يوميات زوجية 2 💜

36 الاخيرة

قصي : امممم فرح محمد
اني : خيره شن في !!
اني وقفت وخلاص بديت نرعش الخوف ركبني
قصي : محمد دار حادث
اني بديت نعيط ونبكي وجيت واقفة قدام قصي وشديته من ايدديه
اني : قصييي بالله عليك قولي انك تكذببب قصيي منقدرش منقدرش كيف محمد كيف منقدرش نعيش بدونه وينه هو وين حادث شنو
قصي : امس مجاش من تركيا دار حادث انقلبت بيه سيارة اتصلت بملاك قالتلي انه حالته خطر ومفيش امل، حجزت طيارة وحنمشي بعدين جيت بنقولك شركة تحت مسؤليتك
اني : ككيف تي اما شركة تي نبي محمد ارفعننني قصي اني نبي محمد حي عليا محمد ي قصي
قصي : انتي مش قلتي انك معاش تحبيه
اني قعدت نخبط ف وجهي
اني : وووه عليا ي قصي كيف معاش نحبه تي اني نموت فيه اااه ي قلبي قصييي محمد حي عليا صغاري ي قصي حيقعدو من غير اب اني محمد نحبه نموت فيهه يا ريتني م قتله شي
عمر : فرح اهدي
اني : تي شن نهدااا راجلي حيموت
اني طحت ع ارض وجي قصي ينوض فيا ويبتسم
ققصي : امسحي دموعك
ووقفني وفجاءة خش محمد دار واني طول حضنته بعدين دفيته وضربته كف ، كف فشيت غلي كلهههه حسيت بهادا الكف يلي داره فيا سنين فاتو رديته
اني : خيرك انت بهيم فهمني!! معندكش مسؤلية يا راجل شن هادا يلي تدير ف امه!
اني فنصت ف قصي : وانت شن تحساب! وقت تلعب بمشاعر ناس هكي كويس برافو قصي ممثل وكذاب مفيش زيك عيب مش فيك ف خوك
قصي : فرح محمد دار هكي لانه يحبك ويبي يعرف لو تحبيه او لا
اني : تعرف حتى لو كنت نحبه ف هاللحظة كرهته تعرف محمد متمنيه معاش نشوف وجهك امنيه حياتي
اني شبحت لعمر
اني : عمر اني نحب محمد صح بس توا نكرهه ومعاش نبي نشوفه اني مفروض نكون مع شخص يلي حبني وقدرني ا
اني شديت يدين عمر
اني : عمر انت شخص يلي مفروض نحبكك وغدوا فاتحتنا حنبدا مرتك وحنعيشو مع بعض وصغارنا
اني رجعت لمحمد : نكرهك اقسم بالله نكرهككك
طلعت برا مكتبي ومشيت طبعا بعد مكتبي طول في مكتب محمد اني جيت ماشية ف ممر محمد لحقني جبدني من يدي دخلني مكتبه وسكر عليا بالمفتاح
محمد : شوفيلي
اني : حول من قدامي اني لا نحبك ولا نبي نشوفك ولا نسمعلك بس متمنيه انك تفوتني لان من غدوا حنكون مرة غيرك
محمد : متاكدة من يلي تقولي فيه؟ تبي تنهي حبنا؟ تبي تشتتي عيلتنا؟ تبي تنهي صغارنا تخليهم من غير اب ؟
اني : اي متاكدة اني حنكون الاب لصغاري وعمر موجود حيحسهم بحنيه الاب يلي مخدوهاش من شخص زيك ! اي ونبي ننهي هالحب يلي كان كذبههه هاللحب يلي مبني ع نفاق، اني نكرهككك يا ربيي خوده من حياتتتتتي ، تعرف لو تطلع من حياتي ومعاش نشوف وجهك حيكون احسن شي ف حياتي
محمد دموعه نزلو
محمد : را كلام يلي تقولي فيه صعب
اني : اي صعب ميهمنيششششش بككل
باب المكتب قعد يطق وكان عمر يعيط ويقول افتح ي محمممد
