يوميات زوجية 2 💜

4

محمد : فرححح
كانو محمد عيونه حمررر ومعبيات دموع اول مرة نشوفه هككي
محمد : فرح بجديات متاكدة
اني : انلا مش متاكدة تي يعني شن لو مش متاكدة را مقتلكش 😂❤️
محمد : فرح يعني انتي حامل
اني : اي يعني اني حامل
محمد : كيف حامل
اني : اه يعني في ولد داخل بطني وبعد تسعة شهور حيطلع للدنيا وبعد مدة يقولك باابا
محمد اضبطني مرة ثانية وعيونههه كلها فرح ❤️😍
محمد : فرححح مش مصدق
اني : اجعنك ولا صدقت ليا ساعة نشرح 😂
محمد : تعرفي ف عجديد نبيك تقعمزي فسرير بسسس جو فلبينيات يلي كنتي تديريه متاع نظف اكنس اغسل قيم معاش نبيه
اني : محمد مش ف شهر تاسع اني
محمد : اي خليك هكي لن توصلي ف شهر تاسع
.............
ابراهيم : الو حبيبتي
؟؟ : اهلين هيما شنجو قلبي استاحشتك
ابراهيم : حتى اني والله
؟؟؟ : شنجوك انت
ابراهيم : كويس
ع خشت شروق
ابراهيم : اي اي غدوا باذن الله هي مع سلامة حميدة
؟؟ : واااك شكلها جت بعدين افضى كلمني
ابراهيم : تمم
سكر ابراهيم خط وجي شد شروق
ابراهيم : اني توا نازل حبيبتي م تبي شي ؟
شروق : لا
باسها ع خذها وجاي بيطلع
شروق : مفتاحكً
ابراهيم : اي اي
ابراهيم صح غير معاملته لشروق بس شروق كان قلبها غاممها حاسة بشي غلط حاسة ان هادا مش ابراهيم نفسه ❤️
امي : شروووووقً ابرااااهيمممم الحقووووو
ابراهيم : حي امي شن فففي
ونزلو جري ❤️ ولقوها فرحانه هلبااا
شروق : شن في اممي
امي : فرح حامل ي وليدي الحمدلله ي ربي فرحتي متنعطاش لحدددد توا اتصلت قتلي
ابراهيم : مبروكك بنولي خال يعني 😂💜
شروق : وني مرة الخال
..............
عند احمد رن نقاله ❤️
احمد: الو
؟؟؟ : اممم احمدد
احمد : انتي
؟؟؟ : احمد " وكانت البنت تبكي بالعبرة "
احمد : مع سلامة
؟؟؟ : احمد ع خاطر يلي كان بيناتنا متسكرش احمد بالله عليك حياتي من غيرك متسواش اقسم بالله غير افهمني
احمد : معنديش دوة معاك
؟؟؟ : احمد نبي نشوفك نتفاهمو
احمد : خيرك متفهميششش قلنا ....
؟؟؟ : احمد نبي نقولك كلام لان اني مشعارفة النفس يلي طالع مني حيرجع او لا مشعارفة كم مازالي ف هالدنيا
احمد : شنووو شن تقولي سمر !!!
سمر : 💔💔💔
احمد : ايوااا سمررر ردي نكلم فيك
سمر : احمد منقدرش نقولك ولا حررررف خلينا نتقابلو ونحكيلك
احمد : اممممم توا اني ف خدمة نروح ننفاهمو
سمر : تمام تو نكلمك ع فيس ❤️
............
نسرعو الاحداث شوية ف الليل بعد كل حد خش داره بيرقد ❤️
اني كنت نرتب شوية ف دار من فوق لفوق يعني جي محمد شد يدي
محمد : هههههي هههي وين معاش في مسان شي ردي بالك
اني : محممد
محمد : كلمهه هي ، هي ع نوم قدامي
.......
غسان : الو ساجدة
ساجدة : اهلا غسان
غسان : كيف حال
ساجدة : كويسة وانت
غسان : بنقولك ، نبي يوم نتقابلو نطلعو مع بعض
ساجدة : شنوووو شن تقول تافهه !!! شن هالتفاههه يلي عندك مصح وجهك تحسابني بنكسر ثقة خوي
وسكرت ساجدة ف وجه غسان وطول سكرت نقالها ❤️❤️
وغسان بعتلها رسالة " مكانش قصدي يلي فهمتيه ! كنت نبي نطلع اني وانتي وامك وامك وغادة بس شكرا ❤️ "
............
احمد كان يتكلم مع سمر مكالمة
احمد : سمر خوفتيني شن في
سمر : نحبك يا احمد
احمد : اني خاطب
سمر : عارفة
احمد : ونحبها هلباااا ومنقدرش نعيش بدونها اقل شي هي مخلتنيش ، مهم فوتي شن كلام يلي قلتيه امبكري!!!
