايق
قصي : تي شن مدرسة هي نوضي
روان مبتش تنوض
قصي خدي ميه وبدي يبخ فيها😂
روان : ااااااا
وقصي يشدلها فمها
قصي : اسسس اني قصي اسكتي اني قصي خطيبك مش خناب اهدي توا بنحي يدي من فمك ومتعيطيش احسن م تجي امي وناكل كفوف
نحى قصي يده من روان وطاحت فيه ضرب
روان : ي حيوان ف واحد هكي يفيق بني ادم
قصي : تي اما بني ادم شكلك زي تمساح وانتي راقدة رجل ف شرق وتانيه ف غرب تي نوضي بنلعبو برا ومنبيش نلعب بدونك😍 نحبك بدلي واطلعي نراجوً فيك هي
طلع قصي وجي قعمز
ملاك : هادا كله ميه تصنع فيها امالا
ايهم : اي واضح كان الميه تخلينا فرحانين كلنا نشربو ميه😂
قصي : كهكهكه بدل م تحزن لان راجل عمتك مات مقعمز تخفف دم
ريان وايهم ف نفس وقت : يلي مات خداه ربي وفتك
غادة : ووواك😂😂😂😂
ملاك : اسكتو هي نلعبو
نقال عماد شرين
اني : لكبيدة تتصل برا رد خير م تاكلك
عماد : اصلا بنوض 😂 مشي عماد وشوية هك جت روان
ملاك : وني نقول علاش تاخير ف ميه😂
لجين : طلع مع لحب
اني : حبك برص وعشرة خرص ووجع الضرس
غادة قرصتني
اني : اي اي قعمزوً خنلعبو
روان: حيوانات بتلعبو بدوني
طبعا ملاك جابت شيشة
خنقولكم كيف كنا مقعمزين💜
اني جنبي غادة بعدين غسان محمد لجين رنا روان قصي ايهم ملاك ساجدة 💜
ملاك : هيي المغطة يسال
ولودتها وجت ع غادة وروان
غادة : هي اسالي
روان : تي انتي اسالي بنختار صراحهه
غادة : قصي ولا ريان
روان : حيعليك بنقتلككك
غادة : جاوبي
روان : مش لاعبه
ريان : تي قولي ريان وخلاص عارفة روحي😂💜
قصي : قصيي
روان : منحبهمش الزوز نكرهكم ، خلاص هي لودوها مرة ثانية
جت ع محمد وايهم
ايهم : صراحة او تحدي
محمد : تحدي ههي
غادة : اووووو
قصي : خنقولك ي ايهم تحدي قوي مش حيقدر يديره
محمد : م في شي صعب عليا
قصي وشوش لايهم
ايهم : عيب ي راجل بتحشمه مش حيديره
محمد : قسمبله لما نديره شنهو هي
ايهم : غني اغنيه متاع زمزامات
محمد : مصح وجهك انت وياه تحشم ع لحيتك
كلنا قعدنا نضحكو ع محمد وني نضحك ونتشمت😂
اني : وووه عليا 😂😂😂 قسمبله اي شي نديره من كان يقول هك! علاش عارض عضلاتك من اولل
شوية ننصدم بصوت محمد
محمد : حي علي ظلمني حي علي ظلمني سبعة ايام وم كلمني حي علي ظلمني الغالي حبي ماهو لعبه وحبي ماهو لعبه حبي ماهو لعبه على فراقه والله م تعبى
قصي : ي حي عليه رخيته حي عليه رخيته
ايهم : ف الاسود يلبس خليته
وناضو قصي وايهم 😂 ومعاهم محمد
محمد : تعاللها وتعاللها
ايهم : تعالللها ي صبي العيلة
قصي : تعاللها ف غيابك ياما صارلها
محمد : قولوله الغالي طول
قصي : وينههه وينهه وينه
ايهم : قولوله يظهر ويجينا
غادة : شن هالننقزة الخارقة وووه عليا بنموت😂😂😂😂
روان : لحظه بس نصوركم فرقة السموحين للزمزامات ينشطو ويخلوكم تضحكو للحجز والاستفسار الخاص مفتوح
ريان : بنموتتت😂
اني : طلع مش قصي بس فالح حتى حميدة فالح قصدي محمممممد! ههي هي خنلعبو
ملاك : منورين فرقة حمصة
لجين : قعمز حمادي
اني : تقعمزي محل م جدي قعمز
قصي : والله ي حميدة درتها طلعت معلمم
لعبنا كم دور لن جي  فيا وف رنا
ريان : صراحة ولا تحدي
اني : تحدي
رنا : شن نقوللها زعما
محمد ناض يوشوش لرنا
ريان : تجي تضربني فكني
اني : حبيبتي قولي اي شي نقدره😂
ريان : اوكي براحتك ، اوقفي وعيطي اني نحب محممد وهو حبيبي ومنحبش غيرهه وعيطي اهني ثلاثة عيطات وخشي داخل لنساوين عيطي وتعالي
اني : مصححححح وجهكممم
محمد ضحك وشبح للارض
اني الله غالب عليا نضت ودرت يلي قالوه ونساوين لن انخلعو ركبهم سكر ف عز قرمتهم😂💔
محمد : شكرا شكرا مكانش في داعي للاحراج كله قدام ناس
اني نضت خبطه تيرو وخبطت رنا
ريان : شن ذنبي
قصي : وووه عليا كل م نتفكر منظر فرحح
اني : باررد
لودنا الشيشة وجت ع محمد وابهم
محمد : ايححح من امبكري علينا هي صراحة
ايهم : ايوااا هادا يلي نبيه كم تعرفت ع بنت قبل فرح
قصي : هي وهادي الاله الحاسبة
محمد : كم بنت عرفت ايحححح عد لن تغلط
روان : ححححي
اني زعلت وطبست لوطا
محمد: بس قولي كم بنت حبيت حنقولك مفيش وحدة غير فرح قدرت تاخد قلبي
اني : امي امي حناي دواء بوك متعشاش
ونضت جري خشيت دار وسكرتها
ايهم : خيرها😂
محمد : اني بنمشي نرقد تصبحو
قصي : اي نوض ي ايهم ورانا فيقة بكري
خلاص كلهم توزعو ايهم وقصي ف دار وعماد وغسان ف دار اني ومحمد بروحنا شروق وابراهيم بروحهم وريان وروان معاهم سوجي وملك قالو يبو يهدرزو ونساوين كلهم ف دار وحدة يبو يقرمو وًوبو محمد بروحه🖤 وملاك بروحها
خش محمد
محمد : شني بندورة
اني : شنو
محمد: خيرك منعتي
اني : اممم م في شي ! بعدين برا للجين شن جايني
اني كنت نتكلم مع محمذ وعاطياته بظهري
محمد : نتكلم معاك شوفيلي
اني : مش حنشوفلك برا للجين
محمد حضني من خلف
اني : تي حول ي بارد برا
محمد : قداش عندي فرح والله نحبك الله وكنت نبيك تغاري
اني : انت قتلتني مش خليتني نغار
محمد : نحبك والله
اني : نموت فيك، تعرف حاسه بالم ف معدتي
محمد : شنوو الم شن في
اني : متخافش مش هلبا
محمد : فرحح ارتاحي نمشي نكلم اممي
اني : محمد خيرك الم عادي يعني