اني : حول من باب خطيبي يراجي فيا ، مش خطيبي راجلي وحبيبي عمر
محمد : شوفي عيوني وقوليلي ي محمد اني متاكدة من كل يلي درته اني نبي عمر! معاش نبيك ! واقسم بالله يا فرح لو قلتيها ماك شابحة وجهي مرة تانيه ونوعدك لو سحبتي كلامك حنرجعو لبعض زي قبل واحسن وحنصلح غلطتي
اني شبحت عيون محمد يلي كانو معبيات خيبة امل ودموع ومن جهة شفت لروحي للشي يلي داره محمد
اني : اي متاكدههههه
محمد فتحلي باب اشرلي متاع تفضلي اني طول طلعت شدني عمر
عمر : فرح خيرك
اني : عمر اني بنروح حوووش
قصي : فرح اسف
اني : لو سمحت معاش تكلمني
طلعت برا شركة ركبت سيارتي ومشيت درست قدام شط شوية شهيق زفير شهيق زفير وخلاص لن هديت شوية ولعت سيارة ومشيت حوش ❤️
امي : بنيتي
اني : نعم
امي : خيرك اسم الله كان هموم دنيا نزلت ع راسك
شروق : فرح هيا باش نطلعو ناخدو بضاعة فاتحتك غدوا راهه
اني : وين صغار
امي : طلعهم ابراهيم
شروق : تي هيا نمشو سوق
اني : بنركب نرقد بعدين نمشو ي شروق
ركبت داري بدلت حوايجي وطول راسي ع مخدة ودموع بس ينزلو
طق باب داري
اني : مني
امي : اني ي بنيتي
اني مسحت دموعي : تفضلي امي
خشت امي وقعمزت ف سرير وشدت يدي
امي : حاولي تخبي دموعك ع كل الا اني نعرفك ونفهمك
اني : منبكيش من قال نبكي
امي : فرح اني امك ونعرفك
اني قعدت نبكي ورقدت ف حجرها
" فعلا بعد الام مفيش صديق امك هي اقرب شخص ليك ، امك هي الانسانه يلي مستحيل تخليك ! مهما غلطتي امك جنبك تساندك ! اني من الناس يلي تبي تقتلني خود مني امي ، ربي يحفظ جميع الامهات ،محد يزعل امه او يكشخ عليها لانها نعمة وسند لينا💜، حافظو ع امهاتكم وربي يحفظهملكم كلكم ويرحم الموتى منهم💜"
امي : متبيش هالزواجةً تم؟
اني : لا خلاص نبيها تم
امي : متكذبيش عليا ي بنتي نعرفك تحبي محمد ولتوا تحبيه
اني : امي محمد حبي الاول والاخير منقدرش ننساه نعرف بس ي امي محمد يلي داره فيا حرام! وصغار يلي خلاهم! وخوي ابراهيم يلي قالي لو م تزوجتش ننساه!
امي : محمد دار غلط ورجع باش يصلحه متنسيش محمد وقف معاك هلبا ي فرح
اني قعدت نبكي
امي : اهدي ونوضي توضي صلي ركعتين لوجه الله وادعي من قلبك💜 واني حندعيلك وصدقيني ي بنيتي مش حيصير شي الا وانتي راضية عليه
اني بستها ع راسها
فجاءة خشو امير واميرة وملك نقزو عليا ف سرير
اني : ي حليلي منكم استاحشتكك
امير : ماما عيونك حمر تبكي؟ا
اني : لا لا منبكيش
اني دموعي نزلو ع خدي
ملك بدت تبكي معاي هي واميرة
امي : بنيتي شوفي صغارك كيف بدت حالتهم وقت انتي بكيتي اهدي ع خاطرهم ، امير واميرة وملك ماما مريضة خلوها ترتاح بعدين نجوها
ملك : نلا
امير : نبي امي
امي : هيا حبايبي العبو مع جداكم
طلعو صغار برا وامي طلعت اني درت زي م هي قتلي توضيت وصليت ودعيت قريب ساعة حسيت قلبي ارتاح حطيت راسي ع مخدة رقدت💜
.......
