معجزتي أنا "كاملة"

الفصل السادس والعشرون

خرج حسن من عيادة شرين وهو يفكر في سبب رغبة توبا او عاليه كما قالت له الطبيبه في ان تراه , وبمجرد مأن وصل البيت حتى وجد والدته و زوجته فوق رأسه 

والدته : هاااا الدكتوره قالتلك ايه , داهيه لتكون البيت عايزه تتجوز وتسيبلك البت المجنونه 

زوجته : بت مين اللي تسبهالنا , لااااا دأنا اسيبلك عيالك والبيت واروح بيت ابويا 

حسن بغضب : ما براحه عليا انتم الاتنين , مافيش الدكتوره بتقول البنت هي اللي طلبة تشوفني وقالتلي افكر وارد عليها 

والدته : دي حكايه المضروبه طلقتك مألفاها , هي بنتك دي تفهم ولا تعرف حاجه 

حسن : الدكتوره بتقولي ااه, حتى نبهت عليا ما أحكيش حاجه عن توبا خالص وجوزنا وانفصلنا ليه 

زوجته : تكونش طليقتك عايزه ترجعلك , وعامله البت حجتها 

والدته : وهي ترجعله ليه هو بقى حيلته حاجه خالص , ما مشاء الله عليكي قدمك كان نحس والواد يعيني مش لاقي يأكلكم 

زوجته : ليه وهو انا اللي كنت سجنته ورجعته من الخليج , ابنك وانا اخداه مأشفر وعلى حديده 

حسن : اقعدوا اتخانقم انتم , انا داخل قوضتي افكر برواقه ولما الغدا يخلص اندهوني 

زوجته في سرها : بينك حنيت للهانم وهتفكر ترجعله , بس على مين والله رجلي على رجلك حتى لو رديتها 

وبعد يومين 

غي منزل توبا تتصل بها شرين 

شرين : توتا صباح الخير احب ابلغك ان استاذ حسن اخيرا وافق انه يقابل عاليا ... وانا بعد اذنك طلبة منه المقابله تكون في النادي بكره 

توبا : بكره بكره 

شرين : وراكي حاجه ولا ايه , ممكن اجي اخدها واوديها انا 

توبا : لا بصراحه انا اللي ش مستعده اقابله خالص , وفي نفس الوقت مقدرش اسيب لولي لوحدها في الموقف ده 

شرين : طيب عمتا ماتقلاقيش انا هكون معاكم , بس اجمدي كده وامسكي نفسك مهما حصل , وحاولي مهما استفزك مترديش عليه 

توبا : يـــــــــارب يصبرني واليوم يعدي على خير 

 وفي الصباح استعدت توبا ولولي للخروج وعلى مائدة الافطار 

علاء : توتا متأكده انك مش عايزاني اجي معاكم 

توبا : يا بابي ملهاش لازمه ما كريم معايا وكمان د/شرين , كفايه كده مش عايزاه يحس ان احنا قلقانين منه