في كافيه على البحر
تجلس توبا بطلت حكايتنا مع صديقتها الأنتيم ميرنا
توبا : مش قادره اصدق مراد خطب وأتجوز في أقل من سنه , بعد ماسبني وكان مفهمني ان ظروفه مش هتسمح انه يتقدملي
ميرنا : حذرتك كتير وقولتلك ده بيلعب بيكي , لو كان بيحبك بجد كان من اول مره نزل فيه أجازه كان اتقدملك .... كل كلامه كان واضح من الاول انتي اللي كنتي مغميه عينك
توبا : خلاص بقى اللي حصل ما تبقيش عليا انتي كريم اللي كل ما يشوفني يقولي حذرتك وقولتلك
ميرنا : مهو عنده حق كل مره مراد كان يسيبك تجري على كريم تحكيله ويقولك ابعدي عنه وطلعي من دماغك , ما تسمعيش كلامه وتجري تاني عليه اول ما يكلمك
يقطع حديثهم إتصال على موبيل توبا
توبا : يوووه مش هنخلص من الزن ده
ميرنا : ميين يا بنتي اللي بيزن
توبا : بتزن مش بيزن ..... دي أسما صاحبة سلمى مش حكتلك يا بنتي على عريس اللي عايزاني اكلمه
ميرنا : يــــــــــــاه هي لسه بتزن . مش قولتلها مش هينفع تكلميه كده على النت
توبا : غبيه مش عايزه تفهم وراحت اديتله الاكاونت بتاعي على فيس بوك وخليته عمال يبعتلي في رسايل ... دي اصلا تلاقيها بتقولي ردي عليه
ميرنا : طب ما تجربي يا بنتي , حاولي تخرجي مراد من دماغك بقى شوفي حد جديد
توبا : هتكلم مع كريم وأشوف كده , انتي عارفه مههدني لو محكتلهوش بعد كده كل حاجه هيخاصمني
*اعرفكم على الشخصيات
توبا بطلة روايتنا بنوته عندها 25 سنه بشتغل في بنك وكانت بتحب مراد
ميرنا صاحبة توبا الانتيم وجوزها كمان كانوا كلهم شله مع بعض في النادي عندهم ولد وبنت و توبا بتعشقهم
كريم زميل توبا في البنك ومن اول يوم اتعرفوا فيه ببعض وهما بيتعاملوا كأنهم اخوات وتقريبا أقرب صاحب ليها بعد ميرنا طبعا
مراد اللي كانت بتحبه توبا وده كان من شلتهم في النادي مهندس وعايش مع اهله في دبي , كان واعد توبا بالجواز وفجاءه بعد واتحجج بظروفه , اللي اتفجائت توبا بعد فتره انه اتجوز بنت عمه بعد ما سابها بسنه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أنت تقرأ
معجزتي أنا "كاملة"
Romanceالحدوته المره دي مختلفه يمكن فيها جزء حقيقي و جزء ياريت يبقى خيال .... هتكلم فيها عن العنف اللي بتتعرضله المرأه وبيتظلم فيه الاطفال , وكمان عن اطفال متلازمة داون وازاي الناس بتتعامل معاهم في المجتمع يارب تعجبكم