عند محمد خش حوش وطول ركب داره بدون اي كلام باقي عيلة شبحوه قربع باب وخش جري نزل شنطته من فوق دولاب وبدي يلم ف حوايجه
ام محمد : وين
محمد : مسافر طيارتي بعد شوية اني مسافر مؤبد ي امي نستقر غادي ونبعتلكم تجو البلاد هادي معاش قاعدين فيها ومعاش حنرجعولها ابدا
بتول : شنوووو
ام محمد : تي وين ماشي
محمد : امريكا
ام محمد : كيف تاخد قرار زي هكي ي وليدي غير صلي ع نبي
محمد عيط : ولا واححححد يناقشنننني بنمشي نرتب امور ونبعتلكم تجووووو
طق باب مشت روان فتحت كان قصي
قصي : وين محمد
روان : فوق
ركب قصي جري
قصي : ي راجل غير صلي ع نبي
محمد : حول وتي روحك قصي اني توا طيارتي ع امريكا يومين ونبعتلكم تجو
قصي : محمد اي شي قالاته فرح بدون قصدها
محمد : قالت م قالتش معاش يهمني ! اني نبي نطلع من اهني وخلاص
ولم محمد شنطته وباس راس امه وبتول وجداه
قصي : باهي اصبر نوصلك
محمد : قعمز سواق قاعد
طلع محمد ومشي 💔 وعيلة كلها متكسرة قصي حكالهم شن صار❤️
بتول : فرح مفروض مكابرتش!
روان : غدوا فاتحتها واني ممشيتلهاش لتوا مشقادرة نمشيلها هي زعلانه هلبااا خنتصل نقوللها
اتصلت بيا روان هلبا مرات بس نقالي كان صامت
روان : مردتش
ام محمد : نوضو كل واحد يوتي شنطته وكلمو سوجي
قصي : لا لا خليكم طبيعين لن نشوفو شن نهايتها
......
طق طق
ابراهيم : مني
عمر : اني
فتح ابراهيم باب وسلم ع عمر ودخله مربوعه
عمر : حاب نشوف فرح قبل فاتحتنا ي ابراهيم
ابراهيم : هي دقيقة ناديها
جي ابراهيم لامي وشروق
ابراهيم : امي اركبي فيقي فرح عمر يبيها ، شروق وتي قهوة
شروق : تمام حبيبي
..
امي : فرححح تي ياسر نوضي عمر لوطا
اني : عمررر، يا ربيي
امي : البسي بدلة صلاة وانزليله
اني : اوكي
لبست بدلة صلاة ونزلت لعمر
اني : اممم شن في
عمر : فرح لو تعزيني ممكن تسكتي وتسمعيني للنهاية
اني هديت براسي اي
عمر : شوفي اني مش ليك ولا انتي ليا انتي لمحمد ومحمد ليك ! منكذبش اني حبيتك بجنوننن حبيتك هلباا عشقتك ي فرح مش توا تي من قبل ايام جامعة وكل يوم حبي ليك يزيد ! بس اني يوم تاكدت ان مفيش حد ف دنيا كلها يحبك اكثر من محمد! واليوم اني شفت ف عيونك كمية حب مش طبيعية لمحمد ! خاصة بعد سمعتي انه دار حادث ! ي فرح مشفتيش روحك كيف هبلتي م تنكريش انتي تحبيه ي فرح! وحب مش حرام! صح مرات يلي نحبوه يجرحنا بس مش مفروض ننسوه! نعاقبوه وخلاص ! عاقبتي محمد بما فيه كفاية مش مصدق ان اني جاي شخصيا ونقول ف هالكلام بس ي فرح لو مش مفكرة ف مشاعرك ومشاعر محمد فكري ف هالصغار! شن ذنبهم يعيشو بدون محمد !
