وأخيرا عادت توبا لأحضان والديها ودفئ منزلهم , بعد معانه 3 شهور في الجحيم مع حسن وسيري .... وبعد ان وصلت طلبت ان تتدخل غرفتها لكي ترتاح ثم تفيق لتحكي لهم كل ما مرت به
نسرين بقلق : علاء انا مش مرتاحه البنت نايمه كل ده دي داخله على 10 ساعات , ده غير شكلها والبهدله اللي عي فيها
علاء : سبيها ترتاح يا حبيبتي محدش يعرف ايه اللي مرت بيه الفتره اللي فاتت
نسرين : انت ازاي رجعت وسبت الكلب ده هناك , دانا هاكله بأسناني لو شوفته
علاء : كمال بيه طمني وقالي انهم هيرحلوه مصر بس شوية إجرائات وكمان الدكتور شريف اللي ساعدني هناك قالي هينزل ويشهد معاها , انا مش هرتاح غير لما الاقيه مرمي في السجن الحيوان ده
وفجاءه يقطع كلامهم صراخ توبا
ماااااامي الحقيني
تسرع نسرين على غرفتها : مالك يا حبيبتي مالك بس كنتي بتحلمي
توبا : اايه انا رجعت معاكم بجد , بجد انتم اخدتوني من عند حسن
علاء وهو يأخذها في حضنه : اهدي يا اميرة بابي , ويلا قومي داده تحضرلك الاكل وبعدين تحكيلنا كل حاجه , علشان مافهمتش منك حاجه واحنا في الطياره
توبا : ماليش نفس يا بابي
نسرين : لا يا توتا ماينفعش لازم تكلي علشان صحتك والبيبي كمان
تضع توبا يدها على بطنها : انا مش عايزاه لازم انزله حسن هياخده مني
علاء : ياخد مين , حسن اول ما ينزل مصر هيكون في السجن
توبا : مش عايزاه يا بابي مش هحبه مش هحب يكون عندي بيبي من البني ادم البشع ده , انتم متعرفوش حاجه
حضرت ميرنا و زوجها ومعهم البيتزا التي تحبها توبا
ميرنا : قولت لما اجي لحبية قلبي وتوأمي ماينفعش اجبلها حاجه اقل من بيتزا
نسرين : طيب يلا يا ميرا حاولي معاها خليها تاكل وانا هطلب داده تعملكم عصير
احمد : حمدالله على سلامتك يا توتا , كده تقلقينا عليكي
توبا : والله انا مش مصدقه نفسي اصلا اني رجعتلكم , وكله بفضل ميرا هي اللي ساعدتني
ميرنا : يا حبيبتي انا كنت هموت من القلق ومش فاهمه في ايه
توبا : طيب اتجمعوا كلكم وانا هحكلكم
أنت تقرأ
معجزتي أنا "كاملة"
Romanceالحدوته المره دي مختلفه يمكن فيها جزء حقيقي و جزء ياريت يبقى خيال .... هتكلم فيها عن العنف اللي بتتعرضله المرأه وبيتظلم فيه الاطفال , وكمان عن اطفال متلازمة داون وازاي الناس بتتعامل معاهم في المجتمع يارب تعجبكم