معجزتي أنا "كاملة"

الفصل السابع عشر

في الطريق بعد مغادرة منزل عائلة كريم كانت توبا سرحانه وهي تقود السيارة تفكر في  ما حدث , وعاليا تحدثها ولا تجيب 

عاليا تضع يدها على كتفها : مامي انتي مش يتردي على لولي ليه 

توبا تفزع : في ايه يا لولي 

عاليا : بكلمك من كتير وانتي مش ثمعاني , هي مهاميهو كانت بتعيط ليه في الجنينه واحنا مروحين وجت حضنتني جامد وقالتلي متزعليش , هو انا عملت ايه 

توبا : لا معملتيش حاجه يا لولي هي مها مضايقه شويه 

عاليا : كيييم زعلها 

توبا : لا هي نفسها يبقى عندها بيبي صغير كده زيك علشان كده كانت بتعيط 

عاليا بأنزعاج : يعني كييم يبقى عنده لولي تانيه وبيحبها وانا لا 

توبا بضحك : لا طبعا خالو كييم هيفضل يحبك اكيد وانتي اللي هتربي البيبي ده وتلعبي بيه وتاخدي بالك منه زي العروسه ساندي كده 

عاليا : ااه لو كده اوكي يجيب بيبي 

توبا : خلاص ادعيلهم , انتي ربنا بيحبك واكيد هيستجيب دعواتك 

عاليا : طيب مامي يلا واقفي هنا في مسجد , تعالي ندخل ندعي جواه 

نزلت عاليا سريعا بعد ان اوقفت توبا السياره , وتوبا تجري ورائها لداخل المسجد , ثم وقفت لتجد عاليا تحاول ان ترتدي اسدال صلاه من المسجد 

عاليا :يلا يا مامي صلي بسرعه وندعي انا عايزه بيبي حقيقي العب معاه 

صلوا معا واخذت توبا تكتم ضحكتها على دعاء عاليا 

عاليا : يارب خلي خالو كييم يجيب بيبي صغير علشان يبقى بتاعي العب معاه , بس يارب ما تخليهوش يحبه اكتر مني , وكمان خلي مهاميهو تبطل عياط علشان شكلها بيبقى بيخوف وكده هتخوف البيبي بتاعي 

توبا : لولي خلاص يلا نروح بقى علشان انا وجدوه مايقلاقوش علينا 

عاليا : ماثي بس هو كده ربنا هيسمع كلامي 

توبا : اكييد بس خليكي شاطره وكل يوم واحنا بنصلي ندعي كده 

عاليا : طيب هاتي الموبيل احكي لكييييم 

توبا : خلاص بقى يا لولي زمانهم هيناموا , يلا بكره الصبح نكلمهم

في نفس اللحظه يدق موبيل توبا , خدي يا ستي اهو كييم سمعك وهيكلمك