اني : عمر توا فات الاوان
عمر : م فات شييء ، حبك لمحمد قاعد كل يوم يزيد محمد كل يوم يحبك اكثر ، نسبة لفاتحتنا اني توا نلغي كل شييي ونقول ان اني رافض
اني شبحت لعمر وفرحانه وزعلانه
عمر : متقوليش شي عارفك فرحانه ، عمر يحبك بس محمد يعشقكككك
اني : ابراهيم ي عمر
عمر : ابراهيم عليا اني تو نكلمه هي، ابراهيم
جي ابراهيم : ايوا ، متقوليش بتمشي اصبر قهوة ف طريق
عمر : في موضوع نبيك فيه انت وامك وفرح
ابراهيم : انشاء الله خير
نادى ابراهيم امي وجت شروق مدت قهوة وقعمزت
عمر : اني نبي ننهي كل شي منبيش نتزوج فرح ، اسمعوني للنهاية بعدين تكلمو
ابراهيم : شنووو
عمر : حرام عليك ي ابراهيم! بين محمد وفرح في صغار! شن ذنبهم يعيشو بدون ام واب ! وفرح حبها الكبير لمحمد! ليش تخلي ف اختك تتعذب وتموت ميه مرة! صدقني محمد يحب فرح ويخاف عليها اكثر من حبك انت ليها!!! محد يحب فرح ولا حد حيحبها اكثر من محمد !
ابراهيم : عمررر متتكلمش فيه موضوع هادا وتفضل اطلع برا
عمر : مش حنطلع قبل م نقولك كلامي !!! شوف اختك شوف دموعها! اختك يوميا تبكي لانها بعيد ع شخص يلي تحبه! فرح بعيدة ع محمد وسعادة فرح متعلقة بمحمد ! محمد غلط اي صح معاك حق بس توا رجع واحسن من قبل ! حاول يصلح غلطته علاش منعطوش فرصة تانيه!
شروق : معاه حق ي ابراهيم
ابراهيم : انتي مدخلكش
شروق : تتفكر وقت خنتني مع رنا!!!!!!!
ابراهيم سكت
شروق : مفروض حتى اني منسامحكش امالا
طلعت شروق برا الغرفة وابراهيم قعمز حط ايديه ع راسه
امي مسحت ع راسه
امي : اهدا وليدي راه صح يلي قالوه محمد يحب اختك وهلبا فكر ف صغارهم ع اقل
ابراهيم شبحلي واني عيوني دموع طبعا القط كلي لساني مفتحتش فمي ومتكلمتش بككل
ابراهيم : انتي شنو تبيه محمد
اني دموعي نزلو ابتسمت هزيت براسي اي
ابراهيم تنهد : امالا اني معندي شن نقول اني موافق انك ترجعيله
فجاءة جي امير وباقي صغار ينقز و
امير : ماما
شبح امير لقي عمر
امير : رجالة اخر زمن شن جابه، ماما خشينا غرفتك نبوك لقيناك مهناش ونقالك يشرين شوفيه
خديت نقالي لقيت قريب خمسين مكالمه من روان عاودتله
اني : انشاء الله خير خيرها
امي : ردت؟!