سمر : مخليتكش والله م خليتك 💔💔 منقدرش نقولك توا
احمد : تمام مدة هادي عندي خدمة الخميس نتلاقو
سمر : عادي وين تبي انت
احمد : نتلاقو ف كافي£)/£ ساعة ستة تمام؟
سمر : اوكي
احمد : توا بنسكر نهدرزو ع الفيس ❤️❤️
وكيف سكر احمد اتصلت ملك طول
احمد : حبيبتي
ملك : خيرك ساعة نتصل مشغول
احمد : هادي ...
ملك : مهم فوت شنجوك يوم وامتى روحت؟ حقا وقول مبروكك بنبدا عمهه 😍😂
احمد : الله العقبة لينا يا رب فرح حامل
ملك : اي امين
احمد :: اني مصليتش نصلي ونهدرزو واتس
ملك : اوك
سكرت ملك ومشي احمد صلى وجي قعد يهدرز ع سمر وملك كل هذرزته مع سمر يحكيله ع ملك وكم يحبها وع طيبة قلبها ❤️❤️
......
روان : حبيبي ياسر زفت
قصي : مش مصدق غدوا بنمشي مكتب مع محمد اني وفرح شن نلبس قاعد
روان : ي مهبول توا بنسكر بنرقد وانت ساعة تتكلم ع خذمة
قصي : اسففف اسففف خلاص عاش نحككي عليه نوعدك  نبي نهذرزو مازال
روان : انلاااا
قصي : ليشش نم
روان : قول كلمة حلوة تو نقعد
قصي : نحبك يا دولابي
روان : دولااببب شن قصدك!!!
قصي : ماه دولاب يعني دولاب اسراري وحب حياتي فهمتي 😍
روان : حلوة الرومنسية هادي لاكن
.......
كنت راقدة اني ومحمد
فجاءة محمد ينوض ؛ فرح انتي حامل
اني : اي اني حامل
ويرجع يرقد خمسة دقايق ويفيق 😂❤️
محمد : متاكدة انك حامل
اني : اي حامل
ويرقد ويرجع يفيق
اني : محمد اي اني حامل ياسر عاد خلينا نرقدو
محمد : 😂
اني : حميدة اني نقرا صيدلة شن جابني لادارة الاعمال يا محمد
محمد : عادي نبيك تكوني جنبي ومعاي شن فيها
اني : منفهمش
محمد : نبيك تعطي رايك ف تصاميم وخلاص وني نعلمك اي شي تبيه حبيبتي
اني : تمام
محمد : ماه حتى قصي حيط م عارف شي 😂💔 وفرحان مشي شري بدلة رسمية
اني : تمام ، محمد
محمد : نعم
اني : خاطري ف جيلاطي مصقععععً
محمد : والله تندري ساعة كم !!!
اني : باهي شن دخلي خاطري فيه
محمد : تمرقدي تمرقدي
وكيف حط راسه ع مخدة بيرقد ورجع فاق 😂❤️
محمد : فرحح انتي حامل يعني تتوحمي ويحي خاطرك ف حاجات هي خنمشي نحيبلك ونجي
اني : تعالللل
لبس محمد ولاد نص محلات الا اخر محل لقاه كيف بيسكرررر خدي منه جيلاطي وجي 😂❤️
وني ناكل وناكل محلاه تعرفو وقت واحد يجيبلك يلي يبيه شكلي بنستغل موضوع الحمل 😂❤️
محمد : ياسر ارقدي موعدنا ف مستشفى صبح بكري
اني ؛ اي
نسيت نقوللكم خديت موعد لدكتورة نساء
رقدت اني ومحمد
تاني يوم فقنا صبح بكري اني ومحمد بدلنا ودوشنا ، محمد لبس بدلة رسميه كالعادة لونها اسود 😂💔 اني قررت نفاجاءه شوية ونلبس شي رسمي لبست بدلة رسميه لونها احمر وسوريه بيضاء ومعاها وشاح قوتشي بيج فيه خط احمر ولبست كعب بيج ❤️
طلع محمد من حمام وقعد سارح يشبحلي
محمد : لو نعرف هالجمال كله حيطلع راه من قبل قتلك حتخدمي معاي ف مكتب
اني تحشمت وطبست راسي
محمد : احمر حموري ملخبطلي اموري 😂😂☹️
اني : حتى انت طالع حلوووو
قعدت نسكر لمحمد ف سوريته : هيا باش منتاخروشً ع دكتورة حبيبي موعدنا قريب
محمد : حاضر يا قلبي
نزلت اني ومحمد شادين ايدين بعض ولقينا عيلة موتين فطور
ام محمد : متقولوش متبوش تفطرووو راه حتبدو ثلاثة مش زوز بس
محمد : حتى لو منبوش نفطرو غصب عن انسه فرح حتفطرو 😂💔
ساجدة : ايوا فرح احمر حموري ملخبطلي اموري 😂💔
