معجزتي أنا "كاملة"

الفصل الرابع وعشرون

انهت توبا المكالمة مع شريف وهي حائرة فقررت  ان تتصل بميرنا لتأخذ رأيها 

ميرنا بأنفعال : يا بنتي مأحنا كلنا قولنالك د/شريف عينه منك واضحه اووي يعني انتي اللي مش مصدقانا 

تقاطعها توبا : يا ميما انا مش عايزه افكر في ارتباط ولا اي حاجه ومش ناقصه حاجه تلخبطلي حياتي 

ميرنا : توبا انا مش عرفاكي امبارح , انتي كل تفكيرك الفتره دي في مراد حاسه وشايفه نظراتك لما بتوشفيه 

توبا : لا طبعا 

ميرنا : بصي يا توتا عايزه تضحكي على نفسك انتي حره بس متضحكيش عليا علشان انا اكتر واحدف فهماكي , انسي مراد وحواراته مراد هيتسلى شويه وهيسيبك مراد ميقدرش يسيب مراته 

توبا : يا ميما مش عايزه يسيبها ومش عايزاه يرجعلي انا عايزه نفضل صحاب عايزاه , محتاجه جنبي اوي زي زمان مش عايزه اكون لوحدي 

ميرنا : ليييه يا هانم وانا واحمد روحنا فين , وكريم اللي تقريبا مهتم بيكي وبحياتك انتي ولولي اكتر من بيته 

توبا : كل واحده فيكم ليه حياته وبكره الدنيا هتشغلكم وهبقى انا لوحدي 

ميرنا بغضب : وهو احنا في حاجه بتشغلنا عن بعض , وبعدين هو مراد فاضيلك مراد يوم ولا يومين وهيتصالح مع مراته ومش هيعرفك تاني ..... لو هنتكلم بالعقل يبقى فكري في شريف اهو الراجل بيحب بنتك جدا وباين عليه انه بيحبك 

توبا : وهو انا لسه هحب واتحب وادخل حد جديد حياتي انا خلاص مش عايزه حاجه تاني 

ميرنا : اخر كام عندي يا تفكري في حوار شريف وتفكك من مراد ده خالص , يا خليكي لوحدك , لكن انا مش هقبل في يوم من الايام يتقال انك خرابه بيوت 

توبا ببكاء : بيوت مين اللي هخربها , بيت الست دي مفروض كان هيبقى بيتي حياتها دي كانت هتبقى حياتي انا 

ميرنا : بس هو اختارها هي  و اتجوزها هي مراد لو كان عايزك مكانش في حاجه هتمنعه يكون معاكي , فوقي يا توتا فوقي ومتعيشيش نفسك في وهم تاني انتي مش ناقصه 

وبعد يومين في النادي .... جلست توبا تقرأ كتاب حتى تنهي لولي تمرينها , وكان مراد يبحث عنها حتى وجدها 

مراد : ينفع اقعد معاكي , ولا هتهربي مني زي مابتعملي كل مره 

توبا : ههرب ليـــــــه

مراد : معرفش بس بقيت ملاحظ انك بتحاولي تبعدي عن كل مكان ببقى موجود فيه , وكمان مبترديش على تليفوناتي