اني : الو روني
روان : حمدلله ع سلامتك يلي رديتي مفيش وقت للكلام فرح محمد مشي مطار لحقي عليه كان بتلححقي راه محمد حيسافر مؤبد لامريكا وحيبعتلنا احني نجو ي فرح محمد حيضيع منك بككككل
اني طاح مني نقالي ومعاش قدرت لا نشد روحي لا شي
ابراهيم : تي شن فيككك
اني : محمءمد محمءد
امي : خيره
اني : ي امي طيارته توا حيسافر مؤبد لامريكا! معاش حيجي
ابراهيم : لا لا البسي فرح اهو اني نوصلك مطار
عمر : لا لا خليك هيما اني سبب بعدتهم واني نبي نردهم
امير : ماما بنمشي
شبح امير لعمر
امير : بدي يعجبني 😂❤️
اميرة : ماما ارفعينااااا
اني : هيا هيا تعالو كلكككم ملك هيا نبدلو ونجو
بدلت للصغار بسرعة وبدلت اني وجيت نازلة
اني : ماما بنمشي
امي : مجرد م عرفتي انك ماشية لحميدة وجهك نور
اني : ادعيلي
طلعت مشيت لعمر وصلنا مطار نزلنا❤️ ملقيتش محمد
اني : لو سمحت نادو ع طايرة امريكا؟
الشخص : اي اي قبل شوية نادو عليهم
اني : حي عليااا
عمر : اهدي خنمشو للراجل نقنعوه بالك يدخلنا
مشينا للراجل متاع شرطة يلي واقف ف باب يدخل مسافرين بس يلي عندهم جوازاات وتاشيرة
اني : بالله عليك موضوع حياة او موت خليني نخش
الراجل : ممنوع ي اختي ممنوع
عمر : ي خوي هي مرة
اني : تكسب فيا اجر
احني قاعدين نقنعو ف راجل امير واميرة وملك خشو ف فتحات متاع حدايد وخشو وشدو ايدين بعض وقعدو يشبحو يمين ويسار
اميرة : اهواا بااابا
امير : اي
امير واميرة وملك : بااااااااااابااااااااااا
محمد لاد واستغرب وهما ناضو يجروله هو قعمز ف ارض وشدهم
ف نفس وقت عندنا برا❤️
اني : وهادا يلي صار نبي راجلي والله دقيقة ونطلعه
الراجل : هي بس حتخش تفضلي
عمر : تمام
خشيت قعدت نشوف يمين طول لقيت محمد شاد صغار
..
محمد : شن جابكم انتم
امير شبح وراه لقاني اشر عليا اني ابتسمت لمحمد ودموع ف خدي وجيته
اني : معقولة ناوي تخليني
محمد حضني ❤️❤️❤️❤️
محمد : اااااه ي فرحححح قداش محتاج هالحضن تي وينك ي فرح وينك توااااا
اني : نحبك ي محمد ربي م يبعدنيش عليك
محمد باسني ع راسي
امير : خلاص نحو ناس بدو يشبحولنا
ملك : 😂😂
محمد : تضحك الصغنونه
جي راجل متاع الامن
الراجل : ي مدام اطلعي حتسسبيلي مشكلة
اني : هي
محمد : جاي معاكم باهي محطيتش شنطتي
طلعنا لقيت عمر جي علينا
محمد : شن جابب امه
اني شديت يد محمد : هو سبب رجوعنا لبعض اقنع ابراهيم تو نحكيلك حبيبي
محمد : ترا عاويها كلمة
اني : عيب صغار وعمر جاي
عمر سلم ع محمد : واخيرا ابتسامة رجعت لفرح ربي يحفظكم لبعض انشاء الله
محمد : تسلم ويحفظك
اني : شن مشاريعك توا
عمر : حنرجعو امريكا لان اساسا علي عنده خدمة غادي
امير : بابااا قميني
اميرة : حتى اني
محمد حط امير فوق كتوفه وقام اميرة ويبي يقيم ملك اني خديتها منه وقمتها❤️
.....
