معجزتي أنا "كاملة"

الفصل التاسع والعشرون والاخير

 غادرت توبا منزل كريم وهي تشعر بالغضب من مراد ومن نفسها, فهي قد سمحت لنفسها في وقت من الاوقات ان تسمع لمراد وتصدق كلامه وهي تتذكر جيدا ما فعله معه زمان , وعلى الفور اتصلت بمراد 

مراد بلهفه : مش مصدق انك بتتصلي قوليلي انك فكرتي و وافقتي نكون مع بعض

توبا بسخريه : اه طبعا , ايه رأيك نرجع من بكره , بس خد بالك انا ملهوفه جدا اني اجيب اخ او اخت ل لولي وعلشان كمان يبقى في حاجه ربطه لولي بأولادك التلاته 

مراد متفاجئ: وماله اه طبعا لازم نفكر في حاجه زي دي , بس نرجع الاول 

فتعيد توبا الكلام ك يعني انت موافق اجيب اخ لولادك التلاته 

مراد يتلعثم في الكلام : ال ... تلاته , انتي انتي شوفتي منال 

توبا : كنت مستني ايه علشان هتفضل مخبي عليا ان مراتك حامل لحد ماتجبلي السبوع يوم فرحنا مثلا , كنت فاكر اني هصدقك تاني انت فعلا متستهلش حتى الوقت اللي ضايعته معاك زمان , ولا حتى لما افتكرت انك ممكن ترجع في صاحبي كصاحب عادي , هتفضل زي مانت كداب واناني ومش بتشوف غير نفسك بس 

مراد : توبا استني اسمعيني 

توبا : اسمع ايه تاني كفايه بقى , مش عايزه اشوفك تاني مهما حصل , وتوبا دي تنساها خااالص تنسى كل حاجه كانت بينا في يوم من الايام .... واسرعت بغلق الخط ووضع رقم مراد في ارقام الحظر 

وبعد اسبوع 

شريف : ايه يا توتا يعني بقالي كتير ما سمعتش صوتك , لو ماكنتش اتصل انا مش هتتصلي غير لو عايزه حاجه علشان لولي 

توبا بحزن : لا مش كده والله بس عارفه انك اكيد ما بتتصلش علشان مشغول , فقولت اسيبك براحتك 

شريف : يا ستي طب وحتى لو مشغول, مش تتصلي تسألي عليا , انا عارف اني مأثر معاكي يعني معاكم انتي ولولي 

توبا : لا يا شريف ولا يهمك 

شريف : مالك يا توبا في ايه مضايقك في حاجه حصلت من طليقك , ولا انتي مضايقه مني انا 

توبا : لا هضايق منك ليه بس 

شريف : طيب ايه حسن عمل حاجه تاني 

توبا : مش حسن يا شريف المره دي 

ووجدت توبا نفسها تحكي له كل شئ مع مراد , وما ان انتهت 

شريف: يــــــــــــــــــــــــــــاه انتي مش عارفه ريحتنيي ازااااي