بعد اسبوع ابتدت حالة عاليا في الاستقرار وطمأنهم د/شريف انها خلال ايام ستستعيد وعيها بالكامل .... وخلال تلك الفتره كانت توبا ملازمه لها في غرفتها لا تتركها ابدا , وكان مراد يأتي كل يوم مع أحمد للأطمأنان عليها مما اصاب غضب كريم
كريم : يوووه هو إيه اللي جاب ده تاني هو كل يوم هنا , مشيرأ إلى مراد
مها بغضب : اللي يشوفك كده يقول إنك غيران على توبا
كريم : مش غيره يا مها بلاش استعباط انتي عارفه توبا عندي إيه , الحوار كله اني خايف عليها وجود مراد تاني في حياتها هيأذيها انتي مكنتيش تعرفيها زمان ايام مكانت مرتبطه بيه , كان مبهدلها وتعبها وفي الاخر سابها بعد ما اتفق معاها انه جاي يخطبها وراح اتجوز واحده تانيه , مراد ده اصلا سبب اختيارها لحسن
مها : معتقدش توبا لسه بالسذاجه دي , وخلاص حياتها اتغيرت مع لولي ربنا بس يشفيهالها وتقوم لينا بالسلامه
كريم : يارب انا بجد حاسس اني لو خلفت مش هحبهم قد حبي لعاليا , دانا مش عارف انام من وقت اللي حصل
مها : حاسه بيك يا حبيبي عارفه لولي دي جزأ من حياتنا , هنا وياسمين متأثرين اووي منى اختك بتحكيلي وكل يوم يسألوا عنها
كريم : هي لولي كده مين يعرفها وميحبهاش , مها انتي كويسه
مها كانت ابتدت تشعر بدوخه
مها بأرهاق : معرفش من يوم تعب لولي والدوخه دي مش مفرقاني
كريم : طيب تعالي نروح لدكتور احنا في مستشفى يعني
وفجأه تخرج توبا وهي فرحانه تصرخ: بااابي مامي لولي فاقت
يجروا جميعا لغرفتها ويستدعوا دكتور شريف والطبيب المشرف على حالتها
لولي بتعب : مــــــــــــــامي
توبا بفرحه وهي تبكي : عيون مامي قولي يا قلبي عايزه ايه
لولي : مهاميهو عندها بيبي
يضحكوا جميعا
توبا : لسه يا لولي يلا ادعيلها زي مهي بتدعيلك علشان تخفي
تفتح لولي عينيها : ااايه ده هي لولي فين
علاء : لولي في المستشفى كانت مجننانا عليها
نسرين : حبيبة نانا يلا قومي وخفي بقى نانا وجدو هيموتوا عليكي
أنت تقرأ
معجزتي أنا "كاملة"
Roman d'amourالحدوته المره دي مختلفه يمكن فيها جزء حقيقي و جزء ياريت يبقى خيال .... هتكلم فيها عن العنف اللي بتتعرضله المرأه وبيتظلم فيه الاطفال , وكمان عن اطفال متلازمة داون وازاي الناس بتتعامل معاهم في المجتمع يارب تعجبكم