بعد مرور شهر طبعا اني ومحمد انقريت فاتحتنا ودرنا حفلة صغيرة حلوة ❤️ غادة وعلي وعمر رجعو امريكا ملاك جت من تركيا زيارة وروان حامل
كنت واقفة ف بلكونه وريح تجي مصقعه الجو ليل حلو هلبا جي محمد من وراي غمرني
اني : حوللل
محمد : صقع خشي
باسني من خدي وشد بطني
محمد : شن نسموه هادا
اني : تسال فيا ع اساس بتاخد رائي 😂 ماه بتدير يلي ف راسك
محمد : حرام عليك اني نحب ناخد رايك غير هيا نخشو
كنا ف حوازة اني ومحمد وصغار لينا يومين غدوا محمد مداير عزومة للعيلة ع خاطر حملي 💜 منها فرحة ومنها ينلم شملنا كلنا
دخلني محمد دار وبدي يلعب بشعري
محمد : اطلقيه شوية
نحى محمد توكه وقرب مني هلباااا
محمد : تعرفي شنوو
وخشو اميرة وامير وملك وبدو ينقزو فوق سرير
محمد : تي هادو شن منتفكاش من قصي ، مش قلنا طقو باب عيب
امير : شنو عيب
اني : عيب وخلاص
اميرة : ماما يبي يبوسها زي فيلم عيب
اني : لا لا الباين تلفزيون بنلغيه بالرسمي
ملك : مامااا نبو نرقدو جنبكم
محمد : واللهي داركم انت وياها هي قدامممممي
امير : انلاا نبو اهني
اني : محمد حبيبي خليهم يوم
محمد : تي شن خليهم هادي واحد ميقضيش يوم مع مرتهه من صبح وانتي صغار صغار
اميرة : بابا هيااا
اني : هيا حمادي نرقدو جنب بعضنا كلنا خنوض نديرلكم كاكاو سخون حلو
محمد : قعمزي حامل را، اهو اني نمشي نديره ونجي
مشي محمد دار كاكاو وجابهولنا شربناه بعدين رقدنا كلنا ف سرير واحد 😍💜
.......
ثاني يوم
فقت ضميت حوازة وبخرتها قعمزت ف كوجينة نوتي فطور جي محمد
محمد : صباح شلال
اني : علاش هدا كله
محمد : تو امس قربت منك هكي خشو صغار قصدك بنقعدو هكي يوميا
اني : محمد اطفال هادم عادي حبيبي
محمد : تي شن عادي واحد يبي يتهنى مع مرته شوية
اني : باهي اتهنى وقت بروحنا
محمد : اااه قصدك زي توا بروحنا
جي محمد قرب مني لن لصقت ف ثلاجة
اني : محمد بيخشو علينا عيببب
محمد : شن هو عيب درت حاجة اني حتى ايديا فوق
اني : مدرت شي
باسني محمد
محمد : شوية وعيلة يوصلو بنبدل ونوتو طاولة برا
اني : بدل للصغار حميدة بنوتي حاجات طبخ
محمد : شن رايك نرضعهم؟
اني : مصحوجهك صغاري بروحي !
اني شديت الموسس
اني : تكلمم جايبتهم بروحي
محمد : حءءاضر حءاضر تو نبدل ونرضع وندير كل شي اي اوامر تانيه؟
اني : متمشوش الا بالعين الحمراء
محمد : راجعلك لاكن مش توا
ركب محمد بدل للصغار
واني نوتي ف حاجات لن جو عيلة محلاها اللمة ملاك وسوجي وروان وقصي وامي وباراهيم وشروق وصغار يلعبو مع بعضهم😍❤️
كنا كلنا مقعمزين برا ومحمد وابراهيم وغسان وقصي جهة شواء
اني : غسان وشباب برو يبوكم نساوين
قصي : تم
مشو كلهم اما محمد قعد كان يشوي
اني : اعطيني طرف
محمد : عارفتيني مستحيل نعطي لن تطيب كلها
اني : ع خاطري طرف
محمد : لا
اني : محمد مبردك حامل تطلع ف عيل
محمد : انشاء الله تطلع ف جبهتها مفيش
اني : باهي
ومشيت شدني من يدي وردني ليه وكان حاضني ❤️✨
اني : محمد مرة هادي مش صغار بس مرة هادي عيلة كلها حول
محمد وكلني طرف شواء