اني : شن هادا فعلا محمد خوكك نفس جملته😂
قعدنا نفطرو وبسرعة كملنا
محمد : حمدلله موعد دكتورة
وفجاءة ينوض محمد من كرسي وينفلق ضحكككككك
محمد : مش قادر مش قادر نشد روحي 😂😂😂
ساجدة : وووه عليا بنموت😂😂😂
ملك : عيب متضحكوش 😂😂😂
بتول :بتول تي انتي بروحك تضحكي واكك😂😂
ملاك : فوتو خوي ايوا 😂😂❤️
نشبح قصي نلقاه لابس بدلة رسميه لونها ازرق ملكي متاع محمد هي طالعة كبيرة عليه ومنظرها يضحكك😂😂
اني : شنو قصي نقولوله ازرق زرقيني ميخليش النوم يجيني 😂😂😂 قصي : مبردكم شن تضحكو
محمد : توً واخد بدلتي وبكل ثقههه تحساب روحك عضلاتك زي عضلاتي ولا كيف؟ تي وين بدلتك يلي شريتها
قصي : تي جسمي خير ممن جسمككك
محمد : نتحداك ، ننحي هههي
محمد جاي بينحي بدلته😂
بتول : قصي بدون م تحشم روحكك😂
قصي غير موضوع وجي باس حناه : شنو حناي بنطيحً بنات مكتب كلهم ولا 😂
محمد رجع يضحك ع قصي 😂😂😂💔
محمد : غر اسمع توا ماشين مستشفى اني وفرح نمشو ونجوً نخطمو عليك حاول تلبس بدلة رسميه من ساجدة مرات تجي عليك مزبوطة ومرات واسعة
ساجدة وقصي : شنووووو
ساجدة : قصدك اني سمينههه
قصي : تو قارني بساجدةً خلاص ضاقت 😂
غمز محمد لقصي وني دبتتتتتتت وشد يدي وطلعنا مشينا عيادة ونراجو  خمسة دقايق نادو اسمنا وكنت خاييفة هلبا ومحمد محولش يده مني ❤️ رقدت ع سرير ودكتورة حطتلي جهاز ع بطني وقعدنا نشوفو ف جنين ف شاشة كان باين شوية مش هلبا بعد كملنا قعمزنا نتاهمو مع دكتورة ❤️❤️
محمد : اي شنو دكتورة
دكتورة : لا كويس حملها ليه حاليا ستة او خمسة اسابيع ، تدير بالها ع روحها وتاكككل اهم شي ، وطبعا عارفين قيم رزين لا بندول وحبوب مسكنه لا تبعد منهم مدة هادي وانشاء الله خير مدام فرح
اني : انشاء الله ❤️
محمد : شكرا دكتورة
طلعنا
اني : خيركك مبتسم😂
محمد : وفي حد يعيش اللحظات هادي وميبتسمش! هي خنخطموً ع قصي
مشينا جبنا قصي ❤️ واخيرا غير لبسته لبس سروال اسود وتيشرت ابيض فيه رسمه ع اسود❤️😂
اني : كويس قصي غيرت اللوك متاعك
قصي : شكرا فرح حتى انتتتي
..........
احمد : الو
سمر : اهلين حميدة كيف حال
احمد : كويس سمر وانت
سمر : كويسة
احمد : قاعد نبي نعرف شن موضوع وشن كلام يلي قلتيه
سمر : قريب تعرف خلاص
احمد : وهادا اخر لقاء بيناتنا ولا ؟
سمر : اي باذن الله احمد ❤️نحبك
احمذ :...
سمر : مش مستنياتك ترد نعرفك تحب هديكا ملك ولا شن اسمها
..........
الاخت ساجدة كيف شبحت رسالة غسان يلي شرحلها شن كان يقصد باللقاء 😂💔
ساجدة " حي قداشني غبية شن ندير! نكلمه ! مصح وجهي !! نفوته !! شن نفوته منحبش حد يزعل مني ! خنكلمه وخلاص
اتصلت ساجدة بغسان وغسان مردش
ساجدة " جت منك ي جامع خننزل ناكل خير"
نزلت لوطا
ملاك : بنات شن رايكم خميس نطلعو نمشو منتزه وسوق ؟ احني ك بنات طبعا بدون عزايز😂
ملك : اي عاددي
ساجدة : اصلا نبي سوق ، خلاص نكلمو فروح ونمشو
ملك : نوضو نوتو غدي باش بعدين يجو يتغدو ، ماما اتصلتي بفرح شفتي شن صار معاهم؟
بتول : اي اي كلمناهم قالوً كويس حمل فرح ليها شهر ونص حامل وكل اسبوع عندهم موعد يوم 😍
ملاك : امممم بنركب دار م تبو شي
ركبت ملاك دار وقعدت ف دار تبكي 💔💔
.........
شروق كانت تغسل ف حوايج لاكن لقت شي ف سورية ابراهيم خلاها تنصدم
شروق : ابراهيمم
شروق : بس ...