سيري بفرحه: اخيـــــــــــــيرا اللي نفسنا فيه هيحصل يا بيبي
حسن وهو غير مصدق : قصدك ايه , قصدك انها حامل
سيري : اكيد , هنزل بسرعه اجيب اختبار حمل وانتت ادخل لها لحسن تعمل في نفسها حاجه
نزلت سيري , ودخل حسن لتوبا وجدها ........
في مصر
ميرنا تحاول ان تصل لرقم اسماء وتتصل بها
ميرنا : اسماء ازيك انا ميرنا انتيمة توبا عامله ايه
اسماء بقلق : ااه ازيك يا ميرنا خير في حاجه
ميرنا : انا اسفه لو بتصل بيكي في وقت متأخر بس انا معرفش رقمك ودوخت لما عرفت اوصلك
اسماء : لا يا حبيبتي مافيش حاجه , خير توبا فيها حاجه
ميرنا : بصراحه يا ميرنا انا مش مرتاحه ومش عايزه اقلق مامتها , بس توتا مش بتكلمني بقالها شهرين
اسماء تقاطعها : ايوه يعني ايه المشكله واحده مع جوزها هي مش مفروض تكلمك على طول يعني
ميرنا: يا بنتي انا مبقولش تكلمني كل يوم انا قصدي اني معرفش عنها حاجه خالص , وبصراحه ولا اهلها كمان
اسماء : يعني ايه ولا اهلها كمان يعرفوا عنها حاجه , يعني هو في بنت اهلها يفضلوا شهرين مش بيكلموها 4
ميرنا بغضب : هو في ايه يا اسماء انتي مال كل كلامك هجوم كده علينا , يا ستي قريبك ده ولا معرفش اخو صاحبتك من يوم ما سافرتله وهي مكلمتنيش غير مره , وفي خلال الشهرين هو اللي بيكلم اهلها لكن هي لا
اسماء : عادي يعني ست وجوزها ولسه في بداية جوازهم , تلاقيه يعني ما بيبقاش عايزها تفضل ترغي كتير
ميرنا : انتي انسانه غريبه اووي , يعني دي لو اختك كنتي هتتكلمي بالبرود ده
اسماء: اصل بصراحه مش فهماكي دورتي على رقمي وبتكلميني في نص الليل علشان تقوليلي توبا ما بتكلمكيش , بس جوزها بيكلم اهلها , يعني مش شايفه مشكله مايمكن جوزها مش عايزها تكلمك , وبعيدن اصلا انا مالي انا كنت مجرد وسيط في الجوازه وخلاص
ميرنا بغضب : تصدقي انا فعلا غلطانه اني كلمت واحده زيك
وتغلق الخط وتحكي لأحمد عن المكالمه
ميرنا : تقتكر يا احمد يكون حسن فعلا هو اللي قال لتوبا ما تكلمنيش تاني وهي سمعت كلامه
أنت تقرأ
معجزتي أنا "كاملة"
Romanceالحدوته المره دي مختلفه يمكن فيها جزء حقيقي و جزء ياريت يبقى خيال .... هتكلم فيها عن العنف اللي بتتعرضله المرأه وبيتظلم فيه الاطفال , وكمان عن اطفال متلازمة داون وازاي الناس بتتعامل معاهم في المجتمع يارب تعجبكم