اني : وليش متعطيهاليش من بكري
باسني محمد ع خدي
محمد : ربي م يحرمنيش منك ي فرح نحبك ي ام صغار
ساجدة : محمد وفرح مش وقت رومنسية را
اني نضت من ع محمد
اني : ااا لا لا كنت بنطيح محمد
محمد : وين ملح بندير تتبيله
ساجدة : تتبيله شنو هادي دجاج متبل انت تشوي ، مهم خلي شواااااء تعالى غادة
اني : شن في
ساجدة : تي هيااا بناخدو كم صورة للذكرى
مشينا كلنا محلاها هالجمعات💜
قصي : اسمعووو اني اهم واحد بالتريس وبدون احراج جمال حيغطيكم كلكم باش هكي اني حنتبرع ونصوركم باش تبانو
محمد : بشوية جوني ديب
روان : عندك حق والله الضي الهلبا يعمي العيون😂😂😂😂 ويكون ضارررر
قصي : اوقفي اوقفي وانتي زي دولاب المتحرك
روان : والله
ساجدة : بدو العواويل
قصي : عواويل خير من بعض ناس امس تتفرج ع سكوبي دو وتضحك
ساجدة : غساننن قلتلهم
غسان طبس : شن نديرلك ضحكتيني حق
شروق : شن هادا كل زوجين يتعاركو الا اني وبرهومتي
ابراهيم : تي اي كتففي جبدتيني حسيت شاحنه ركبت فوق
شروق : يعنشكلك وشكل يلي يبي يدير معاك رومنسية برا انتحر
ملاك وشوشت لقيس : شنو احني مش زيهم
قيس : احني مميزين
ملاك ابتسمت
قصي : خلاص خلاص اميرررر اوقف ياسر تكحل ف بنات رايح زي بوك
محمد : زي عمهههه يلي ف شركة كل يوم يقولي من هالطرف سمعتي ي روان
روان : طرففف
قصي : حرام عليك ي راجل تبي خوك يموت ، تي كنت نقول من طرف باش نطردها منرضاش يكون في طرف بعدك يا عمري
قصي : هي هي خودو لقطات
كل حد خدي وضعية واني ومحمد كنا جنب بعض
امير : وقفوووو
ابراهيم : تي خيرك
امير : بابا بوس ماما زي امس باش لقطة تجي حلوة
وعيلة كلها تنفلق ضحك واني وجهي تقشر معاش عرفت شن ندير
محمد : اني ماشي نشوي ، كلام فاضي هادا مش صور
ام محمد : غير تعالللل جاي
اني : بنمشي نساعده
مشيت ورا محمد
محمد : فرخك يبي قص لسان
اني : الغلط من بوهه
محمد : فرح متخلينيش نشدك اهني قدامهم وعارفتيني نديرها
اني : لا لا اسفه غلط مني
محمد شد يدي وباسها بعدها طلع سنسل من جيبه
محمد : رغم ان علاقتنا راحت الا ان هالسنسل مراحش
اني : طول مدة غيابك كان ف رقبتي
محمد : وين
اني : كنت ندسه تحت حوايجي
محمد : ربي ميحرمنيش منك💜
وهادي كانت رواية يوميات زوجية كانت طويلة ولا😂💜؟ رواية يوميات زوجية مش مجرد كلام هي واقع او حياة يوميه حق اني بروحي تعلقت بيها وني نكتب ، مش مجرد كلام فيها عبرة، اول شي طلاق مش نهاية دنيا بالعكس مراءة مطلقة من اقوى نساء العالم وقت تشد روحها وتخدم ع راسها! مش كل شي راجل ! ، نسبة لساجدة مش شرط تاخدي يلي تحبيه ! مرات ربي كاتبلك الخير ف شخص تكرهيه! لو غلط يلي نحبوه نعطوه فرصه مرات يصلح غلطته محمد غلط وتعاقب وحمد لله حصل فرصته💜 فرح ، نتعلمو منها صبر شوفو كل شي صارلها كان ايمانها قوي بربي صبرت روحها ع خاطر صغارها ف نهاية نالت يلي هي تبيه ، وسامحوني ع ملك اني متاكدة انها اثرت فيكم بس الموت حق ولازم ف كل حياة مهم شكرا لاي شخص دعمني بجديات كنتو تغيرولي ف جوي بكلامكم